Eslite Tea Room (已結業)

閒日下午唔使等位.環境及服務均不俗, 坐得好舒服. 最啱傾計或hea~menu上有個二人tea set, 不過成$300, 稍貴...而且唔係太肚餓, 所以兩個人叫咗一個一人tea set (連飲品), 另加一杯飲品. (埋單約$180)一人tea set包括：- 兩件曲奇 (味道及口感均普通)- 鬆餅 (味道及口感均普通, 點jam會好味d)- roll cake (外形算精緻, 中間的cream有nuts味, 唔錯)- pizza (外形完全唔吸引, 但食落反而有驚喜, 上面有芝士和火腿, 好惹味)雖然佢地叫tea room主打茶, 但因為想飲咖啡多d, 所以兩杯都叫咗咖啡, 水準一般.

來到誠品，想到tea room內看書喝咖啡，這裡是一個不錯的選擇！(但記住帶進來的書本都要付了錢才可啊～）看見drink list內的飲品，有茶、咖啡，其他飲品等。一杯茶都要$75至過百元都有，台灣茶葉...我還未懂得如何品嘗啊，都是叫其他算了～男友叫了杯Cappuccino ($55)，附送上一塊dark chocolate~看見泡沬都張在杯邊以上，很柔滑似的！試了一口，正啊～未喝過口中充滿泡沬又香濃的咖啡，令人有一種放鬆的感覺！因今日天氣有點冷，自己則叫了杯Hazelnut Chocolate ($55)~通常拉花都是用於咖啡上，想不到這杯Chocolate都有個圓圓的心形拉花，還有兩粒應該是開心果作裝飾，賣相不錯啊！ 喝下第一口都滿口子是朱古力味的泡沬，但感覺是挺身的泡沬，更加在口中維持更久！第二口再喝下去，淡出榛子味道，而且濃厚的朱古力，不像"加水“沖淡的效果，讚！

暑假過後，誠品銅鑼灣店終於沒有開幕時的擠擁，可以在店內較靜地看書。但我這次去誠品非為買書，而是專程去幫襯位於九樓書店內的茶室Eslite Tea Room。Eslite Tea Room的設計風格跟書店一樣，用了原木桌椅，給人一種簡約的感覺。我到訪時是下午，是一心想試試這裡的Tea Set。下午茶套餐有幾款選擇，主要都是蛋糕、甜品或三文治，價錢由HK$80至HK$140不等。(初看還以為是台幣! 哈哈!)我揀了一款Roasted Pineapple in Caramel Tea Brûlée with Vanilla Ice-cream , 餐牌上中文譯名也很台灣的，名為「烤鳯梨焦糖茶布雷佐伴香草冰淇淋」，將它譯作香港版，可以說成是「烤菠蘿焦糖茶布丁伴雲呢拿雪糕」。整碟的賣相很精緻，很有藝術感，如非怕雪糕溶掉，我會多看一會才吃。而味道也不錯，焦糖布丁和雪糕都很滑，但菠蘿片就烤得略硬。飲品方面，有多種果茶、烏龍茶、西式奶茶及咖啡等。原本想試他們Menu上詳細介紹的Lavazza Single-origin Coffee 或 Hediard 系列的 Peru Organic Roasted

從來都無好認真研究希慎內有咩食店, 昨日無意之中見到誠品內有間TEA ROOM好似幾吸引昨晚就相約友人來食個晚飯.時間尚早既關係, 整店只得我地2個人.晚飯選擇唔多只有幾款SET DINNER可供選擇, 講明係TEA ROOM真係專做飲品等, 食品真係其次.我點左個香辣牛肉關廟麵跟薯仔忌廉湯及百香果凍茶; 友人就點左個雞肉燉飯跟煙三文魚沙律及四水果茶先來每人一片微暖少少鬆軟麵包加上香滑牛油非常好味; 而我既薯仔湯亦好香濃加入忌廉就更加幼滑.再來既主食就係友人既雞肉燉飯單單睇個份量真係偏少, 不過味道做得相當唔錯.雞肉嫩而底層既燉飯應該加入雞湯一起烹調, 所以每一啖飯都充滿雞湯味道非常清甜, 再加上黃蘿白有點爽口好配合.其實2款既主菜都非常美味只可惜份量極其少, 對於我這名大胃王來講真係食完等於無食咁.至於主攻茶品既TEA ROOM理應茶香, 可惜我點既凍茶只屬一般唔算清香甘甜, 如果用正常價錢每杯要花上$70以上才飲到這杯凍茶完全覺得不值.至於環境都算清靜舒服, 只係座位只係木枱椅沒有什麼SOFA位置, 如果想係度HEA耐D都應該唔會適合.

