Drool Froyo

营业中

休息中

前兩日經過蘇豪伊利近街見到間新開張Frozen Yogurt店就去試吓.Menu好多口味選擇，仲有窩夫我哋叫咗《朱古力3.0》同《黃金寶》嘅Froyo即叫即製，店員非常好心機慢慢砌到靚靚，啱打卡📸個Froyo微酸，配襯啲朱古力或芒果醬都好夾唔甜亦唔會滯，下午茶或飯後食都可以.個Froyo認真好食所以再追加《香芒乳酪》同《酸甜可口雙莓》Croffle件窩夫都係即叫即製，需要等約15分鐘熱辣辣脆卜卜嘅窩夫加上乳酪同果醬睇到都流哂口水不過好易溶，要快食！🤣.店內有少量座位同企枱唔太多人嘅時候可以喺店內進食.時間中午1點開到晚上10點都係預大家食下午茶或飯後甜品吧.有狗狗嘅朋友可以免費攞杯原味乳酪俾狗狗一齊食添🐶.乳酪每杯$50左右，中環蘇豪位置，價錢算偏平吧！Froyo仲可以Create Your Own，下次再去挑戰！

天氣熱辣辣又焗，係時候要食下雪糕cool down 下，一點前嚟到，門外已經不少人排緊隊😯睇嚟係正野🤭重點係乳酪雪糕感覺好似冇咁邪惡😈 ✨滿足杯 - 可以自選醬汁同配料，我揀左粒粒開心果醬、朱古力布朗尼、金奇異果同蝴蝶酥，開心果醬好濃郁質地夠thick，撈埋酸甜乳酪雪糕一齊食好滋味🍦 ✨黃金寶 - 有啖啖肉芒果、麻糬、杏仁脆片同野生蜂蜜，整體清甜消暑，好鍾意佢d麻糬粒，軟糯有口感，難怪咁多人都叫呢款🥭 ✨Croffle - 叫左一個香蕉乳酪Croffle同一個酸甜可口雙莓Croffle，即叫即整，一咬勁鬆脆，同面頭嘅乳酪雪糕做到冷熱交融效果，好鬼正🤤

係公司附近行嘅時候，發現了呢間乳酪雪糕店，最近又熱熱地，就決定食雪糕。可以自己選擇sauce & toppings都有唔少款可以選擇。但如果有選擇困難症，都有standard sauce & toppings 款可以揀。今次兩款雪糕都係自選&滿足杯，有得揀三款toppings & 1款sauce。⭐️第一杯滿足杯-啖啖肉芒果、停唔到口杏仁脆片、朱古力麻糬、芒果醬芒果都幾大粒，分量唔少&好甜，正。杏仁脆片幾脆，配埋乳酪雪糕一齊食唔錯。⭐️第二杯滿足杯-萬人迷布朗尼、估你唔到有繽紛樂、越食越瘦香蕉、Baileys 朱古力醬布朗尼好濃郁巧克力味，加埋香蕉& 繽紛樂嘅甜，好夾，好推薦咁配搭。

（純自費）去開中環見到Drool Froyo 排晒隊好似好吸引 我女就話好想食 我地左一陣我地就叫左黃金寶同朱古力3.0食落真係好好味，唔怪之得排長龍啦，黃金寶係乳酪雪糕加芒果肉，加QQ既麻薯波波口感好得意，再加埋杏仁脆脆口感好豐富呀！都叫埋啦～窩夫做得唔錯，外脆內軟，加上凍冰冰既雪糕放埋一齊都好match!呢間真係幾好食，可以再encore😋

最近見好多人去呢間Froyo打卡～食完飯順便過黎食個甜品😚因為係乳酪雪糕，所以食飯後甜品都唔覺得heavy▪️抹茶園Froyo$58乳酪味道甜度剛好，上面淋左幾濃嘅抹茶醬，仲放左啲抹茶麻糬，口感Q彈，中間個層有啲藍莓，加埋頂層蝴蝶酥，賣相討好▪️黃金寶Froyo$58 芒果加上乳酪雪糕味道都唔會酸，夏天必點芒果口味！！淋上野生蜂蜜帶甜甜嘅香味，上面仲有麻糬同粒粒芒果肉，頂層超大塊杏仁脆片，呢塊脆片係精粹😋好好味▪️香芒乳酪Croffle $40 冇留意原來Croffle上面都係滿滿乳酪～牛角包窩夫烤得好脆，配上乳酪出奇地夾，芒果酸甜不膩，一件已經好飽▪️輕盈香蕉窩夫Croffle $40香蕉上面仲加左啲蜜糖，乳酪份量好足，已經諗定搵日再黎encore🤭可能因為開喺中環區，夜晚嘅時候都有唔少外國人嚟食，好受歡迎。除左已經set好嘅雪糕仲有得自由配搭，想食咩就揀咩

