ECF cafe (已結業)

來過這食店數次，每次感覺舒服好味，是和朋友飯局的一去處。食物水準穩定，又好坐，價錢合理，不過也愈來愈多人來這裏了。

今晚到了這樓上cafe試下. 叫了一個set, 蕃茄海鮮湯無特別, 只是酸酸地, 幾開胃. 主菜係肉眼扒, 港式煮法, 用醃料醃過, 不是真正西餐的煮法, 醃料蓋過牛扒本身的味道, 有點失望. 另有一杯咖啡或茶. 我們還試了一個自選意粉, 可自選兩款材料, 汁和意粉. 揀了帶子和蝦配菠菜忌廉汁長通粉. 蝦夠大隻, 肉很爽, 不過帶子有點梅. 汁很"希" 但夠味. 長通粉很好, 不硬又不會太"林", 煮得剛剛好.還有house wine, 加州紅酒一支, 無特別.大致上所有野都ok, 只是沒什麼特別, 有時間可以去一試.

星期五的九時許，再次來這店享用晚餐，order咗兩個set dinner一個要Carrot Cream Soup，一個要Turkey Ham Salad本人唔太喜歡Cream Soup，但男友話唔錯，而個Salad 就幾新鮮主菜選了：１．　菠菜釀鴨胸燴朧脷 - 菠菜釀鴨胸的口感適中，味道不錯，款式特別，朧脷新鮮，夠滑，無雪味２．　三重奏(芝士焗帶子燴朧脷，黑椒牛柳，火龙果三文魚刺身) - 各樣食物都新鮮，味道適中上樓cafe 來講，呢到其實裝修得幾好，有地中海feel，好舒服，價錢亦算合理

因為公司響附近，首選食lunch的地方一定會係呢樹! 因為同區黎計，價錢合理同埋至緊要係好味道!夜晚都去過，原來熄晒燈氣氛都幾浪漫~ 可惜d枱密密麻麻，情侶邊食邊打情罵俏就難左d咁囉...最好都係下晝去- 最抵!

同友人森森慶祝生日。黎左呢間樓上cafe，雖然裝修一般，但野食卻係意料之外的好。呢度d Set dinner 好大碟。我同森森各點了一個羊脾同豬扒套餐。餐湯係忌廉海螺湯，好味。羊脾同豬扒都好好味，食左一半已經有反肚o既感覺。加埋個海螺小吃，沾少少茄醬同沙律醬，味道真一流。整體服務都唔錯，侍應反應夠快。不過嚮安排入座o個度可以再改善一下。

To celebrate my good friend's birthday in TST, we have gone to ECF Cafe today after a quick view from openrice.com We arrived there at about 1:35p.m. and got a seat at ~1:45 p.m. The simple Greek environment is very comfortable. There are 6 set-lunch choices pricing from about $35 to $48. We have chosen Pig's Knuckle and Beef Steak (the most expensive ones in the list ).First came the tomato creamy soup which was made of good quality. The taste of both the tomato and cream could be tasted

見到openrice咁多好評, 今晚就約左朋友試試, 但係好唔掂lor!我地兩個人, 唔係叫set dinner, 散叫, 包括一)拼盤－－兩件薯皮, 兩件青口, 些少什菌薯皮及青口都ok, 不過什菌麻麻地(二)沙律係一個雜錦的海鮮沙律, 唔知點解, d海鮮冇咩味, 而最底層的生菜, 則鹹到不得了! 問了老闆, 他說是sauce的味道, 但實在太鹹了, 不能吃下去!(三)自選意粉叫了一個牛柳粒+什菌的扁意粉, 牛柳太靭了, 很難"趙".埋單要$195, 我覺得好唔值lor, 早知我去Munch食啦! 下次唔會再黎!

我和男朋友晚餐,了兩個set dinner, 湯好味!一個set 是"朱比仔"一個set 是牛扒兩個都好!環境o.k!黑黑地有candle,romantic~~ 埋單約210元!會再去

同朋友去慶祝生日, 七點左右去到, 人比較少, 環境都幾浪漫呀。點了2個set dinner, 另加$28要份海螺, 頭盤係美國雜菜湯, 呢個無乜驚喜。個海螺就啖啖肉, 好鮮味, 4粒2個人食, 啱啱好, 推介。之後到主菜, 朋友要的是什麼蠔+三文魚+蝦, 佢話好好食呢! 至於我叫的, 係肉眼排, 7成熟, 真係7成熟無多無少, 好軟, 肉汁都幾好, 食得好開心。當我開始吹噓呢度有高級餐廳水準時, 朋友用手指一指碟邊.....崩左... -_- anyway連2杯drinks都唔使$300, 坐得舒服, 幾好呀~但係過左8點開始多人, 好嘈, 要傾偈都係要轉場至得。如果餐廳唔放咁多張檯應該好好多, 不過做生意都無辦法啦!

其實來了這餐廳一次...我今次帶了我喜歡的人來吃.因我還記得上一次應該是聖誕節, 那時的環境令我想起「我一定要帶我最愛的人來吃!」, 加上上次我食的那個餐有一味叫墨魚麵... 很好吃...說回昨晚... 我訂了窗口位, 雖對著高樓大廈, 但也不失浪漫氣氛...她也很喜歡這裡^^侍應們也很有禮貌又親切, 時常也有笑容.好了, 點菜~叫了一個E 一個FE 是XXXXX牛柳, F是3并(牛+半架+炸軟殼蟹), (忘記了名字, sorry)來個餐湯和蒜蓉包, 湯應該是自己調整的, 不是罐頭湯..主菜到了~ 雖然份量少, 但真的很美... 味道10分比7分(上一次我會比8分,可能多DD 掛...)我地再叫多碟朱古力軟心蛋糕.. 耐O左DD, 原來係即叫即焗... 老實說, 是我一生裡(誇了點)最好吃的蛋糕!! 很溫暖的朱古力, 入面有朱古力醬流出, 終之一定要試呢個!!冇野好講... 我食過咁多間餐廳, 好難搵到間好過呢間...

