Erawan Thai (已結業)

終於有藉口山長水遠去食飯喇book 位時佢地會話比你知到時幾點call車有埋接駁服務真係好貼心.由於今日下雨-0-安排左窗方位置比我地~^^ 睇到個view真係落雨也不怕.叫左2杯野飲,我杯龍眼沙冰好好味,男友ge 梳打就相對失色此view無價,O係香港仲有幾多地方一望無際之餘仲有飯開?我地叫左個小食拼盤 <---必食,只可惜我地得2個人,佢太豐富, 春卷, 蝦餅好脆,熱騰騰的, 燒豬頸肉,好好味,好香, 雞翼是男友最愛, 其他的都ok波羅飯 <---無咩特別,因為掛住食拼盤,冷落左佢.芝士薄餅 <---見好多人話好味,叫了,但可能今晚都凍,拎到黎只可以話係暖,芝士味唔出, 但係都有烤香的味道, 但下次未必會再試呢樣,食完仲行左出去如果好天黎一定好正,我一定會再黎架!!

E先生山長路遠到了東涌打籃球，我亦有同行，為的就是之後去Erawan Thai食午餐。是日和風日麗，一行五人理所當然地選擇坐在室外的露天雅座，我們坐在可容納六人的充滿泰式風情的小木亭上，眺望著綠草如茵的航天城高爾夫球場，畔著涼風輕吹，確實是寫意怡人。點好菜後，首先上枱的是飲品。泰式特飲 $38荔枝沙冰 $38龍眼沙冰 $38士多啤梨橙特飲 $38沒多久，其他食物亦陸續而來。特色併盤 $198魚餅、雜菜春卷、蝦餅、豬頸肉、雞卷、雞中翼有六款食物，每款四件，份量頗多，款款香口美味，其中又以爽口彈牙蝦餅最為美味。香炸雞翼釀魷魚滑 $88 (Openrice免費飲食優惠 )雞翼香脆，魷魚滑略嫌不夠彈牙。炭燒牛肉沙嗲 $68炭火燒烤的味道，牛肉一點不韌，醺上沙嗲醬，好吃。馬沙文咖哩雞肉 $98紅咖哩味道香濃適中，送飯、醮薄餅皆宜。菠蘿海鮮炒飯 $98菠蘿粒夠多，海鮮足料，有蝦、魷魚、魚肉…，美味。芝士烤薄餅 $48芝士薄餅香軟煙韌，必吃。蒜蓉烤薄餅 $38蒜蓉薄餅，蒜香味美，可口好吃。

第一次寫食評。因為實在真係忍唔住要出手讚下哩間餐廳。首先要講下本人同男友已經食過好多泰國菜館，地道至九龍城大角咀，連所經營開在大商場都有。由於是日我同男友在SKYCITY MARRIOTT住，唔想去酒店又唔想去機場食，在有點兒焗住的情況底下揀左哩度喇。起初都驚比男友詐型，千里迢迢入到機場咁遠竟然又食泰國菜，但超乎意料地，我地都好滿意哩餐生日飯。因為有book位又準時，所以唔使等就入得。初初驚熱所以揀indoor，不過由於見有d風，所以臨時轉outdoor，好彩服務生又比，仲好好人比我地兩個人坐張四人檯，等我同男朋友都可以望住個靚靚golf course。個view同個feel都好正，講真，真係未食都已經加分。點菜方面，因為參考過食評，加上得兩個人食，我都只係點左ｄ大路野。包括︰特色拼盤　（＄１９８）－　話說初初男友係諗住唔叫的，但經過我遊說後都叫埋。拼盤有六款炸物，款款都有四件，蝦餅、魚餅、春卷、雞翼、豬頸肉、肉條，全部都好好味！特別係蝦餅、雞翼、豬頸肉，起出面都食過拼盤，但哩度果ｄ真係特別好食，總之係連男友後尾都話好彩無唔要！哈哈！我覺得大班人食會更開心！胡椒蝦　（＄８９）－　男友揀