我愛吃，也愛看書。對我來說，2012香港書壇最大盛事莫過於誠品終於落戶香港。一直只聞梯響，談落戶都談了幾年，終於成為銅鑼灣最新蒲點。對我這種專看冷門書的人來說，實在是件美事，終於不用在網上找到書後，再面對商務店員冷冷的回答：「你要的書，替你訂吧，不知甚麼時候才有。」原來除了看書，誠品落戶香港，對我們愛吃的人也是一件美事。談的當然不止是窩在誠品一隅的天仁茗茶，今天要跟大家分享打正誠品旗號的Eslite Tea Room。希慎是個怪地方，開幕後鎂光燈都只聚焦在某幾家店，甚據品評價的何洪記新店卻落得冷冷清清，Eslite Tea Room也是一例。可能大家認為Eslite Tea Room只是個喝下午茶的地方，那就大錯特錯。這個Tea Room卻為大家準備了不少精緻西餐。事緣某個晚上，跟女主人等待天仁茗茶時，剛好經過Eslite Tea Room，人流冷冷清清，隨手翻看門口的餐牌 ，不禁驚呼：「好精彩的菜式！單看名字就知道是以台灣食材入饌，或以台灣菜為藍本做成的西點，好讓人期待。」立時找了個晚上，要細細品味誠品帶來香港的fusion味道。汽泡水Eslite Tea Room現正進行推廣，汽泡

之前誠品岩岩開張就逼爆人, 今日周六, 少咗好多人, 可以行得舒服d… 好多人都會黎呢到幫襯天仁茗茶, 但係呢到係9樓仲有間Tea Room…. 2:30開始有deluxe tea set for 2….呢到環境唔錯, 坐得好幾舒服, 係傾計好地方, 係誠品行到攰不防可以係到呢到飲返杯茶, 食下野. Deluxe Tea set for 2:食慣酒店tea set 嘅朋友可能會覺得呢到tea set 份量比較少….頂層係水果, 哈密瓜, 奇異果, 同埋士多啤梨, 最中意奇異果好甜, 哈密瓜可能唔岩季節, 所以唔係太好甜中層共有三款小食Biscuit with honey Jam and cheese: 呢個好好味, 芝士size好generous, 好大塊. 加上有honey Jam嘅配搭得好好Mayo Tuna on Biscuit: 吞拿魚新鮮 Red pepper mini pizza slice:辣椒有少少辣, 唔太合我胃口底層兩個macaron, 1 個lime, 另1 個食唔出係咩味兩款cake: 1 個係朱古力味, 朱古力好濃, 好食, 另一個係檸檬味, 兩件cake s

