E FOR EGG

营业中

休息中

相信大家對E FOR EGG呢個名吾陌生🍳今次就同位已經黎過一次嘅朋友食，我第一次覺得好正☝🏼佢二訪都話都系好好味😋✌🏼✿ 金沙軟殼蟹三文魚籽海鮮沙律盒子吐司 $108外型已經好吸睛👀金沙醬即鹹蛋黃醬加上沙律醬，混合埋甜甜哋非常滋味💛軟殼蟹擺咗一段時間仲系好脆卜卜🦀Fusion日式有三文魚籽好爽口，海鮮就有魷魚🦑幾新鮮呀。✿ E FOR EGG芝士奶蓋招牌窩夫 $88芝士奶蓋加窩夫好過癮，表面隻「蛋」勁得意☺️🍳其實同樣系奶蓋黎，好多奶蓋，芝味又濃厚🧀仲食到有煙韌麻糬。窩夫又吾會比奶蓋整到淋曬，keep到好脆身🧇✿ 招牌奶蓋咖啡 $48同芝士奶蓋窩夫一樣表面有隻「蛋」😆奶蓋做到稠身，同樣系擺咗一段時間，亦冇溶到，芝味同樣豐富🤍咖啡味道濃而吾會好苦澀。✿ 開心果特調 $56開心果鮮奶好出名，杯旁邊有開心果粒作點綴，飲品攪勻之後開心果味好濃💚開心果控表示滿意☺️加入豆腐食到豆腐粒令層次更豐富。P.s. 員工服務好貼心，關心客人需要❤️

同friend喺雨天去試咗依間喺大圍非常之有人氣嘅Cafe，食物質素真係好高☺️🥯金沙軟殼蟹三文魚籽海鮮沙律盒子吐司呢個係最推介嘅，三文魚同埋個吐司融合得特別好，軟殼蟹又增添咗成個吐司嘅風味😋一入口仲有魚籽喺口腔中爆汁🍱炸雞魚餅定食炸雞都炸得好好，配上豐富嘅小菜，成個定食滋味好全面🥰魚餅有兩個口味都好好食～🥤招牌奶蓋咖啡好好飲，不愧係成個店Number one嘅推介飲品，口味好特別，有興趣嘅可以試飲一下👍

等緊去圍方戲院睇戲嘅時候，search附近餐廳就見到呢間cafe，嘢食望落幾特別，而且有我想飲嘅特色咖啡就嚟左！當日星期六中午，所以去到都要排一陣隊，不過都好快有人交枱，等左約15分鐘就可入座。招牌奶蓋咖啡 & 桂花拿鐵同朋友各自嗌左一杯share飲，當中招牌奶蓋咖啡真係令我地都十分驚喜，首先聞嘅時候有陣陣好香嘅咖啡味，飲落好重Bailey's味，但又多左奶蓋令口感層次更豐富，而且咖啡好滑，甜度適中，我覺得係嚟呢間餐廳必飲嘅嘢。不過佢含酒精，如果對酒精敏感嘅朋友就唔啱飲啦！而另一杯桂花拿鐵都用上真材實料，飲落淡淡桂花香，好清新宜人，適合唔鍾意太重咖啡味嘅朋友。Double芝士豬柳盒子吐司首先toast有好香嘅牛油味，一啲都唔dry，加埋鹹香嘅豬柳、雙重芝士同滑蛋超好食，本身滑蛋已經有微微調味，所以唔洗額外再加調味料。期間限定 - 日式炙燒豬頸肉配溏心蛋 豬頸肉燒得啱啱好，肉質一啲都唔嚡，帶有少少油脂邊令佢食落口多左陣油香味，小菜無論係泡茶定蛋絲都十分好送飯，係健康又有營養嘅菜式。

呢間位於區內經常排長龍嘅 cafe ，主打與蛋類有關嘅料理，同埋多款賣相相當吸睛足料嘅盒子吐司，假日時間專登同男朋友去試下。假日下晝1-2點時間，都需要排隊等位。Cafe 有兩層，當日我地安排左上層日式榻榻米座位嘅位置，需要除鞋入座，我地有幾次起身都撞到吊燈，所以建議坐唔慣榻榻米座位嘅，記得要求坐下層。店鋪裝修日式風，適合打卡。我地叫左金沙軟殼蟹三文魚籽海鮮沙律盒子吐司，賣相相當吸引，份量十足，有原隻軟殼蟹，咬落香脆，內餡豐富，加上滿瀉嘅滑蛋，滑蛋中仲加入左少量八爪魚粒，相當驚喜。吐司香脆得黎又十分鬆軟，口感超級豐富。另配有三文魚籽，沙律菜同埋炸芝士年糕。仲試埋E for Egg 芝士奶蓋招牌窩夫，造型十分可愛。窩夫面鋪有奶蓋，中間有大量嘅 cream 同夾住煙韌麻糬，連埋窩夫鬆脆，口感十分豐富。飲品方面，叫左開心果特調（開心果＋鮮奶+豆腐）同桂花拿鐵。作爲開心果迷，當然要試下杯開心果特調，外觀相當吸精，杯邊加入開心果碎圍邊，成杯野開心果味幾濃，加咗豆腐碎，每一啖都夾雜住豆腐嘅質感，反而唔太飲到鮮奶味。桂花拿鐵杯面同樣鋪有桂花碎點綴，飲落有淡淡嘅桂花香，入口順滑。