依日大家都話想食泰菜~但我想搵個地方坐得耐+舒服d既所以依晚揀去航天城高爾夫球場既"Erawan Thai"試試呢聽聞.."Erawan Thai"係一間正宗煮理既泰國菜餐廳餐廳既行政總廚Hamskunwat Viboon,Lek曾為泰王服務多年亦炮製過無數得獎佳餚~加上餐廳既環境好好~所以真係好期待下午順便去東薈城閒逛~之後由專車接送我地去餐廳餐廳地方好大..有室內及室外座位選擇~我地揀坐露天而座位旁..正正仲可以飽覽高爾夫球場景色呢先點個"辣椒膏炒蜆"辣椒膏既味道超濃郁..辣中帶少甜加上金不換既香葉味好突出~香甜辣集於一身蜆既份量好多~蜆肉好鮮味..真係炒得超有水準"燒肉炒椰菜苗"燒肉脆脆帶少硬口感~味道好鹹香惹味椰菜苗平時少食~所以食泰菜都好鐘意叫鐘意佢好脆+實在口感~而且好有菜味整體依個餸好惹味~清中又有鹹肉香..好正昅左後面個印度師傅好耐啦~見佢即整d烤包好正所以再叫個"Cheese Naan"wow~! 真係超興奮~我最想係香港食到既cheese naan終於比我遇上同大馬既一樣~入面正是充滿溶化既cheese薄餅軟軟好香烤味~入面既cheese好rich雖然佢用既芝士唔帶

無意中o係openrice發現呢間露天泰國菜, 雖然遠就係遠左d, 但睇落環境唔錯, 計劃左今個星期日黎試下...我當然book左露天位置啦, 講真, 入到去其實室內環境確係一 般, 見議大家如果黎食飯必要揀outdoor, 撞o岩天氣已經唔熱, 加上地方比較空曠, 微微嘅秋風確係令人寫意...有2張枱其實全場最有特色for5-6人...格調好thai, 夠人數嘅話不訪request 坐呢款枱...我地2人叫左蒜茸豆醬炒椰苗 -- 味道幾好, 可惜菜嘅質感好硬, 我唔鍾意生蝦 -- 蝦太細隻..汁都尚可接受, 但加得太多魚露, 咸到飛起咖哩炒虎蝦 -- 足料, 有成4隻虎蝦...好大隻, 但唔算好有鮮味, 但都ok, 咖哩汁正到爆, 一定要叫白飯 or 麵包點, 唔係就o徒哂d精華 芝士薄餅 -- 多數都係用麵包, 但呢度用薄餅... 食落類似印度薄餅, 但因為裡面有芝士, 口感軟棉棉, 點埋d 咖哩汁, 正....泰式乳鴿 (食滿$250送, 要用優惠券) -- 質素ok , 都幾香口, 但比中式嘅無咁惹味...椰青 -- 清甜, 解渴價錢屬於中價, 無其他食評講到咁抵.....

此店已想試很久, 但因位於大嶼山赤鱲角, 有些覺得偏遠, 所以一直無機會嚐試 知道今天友人有事要到赤鱲角 , 即上OR參考各食家對此店食評 . 見有幾多笑面 , 兼有優惠卷下載 , 所以提議友人試試 當日天氣極佳 , 所以選擇餐廳室外座位. 因為室外座位比較寬敞, 又可安坐坐位上, 欣賞綠油油的高爾夫球場景及機場美景 . 被周圍環境擁抱著 , 都市人會有渡假感覺是日點了: 特色拼盤 ($198) - 上枱時食物還熱騰騰 , 蝦餅, 啖啖蝦肉, 非常彈牙. 可能先吃蝦餅, 春卷就有點失色. 炭燒豬頸肉 , 正. 炸魚餅, 雞翼,肉條等都可以. 一碟可嘗六款炸物 , 可以滿足多心人. 為此物, 叫了一杯生啤, 真係絕配香草焗青口煲 ($88) - 用上急凍青口加大量香葉香茅, 味道一般般. 紅咖喱牛肉 ($0, 用OPENRICE 優惠卷) - 原來跟飯, 好彩落單時無加白飯或薄餅. 完全沒有因為用優惠卷 令食材同份量有所改變. 值得一讚. 咖喱味輕偏甜, 牛肉鬆軟淋滑 , 疑似加入梳打粉. 香葉與竹筍帶有咖喱味 , 可以彌補牛肉的不足. 落霞滿天, 寫意的一餐

