EXP

营业中

休息中

今天有一個空閑的下午，來到＂又一城＂的 EXP 餐廳，坐到一個可以望見溜冰場的座位，邊食嘢邊睇溜冰……😜點咗甜品＂麵包布甸配雲呢拿雪糕＂，外加一杯 Café Latte 。等咗２０幾分鐘新鮮出爐的＂麵包布甸＂賣相好得，口感不太甜，外面少少脆，食落有好濃郁的蛋香味，要趁熱食。嗰杯咖啡無論賣相還是味道都差咗Ｄ。

鍾意周圍食嘅我今次又出動去咗九龍塘又一城，今次試左喺溜冰場隔離既餐廳 EXP ; 餐廳以開方式裝修，感覺十分開揚及舒服。二話不説既我，坐低就即刻攞起本 Menu 睇下有咩好食先，點左一個 Pizza，一個小食拼盤，一個軟殻蟹沙律，同埋一個白汁意粉。小食拼盤分別有，炸薯角，炸雞翼，沙律及芝士蛋糕 ; 炸薯角配上肉醬，味道恰當好處 ; 炸雞翼的皮炸得很脆，而且重大大隻 ; 而最出人意表的是芝士蛋糕，係外面食到的芝士蛋糕都係好漏的，但呢度出奇地不漏之剩而且芝士味重很濃，值得一讚。軟殼蟹沙律都還可以，但如果軟殼蟹份量再多 D 就好喇。 而白汁意粉同 Pizza 味道都正常，沒有什麼特別驚喜。而每個餐都會跟一杯飲品，我自己就叫了杯甘筍汁。味道很濃，不像有 d 餐廳會溝水。

黃昏六點黎，直行直入。諗住食少少野之後去睇戲，兩個人叫咗兩個小食、一個意粉，同埋一杯飲品。（1）炸粟米蝦餅（$58）價錢唔算十分平，因為只係得三舊，但件蝦餅都幾彈牙，都幾好食啦。（2）馬來西亞沙嗲雞串（$48）有4串，都燒得幾香，個沙嗲醬都幾惹味。（3）蜆肉意粉（$88）呢碟意粉碟頭頗細，一個人食剛剛好。蜆肉份量唔多，幾清嘅一道主食。（4）超級瑪利（$35）呢杯係一杯勁似五青汁嘅飲品，成份包括番茄、青瓜、西芹、芫萎、海鹽同黑胡椒，好健康啊！埋單連加一要$251.9，食少少嘢都要呢個價錢，真係百物騰貴了。

好食嘅因為睇完戲唔會諗咁多所以一定去呢間啱啱遇着中午時間比較人多但係都好快15分鐘可以入座今次都係坐喺溜冰場側邊可以一邊嘆住午餐一邊睇人溜冰真係幾舒服今次都係叫咗水牛城雞翼沒有改變都係外脆內嫩超正再叫咗個Pizza上邊好多香草同埋三文魚pizza個底一樣煙煙靭靱最好就係熱騰騰上枱見到對面枱食個焗豬扒飯好似幾好味所以有我一個真係喎豬扒仲要係又香又林外脆內嫩值得值得推薦給大家一試之後一定愛上哈哈哈哈哈

睇完戲肚餓，戲院隔離係呢間餐廳見到都幾多人排，但朋友話想食，就陪佢排下啦睇到佢個menu，咩野菜式都有得食😮西式，日式，馬來西亞都有👍🏽等左15分鐘就入得去，都算幾快，可接受Staff安排左我地坐玻璃隔離，可以望到人溜冰👍🏽我地嗌左牛油果大蝦pizza同埋個清酒蜆意粉兩樣野都好好味丫👏🏼👍🏽真心讚另外仲有嗌左個軟殼蟹salad不過唔記得左影相。個salad都唔錯，係有d辣，個staff都好細心，落單前會問我地洗唔洗點唔辣👍🏽埋單300蚊兩個人，都可以接受😋

