影片
朋友介绍, 此店虽在黄金海岸的沙滩旁, 但自己都未来过, 跟朋友指示落车后, 夜吗吗, 一路沿马路行, 一路念唔系行错嘛.... 行行重行行, 终于见到间餐厅的招牌. 但原来已由葡色烧烤变成地中海餐厅.因天气凉凉的但唔大风, 所以拣左露台的位置, 八点几到, 只系有四五客. 坐落后, 侍应告知佢地Happy Hour去到九点, 于是叫左杯screw driver, 无乜特别.朋友到达后, 叫左一客chef's salad, 另海鲜扁面配蕃茄汁同白汁石斑, 呢两个要左set.先来Chef's salad, 有烟三文, 鸡件同沙律菜, 加埋D油醋汁, 几醒胃, 唔错跟住餐汤上场, 系白汤, 热辣辣, 有D青口, 虾仔同磨菇, 浓稠刚好, 又系唔错.海鲜扁面配蕃茄汁同白汁石斑都接住上, 海鲜有大只青口, 虾(中size, 几爽口), 带子, 鱼柳等等, 0岩晒我, 所以我好钟意. 个石斑就略嫌个汁多左D, 但都系热辣辣, 唔腥, 但我最钟意系side dish的薯仔(一开二, 有三件), 焗过, 甜甜的好香口, 我一人清晒, 哈哈最后系甜品同餐茶, 甜品雪糕只系牛奶公司的朱古力味, 但我欣赏佢地将雪糕连器册一同放入雪柜, 所以上时唔会见到旧雪糕溶溶地的现象. 餐茶的份量都唔细, 我要热柠茶, 系成壸茶上, 好似部份酒店咁, 呢样真系加分不少.期间服务亦贴心, 我等朋友期间(都半个钟)都唔会经常走埋来问我饮乜食乜, 斟水收碟都自动自觉, 有刘华的服务精神!!可惜今晚状态唔够, 因见隔离的海鲜拼盘好正, 下次一定要试试先!!此景此质素期间佢地的服务都几好, 斟水收碟都自动自觉.
继续阅读