又停了好幾天的食評，沒法，太忙整理旅行的照片了! 然而再忙也想在七月過去前完成這篇出發食評，縱然，這是一個陰雨天的OK臉食評。　一連九天的旅程，首班機於下午2:45pm才起飛，有充足時間與老公在機場慢慢吃午餐才出發。心大心細一輪，最後訂了這間位於航天城高爾夫球場的Erawan Thai；在機場T2每半小時有免費接駁小巴接送，當日先check-in然後就搭專車來開餐。　無論是餐廳外或裡面的裝飾，都頗有泰式風情，令人神往；另外餐廳天花佈置也頗為別致，尤其在匙子的映照下，尤如一朵朵小花。可惜，當日天陰有雨以致未能欣賞室外青蔥的大片高球美景，是為最大的遺憾，是再多的細節也補救不了的。既來之，則安之，在舒服的卡位坐下後，細心挑選這離港前的最後午餐吧!雖然我不能多飲，但也忍不住點了二人份的冬蔭公湯($78)。要讚成品十分足料，無論是鮮蝦、蘑菇或是香料都毫不吝嗇，每啖湯都有不少湯料；然而整個湯口味偏濃、辣度頗高，我只能飲半碗來過過口癮，其餘就交由老公包辦，以致之後數日他都作喉痛呢!我是皮蛋迷，見有特別的香葉炒皮蛋($68)，又忍不住來一份。軟滑的皮蛋炒香後，再加上口味特別的香葉，整個組合相當新奇，口

星期日在廸士尼遊玩了半天, 接近晚飯時間, 樂園內沒有甚麼心水食店, 於是便走進東涌覓食. 是日天色極佳, 希望找些戶外餐廳能享用美景, 很自然便想起航天城高爾夫球場, 其會所內設有泰式餐廳, 可以選擇室內或露天位置, 還記得約兩年前曾經到訪過這裡, 表現整體滿意, 但那次戶外位置已經爆滿, 祇能於室內進餐; 是夜差不多七點到達餐廳, 終於可以坐到露天位置了.餐廳戶外部份相連著高球場, 一大遍綠色草地帶給客人寧靜悠閒的環境; 用木頭搭建而成的戶外廚房和客座簷篷, 有置身渡假酒店般的感覺; 未點菜前先把握最美麗的藍色時份拍照, 一望無際的綠色襯著迷人的藍色, 我們都被溶化了!餐牌大致分為戶外燒烤和廚房料理兩項, 我們兩個類別都有挑選, 再點了冰凍飲料, 坐在室外邊喝飲品邊享受微微涼風, 感覺悠閒寫意! 愛拍照的我當然不會乖乖坐下來, 忙碌地拿著相機四處抓拍, 期間拍攝戶外廚師的燒烤功架時, 對鏡頭敏感的他即時擺出型格甫士, 讓我們未吃先興奮!飲品點了檸檬梳打和草莓香燈特飲, 兩杯味道同樣合格, 最重要是夠冰夠凍, 有夏天的感覺.先上是豆醬炒菜苗, 蔬菜翠綠爽口, 醬料味道甚濃, 有一點點

