Eternal Covenant (已結業)

我上過呢間CAFE都應該有5,6次, 因為我中意清靜的地方, 可以同朋友傾偈談心. 而且呢間CAFE基本上唔使等位, 就咁WALK IN就有位.而且佢O既梳化位好舒服....野飲我就次次都飲MAPLE MILKSHAKE 好甜同好飲, 羊架好食, 薯角即整即食, 夠哂熱我又未試過遭遇過以上食評講O既店員服務態度差劣的情況, 不過可能包場同就三四個人上去都有分別O既~~~

相約了一班舊同學聚餐，因時間倉卒，選擇了這間cafe包場。餐廳環境不錯，但店員服務奇差，令我們非常失望和不滿。上菜時，店員竟説自己很忙，要求我們自己切羊腿，切錯了，他卻竟用不滿的語氣說我們。然而事實上，店內還有其他職員，但只有一人服務我們。最不解的是，他們連水也不肯提供給我們。食物普普通通，沒甚麼特別，飲品反而不俗。可是店員的服務態度真的有待改善，從來沒有吃過一頓這麼受氣的晚餐，確是有損大家聚舊的雅致。

21人聚會，所以包左場。一去到第一個感覺，熱！又熱又焗，同店主反映左兩次先至開大少少個冷氣...成班人出哂汗咁玩左陣game之後就開始上菜了事前已經知道當晚會有d咩食，所以都有期待過而當然，理想同現實總有差距首先上菜既係…甘荀同薯仔 各一盤 味道: 3/10幾fresh呀 冇調味 甘荀有甘荀味 薯仔有薯仔味 好聽d叫原汁原味咁啦...原來係羊架既配菜黎 店主話要黎點羊架汁食於是我地就將d配菜倒落羊架個盤度 豈料俾店主喝停﹕「唔係倒落去囉！」之後我地就停手了... ok!我唔識食係我既錯!香草焗原隻羊腿 味道: 8/10話明招牌菜緊係有番咁上下!雖然係羊 但係騷味不大 幾易入口只不過 上菜後店主輕輕拋下一句﹕「自己切，記得薄切，要趁熱快d。」心諗 自己黎? 我鬼識咩...Fine! 於是乎我地就自己落手落腳啦 切出黎變哂厚切不在話下仲呢hea到d衫褲俾d汁彈到污糟哂期間我地有問過店主可唔可以搵人幫我地切得來既回應係﹕「我唔得閒。」明明隔離有2個人坐係度煲劇 乜佢地唔係員工黎既咩?幫下我地都唔得?炸薯角 / 炸小食 味道: 6/10好食在岩岩炸起 幾香口墨西哥香草雞翼 味道: 5/10未食

兩個詩班間中會有聯合聚會, 是晚大家就一同來到Eternal Covenant Café包場玩了一晚, 這裡交通是很便利的, 就在旺角地鐵站樓上. 環境還算幾好, 大家除了傾傾計之外, 也能玩玩board games. 當然, 也有得食, 是晚我們就吃了以下食物:卡邦尼忌廉汁意粉: 6分, 我們晚了點來到, 大家已經開始吃了. 忌廉汁不會太杰, 用來撈意粉, 怎也是個好選擇. 意粉質感還可以, 但是乾身了點, 也嫌比較寡.磨菇忌廉汁意粉: 6分, 其實跟卡邦尼忌廉汁意粉, 這個不同在於加入了磨菇, 比較豐富, 不過個汁底是完全沒有分別.巴黎牛油汁意粉: 聽大家講這個是偏辣的, 由於我當晚不太舒服, 沒有試這款了.拿破崙肉醬意粉: 6分, 另一個必勝的意粉自然是肉醬意粉, 真是由細食到大的一味, 這裡的, 肉醬不太多, 也偏濕, 而意粉的質感再一次是一般. 當然, 這種一大盤去製作的意粉也不能有太大要求.炸薯角 / 炸小食: 我是沒有去碰這盤炸物, 不過見是熱辣辣的, 應該會幾香口.香草焗原隻羊腿: 6分, 是這裡的招牌作, 不過店主把羊腿奉上時態度麻麻, 是完全沒有意欲把錫紙打開, 請

正在計劃為哥哥慶祝生日，剛巧購物網售賣這個4合1套餐，連忙約好家人，一齊試新菜。兩伙子的樓上 cafe，坐位舒適，食物有水準，如果有機會的話，還是會再幫襯。店主是基督徒，在店內不難發現店主的宗教信仰，休息日在星期日，千萬不要在星期日光顧店子在繁忙的西洋菜街唐二樓，建議不要帶老人家前往，媽媽行得腳痛，給她駡了一頓套餐很簡單，意粉類 $68 - $78，扒類 $98- $108，包一杯飲品。但網購的套餐還包括小食和甜品，我們亦加了錢選擇扒類。未知店主從哪裡取貨？平時在 city super 買的肉眼扒，回家自行炮製，費用跟套餐差不了多少？我們點了幾款小食一同分享，可惜顧得談話，忘記影相。甜品選擇了芝士蛋糕、奶凍和雪糕心太軟，所有甜品都美味，個人最喜歡雪糕心太軟。

食物幾好, cafe竟然有羊架食....環境又夠靜(因為冇咩人識去)基本要玩既都有....係等候食物時間較慢,不過去得cafe都預左recommend!!