估唔到和風，但配kimchi可惜我唔食，所以得幾舊雞扒就真係唔夠食好在個飯有飯素幫下手如果唔係要食白飯呢個係幾好味幾特別開心果味濃，但就冇其他特別，性價比唔高今日我哋坐樓上，本來覺得環境好好坐地下好有feel點知，餐廳抽氣太差全程充斥住油煙味男朋友特別敏感，覺得好辛苦所以食完都快快走

喺門口排隊嘅時候四眼仔哥哥已經好冇禮貌 又唔講清楚喺邊度等 講真第一次嚟點知邊度等喎 講清楚啲會死嘅 送餐過嚟又抌嘢 帶住個口罩都feel到佢嗰種好唔好客嘅感覺😅😅講真俾錢買難受 個牛肉飯又唔好食 職員又黑口黑面 我不如食吉野家好過啦☺️仲有臨走嘅時候廚房嘅職員偷影我個朋友 唔該俾啲尊重啦 做餐飲業定係做龍友？講真冇下次 垃圾舖頭 請都請啲有心做嘅職員啦 趕客😓😓以為開埋分店有咩高水準原來都係咁垃圾 奉勸大家都係唔好食啦，俾錢買難受🤮🤮🤮

大圍真係好適合放鬆嘅地方，今日同爸爸媽媽一齊過嚟大圍逛逛，順便過嚟食邊間嘢嘅麵包同埋甜品，整體賣相都幾靚，兩杯嘢飲牛奶同埋啲茶層次分明，抹茶鮮奶都幾真材實料，金沙軟殼蟹三文魚子沙律盒仔方包，份量都幾大，上邊有個好得意嘅軟殼蟹㗎住喺麵包上，脆身帶少少油脂，可能會有啲熱氣，個麵包係真係唔錯，伴碟有沙律同埋番薯條，烤雞扒定食，就一般，比較正常嘅口味

非繁忙時間，在店內仍有空位的情況下仍然將互不認識的客人迫在同一張四人台。這樣做很不尊重已經正在進食的客人。已經不再是海福花園時的小店!食物質素方面倒是不錯，但這樣對待別人，實在教人失望。之前幫襯過好多次，由以前在海福花園開店開始，至後來在疫情時候亦常常幫襯外賣，但現在越做越大卻遇到不愉快事件(其實我唔想寫咁多字，但OpenRice 要我寫夠200 字先得)，係有失望嘅。但我明白甚麼是多我一個客唔多。Ok，夠字了。

E FOR EGG (大圍)這間Cafe Bookmark了很久今次終於經過附近去到正所謂期望愈大失望愈大？！還是我當天太黑仔？！嗯…當日11:45左右去到餐廳門口因為未開門就稍等一下後來愈來愈多人來到排隊正式開門後男店員就安排大家入座因為想靜靜地me time一下所以問男店員可否坐於二樓男店員回覆二樓未開所以未能安排而且看到是按排隊次序去順著座位去安排入座**如果想坐二樓的話不要太早去Cafe 半邊open kitchen另一邊就是座位落單用QR Code男店員當日全程近乎黑面後來有需要加水及結帳我都另外找其他店員幫忙金沙軟殼蟹三文魚籽海鮮沙律盒子吐司 $108-原隻軟殼蟹放於吐司上面 但新手店員一放低吐司 軟殼蟹就「訓低」了 相片的效果是我把它再「站起來」 吐司外面烘到香脆 裡面仲有滿滿的滑蛋 但因為沙律醬及滑蛋味太重 反而不太覺得有咸蛋味 甚至食到後期有點膩 另附有三文魚籽﹑沙律菜及炸芝士年糕 栗子蒙布朗窩夫 $88-製作需要15-30分鐘及可以安排後上 甜品有部份栗子蓉已塌了… 但栗子蓉沒辦法救了… 上面有個形似太陽蛋的奶蓋 栗子蓉底下有窩夫，原粒栗