公司Annual Dinner，提早半個月book位，PR相當細心，E-mail幾張meun給我們選擇，最後我們揀了$198，不包飲品的set。對方還細心幫我們安排shuttle bus，服務態度一流！六時多到達，開揚靚景一望無際，在場大部份都是外國人，PR走過來做Welcoming，給我們講解收費和安排shuttle離開，好細心。對方為我們安排了兩張長枱，廿幾人好難傾偈，但見餐廳內的setting都是這樣的，那就沒有辦法。一坐低，見到枱上的menu印有我們公司名和日期，而且是用全英文的，感覺專業，又再加分。炭燒沙嗲(雞)：沙嗲汁很甜，超惹味，肉質很嫩，好食！大蝦柚子沙律：這個最讚！酸酸甜甜，大蝦十分爽口，全晚最喜歡的菜色。甜酸魚柳：這味也是酸酸甜甜的，很開胃，魚柳足料，肉質很嫩，唯一可以挑剔的是肉質比較鬆散，一夾就散。炸蝦餅：蝦餅脹卜卜，粉薄，啖啖蝦肉，配上甜酸汁，一流！泰式奶茶：可能飲慣港式的，覺得這個味道有點怪怪的……不過不要緊，試試都好！水果拼盤：很少餐廳的水果拼盤會有士多啤梨，因為價錢貴，可見Erawan的誠意！食完飯，還有一點時間才有shuttle，再周圍走走影下相，很滿足

今年生日同honey 係東涌某hotel 的 executive floor book 了一晚, 下午check-in 後, 心思思想再食多次係機場golf club 的泰國菜, 記得2個月前食過一次, 念念不忘佢地的生菜包, 今次openrice 仲有 coupon, 食滿250 送明爐魚bor.... 我同honey 2個人, 食 250 話咁易la, so, 二話不說就係2:50 打去問 3:15 有無shuttle bus 黎東涌接我地, ok wor, 一book 就得左我地點左4樣野1: 生菜包 (豬肉), 生菜新鮮爽脆, 夾著酸辣的肉碎, 好正, 食過咁多間 thai food, 呢間的生菜包做得最有水準2: 炭燒沙嗲 (牛 & 雞), 好食, 肉質嫩, 不un 不鞋, 不過沙嗲略甜3:蒜茸豆醬炒椰苗, 呢個又係必叫, 好好食, 甜甜辣辣, 配得好夾4: 煙三文魚 nann , 凍左都仲好鬆軟, 唔油, 好食, 三文魚夠大塊5:明爐魚, 估唔到免費的都不欺場, 魚十分嫩滑, 粉絲吸了酸甜湯汁好好食但又不會浸到林哂, 讚!食完又有shuttle 出返東涌, 服務很好!

放假，同女友入東涌shopping,順便試下呢間泰菜，冬陰公湯略咸，蝦夠新鮮，有85分。脆肉椰菜苗有80分，好味，之後有個噴士令咖哩雞，唔掂，好咸。最後是芝士烤餅，都不過不失65分最驚喜是椰青，肉質夠嫩夠甜，好味

之前同朋友黎試過一次呢間泰菜已經覺得很不錯!!今次有朋友生日，就決定帶佢地黎試下，佢地''渣''車入黎尚算方便，而且又有FREE PARKING，我住東涌仲有8折~~一行5人叫左冬陰公湯，西施柚沙律 ,咖哩炒老虎蝦，明爐魚，豆醬椰菜苗，鮮蝦炒金邊粉，甜品桂花糕~~各樣食物水準都相當不錯，我地選擇坐outdoor，朋友都好鍾意呢度既環境，仲話我今次好介紹，所以大家都決定下次gathering都會再黎呢度食!!!