29/6(五) 9pm與女友人的飯聚,於旺區要覓個不遭白眼,不受氣,可讓人久留的館子,實在有點點難度!敲定目標-樓上cafe,繼而於OR搜索收窄範圍--ECF Cafe.事先訂座,喜得靠窗二人座.瞥見全店滿座,環境以藍白色為主調,希臘風情,燈光暗黃,本應有格調;但礙於位與位之間空間感不足,環境較遭雜,非情侶談心地也!跟友人散點了鮮三文魚凱撒沙律$45,藍貝蠔肉墨汁麵配鮮茄醬$68,加$20轉餐跟餐湯及餐飲,香草烤肝醬鴨胸卷$78.羅宋湯--蕃茄香不算濃郁,加入了茄汁增其酸度,普通料子.蒜蓉包--包身脆而不鬆,遺憾地蒜蓉牛油香未算精采.鮮三文魚凱撒沙律--沙律菜份量足,入口爽口新鮮,凱撒汁口感豐富帶微甜;至於三文魚蠻厚肉.水準屬等閒.藍貝蠔肉墨汁麵配鮮茄醬--蠔肉腥味濃烈,半生不熟!青口入口如粉末,遑論跟鮮味連繫上!茄汁則原味稍遜,唯一可取的是墨汁麵條彈牙帶嚼勁!香草烤肝醬鴨胸卷--鴨胸肉質軟腍不羶,釀於中央的肝醬並非鵝肝,口感顯然沒鵝肝來得那般柔滑香濃餐飲--凍檸茶茶度恰好不涸喉,唯味道偏甜;友人的咖啡點子聞說也飲得過.服務員招呼屬周到,效率頗高,反應也挺快;唯食物質素及環境未能挽留我

即興tea局,地點棄人多多海港城,轉為去阿士厘道;見到樓下宣傳餐牌似乎幾ok,又有位小姐游說2句,最後坐住架迷你lift上7樓。餐廳唔算太大,環境還算開揚,如果坐到窗口位置更佳,白色牆壁/佈置都隱約比到客人少少少少希臘風情,感覺尚算舒適。大家都對自選意粉比較有興趣,試食左hon一啖蒜茸炒煙肉雜菌意粉,味道炒得幾香,而且又加左芝士粉關係,在隔離飯香情況下覺得好食過自己個份好多。自己選鮮茄汁配雜菌三色腸意粉,茄汁的確幾多鮮茄,味道微酸地夠開胃;雜菌以磨菇為多,以tea set黎計的確夠晒份量!!三色腸以白色呢款最對口味,唔知係什麼種類腸腸呢??意粉口感還好,如果可以再彈牙d更妙。凍咖啡味道ok,香味都有只係唔算太出色,見到hon杯凍檸賓,又覺得再一次隔離飯香!!!服務方面,幾位侍應都溫文有禮,呢樣的確唔錯!而且呢度不設加一,下次可以再考慮!

之前到過這間caf環境和服務也不錯, 價錢也頗便宜. 故是日試試這裡的午餐.餐湯點了羅宋湯, 不錯, 附上蒜蓉飽. 沒有試. 但見友人可以幹掉我那份, 相信很不錯.點了雞扒, 這裡的雞扒前得頗香, 入味, 合格有餘了. 另外, 由於是日不吃飯, 請侍應只上蔬菜, 他們果然俾了頗多的菜給我, 很不錯呢! 侍應服務好, 我們坐了兩小時多, 也沒催結賬, 很難得! 會繼續幫襯!

昨日二人到了這裡吃晚飯,點了兩個dinner set, 有牛柳和白汁海鱸魚扒,我就比較鐘意食白汁海鱸魚扒,味道唔會太濃,剛剛好,份量亦都好好,唔會太飽,但男仔就會嫌份量太少!牛柳雖然六成熟但就好似過左龍熟左dd,但味道好好;飲品叫左一杯生果茶和柑桔蜜,前者好好飲但甜左d.最後試左件new york cheesecake好正,無出面食嗰d咁甜,但味道同口感又唔算好特別!呢到可以坐好耐,員工服務態度好好,間中會主動添下水!但價錢唔算平,勝在可以坐好耐!相信逢星期五呢到一定好爆呀!今晩都唔少人架!

零六年的十二月十五日,初冬。第一次與你在此晚膳。你提議到你喜歡的餐廳。藍白色的佈置,燭光在幌動,猶如置身在希臘的小屋中。我們是最早的客人,被帶到餐廳近窗的角落,觀賞到亞士厘道窗外霓紅燈的燦爛奪目。與你一樣嗜羊,不約而同的主菜選了羊架。相視而笑,你很有風度的選了其他。分甘同味是我強項,又怎會不預你的份?前菜有餐包、煙鴨胸沙律、忌廉湯。例牌的貨色,在好心情下品嘗,猶如朝露。難得遇到知己良朋,天南地北,妙不可言。羊架七成熟,香嫩而味濃。羶味欠缺特出，淡淡的正合我意。試了你的帶子、薯蓉,一般而已,分了點羊架給你。見你滔滔不絕，菜也涼了，也把進食的速度放慢,為的是耐心細聽你所說。主菜份量不多,對我來說是剛剛好。你對晚餐評價不錯,我認同。