Express Bar By Lassana (中信大廈) (已結業)

由觀塘幫襯到去金鐘，由仲係用會員卡時代到轉用app, 勉強都應該可以叫熟客掛。金鐘哩間Lassana裝修咗成大半年，終於等到佢重開，本來好開心。食物依然係好食嘅，但其他方面就好令我失望。有人覺得一個set lunch $80有找好抵，係因為佢未經歷過裝修前一個set lunch 係$70有找。單叫細沙律只係四十幾，會員折咗只係$38！而家呢？細沙律要$54，仲要夾硬加杯野飲就叫做set , 於是細沙律就唔算係單品，無得有會員折…… 仲要而家細沙律只限揀3款，未裝修前係6款任揀架囉…… 就算叫set都係$68，茶要加奶唔會要加$4！然後又唔知咩機未裝好，會員到而家都無得儲分，折又無，分又儲唔到，唔知仲要個會員黎做乜。我明裝修完，又加多咗人手，價錢調高少少在所難免，但唔係一下子加咁多之餘仲哩樣唔得個樣唔得！如果唔改善的話，我諗我唔會再幫襯，雖然我諗佢地都唔至在。

今日好天氣，前往金鐘搵朋友一起食個lunch。。商業區食d咩好呢，想想想，想唔到！！朋友話中信大廈新開左一家cafe，名字叫Lassana cafe，好熟的名字，抱著是但的心態，試下有咩所謂嗻，立馬走！朋友食嘅係蟹子煙三文魚意大利粉，很正！包買一杯低糖水果茶，超級抵，得＄72 蚊！我係咖啡控，練左全日英式早餐，(包埋咖啡，咖啡可以任選) 請見我的圖片，價格真系令我驚訝，只有兩位數。咁樣的價格在金鐘邊度搵得到，簡直太驚訝，老闆娘人也超級nice，會過來問下口味okma之類，總之會再來幫襯d！祝生意興隆！

今天剛好到政總工作試食中信大廈這間lassana想不到即叫即抄意粉令人回味無窮本來因為不是很餓所以特意請廚師不用煮整份但後來後悔了吃過才知即抄的新鮮好吃加上煙三文魚份量足還有蟹籽整個就是吃不夠呀讓我很想快點可以再吃下次必定再幫襯沙律的款式多而且配搭清爽很少見有「番石榴」（不知對不對）香甜醒胃麻醬秋葵也很美味Mocha也比我意料中的更好喝朱古力味很香濃甜度適中最後還加叫了咖啡朱古力蛋糕朱古力迷的大愛呀十分滿足呢

約朋友下午茶，見到呢間D食物整得好靚，座位又闊落所以試下。點咗一杯Cappuccino，味道好香濃，仲有我至愛嘅三文魚、牛油果牛角包，食材够晒新鮮甜美。朋友就試咗伯爵蛋糕同沙律，味道清甜，材料豐富，同樣都好滿意。價錢亦合理，以呢區黎講好抵食。位置都幾方便，金鐘地鐵站E2出口經過天橋入中信大廈轉左就見到。聽講呢度最出名嘅係榴蓮芝士同伯爵茶芝士蛋糕，可惜今日已經賣晒了，下次會帶埋小朋友黎試多幾款蛋糕。

與友人相約lassana 中信大廈分店，以咖啡輕食爲主，環境舒適乾淨，咖啡蛋糕🍰也很講究，有蛋糕芒果🥭、拿破崙、草莓蛋糕🍓......最出名係榴槤芝士蛋糕，伯爵茶芝士蛋糕，下次各種口味都想試吓，喜歡榴槤的人都可以來嘗嘗～～今日約咗朋友們一起係lassana 中信大厦金鐘地鐵E2出口，出來就是天橋，直行見到大家樂進入中信，上樓梯就見到了。

午餐好抵食，雖然又食唔到黑松露煙肉燒雞墨汁包，好難搶！但牛油果碎蛋煙三文魚牛角包配2個沙律，送低糖荔枝烏龍茶都係80蚊有找，沙律姐姐還主動畀多個沙律我試，推薦鴛鴦薯，黎麥紅菜頭，雜菌和薯仔雞肉沙律，佢還話星期一早餐推出英式早餐All day breakfast，咖啡免費一定要去試下！聽說榴槤芝士餅和伯爵茶蛋糕都好味，午餐+22蚊 可惜太飽食唔落啦！搵日下午茶去食，可惜榴槤芝士蛋糕冇切件賣，一個人好難食一個哦！

下晝揀左Lassana cafe同一班同事下午茶。飲左杯泡沫咖啡味道幾香濃，一個三文魚牛角酥真材實料、一件伯爵茶蛋糕，同事買左沙律，份量都多，口感亦新鮮。伯爵蛋糕值得一試，甜度適中CP值高，最後仲買一個蛋糕拎返屋企，繼續享受。個位都算方便，由金鐘地鐵E2出口接天橋，一入去就見到Lassana,因我哋入果陣已經3:15，店舖近收工時間，所剩的食物選項唔多，幾款想食既飽、蛋糕都賣晒，聽同事介紹榴槤芝士蛋糕出名好食，可惜一早賣晒，唯有下星期再早d過去。

