euro go go (已搬遷) 新店位置

已經來到上了癮的euro go go~最鍾意食佢既雞翼，chocolate cake, 意粉都不錯~Pizza 就麻麻地，個人都係喜歡pizza hut o個隻多D~講番雞翼，每次都係必叫的。因為對spicy one 有偏愛，所以次次都食spicy~Cake 都係上次下午茶初次嘗試,真係好鬼chocolate!下次都仲會試^^意粉中等啦，不過在旺角朗豪坊食過墨魚意粉唔敢再試，其他的如芝士吞那魚都不錯~之前食set時試過既芝士煙肉薯蓉都好好味~!最近推出左張member card, 好似八達通咁扣數，又要增值。之前都諗住好麻煩唔申請，但係又好似成日都會來，又有coupons(1個百寶pizza,下午荼平$10,套餐買一送一,Capuchino 買一送一, etc.)，所以申請左了。

無o黎一排，又來個「幾番新」：原本是想去金牌坊中食鑊仔/鐵板意粉的，但金牌坊現竟變成「麵軒小歇」、「麥奀」、「海皇」等「鉅子」的據點...。在這裏歇的原因，是因是第一店，也是眾多euro go go 中唯一一間幫襯過的。年多前仍車水馬龍；現今車水和馬龍都不見了，倒多了幾個「吉位」。以前想食蒜蓉包必須等15-20 分鐘且須為外賣，但現在吃甚麼也是5-10 分鐘上場。雖然欣賞速度上的改善，但...仍是那句：分店的數目往往與整體質素成反比。這Banana Caramel Cheesecake 便是一例：Cheesecake 無cheesecake 味，又唔似moussecake 味；欣賞banana 一叉就散，但換個角度而言，太熟，同太甜。Caramel 嘛，唔好expect 有焦糖漿- 連焦糖味都差點欠奉。在外頭見到euro go go，耍首擰頭；回到地投，難道要我啐一句：「點解你仲未...」

下午又可以同傻鬼就到時間一起食tea. 叫左個肉醬薯容, 咖哩牛肉pizza加2杯可樂. pizza幾好味, 係薄底既不過有少少嫌係又d似食餅乾咁, 不過味道尚可以. 肉醬薯容都幾多下同埋食食下會有d漏....不過所有食物都叫即叫即做.

第一次去呢度食野，朋友力推呢度d野食又平又好食，一試無坊。2點零入到去，佢d下午茶餐都唔岩我口胃，唔係蛋糕就係甜點。最後都叫左個tea set，芒果pancake配coffee$18，再叫朋友推介既pizza，千島海鮮半底$32，額外叫杯奇異果果汁$15。pizza個份量得紙碟既一半，即係得3件好細件既…咁計法非常唔抵食﹗(朋友講佢平時一至五黎食tea，$25已經有半底pizza同飲品)味道，非常普通，好在朋友唔餓淨係食左一件，不過我食2件都唔夠飽=.=個pancake普通貨色，芒果太熟cream太多，又係唔抵食的﹗個果汁味道怪怪，不過得呢樣最抵飲，ok大杯||||||見人地食飯呀意粉呀雞翼呢d小食就好鬼正又好鬼香，雖然好似好吸引，不過都要諗下會唔會黎過lu。

食左半個pizza, 仲有雞翼,焗薯蓉,全部只係ok級數, pizza,夠薄身且脆但好乾, 雞翼一般唔太差(但又唔太好囉!) 焗薯蓉最唔好—似乎太油喎!雖美味但太唔健康喇(薯仔應該健康d嘛!)講到咖啡,嘩!呢度唔係sell咖啡既咩?我覺得唔係太掂喎!

今日下午茶來食西餐－買完票就坐低等野食，哩間鋪好唔環保，用膠碟膠兜膠杯盛載食物，鋪面較細，無位洗碗．．．１．半份即三件百寶薄餅（辣腸，蘑菇，青椒，肉碎）－無咩味道．２．芒果鴨胸－配合得幾好味．３．茄汁墨魚意粉－幾好．４．芒果芝士餅－一般啦．

近近地去奧海食晚飯,要左份蜜糖燒雞亦,半份pizza,仲有一杯凍cappaccinno。蜜糖燒雞最正!燒得好香,加左蜜糖又甜甜地.有少少燒烤風味,一盒有成五隻,不過唔應該食咁多,因為講真都幾油…pizza就比較遜色,脆度不足,個皮有少少”包”質感,又好似好dry咁…個凍cappaccinno仲衰,因為太苦太苦,我受唔到…總括而言,只有雞亦ok咋!

好耐之都去過呢間餐廳食下午茶, 都唔錯. 所以今日回味番. 叫左個芝士香腸焗意粉+cream coffee. 個意粉都唔錯, 幾好食, coffee都ok.下次都會再黎.

