Fat Angelo's (已結業)

一家人包括3個小朋友外出吃飯，選擇在悅來坊的Fat Angelo's 。小朋友可能開心些﹗一到，服務姐姐立即取來3個氣球，每人一個﹗我們分開幾次點菜，又要熱水，又要冰水，服務員都有禮貌，最後還問我們是否需要帶走餘下的麵包。但食物方面就有改善的空間，所有意粉都唔熱，連焗的千層麵，放上時，一些都沒有熱的感覺，ribs就比較乾，全晚最好吃應該是pepperoni，又熱、又香、又鬆脆﹗

國慶日不想到人多的地方迫。所以與朋友一行六大兩小到此店晚膳。先點一份烤豬排配密糖芥末醬、鮮茄肉丸意粉、凱撒沙律、兒童餐\pizza、牛油炒蝴蝶粉。大慨如此。豬排烤得不錯，可是醬太甜，份量超多。肉丸意粉汁太少，感覺有點乾。肉丸很香很軟。ok!沙律一般。蝴蝶粉完全沒有味道。整體來說，還可以，多一個選擇啦﹗

前陣子跟好友到這裡食tea,環境好好,坐得又舒服,超正呀! 而且又可以將意大利粉改成天使幼麵,簡直開心死!朋友又遷就我呢! 兩全其美呢!但杯咖啡始終自己調教得麻麻地!但整個感覺好好呀!

荃灣唔係咁多呢類o既餐廳，所以上星期同屋企人黎呢道試下‥。叫左一個雜錦pizza、蟹肉天使麵、豬肋骨同埋兩杯野飲我覺得個pizza好似係OK或7仔入面果D叮叮PIZZA，淨係得芝士總之就"冇味綠素"根住個豬肋骨就勁咯，係勁難食。唔熱又勁重雪藏味，佢係我試過咁多餐廳當中豬肋骨最難食o既一間，簡直畢生難忘.........個天使麵D蟹肉又係勁雪藏味囉.....喂‥‥你地個雪櫃係咪勁得滯丫？？？全晚叫做好食o既係個餐包同埋杯意大利白咖啡囉‥‥最慘就係我亞媽‥乜都食唔到‥‥媽媽‥對唔住

又做early bird...無食下午....於是黎左呢度食...! 知道佢既麵包同沙律免費添....所以唔叫咁多野食....只叫了一個lunch set! 麵包, 沙律同蜜汁烤骨...(芥末蜜糖汁)連凍飲! 先黎麵包同沙律....同尖咀那間一樣...麵包凍..不過外脆! 沙律既意大利汁..好醒胃...! 不過...就細細碗....食完等左一陣都未黎個骨...waitress 問...要唔要添沙律....佢俾多左碗我地! 跟住黎個骨....以為好似amaroni...成排上....點知切開左一舊舊...! 個骨幾香...同蜜味濃...不過...唔太"淋"!　食完仲叫多左個tiramisu...老公見個大既都唔太大．．．就要大既．．．！酒味都咖啡味都唔重...奶味重....我地鍾意amaroni (或我整既)多!　

同個friend食lunch,好靜,無咩人,Service好好,上菜勁怏食左：硬包－香香地，好煙"un",好大個都食哂salad:just ok 幾fresh咁忌廉闊麪---好creamy麫身好但如果熱食仲好(因為太多野食好遲先食)Chocolate Tirasmisu--甜而不膩～好好食如果上菜step by step,樣樣熱食就更好啦

ｌｕｎｃｈ果陣四個人去食叫左個四人套餐服務態度幾好女侍應問我地份豬肋骨要咩汁，我地傾唔掂佢就提議ｄ沖唔淋上去用碟仔裝住，兩種汁都上埋俾我地之後個沙律未食晒，個意式什菜粉卷已經上得我冇食到個沙律好想食，但係張台已經冇位擺侍應話幫我地收左份沙律先因為個粉卷硬左唔好食如果我地食完仲想食份沙律既話可以重新整過份俾我地雖然！食完之後我地已經冇可能再食得落但係佢咁講我當時整個心情都唔同左．．．

朋友仔生日，一行五人約左食晚飯慶祝同聚舊。由於係灣仔食過二三次，都知道他們食物的份量有咁上下，所以唔敢叫咁多。而且朋友聚舊都係傾計多，大家都係諗不如食住先，等陣唔夠再叫過。我地叫左一個二人餐，再加左一個pizza (因為有沙律和餐包送)。我地都話左叫住咁多先，一陣或者再叫過。點知個侍應係咁話我地既份量唔夠五個人，係咁叫我地叫多一個大既意粉。結果係大家食左個包和沙律已經飽左三份一，最後碟意粉食左唔夠一半。侍應們有建議俾客人係好，但是都要看看客人的意思係點，冇理由夾硬迫人叫多d野食架嘛！

本人一家五口在17/5/2006去了此餐廳吃飯慶祝,食物方面,大家都覺得只是一般,Ruby Tuesday會較好,我們吃了以下四款食物:1.意大利炸飯球此炸飯球算是4款中最好味的,皮脆飯香,加埋醬汁零舍好味.2.鮮蝦煙肉燴意粉此款算是最普通,鮮蝦不大好味,意粉的質感較韌.3. 千層粉此款同Pizza Hut的味道一樣4羅馬豬肋骨大家都覺得Ruby Tuesday的肉排較好味.不過它的沙律和麵飽幾好味,重要係可以refill同帶走添,抵讚.至於最不滿的是service,人手嚴重不足,雖態度殷勤,但落order後半小時也未來,催促後才如夢初醒般急急送來,最後我們連甜品也沒試便結帳走了.總括來說,味道一般,service不好,試過便算.