前排嚟咗EXP食~ 兩人叫咗三款嘢~有"大蝦牛油果醬薄餅", "水牛城雞翼"同埋"煙鴨胸蘆荀炒飯"~ 第一樣嚟到就係水牛城雞翼~ 呢度水牛城雞翼係唔辣嘅~ 淋上去既醬汁味道同普通燒烤醬差唔多~ 味道中規中距啦~ 我覺得有啲辣味會好食啲~ 不過就勝在外皮都脆同埋熱既~ 之後好快就上埋煙鴨胸蘆荀炒飯, 呢個飯就令我地有啲失望...又唔可以話呢個飯難食, 但感覺好普通...似中式炒飯味! 炒得都麻麻地, 見到有啲白飯痴埋一舊~ 色水都唔均勻! 除左味道極普通之外, 份量亦都唔太多同埋唔多夠熱, 下次唔會再叫呢個了! 呢個飯都要$82..我覺得唔抵食~ 而最高分就係個大蝦牛油果醬薄餅啦~ 味道幾清新~幾好味! 上面有啲牛油果醬, 碎蛋, 蟹籽, 大蝦~ 大蝦入口爽脆好似好新鮮咁~ 再加埋其他配料有唔同既口感~ 個餅皮亦都鬆軟~ 雖然有啲焗燶咗, 不過overall都唔錯~

今天原本是屬於6個八婆組的飯局，最後臨到約定時間前各人都因不同事情而不來，最後剩下我們三。上星期才一聚，今天又來個即興改陣的下午荼，地點亦由原來的觀塘轉戰這裡。雖然今天是假日，但不用等位便能即時入座。我們各自都點了想吃的東西，一友人點了一客pizza，因她肚子餓；另一友人與我點同樣的東西，自家製芝士蛋糕配雪糕，我點了朱古力味的。友人的pizza忘記了幫它拍照，她表示不錯吃，但一人無法把定完成，最後亦打包餘下的，不浪費。我和另一友人的芝士蛋糕亦送上來，蛋糕比我想像中大件，長條型的，旁邊配有一球自選味道的雪糕。芝士蛋糕是凍的，應剛從雪櫃裡拿出來，我個人真的較愛這冰凍的口感，有點像雪糕蛋糕，蛋糕質地較為結實，芝士味道慢慢滲出，餅底亦尚算扎實，配上朱古力味的雪糕亦，再添一份甜蜜，這款蛋糕我個人頗推介。最重要的，還是與兩位摰友的談心時間。

I strolled along in Festival Walk alone for around half an hour, but still couldn't think of what to grab for lunch! Dropping by EXP, I thought of the large soft shell crab salad that I had before. It was super crowded on a Sunday noon, but luckily I managed to get my seat 3 mins after waiting. Remember to get the waiting ticket early!Waiting somehow didn't justify that long (not for my case), as there were constantly empty seats unoccupied within my sight. People kept queueing and waiting outsi

是晚約了好朋友相聚聊天，可惜因事遲大到，臨時更改晚飯地點。可能因為星期五晚的綠故，好幾間中價西餐廳都大排長龍。等了近一小時，最後在EXP落腳。餐廳環境有少許嘈吵，但還可以接受。由於座位對著風口，但是晚全場爆滿，未能成功調位，餐廳工作人員友善地配合把風/冷氣調低。另外他們的服務態度整體不俗，入座後很快舖上新餐紙、放上餐具、遞上餐牌、就連給我和朋友拍照留念都有求必應！讚！~好餐廳最重要還是食物本身~我們點選了三款食物：軟殼蟹沙律前菜：軟殼蟹"淋"的不夠干身脆口，食落沒有蟹味只有油炸味大蝦西柚芒果蕎麥麵意粉類：蝦還好，西柚汁酸酸甜甜幾清新，配蕎麥本是不俗的，可惜汁不夠多，致使蕎麥麵味道太淡。配料及麵好像是各自各存在而不是一體的菜式。巴馬火腿菠蘿薄餅 薄餅皮不俗，火腿分量足，如果可以多放一點菠蘿效果更好。整體評價：賣相好吸引．食落好一般

呢間通常都要排隊等位, 不過是晚比較夜嚟到, 所以一嚟到就唔駛等有位嘞兩個人點咗:水牛城雞翼每次嚟都必點, 因為雞翼炸到外脆內軟, 再被啲酸酸甜甜微辣的醬汁包住, 一試必愛上墨汁帶子意粉又係常點的, 墨汁味濃, 帶子煎到表面微燶裡面軟滑, 食到個咀烏卒卒都冇所謂啦~今次揀咗呢個腸仔PIZZA, 不過不失, 但呢個啲PIZZA皮就略厚, 我個人鍾意薄批多啲今次咁啱坐响甜品廚房隔離,睇住師傅整甜品真係好想order, 不過太飽了, 下次再試~

星期六六點幾攞位，等左一陣就有。叫了大蝦牛油果醬pizza，香芒紙米卷，pizza 份量多兩個女仔啱啱好。雖然pizza 有D燶，但味道好👍🏻，價＄又平，抵食過simplylife....