今晚有位朋友話不如入機場食泰國菜，我最無所謂，反正佢地車我入去，未食過試下無妨。入到去好似冷靜D，原來是我的誤解，因為地方分成3區，兩部分是室內，另一區是戶外，可以看到哥爾夫球場，有3間泰式小屋，每間可容納8人，還有大量餐桌供用膳，由於晚上有驟雨，我們未能在外吃飯，除此之外，有間公司包了1區舉行週年晚宴，他們好似玩化妝晚宴，氣氛好高漲，因為洗手間附設寬敞的更衣室及浴室，有班女仔在更衣室換衫兼綵排，有講有笑，so good! 大家可考慮在此舉行派對。我們入去前訂了明爐燒魚，然後再叫咖哩羊肉、蒜蓉炒椰菜苗、鴨胸米紙卷、洋蔥薄餅、泰式焗青口。蒜蓉炒椰菜苗這個炒得好好，唔會將d菜苗炒老，好脆口菜味濃郁。鴨胸米紙卷內包了大量蔬菜，有半片鴨胸，口味清新，喜歡清淡的人必選。洋蔥薄餅眼見廚師在戶外即叫即做，好期待！點知食時只是微暖，可能出面太大風，不好吃。咖哩羊肉好味推薦！ d羊肉好入味，不太臊，有軟滑，外加白飯及薄餅就一流！明爐燒魚味道做得唔錯，酸咪咪好開胃，無腥味，不過友人吃魚腩時，發現d魚鱗未清理好，被扣分，希望廚師多加留意此事！！泰式焗青口這個中規中舉，味道不太特別。服務態度被位亞姐拉低，佢正

去SKYCITY 打GOLF, 順便試下ERAWAN THAI, 之前已有心理準備知道是貴的, 但COMMENT全部都偏好, 所以抱有希望.叫了冬蔭功, 生蝦刺身, 雞肉粉絲, 馬拉"CHANG"雜菜, 燒帶子.冬蔭功不算辣, 我怕辣都飲到, 但湯底偏酸.生蝦刺身鮮甜, 一碟都有10只, 幾好.馬拉"CHANG"雜菜最好食.....好香, 好入味, 每一種的蔬菜都入晒味, 超正!不過如果鐘意食爽口既就不太合適, 因為佢地就係煮到林, 先入晒味!燒帶子太細只了, 粒帶子5毫子SIZE都冇...而且唔夠味, 冇鮮味, 失望!雞肉粉絲......D個大鑊.....超難食.....味道奇怪, 超酸, 以為有番茄, 又冇.....WAITER話係南乳, 但咩南乳係酸到乸口GA?! HK$68 碗, 食1啖已經想退....

昨晚到機場接朋友機 , 碰巧是友人的生日 , 於是一行人六大三小便到這裡開生日飯局 . 晚上七點多到達 , 戶外坐位較多人 , 選擇了還不算人多的戶內就坐 , 才坐下十五分鐘左右 , 全餐廳便差不多爆滿 , 下次還是先訂位為佳 .看到戶外設置了燒烤 BAR , 於是便選了一個大的燒烤併盤 , 內容有老虎蝦兩大隻 , 羊扒 , 鴨胸 , 巨型腸仔 , 雞肶菇 , 份量十足!! 其中以老虎蝦味道最好 , 其他一般 … 建議若人多的話可以一試 , 否則散叫料理會更好!!另外點了胡椒粉絲蟹煲 , 鮮蝦刺身 ,椰菜苗 , 咸肉炒芥蘭 , 三文魚烤餅 ,青咖哩雞配烤餅 , 香葉肉碎配白飯 , 當然不能缺少冬蔭公湯 . 當中以胡椒粉絲蟹煲銷情最好 , 不用拌勻 , 由煲面到煲底同樣入味 , 好食 !! 鮮蝦刺身味道鮮甜 , 不錯 . 冬蔭公湯味道偏酸 , 稍嫌不足 . 不知是否冬蔭公的味道太濃 , 青咖哩雞祇吃到甜味 . 個人向來喜歡香葉肉碎 , 這裡的同樣沒有失望 !! 兩個青菜同樣有一定水準 . 最沒有驚喜是三文魚伴烤餅 , 看圖片好像蠻有趣的料理 , 怎料實物是煙三文魚放在烤餅上 , 味道很淡