Lunch去食，好好味。招呼幾好，我地有兩個人生日，有兩個甜品送，杏仁雪糕係得o既，Tiramisu太濕。仲有係忌廉湯同餐包都好Rich。辣茄膏蜆肉意粉係我欽點o既，果然係好味。今次又影o左生日相，遲下會o係網頁見倒。最後佢地推介了我們做VIP,，仲人人有一個Money Clip，永久用，幫襯時出示會有free drink，alcoholic都可以，好抵喎!都係o個句，o黎呢d餐廳要一大棚人先開心。

星期五晚兩公婆拍拖去試, 食物質素和一般中價連鎖式美國及意大利餐廳無異.份量和味道都ok, 但不要期望太多驚喜.$268二人餐包括餐飽, 沙律及凍檸茶或汽水(全可refill,餐飽甚至可refill完帶走). 另白酒青口, 白汁三文魚寬麵及茄汁焗吉列雞胸, 自選甜品兩客.(全部細Size) 胃口不大者都會好飽. 我們最終將refill咗的餐飽及兩客甜品帶走. 待應服務很好,令人感覺舒服.有bb椅及供應兒童餐.商場有泊車優惠, 惠顧三佰元可免費兩小時.

星期日下午四時和三位朋友去high tea，選擇了Fat Angelo's，因為環境幾好幾靜，坐得舒服，而且tea set 幾吸引：一件cake 加一杯咖啡，價錢是$49。咖啡非常唔錯！比Starbucks 好飲好多！Cake 方面：Chocolate Cake 不是太甜，好有朱古力味。Cheese Cake 非常好味，濃郁芝士味而且餅底夠脆，正！Chocolate Tiramisu，太勁朱古力味，完全無酒味，但味道都ok。Tiramisu 就……認真麻麻，完全唔似係Tiramisu。人不多，氣氛幾好，最緊要夠靜，一邊傾計一邊嘆咖啡食cake，感覺非常relax。這樣的價錢，換來這樣的食物和環境，算係咁啦。

曾經去過尖沙咀舊址同新址食野, 覺得整體都唔錯, 今次就試下荃灣呢間, 星期日差唔多成十點先到, 剩低只有十檯客左右, 可能太夜關係, 人手唔多夠, 仲要遇著個侍應懵下懵下, 我同男友兩個最初叫左三樣野, 佢都可以漏緊一樣, 要重新落單先有得食, 十點半last order我地再要左個甜品叫佢遲d上, 後來叫佢上時轉頭又唔記得上, 總之又要追單, 平心而論, 呢度d野食算唔錯, 只係服務質素就有待改善1) 肉丸球: 顧名思義係將d肉絞碎混埋其他配料整成肉丸, 再淋d醬汁落去, 肉丸硬左少少, 醬汁濃左dd, 不過都算ok。(2) 羅馬豬肋骨: 豬肋骨雖然唔係好多肉, 但係煮得都幾腍, 加埋d醬料一齊食好惹味(有蜜糖芥末同燒烤醬料兩種任揀)。(3) 意大利粉皮: 粉皮似厚身雲吞皮, 不過係綠色, 可能係溝左菜汁一齊搓, 餡料基本上係菜絲, 用粉皮卷住, 淋左d好似忌廉汁調味, 清清地唔會太膩。(4) 意大利杏仁雪糕: 之前食過Tiramisu同Cheese Cake, 今次就試下呢款, 雪糕裏面混左杏仁片, 仲淋左士多啤梨醬, 幾幼滑、幾香甜。P.S. 荃灣呢間菜單有大、細份量揀, 我地

2位朋友生日食飯慶祝依到氣氛唔錯, 5個人揀個4人套餐\. 每有1藍麵包可惜只得一款, 如有什款選擇會更好.1.足料餐\湯(可以揀菜湯或忌廉海鮮湯), 我自己飲個碗有好多海鮮有青口, 魚肉, 蠔, 魷魚.2. 田園沙律果醬汁配得幾好味.3.肉醬意粉ok,我覺得有D酸.4.醬燒豬仔骨配蜜糖芥辣醬, 好野味可以再燒多一點會更好味.5.忌廉菠菜卷普通D.

愚人節亦是媽子的大日子, 之前中, 西, buffet都試了, 於是今年選了在這裏為她慶祝.四個人, 點了:炸蟹餅(half) : 外表就好似一件炸薯餅咁, 但食落唔太有蟹味, 食食下覺得似食麥記魚柳包塊魚柳添紅酒燴豬仔脾(half) : 豬仔脾夠入味, 肉夠淋, 紅酒汁因加了蕃茄, 帶點微酸, 唔錯Rosemary羊仔架(half) : 外層的rosemary幾香, 份量剛好, 沒有蓋過了羊架的一點羶味煙肉鮮蝦扁麵(half) : 味道唔錯, 扁麵有咬口, 蝦亦新鮮意式野菌燴飯: 幾香野菌的香味, risotto煮得剛好, 雖然飽肚, 亦忍唔住吃多了~送的田園沙律同包包水準都唔錯, 沙律菜幾新鮮, 後再追加多一碟呢, 而包包上檯時亦熱辣辣. 加埋olive oil同黑醋搞到我都食左兩大個食完飯就到"驚喜"出場. 當侍應拎個蛋糕過來時, 問係邊位生日兼為媽子唱生日歌時, 搞到佢不知幾"驚喜"!! 而且呢度的侍應服務態度都幾好, 有笑容同禮貌, 就算係唱生日歌時, 都無話"敷衍"咁唱完就散, 起碼等媽子切完蛋糕先走開. 會再幫襯呢~