有個星期六要去保齡球場參加生日會，你無睇錯，Ling 場係可以包function room 開party 的，開得p 的都係10歲樓下的未來主人翁，唔通特登包場睇劉華碌ling咩。言歸正傳，今次不是評保齡球場生日會的食物，而是生日會前的前菜- 蜜糖焗雞翼。係就係即叫即做，但係用歐陸風味為主打的餐廳竟然用百花蜜焗雞翼，唔係o下麻?! 係好平的超市燒野食之寶百花蜜! 一定無食錯! 焗得幾香都係咁話。係杯即磨咖啡正路d咋。請大家唔好趕時間才去，因為起碼20分鐘先有得食。我隔鄰等蒜蓉飽外賣的女士大大話話都等了25分鐘。話時話，我個晚真係見到劉華同黃日華碌ling!

午飯時間, 胃口欠佳, 見這裡有個焗法包set meal, 便姑且一試.我點的是菠蘿辣雞法包, 不過怕漏, 所以叫店員走芝士. 等了10分鐘才有得食, 法包烘過, 又熱又脆, 就算沒有下芝士, 餡料的味道也夠, 不過沒什麼辣味. 跟餐的磨菇忌廉湯就一無是處了. 用匙羹由上到下翻了幾翻, 都沒看到任何像磨菇形態的物體, 而且質地很稠, 是典型的生粉糊仔, 味道又一味死鹹, 喝了兩口便放棄.整個餐主角得配角唔得, 但考慮到只賣$22, 都算抵食, 下次再叫就情願加幾塊錢配飲品.

有一次放工叫外賣預先打去, 一來唔想等太耐~二來怕過左last order本案想要一客芝士火腿牛角飽但係佢轉頭打電話黎話無,就改左客蒜茸飽最好味依然係個焗薯皮~正~蒜茸飽就ok啦~~個pizza就乾身左少少~其實食過幾次,佢地總係有d食物會間中無的~希望會改下啦~唔想次次想食都食唔到~

打完保齡﹐去飲野﹐奧海城的選擇不算多﹐朋友見到呢家咖啡店有露天座位﹐便提議去試一試。可惜露天位置已經全滿﹐而且都有人在吸煙﹐所以我們只好隔玻璃﹐坐在露天座位的旁邊。飲品種類好像很多﹐但都只是普通的expresso、latte等等。我見到有honey latte﹐便要了一個來試試。這家咖啡店的裝修確實簡陋﹐椅子不算舒服。香港的咖啡店﹐總是做不到台灣、韓國或歐洲的那種細緻和優雅的風味。凍的honey latte要24元﹐不算特別香滑﹐亦嘗不到蜜糖的味道﹔這樣的環境﹐這樣的質素﹐未能合格﹗後話是露天空地有幾隻活潑小狗在嘻戲﹐有chow chow、芝娃娃、西絲犬﹐如果我都有四隻腳一條尾﹐唔使做就好喇﹗

去到奧海城, 間間食肆都都排晒隊, 去到地下個層見到Euro gogo, 上次係沙田見到已經想去, 因為佢個d野食好香, 好有以前陽光一代個種feel, 所以今次係奧海城又無咩人, 食番次先!!叫左個辣肉腸焗意粉$35, 菠蘿雞肉脆飽$18, 咖哩牛肉pizza$40, 一杯iced cuppucinno$20同芒果奶$20pizza的size不太大, 係一隻紙碟size, 咖哩牛肉有好多, 咖哩味不太辣, 但味道ok, 但係個d肉碎過頭, 食落唔夠口感, 餅底當然唔會可以好似pizza hut咁好啦, 佢個餅邊又唔係脆又唔係唔脆個隻, 真係好有餅乾feel, 個餅底就薄過頭, 一拿起塊pizza就feel到太軟身啦, 不過味道都ok.辣肉腸意粉有五片辣肉, 其實$35唔係話真係好平, 收得呢個價係應該比多少少料啦唔該!! 個意粉用忌廉sauce, 味道都唔錯, 唯獨係無咩料啫, 菠蘿雞肉飽係令我最有驚喜的一個, 係即制的, 上枱時係熱辣辣, 個飽係百吉, 不過燒過時, 搞到個飽係完全脆晒個隻, 一咬落去碎到周圍都係, 食得有少少狼狽. 不過個菠蘿雞調咪好正, 不錯不錯飲品方面, 男友

星期日行過突然想食野.入去試0左個焗飯都ok 啦~. 冇咩驚喜女朋友試0左個Cheesecake話冇咩特別wow~.

went there twice & Tseung Kwan O before.I had potatoe skins, garlic bread, pizza, cold chocolate, mango drink.took them at least 15 mins to bake the garlic bread, it was worth the wait!!pizza crust was like eating "bread", didn't like it that much.drinks were good.I sat outside to enjoy the nice weather on a Sat