友人補祝小妹生日，讓我在EXP和慕茶中選一間。由於我對墨魚同貝類完全冇抵抗力，不用思考就選了有墨汁帶子意粉既EXP。星期五晚收工去到大概8點，門外頗多人等待，但兩個人睇左5分鐘溜冰就入得。細枱似乎都幾多，人少不用怕等位。（美中不足係坐在近門口位，一開始人多有D嘈吵，食一陣先靜番，不過可以望到溜冰都幾得意呀）講咁多⋯食野先燒帶子軟綿帶少許焦香，建議不要撈墨魚汁食，會搶走鮮味。重點意粉，濃黑creamy，意粉軟硬適中，容易捲起，超出我預期質素。分量不小。注，一個人食可能會膩，女仔食要小心變黑唇，小妹好小心都黑左小小，最好帶定鏡仔。男仔就隨意啦⋯軟殼蟹好似有5舊，大大件，可惜不太熱有點淋，但味道還好。沙律好好味，侍應見我地唔食太得辣，主動開口話沙律汁另上，不過其實沙律dressing絕對冇譚仔十小辣，大可撈定先（接受唔到咸沙律可考慮汁另上）。沙律汁咸香中帶點魚露既鮮味，走酸甜路線，同沙律菜中既炸蒜片十分夾。仲叫左杯大CCup, 入口似橙汁，餘香有草莓味，奇異果增加口感。不算很特別，就係一杯果汁，口渴都可以點黎飲飲。食野途中睇溜冰都幾好，有情侶扶住手學，小朋友跌跌撞撞，業餘人士轉下靚靚圈，感覺

這晚同朋友在又一城食晚飯，我選擇了去EXP，因為這裡座位比較多而且坐得舒適，只是比較接近溜冰場會嘈一些，如果喜愛欣賞溜冰這裡是個好地點！這是我最愛的椰菜沙律，配用麻醬汁酸酸甜甜，加上烤香芝麻粒非常可口。星洲喇沙湯麵，靈魂所在香濃喇沙湯底配上彈牙麵不用一會已 KO 哂沙嗲串燒雞肉，愈食愈惹味藍苺雲呢拿雪糕班cake 香甜軟滑有焦香完美的一個晚餐

2017 年 03 月19 日 (日)懶洋洋星期日，遲醒食個下午茶當午餐是常態吧～係又一城行完一陣，好random 入左EXP食。Hot Cappucino ($24)Afternoon tea 一杯咖啡係走唔甩。自己有個習慣，去d唔錯嘅西餐廳同cafe，都會先試泡沬咖啡，睇下沖得hea唔hea。EXP呢杯一點都冇失望，泡沬放左兩個字都夠firm 夠企身。而咖啡濃滑，最重要飲落一d都唔會酸。價錢又相宜，很棒！ 燒帶子墨魚忌廉汁意粉 gilled scallop spaghetti with squid ink cream sauce ($98) 呢個墨魚汁意粉，意粉幼身彈牙，忌廉份量剛好，令個汁很滑，不過無咩味道＞＜ 帶子上菜都係keep住暖身，燒嘅時間似無over,帶子keep到彈身，一d都唔實同硬身。唯獨放左一陣就好易凍左。香草肉腸薄餅 pork and beef sausages pizza ($84)一上菜，呢個薄餅好吸晴又好香 憑薄餅邊質地、厚度、色澤已有好大樂感！薄餅冇overcook。一拉，芝士一絲絲拉到一個手掌位。食落薄餅身係軟，連埋咸咸地嘅腸仔，真係好，好，食推總結：

又一城食店除左food court 都不會太平，但驚喜是環境舒適，食品又好味👍🏼還有鮮果汁店可供外賣，一D都無加工😋價錢相宜，適合一家大小、朋友、情侶去吃由頭盆、沙拉、意粉、pizza 及至甜品賣相一流，細微至用具（防熱枱墊）都別具特色。最欣賞餐牌簡單，有圖有解釋，適合我呢D選擇困難症人士店內裝潢設計型格寬躺，有懶人喜歡的沙發、高枱都很舒適而且有掛鉤可以掛袋我隔離左右對面的位置都寬闊。至於食品質素不差，以這種價錢真的非常好，值得一試。不過沒有訂位服務，要預早落飛呀⋯⋯