最近社交平台見到倆口小吃聯乘E For Egg 😍兩間都係我嘅最愛當然要去捧下場，所以趁long weekend專登去大圍😝不過Weekend都幾多人等位，最後大概等咗半個鐘頭左右🫣不過餐廳入座安排有少少混亂，呢點可以留意吓🤔🦀金沙軟殼蟹三文魚籽海鮮沙律盒子吐司 ($108)吐司表層烤得香脆，大大隻軟殼蟹喺上面，好澎湃好啱打卡😍 金沙軟蟹外酥脆內軟，不過唔係好食到有蛋黃香😂吐司內層炒蛋同海鮮沙律味道亦都配合得唔錯😋🥙傅統刈包配柚子醬+ 🍵抹茶鮮奶 ($88)我一直都有追蹤呢個米芝蓮推介刈包嘅最新動向，一有機會就要食😂😂😂包仍然都係好軟綿帶煙靭，酸酸甜甜嘅柚子醬更錦上添花😋幾時都咁好食🤤今次聯乘嘅刈包同壓餅就一定要叫套餐，但套餐嘅飲品選擇較少，唔太啱口味🥲所以就變咗食唔到壓餅🥲🥲🍵開心果特調($56)開心果控必試🥰🥰開心果味幾濃，加咗豆腐碎，每一啖都夾雜住豆腐嘅質感，相對冇咁膩🤣

食物普普通通，但排隊立立亂，規矩形同虛設，等到嬲嬲地。門口寫明「過咗五個就要重新排隊」，但係人哋過咗十個以上都可以照插隊，我估可能係佢哋生得靚掛，不過對一直喺門口排隊嘅人好唔公平，天時暑熱企條街中間喺度等你，原來可以係咁打尖，咁總之我拎咗張飛之後去踩個單車先返嚟啦。食咗金莎軟殼蟹三文魚子海鮮沙律盒子吐司，價錢偏貴，質素就中規中矩咁啦，但係過百蚊食一個多士喎，一百零八蚊絕對有其他更多更好嘅選擇，附近幾條街都大把嘢食。杯嘢$56，但係睇落大概有七啖左右，天時暑熱都唔知點。唔怪得知咁多人話係香港食嘢，係貼錢買難受。

呢間大圍小店要行入少少先搵到！店面唔算起眼，不過麻雀雖小，但五臟俱全！1. 日式炒麵雞軟骨滑蛋盒子吐司 $78呢個食完真心好滿足！睇落細細個，但勁多料係中間！日式炒麵，撈咗蛋黃醬同沙律醬，味道上增加左層次，唔會咁單調。雞軟骨炸得勁香脆，滑蛋份量勁多！吐司烘過，外脆內軟！另外仲有一件小食炸年糕附送😋😋一份已經勁飽肚！抵食！2. 雞翼拼盤$58有4隻雞翼（中翼連翼尖），口味有兩款，其中一款係餃子釀雞翼，雞中翼部分拆左骨，再釀入餡料！好鐘意！好好味！值得一食！🫶🏻🫶🏻

今日lunch hour行遠少少食，就一於去mark左想食好耐的E For Egg，11:55去到先知原來係開十二點🤣🤣雙重芝士三文魚滑蛋盒子吐司$88一上枱就覺得賣相好靚，吐司入面係炒蛋，上面有煙三文魚同魚子，伴碟有芝士年糕同沙律。個吐司外脆，入面的麵包好軟熟，配埋個醬一齊食好夾。招牌奶蓋咖啡$48奶蓋味咸咸地，帶出到個咖啡味，但我就感覺唔到有酒精味😅😅不過間café抽風系統就唔太好，好大陣野食味，呢個係唔好之一，同價錢有少少貴😅😅

📍E for Egg大圍出名Cafe小店鄰近大圍站，10分鐘內路程Dinner時間都多人排隊等可以用OpenRice訂定位繁忙時間只可以坐60分鐘～店舖裝修係日系風餐牌有幾款招牌菜單，都係有雞蛋🐣包括招牌奶蓋咖啡招牌窩夫好食又好睇，打卡able🐣原味窩夫入面仲有雪糕，好滑既奶蓋Cream野飲係咖啡再加酒精味道就好似Tiramisu唔會好重酒精又有咖啡香👍🏻推介朋友就飲抹茶Latte🍵都唔錯煮食方面有星鰻定食條魚好滑，份量都好多，性價比幾高仲有泡菜，雞蛋絲，沙律菜營養豐富👍🏻

大圍打卡雞蛋主題cafe🍳 cafe 主打滑蛋盒子吐司同埋甜品！全部賣相都非常吸引，因為位置唔多，我個日星期六成4點去到都要等位🫠/三文魚芝士滑蛋盒子吐司 $88/盒子吐司外皮鬆脆，入面嘅麵包依然軟熟！海量滑蛋加埋蜜糖芥末醬味道唔錯！三文魚卷成玫瑰花賣相吸引🌹 另外仲有炸芝士年糕同埋沙律菜伴碟！/E for egg 芝士奶蓋招牌窩夫 $88/甜品有超多cream 同埋奶蓋，口感輕盈順滑😮 waffle 鬆脆，中間夾住煙韌麻糬口感豐富，雖然邪惡但係好正🤣/開心果特調 $56/開心果迷唔可以錯過！開心果味道超濃郁，唔會太甜，底層仲有豆腐花😍