euro go go (已搬遷) 新店位置

同朋友去食個 lunch, 其實 d 野都唔錯, 幾好食又唔貴, 值得試 吞拿魚醬芝士法包 $24: 個法包烘到脆脆地, 裡面 d cheese melt 晒, 又有 garlic butter 既香味, 好食!!! 如果可以多 d d tuna paste 會好 d, 而家有 d "妹仔大過主人婆".朋友 order 左 蕃茄 mushroom 焗 pasta, 佢話都好好味~本來叫西柚 juice, 不過冇晒, 要左個 mango juice, 麻麻地;朋友既 iced peach tea 都 ok.美中不足既係, 呢間野外面係 cafe, 不過 d 野食黎到之後覺得有 d 麥記 feel: 所有既用具都係即棄, 又膠叉又錫紙兜, 唔 environmental friendly 之餘仲 cheap cheap 地.....

上次嚟已經係幾年前既事近排都好耐無食過pizza,所以今日轉轉口味先牆上既餐牌好簡單,好快就叫左自己鐘意既食品~~~一個pizzla一客焗薯皮一客意粉一客凱撒沙律去既時候好少人,可以坐4人位,一坐底就玩下相機,睇下旅遊書~~~話咁快d食物就上枱喇 凱撒沙律,感覺好新鮮意粉,肉醬味好重好濃焗薯皮,我既至愛Pizzla,好足料,薄薄地,皮邊卜卜脆雖然味道好好,但係店內選用既紙碟,膠叉,石紙兜就非常之唔環保,希望會改善

14-6-08 (六)這裏原來是自助形式，全用即用即棄餐具的，既來了，也試試吧。叫了一個香草海鮮意粉和半份千島海鮮薄餅。薄餅先來，餅底雖脆，但用料不佳，蝦仔沒有味，魷魚仔還是腥的，蜆仔還算好，因為沒有沙，最好吃的是菠蘿--平時也不愛吃的罐頭菠蘿！意粉來到，賣相已嚇一跳，好像學生快餐一樣，材料和剛才的薄餅一樣，加上數小塊龍利柳，不如不加吧，因為從未吃過如此難吃的龍利柳，全無味道，好像雪藏了許久。說到意粉，由於喜歡吃，近年都吃過不少吧，自己也曾動手煮，不能理解怎樣才可弄得這般味道。

上次光顧此系列店的時間，已經是幾年前的時候了~經過中午黑雨點心期間，開始在腦內盤算一會要去那裡。突然，腦中閃出一位食友的食評，說有一店的蛋牛治深得他心，也因為這關係，也就決定了下一個目的地。當然，也同時選擇了中途站的~中途站是藍山咖啡專門店，可惜應該是黑雨而沒開店，看來女友跟這店是甚麼緣份了，呵呵~ 之後一直在找那快餐店，怎知輾轉來回也找不到，最後只好改變策略去看看神廚館吧。不過，神廚館應該也因為黑雨而沒開店，那現在怎麼辦好呢﹖心念一轉，就去奧海城吧。來來回回，還是覺得Euro Go Go的食物比較吸引，加上已經很久沒來了，看看食物質素有沒有走樣也好。等了一會才有座位，感覺這店仍很受顧客歡迎呢。下午茶時間當然來個下午茶餐，女友要了焗吞拿魚及蒜香雞芝士法包餐，而我則來個蛋糕餐。蛋糕是可以任意選擇的，而我選了朱古力碎蛋糕。它的味道出奇地好，朱古力入口幼滑少甜而不膩，蛋糕部份鬆軟軟熟，是一件味道口感都很協調的蛋糕。法包賣相很好，雞肉不算嚡口，有點嚼頭。味道中規中矩，份量剛剛好~咖啡香濃而沒酸味，味道亦在一般之上，入口後餘下一點點的餘韻，是不錯的咖啡呢~ 最後的是小小的巴馬火腿凱撒沙律，沙律

肥牛今日要出奧運個邊, 有媽媽陪住,所以去左食 Euro gogo .....肥牛叫左個芝士吞拿魚意粉跟餐, 媽媽叫左個 Tea Set .....D 野來得幾快 .... 但感覺得無荃灣同葵芳個間咁好味 ..... 個賣相有小小 Hei 做既感覺 .....D 枱唔夠大, 同埋 D 服務都不太好 ......

--兩個人食PIZZA+意粉--意粉芝士味濃--PIZZA皮脆--不過環境好似大家樂等...

好耐之前，我接觸euro go go正是此奧海城店，我好記得佢個雞翼好好味，pizza又香又脆，香味濃罩住成間鋪頭。今次舊地重遊，例必要食翻一客雞翼，老婆唔食辣的，所以我地叫咗一客蜜糖雞翼、火腿煙肉辣肉腸意粉、焗田螺焗薯蓉同cesar salad。先來cesar salad，啲sauce就比較麻麻，食落無味，好彩啲蔬菜都ok新鮮，否則就勁失望。跟住就嚟咗我至愛的雞翼，啲雞翼熱辣辣，咬落好juicy肉質又夠鮮嫩又入味，簡直係十級好食！火腿煙肉辣肉腸意粉都好多料又夠熱，都ok。但個薯蓉比較乾身同埋比較無heart，厚厚的薯蓉底面頭放啲田螺肉上去，再放芝士......好普通，連香草油都無....唔.....我就唔覺得值得推介俾大家了.....不過雞翼真係好正^_^