☕️熱朱古力很好飲，味道濃郁，還有一隻可愛愛小貓綿花糖🐱☺️很可愛！💞也嘗試了藍莓芝士蛋糕🍰和自家製的沙律🥗，沙律的款式種類很多，有水果🍉、沙律菜、蕃薯🍠、薯仔🥔、西蘭花🥦等等，可按著自己喜好選擇，可見店主的用心和細心準備。👏🏻👍🏻💕下午茶的人流較少，可以與朋友休閒地坐著聊天，並品嚐著美味的食物！是一個不錯的地方，而且這段時間也有不少位置可以坐，兩三個朋友相聚也時一個很好的位置。

地點方便，沒帶雨傘也不怕，沿途下大雨也不怕。以金鐘站來說，這個價錢非常便宜，但不會因為便宜而影響食物素質。沙拉食材健康，熱朱古力好正，一定再來光顧。有機會要試試早餐。

朝早行過咁少人排隊，就走左去買個早餐食。諗住都係求祈叫個蛋啊魚啊飽啊咁，跟多杯latte。見個姐姐係部咖啡機咁耐都未出黎，本來有少少㷫。但出黎竟然見到隻咁可愛既兔仔，我同同事都笑左出黎。 少見food court 咁有心機，讚啊！❤️

成日係金融商業區都見到【Lassana】原來係香港本土品牌，全部食品、飲品都係香港製造最近愛上飲Earl Grey，行經見到【Lassana】有新口味伯爵茶焦糖芝士蛋糕即刻買一個，我對芝士蛋糕真係無抵抗力，仲要係最近愛上嘅伯爵茶味！睇真d原來同TWININGS合作，更加期待食落果種茶香，店員講個蛋糕係用澳洲Cream Cheese做，蛋糕底係脆口餅底增加口感，係雪櫃拎出嚟等15分鐘先食係最佳食用方法！Venus 乖乖等咗15分鐘就切嚟食，第一啖味道係食到面層焦糖甜甜地，之後好香好濃芝士味，但有伯爵茶中和後唔覺膩，仲有淡淡佛手柑香，唔同一般芝士蛋糕食半件就膩，Lassana 伯爵茶焦糖芝士蛋糕我一口氣食到半個！當日買蛋糕時店員推介我試下佢地採用自家烘焙豆，長時間12小時萃取的「有氣冷萃咖啡」。本身我對咖啡無太大興趣，不過聽店員講同香港汽水廠合作，咖啡加入CO2，飲出嚟好似啤酒口感，見幾得意～屋企果位又鐘意飲酒就買埋。試飲咗有氣冷萃咖啡，除咗個樽似啤酒，飲落口感真係似啤酒，我會形容為咖啡味啤酒幾獨特，話說我都係第一次聽到有氣咖啡。

Coffee not hot enough, no oatmeal base for mocha. However it is done so much better in sanpokong branch where you have your choices for everything.

上次唔記得系邊度見過呢間店，今次系金鐘見到就入去睇睇，原來系連鎖店，聽講呢度噶栗子蛋糕幾出名我就跟風買左一個試下，賣相都幾精緻噶，有六層栗子蓉口感真系唔錯而且蛋糕好鬆軟，真系冇講錯啊！下次會黎試下其他蛋糕！

無聊嘅時候，去左金鐘呢繁忙嘅地區行下街，然後睇下有啲咩食，同預計一樣有好多天價嘅餐廳，又預料之外地比我搵到一間抵食嘅地方我叫左個set lunch $65大大盒，外賣盒又方便我行住食味道方面：蔬菜果然好新鮮，常見嘅蕃茄、青瓜、粟米粒、火箭菜、甜洋蔥同生菜，再配上酸酸甜甜嘅沙律醬，十分之開胃除左蔬菜，營養搭配都做得非常好，呢個set lunch仲配左一條煎魚，蛋白質足夠，味道亦都唔錯總括而言，係健康減脂之選，各位OL不妨可以去試試

今日做乖乖女，因爲我不吃榴櫣的，而媽媽爸爸都鍾意食，聽食友話響金鍾買左個勁好味嘅榴槤芝士蛋糕，叫我去買嚟試試，原來佢唔只得金鐘有分店，觀塘同大坑銅鑼灣都共有六間分店的！金鐘最近我，落mtr行幾分鐘就到。 去到時，佢已經開始收舖， 但係我話特登來買蛋糕的，店員都很好咁拎俾我，無趕收工的表現，要俾個讚佢，及後，佢話依個芝士蛋糕有原味的，如果鍾意依個質地，下次可試買原味。 返到屋企媽媽知道我買左依個芝士蛋糕，暗暗歡喜， 食晚飯到無食得太飽，休息半個鐘，就拎出嚟切，因爲返到屋企，我將佢放左入雪櫃，切起嚟都夠實，有啲似New York Cheese Cake, 個面係似Crème Brulee, 糖面夠脆，同有啲焦香，咬落去就有啲食緊榴槤肉咁，質感夠滑夠Creamy, 重榴櫣味，亦有榴槤絲，就算唔係"當做"都食到果王。一個蛋糕如果兩人都要分三次食，咁“艱鉅”嘅“工作”，留返俾父母大人完成先！ 下次要試吓其他味道先!