影片
更多
2016-10-21
651 浏览
幾好味既野食，叫左春卷，Mango Lassi, Milk Tea, Momo Chili, mutto curry, chicken curry, puri 好好味 首先講下價錢，主菜都係五十上下，其實以一般印度野黎佢算係平嫁啦 春卷，岩岩炸起，好脆，好多菜係入面，令佢脆而不膩，加上特別既辣醬，脆起上黎帶少少酸辣，令人食指大動呀Momo Chili, 好味到唔記得左影相大大隻人手包既餃子，先炸到個餃子邊脆。然後，加上辣汁炒，辣中帶點脆口，但係又有餃子既林身，餃子又係多餡到就黎爆出黎咁，岩岩又中和番個個辣汁既辣，又係人手包，隻隻都勁有誠意既餃子，講完都想食多次，總之就係好食！Mango Lassi, 我去親食印度野都要飲呢個，因為真係好好飲。今次仲係少冰既添上咁就更加原汁原味啦奶茶，自問我好愛飲印度奶茶嫁啦，呢度既奶茶係我飲過至好飲既！ 一聞就係好香好香既香料味，一入口係好濃郁既奶茶味，甜度既比例岩岩好，唔會太甜亦唔會太淡。佢係既茶同奶既比例配個得天衣無縫，佢既茶比奶多少少，令個奶茶既味道成個點綴左出黎，真係講起都想飲番杯呀到主菜咖喱同埋Puri, Puri 炸到好酥好脆夾埋咖喱真
好好味
首先講下價錢，主菜都係五十上下，其實以一般印度野黎佢算係平嫁啦
春卷，岩岩炸起，好脆，好多菜係入面，令佢脆而不膩，加上特別既辣醬，脆起上黎帶少少酸辣，令人食指大動呀
Momo Chili, 好味到唔記得左影相大大隻人手包既餃子，先炸到個餃子邊脆。然後，加上辣汁炒，辣中帶點脆口，但係又有餃子既林身，餃子又係多餡到就黎爆出黎咁，岩岩又中和番個個辣汁既辣，又係人手包，隻隻都勁有誠意既餃子，講完都想食多次，總之就係好食！
Mango Lassi, 我去親食印度野都要飲呢個，因為真係好好飲。今次仲係少冰既添上咁就更加原汁原味啦奶茶，自問我好愛飲印度奶茶嫁啦，呢度既奶茶係我飲過至好飲既！ 一聞就係好香好香既香料味，一入口係好濃郁既奶茶味，甜度既比例岩岩好，唔會太甜亦唔會太淡。佢係既茶同奶既比例配個得天衣無縫，佢既茶比奶多少少，令個奶茶既味道成個點綴左出黎，真係講起都想飲番杯呀
到主菜咖喱同埋Puri, Puri 炸到好酥好脆夾埋咖喱真係好正，佢又俾左個配菜薯仔傘我地食，真係好好食
個咖喱雞，佢俾左成隻大雞脾落去
仲要先去皮煎香過再落咖喱，正呀
經理又好好人，好體貼客人既需要，主動送上水俾人解辣，因為香港人普遍都唔太食得辣。
臨走，佢仲俾左個小小既甜品俾我地食，呢個係用黎將口腔既味道去除既，真係超貼心！我第一次，無錯，係第一次見到有啲咁既野，經理亦都好細心咁介紹點食同有咩作用。
價錢公道，味道唔錯，貼心既經理，充滿誠意既食物，仲要環境舒服，廁所又乾淨。一定要再黎呀
张贴