是日又來到希慎, 為的是來到eslite TEA ROOM, 跟文迪享受一個悠閒的下午茶. 縱使誠品是有不少人流, 但在茶室就比較清靜一點, 感覺上是更加寫意. 這裡環境不俗, 擺位不會太擠逼. 看看餐牌, 下午茶時段供應的下午茶套餐, 每款食品還包括一客飲品, 就一人要了一客下午茶套餐分吃.Raspberry Chocolate Cake 紅桑莓朱古力蛋糕 $80: 7分, 是日的蛋糕選擇有兩款, 就揀了較合心意的紅桑莓朱古力蛋糕, 層次感不俗, 紅桑莓帶點酸, 而朱古力還未算太濃烈, 那個紅桑莓跟朱古力的平衡做得突出一點會更好.Roasted Pineapple in Caramel Tea Brulee with Vanilla Ice Cream 烤鳳梨焦糖茶布蕾佐香草冰淇淋 $90: 9分, 另外一款甜點選擇了總管介紹的烤鳳梨焦糖茶布蕾佐香草冰淇淋, 連總管也欣賞的, 應該怎也有水準吧. 烤鳳梨相當鮮甜, 不會過酸, 底下的焦糖茶布蕾, 茶香濃郁, 吃落口是帶啖啖茶味, 焦糖皮也幾香脆. 至於香草冰淇淋, 是幾香滑的, 加上是大大球的, 實在吸引.Earl Grey Supe

這兒供應的茶品，全由法國食品雜貨專門店Hediard的茶葉而冲泡，去年曾到訪其巴黎店，內售的糖果糕餅，全都質素上乘，比咖啡，對這兒的茶更感興趣。上次試了熱Earl Grey (Tip )，花香怡人， 茶身醇和，也配以黄金鵝油香葱雞肉飯，米飯油潤晶瑩，有淡淡酥炸乾葱的香味，應是台灣Le Pont 的出品，配以粒粒日式蘿蔔漬，清爽舒服，只嫌雞肉份量略少！今次再來，便點了茶香焦糖燉蛋配凍蜜香烏龍，烏龍色澤如琥珀，入口香郁，緩緩流入喉嚨，即時悶氣全消。聞一下杯子，仍然滲出蜜甜，值得细意品嚐！焦糖燉蛋的糖面也十分香脆，配以雲厘拿雪糕及焦糖菠蘿片，口感味道豐富。這兒的寧謐與外面書店的繁忙，相映成趣，是下午看書喝茶的好地方。

開業至今已經去過幾次，雖然價錢係貴D，但係都總係想一去再去。其他食評講得o岩，Tea Room 的價格真係偏高，高到係人一打開MENU到不禁講句：咁貴既?! （茶品最高係過百蚊，咖啡一杯HD$55）但係的確咁樣的環境，同埋加上冇咩人，悠閑的氛圍的確係可以搭救的。先講飲品，確實係有改進的空間。其實DRINK LIST尚算豐富，茶都已經有印度茶、花菜、貴價茶（唔記得牌子名）幾款；另外仲有幾款朱古力；同埋咖啡類和凍飲等。先後飲過橘子朱古力、普通咖啡、薄荷茶同香茅茶。前兩者的杯都係偏細，同埋確實有香濃而不夠滑，兩款茶就大壺（而且可以refill）但好似太多水，要到最尾那一啖才濃味。食品方面：我只係試過一樣，就係我在香港唯一一次見過的 Omakase （無菜單）菜式。因為本人係素食者，自然對於 Omakase 的素菜燉飯好感興趣。至今幾次所見，材料都係差唔多，都係有西蘭花、紅黃椒等蔬菜，但係幾次都係唔同汁（包括黑松露汁同極濃香草味的青汁），加上確實係好味，所以誠意搭救﹗還有試過女士一定好關注的甜品﹗只得大概 4 款，但係賣相精緻，味道驚喜。最鍾意係 tea brulee，香濃 vanilla 雪

放工相約舊同事敍舊, 選擇公司附近 Hysan Place 誠品入面0既 Tea Room. 誠品入面雖然堆滿好多人, 但係 tea room 係一個例外! 坐低之後一看餐牌, 發現選擇不多, 價格亦較高, 最後選擇一個鵝油雞肉燉飯, 朋友就點一個蕃茄意粉. 鵝油雞肉燉飯看樣子不錯, 但其實食唔出有鵝油之外, 雞肉及飯0既味道亦比較淡! 而朋友0既蕃茄意粉份量亦少得可憐, 但索價百多元, 感覺不值!

