影片
以上资料只供参考，请与餐厅确认详情
帮衬佐好多次，系个男仔态度好好，有个女嘅态度好差，我问碟𩠌系咩黎，个女即刻弹我只手指唔比我指🥲我又冇掂到d𩠌，好离远架，觉得心灵受创，好冇礼貌，可能我个样好恰d🥲有一次找钱仲找少佐，唔好意思都冇句🥲
继续阅读
自己间中都会去湾仔不同的食店买早餐，此店位于湾仔谭臣道，最初只是因平（16元 8粒烧卖连一杯冻饮）所以一试！但估唔杯奶茶有唔错的茶记质素，所以今天再去。另外，除了蒸的点心外，这儿亦有猪排饱，三文治和汤面提供。一碗餐蛋面只是18元，亦可按自己的食量自由加减食材，十分自由。加杯冻饮只是比多6元，而且味道唔差，绝对超值。当然，都要讲一句，这儿的早餐只是十余至三十元的食品，千万不像x姐用酒店出品与平民食店质素去相比。
继续阅读
今晚唔煮，叫咗六个外卖饭盒。电话落单，去到俾钱。去到惊见有三大袋，我望住呆咗一下。阿姐见我一个人，即刻话俾个大袋我，将两袋放一个大袋，等我容易攞。见我㗎车未到重借我位放阵先添。好有人情味。攞到返屋企，一开好靓，好吸引，超大份量，同见到都流口水。只来得及把其中两个拍照。今晚试咗西兰花炒鸡肉，蒸鸡髀，炸鸡髀，青瓜炒鸭胸，炸鱼柳，梅菜蒸腩肉。最后最惊讶的是䲝鱼，系原条上架（需然要加$14，但系喺原条呀！！）条鱼饭盒咁大。我自己觉得咁多样里面，西兰花炒鸡肉，青瓜炒鸭胸，同个䲝鱼系最好食嘅。记得㖞佢同一日，午餐同晚餐个menu 系唔同㗎。佢午餐时间也比较多人。
继续阅读
湾仔早餐选择好多见呢间小食店都有d 人龙一边系排三文治，烧卖肠粉鱼蛋另一条队就系排汤粉面三文治队多人好多因为d 三文治系即叫即整仲可以配牛角包/汉堡包三文治试过，但焗住系胶既包装袋会令到面包皮超湿🤢另一条队就系一个负责整面食既4眼阿姐第一次买既我就遇到几唔愉快既体验阿姐：食咩𩠌我：火腿 蛋 通粉唔该之后转头佢就应其他人，又重新再问我一次而且d通粉系比其他胶盘叠住，卫生都唔算好好。我就再答多次阿姐食咩阿姐：饮唔饮野我：好 加杯热奶茶之后阿姐又不停话我：下次叫野饮就早d 出声啦连续讲左三次...首先。我讲完佢又唔会记住二黎，如果客人系第一次帮衬，系唔会知道佢地落单既pattern, 完全唔明白点解可以咁讲野。真心觉得佢都几无礼貌，亦唔会再帮衬。
继续阅读
减肥成日都挂系嘴边，但系要返工就会有藉口比自己，咁辛苦做野做咩咁惨唔食好啲😅。话说湾仔早餐都多选择，不过唔平，有一日无啦啦想食蛋牛治，行左几间餐厅先揾到旺记隔离果间有套餐卖$31（其他我谂都可以有蛋牛治不过另加野饮就仲贵），食个有饭嘅午餐最平可以做到$3X，一份三文治要$31真心少贵，仲要等好耐先有得拎😡。今日谂住系地铁站附近求其揾间餐厅仔买份蛋牛治，冇咩要求，只求快就算，唔想迟到，（正常间间都系用果罐罐头都应该唔会好伏😜），跟住我就见到「EAT道」有姐姐即整三文治，好耐冇见到呢个情景，好怀念以前细个红磡车仔档即整三文治，跟住就叫左份蛋牛治加热奶茶多奶，吓我一跳，个女仔话$20，oh my god，我平时$20净系可以买到冻冰冰嘅三文治套餐咋，$20真系唔只良心价，系佛心价钱（以湾仔区计）。味道正常嘅～下次会再帮衬！
继续阅读