Ebeneezer's Kebabs & Pizzeria (已結業)

由於晚上參加朋友壽晏，下午茶唔想食太多，行過理工，以為呢度仲係 cafe 諗住食件三文治，點知原來變咗身，費事再周圍行就喺度揾啲嘢食啦！之前未幫襯過呢間店，咁叫個沙律頂吓肚，呢個 Chicken Tikka Salad $26 都幾大碟，可能開係校園又平啲啦，反正我都會經過，第日再幫襯其他嘢先 😋

以前在Polyu其實好少食呢間難得星期日夜晚其他canteen早收咁就試下啦呢間餐廳好有中東土耳其特色連staff都係中東個邊d人咁我今次就叫左Chicken Kebab再加一支綠茶價錢其實算係咁啦咁我就order完之後等左一陣間味道一般 還可以但又唔算特別好食如果學校區黎講還算可以不過如果可以揀 我寧願去新can舊can或cafe食多d始終中東野我的確好一般而環境就唔太好因為入面冇位唯有坐出面近草地個d位d位有點污糟而且狂俾蚊咬建議大家如果去食還是坐入面有冷氣地方比較好

Ebeneezer's 嘅 chicken tikka 一直係 my favorite, 最鐘意係配chips食, 捲成kebabs都非常唔錯。今日決定試埋Panini。Panini嘅最大特色, 就係表面一條條烘烤壓紋, 呢啲條紋係經過專用壓烘機壓烤而成, 紋路好看之餘, 更可令panini表面更香脆口感更佳。可惜呢個panini明顯壓烘時間不足, 麵包表面嘅條紋唔明顯, 熱度亦唔夠, 並沒有預期中外脆內靭嘅效果, 餡料亦唔多, 實在有啲失準

晨早起床，清新開朗。 在草地旁吃個早餐 ，可以忘卻一星期的煩憂。理工大學的校園， 星期六的早上 。。。沒有什麼人。 這個特色的小餐廳 ， 瑟縮在校園的一角， 十分寧靜 ，所以今天選了在這裏吃早餐 。叫了一份中東特色麵包( 燒雞肉意式三文治) 及一碟中東風味的 continental (雞肉炒蛋配薯蓉餅)， 連兩杯飲品才59.5元。。。 還附送無限風光，抵。中東包的味道很不錯 ，充滿 異國香料的香味。唯一美中不足的， 是三文治裏面的雞 ，是連雞皮的 ，所以我在吃的時候，要很小心的把雞皮吐出來，以免吞掉 不好的脂肪。早晨套餐就遜色了一點 ，分量不太多 ，也沒有什麼特色。不過，能夠在這個 優美的環境下 吃早餐。。。看著鳥兒在跳 、天空的雲在轉、Zara Hadid 的 建築 ，在淡淡的雲霧烘托下，照出理工大學的風采。。。 週末的生活寫意至此 ， 我都懶理其他事了， 一於活在當下 ， 偷得浮生半日閑!!!

有網友從外國嚟咗香港 要周圍帶佢參觀 今日就嚟到紅磡呢個理工大學 其實已經係屬於香港嘅景點之一 朋友話想感受下香港嘅校園生活 於是我哋就揀咗位於理工大學地下嘅一間小餐廳 呢間餐廳主要係食中東卡巴同埋pizza 餐廳嚟嘅位置唔該大約只係34張台 外面嘅公用位置就比較闊落 我哋就坐咗喺出面 而且有少少涼風 都幾寫意 本身想叫羊肉卡巴 但係原來午餐時間係唔供應嘅 就叫咗個串燒雞肉飯 但上面都有中東特色嘅醬汁有辣汁香草汁同埋沙律醬 佢嘅米好特別係長米 唔係普通食開嘅中國米 雞肉比較乾身 但係惹味重點係一個餐只係三十幾蚊果然係學生嘅飯堂

食厭左CANTEEN, 又揀唔到其他野O既情況下, 就試下哩間中東KEBAB!哩間野之前好似開係尖東, 但可能係POLYU 中左標, 所以就開係到. 執左果到食物好似同尖東果間一樣, 但平均每樣食物都平D, 諗落係抵食O既嗌左個今期特別O既烤雞串卷餅, 三十零蚊, 加左D 辣醬,因為係即卷O既關係, 所以要等一陣, 不過唔緊要啦, 室內有冷氣, 慢慢等都OK!等左陣, 熱辣辣O既卷餅就出爐啦! 一拎上手, 好熱!!!食落口, 餅皮脆脆地, D 肉都唔乾, 加左辣醬辣辣地幾開胃, 同出面食O既差唔多, 甚至好食D TIM!係抵食O既! 