同朋友行過呢頭係度食左個lunch回味一下中學個時叫左 白 汁 雞 皇 飯 , 芝 士 粟 米 薯 蓉, 我地都要忌廉湯都等左幾耐下, 因為好多人即叫即焗既! 個焗飯好濃白汁,幾惹味, 朋友非常鍾意白汁 雞肉鮮味方面差少少, 似雪雞個薯蓉就無野好彈喇! 因為我太鍾意芝士喇~~~~ d芝士多到可以拉到好長! 個湯一般啦~~~ 因為飲完幾口乾

同朋友0係奧海城行行0下, 發覺其實無乜好睇, 0黎了呢度飲杯0野. 0係門口左睇右睇, 見佢個iced chocolate milk tea ($22) 好似係recommended item, 就叫個試試. 面頭"畫" 了圖案, 令人諗起Crema 的latte art! 味道唔特別, 有d 似隔0黎仙宗林0個d "朱古力珍珠奶茶", 不過都幾好飲, $22 亦唔算貴.朋友叫了款唔知乜名堂0既iced chocolate, 面頭d whipped cream 多到離晒譜, 佢亦飲了2/3 就放棄了, 相信都幾漏.另外食了一件朋友"忍唔住" 叫了的garlic toast... 牛油落得夠, 烘得夠脆, 蒜蓉味香濃, 食完個口好臭, 哈哈!環境一般, 鋪位比較細, 室內坐得都幾迫, 好在d 梳化椅都幾好坐; service 都ok 啦.唔知佢d pizza/意粉/cake 如何?

其實一直都有食開euro gogo但呢半年減肥冇黎食=)食左午餐, + $ 3 轉set 食左肉醬意粉白湯+ garlic 包白湯好稀呀, 但個包就非常好食!!肉醬意粉都有80分!但就太多醬, 如果少返ddddddd就好喇!坐得好舒服坐到唔願走^^

這間Euro Go Go 在奧海開了很久，上個禮拜終於一試。常常經過門口都被香噴噴的薄餅味吸引著，這兒的lunch，加$3轉set，包蒜蓉多士和飲品，我想多數人都會轉吧。這天試了忌廉吞拿魚麵，很大碟的，濃濃的忌廉汁，很不錯。這兒環境都很舒適，是吃tea的好地方。

朋友仔話想食pizza行暈一個圈奧海城後就黎左呢度叫左iced latte估唔到連我唔鍾意飲咖啡既人都覺得唔錯跟住又有我中意既海鮮做配料既香草海鮮意粉份量唔算多但個汁夠creamy好味但有d漏再有朋友仔想食既粟米吞拿魚薄餅新鮮焗起夠薄又夠脆芝士夠多好正！！但食完唔夠飽要走去對面KFC再叫個set share講真以價錢同份量計就唔多抵食喇

其實我唔係去朗豪坊分店,而係去奧海城分店,但係好似係個database搵唔到...尋晚過奧海城食飯,無乜頭緒咁隨意搵食,行過euro go go,就俾佢陣香味吸引左,係好大陣pizza既味道,真係會令人流口水。於是,我同小牛就係度食左個晚餐:百寶pizza半個($28)--又熱又香,係薄批,勝在材料夠多款,唔油唔膩,好味;酥皮辣雞批($2x)--酥皮頗薄,似酥皮湯果種,而唔係必勝客雞香餡角果種,皮有少少靭,所以切開時有點難度,雞肉唔太香,係雞肉粒,個汁都普通,又唔係真係好辣,比起pizza,呢個小食遜色左d;香草汁椰菜花($18)--嘩!勁多汁呀!而且個汁仲好多芝士添呀!由面到底都係佈滿黃色芝士香草汁既椰菜花,食到滿口芝士味!雖然我都鍾意芝士既,但係都不禁問一句,個汁係咪多左d呢?凍忌廉奶茶(@2x)--咖啡加忌廉就試得多,但係奶茶加忌廉就真係第一次,原來,味道係點點地咁,飲左呢個飲品之後,我終於發現,忌廉始終係同咖啡夾d既!環境方面,有梳化坐,幾舒服呀!

今日下午放假朋友仔等我收工後一齊去睇戲因為時間太趕關係只係匆匆o係呢度買外賣食叫左兩個$29lunch set:蘑菇肉醬意粉同芝士吞拿魚意粉跟餐仲有蒜蓉包同汽水/蕃茄忌廉湯/蘆筍忌廉湯因為即叫即焗關係要等十分鐘先有但真係熱辣辣又足料芝士舖滿面意粉亦唔會太淋我覺得味道都算唔錯但講真唔係因為朋友仔想食意粉我都識自己整就唔會黎架喇朋友仔既肉醬意粉味道亦唔錯朋友仔好滿意蕃茄湯同蘆筍湯我地要左各一蕃茄湯比較開胃好飲蒜蓉包出奇地好味新鮮熱辣又夠脆

d pizza 好過晒d專門店, 細細件唔驚漏, $$又抵, 真係食得過.. 不過其他野就...唔recommend 啦! ~_~"