The Tea Room之前有見雜誌報道頗為吸引，今日就來試下。可惜...黄金鵝油香葱雞肉燉飯：名字相當吸引，賣相也不錯，可惜名過其實飯算有咬口但並沒有鵝油的香味，雞肉煮得過老，葱味也不突出...失望...蜜香鳥龍冰茶：比想像中平淡，略厭份量太少。未必會再試的餐廳，唯一可讚的只有裝修簡約舒適。

同朋友第一次去誠品，就一行三人去tea room 吃個輕便晚餐....雖然外面ge書店好多人，但係tea room 入面都好靜，好易傾到計，同埋冇乜人等位，氣氛良好 食物方面，偏貴，而且份量比較小！兩個沙律份量比想像中仲細... 個 caesar salad 要 ＄115，但係勁細分，得兩棵菜！！也太小了吧 比較好吃的是以下的 risotto...算係幾好... around $135最後叫了一壺蜂蜜烏龍茶...細杯到呢.... 真係激死!!! 三個人幾啖就飲晒！！叫一壺可以refill, 點知第三次refill左一壺熱水...真係 O 爆嘴囉！！！ >.<

知道誠品要再台灣開, 我是非常期待. 每回台灣我就會去誠品買書或買些文具精品回港也是誠品會員, 他們的折扣優惠真的很好用, 打折都會打很多之前其實在台灣的誠品茶館吃過下午茶, 一人450NT, 二人850NT份量像下圖, 一人份量, 照片都在男友的電腦, 所以從台灣誠品網找出來給大家看一下以為香港的eslite tea room也有這樣的下午茶, 但沒有只有幾個下午茶餐, 價錢也蠻貴的... 一件蛋糕配$80以下的飲料都要$80一份但一場來到, 就算了也進來試試發覺他們的台灣茶最便宜都要$80一杯, 那就點了一個cake set, 點了台灣茶類最便宜的蜜香烏龍茶這樣一杯都要$80, 喝了大約十口就沒了. 茶香雖很甘醇, 但未免太貴了吧...是那塊手工餅乾還好, 伯爵茶口味的, 不喜歡吃這口味的我也覺得不錯吃普通一杯咖啡就還好, 約$40-$50左右點了opera, 沒什麼很好吃的地方, 就是普通的一件巧克力蛋糕但如果純粹來喝茶, 下午茶加件蛋糕應該跟單點茶的價錢一樣還是去十樓買天仁名茶好了, 最少沒那麼貴, 而且好喝服務方面他們好像常看不到客人, 我跟其他客人常要叫他們好幾遍他們才會過

銅鑼灣已經有一段很長的時間未有嶄新的大型商場落成，區內沉寂多時，一直寄望希慎廣場能盡快開幕，為時代廣場和附近的商場帶來良性競爭，也藉此擦出新的火花。希慎廣場開幕的消息不斷被傳媒廣泛報道，而巿民最為期待的，莫過於台灣過江龍誠品書店。香港向來被視為文化沙漠，預計會佔據至少數層的誠品書店正好為本地文化注入新力量，同時為一眾書迷帶來希望。但意想不到的是，書店範圍內竟有一間環境恬靜寫意的小茶館。Eslite Tea Room 位於九樓的中央位置，兩道大玻璃門將茶館與書店隔開。到訪當日茶館比較靜局，也許是試業初期食物和飲料都選擇不多，顧客索性揀選樓上較實際和種類較多的 food court 。餐廳主打融和菜，但當中不乏台灣菜的烹調元素。 快炒辣腸白酒淡菜配蒜蓉飽 (Grade: 3.5/5)值得一讚的是餐廳各款的菜式賣相悅目，就連餐牌的印刷都份外精美。先來一道快炒辣腸白酒淡菜配蒜蓉飽。淡菜包括青口和蜆，兩者雖不算十分新鮮，但濃郁的白酒蕃茄湯將味道搭夠。加上廚師將青口和蜆擺放成一朵花的形狀一樣，論外表已經非常殺食。 黃金鵝油香葱雞肉燉飯 (Grade: 3.5/5)雞肉燉飯同樣賣相簡單討好，配搭的黃