有同學同我講話呢度既kebab唔錯 因為我都幾鍾意kebab 又見係學校 所以有一日落堂後就去左食😋除左kebab🍲仲有其他野食 ，咖喱呀 沙津等等第一次食我就點左Donar Lamb Kebab🐐羊肉卡巴🌯🌯等左一陣 羊肉kebab出世啦👏🏼👏🏼一拎上手 心諗。。。唔熱嘅 只係有微微微温☹️ 好啦唔夠熱 個皮點呢？答案係☹️好硬好乾 唔止我 我個frd都有同一個遭遇😫唔知係咪我地嗰日出咩問題定呢一間野一向都係咁個汁係okay嘅 同啲肉都幾夾但水準唔係高以呢個價錢黎計太失望啦唔會再黎😩

今晚黎到紅磡睇concert..作為poly舊生既我 每次都會入黎poly行個圈舊can最近裝修 少了個選擇新can又要7點後才歡迎舊生所以今次我就一嘗這間中東餐廳內都有很多非港人職員我叫左呢個飯食 價錢好合理但等作時間比較長 炒飯比較乾 咖哩味不算好重 但不辣 適合唔食得辣又想一嘗咖哩既朋友羊肉好香口 好林 好好食 超讚內有好多蛋tim開頭覺得兜飯好多 但食下食下好快都食得曬因為一食就停不到口了沙律配以薄荷醬同普通沙律醬買餐時加多5蚊飲蘋果汁，佢原價要10蚊架是次用餐都好滿意 但室內位置較少。。要坐到室內都要靠一點運氣了

約左友人收工見面，友人話帶我去食好味印度菜～心諗邊間呢？！完來係理大校園裡小小的一角，如果唔係朋友帶住真係會蕩失路～因為係理大校園canteen,所以相對價錢較其他分店便宜～Chicken Kebab 餅皮和裡面的雞肉新鮮熱騰騰～order左小辣～友人還是覺得太辣（不過我覺得岩岩好），少少辣既口感非常提味～生菜、洋蔥、切粒番茄，牛油咖哩雞都是炒過既配料，配上餅皮微脆的口感～真的非常美味！Roast Chicken with rice 燒雞肉雖然沒有很特別，一般焗過既雞肉有點老但少少脆，但佢加左沙律醬和番茄汁就非常特別，其實也很開胃，配以旁邊的生菜沙律，食飯之餘食下菜都幾健康～來一支新鮮石榴汁，不會有石榴渣，清爽帶少甜好滋味，作為美味晚餐的ending~

此店位於理工草地上, 不需查証, 一般人可幫襯. 近年的理工飯堂, 已經不準外人進入, 就算校友, 也只可以在非煩忙時間進入. 原因是大學近年大量收生, 大學校園已經去到非常擠迫的程度, 其實不單是理工, 其他大學通通一樣, 一哥的博扶林大學也都一樣, 因為大學食堂的負荷已經超爆了, 所以增加了很多小食亭, 方便購買食物, 否則全部學生去Canteen排隊, 成個鐘都未有得食!!! . 而唯一好些少, 就是馬料水大學, 校園大一點, 也相對地寬鬆一點, 哈哈….幸好, 我三間大學都有証, 可以隨時自出自入…..哈哈哈...大學內的Ebeneezer’s價錢 (前身是Supersandwiches), 比街外店平, 早餐的價錢大多是廿蚊以下. 初開張時, 曾經幫襯過一次, 都是Curry Chicken with Rice, 與街外店相差不遠, 只是雞肉份量略少, 熱度也略為低, 但都滿意. 但第二次幫襯時, 水準急降.今次再度幫襯, 咖哩雞熱度, 再差一點, 只是微微暖, 味道無變, 仍可接受.但白飯, 差到無朋友, 未食過咁難食既飯, 用匙更义開白飯, 漿糊一樣的飯身, 頂!!!!