📍Drool Froyo 中環伊利近街14號地舖上次試完天后嗰間，覺得個Yogurt都好好食，得知中環開咗新分店，咁啱經過天氣又熱就再嚟食吓🥵☀️同天后分店唔同，中環分店環境更chill，店內外都有堂食嘅位置，但位置就唔多。朱古力3.0 🍫 $58配料有oreo、kinder繽紛樂朱古力、香蕉、baileys朱古力醬同埋oreo碎碎。配料嘅份量慷慨，香蕉有成3大舊，朱古力同Yogurt甜甜酸酸嘅配搭好match，又唔會話好膩，喺夏天咁熱，唔想食太飽嘅時候，好適合就咁食一杯作為一餐。醉冧Rum 🍹 $50呢杯好有驚喜，好特別！配料有提子冧酒同埋焦糖杏仁太妃糖，酒味十分濃郁，Mix埋酸酸地嘅yoghurt，意外地match。焦糖杏仁太妃糖咬落脆口，為成杯yoghurt增添口感，而味道微苦，呢一杯係成人嘅味道！

夏日炎炎最啱食雪糕🍦行行吓發現一間主打健康低脂希臘乳酪雪糕！食完都減少罪惡感！📌抹茶園上面Topping很足料🤩有我的最愛抹茶麻糬‼️有一塊蝴蝶酥及冰凍過的藍莓🫐有透心涼的感覺👍🏻📌朱古力3.0超級邪惡👿有Oreo同繽紛樂🤤但都有健康的香蕉🍌最後淋上Baileys朱古力醬🍫這個配搭非常好！朋友表示非常滿意👍🏻最後仲叫左乳酪雪糕Croffle🥐叫左香蕉同藍莓口味～一口咬下去有冰火的感覺！

星期五晚去中環Drool Froyo同契女食咗個滿足杯🥳 自選3款配料＋1款醬汁🫐🥭🍓 我哋揀咗藍莓、芒果、草莓凍乾，加埋熱情果醬，完全係酸酸甜甜嘅滋味大集合，味道層次超豐富，每口都係幸福🩷另外仲試咗提拉米蘇，層次超講究，有咖啡蛋白糖霜☕️ 咖啡手指餅🍪 朱古力粉🍫 仲額外加咗朱古力麻糬🍡同抹茶奶凍🍵 完全滿足咗契女嘅甜品控胃口。🍧原味乳酪質感超滑，仲帶少少清爽嘅酸味，再襯埋醬汁 每一啖都係好自然健康嘅感覺🫶 配料都係靚靚新鮮又精緻，店員好有心機擺到可以影靚相📸價錢嚟講 平均一杯五六十蚊左右，份量真係唔少😋 真心感覺好抵食👌 💡想甜品唔肥又健康，鍾意DIY配搭嘅朋友可以考慮下試呢間，真係食得開心又滋味🩵

最近社交平台成日都見到呢間乳酪雪糕店，呢日行過就去咗幫襯😚 呢日係假日，果然係非常有人氣，店面都企滿幫襯嘅客人啊 。黃金寶呢一個係preset咗嘅FROYO🍦份量都好多，配料方面有芒果、麻糬、杏仁脆片同埋野生蜂蜜🍯 見到店員先喺杯底唧一圈，再加啲配料，再喺面頭再唧多啲Yogurt🤣 令到呢一杯Yogurt嘅造型好靚。抹茶園呢個同樣擺盤出色，入面嘅材料有藍莓、抹茶麻糬、蝴蝶酥同埋抹茶牛乳醬🍵 勁鍾意佢個抹茶味嘅麻糬，口感煙煙韌韌，而且茶味香濃。酸甜可口雙莓Croffle呢個係即叫即製，所以要等15分鐘，但係絕對值得等待🥐 Croffle整到勁香口，配埋面頭嘅Yogurt，加埋紅莓醬同埋新鮮藍莓，整個組合都好Fresh🫐輕盈香蕉Croffle呢個新鮮香蕉同埋野生蜂蜜，配埋Yogurt酸酸甜甜幾開胃，都幾推介呢一個Croffle🥰呢間甜品舖食物賣相靚，味道又好，真係好推薦🥳 乳酪雪糕輕負擔，牛角窩夫又非常鬆脆，夏天消暑差差電就啱晒啦🤤

Happy Friday 同同事食完飯，經過見到呢間Drool Froyo😍作為吃貨嘅我哋⋯就梗係諗都唔使諗就入去試吓～🔅滿足杯我哋揀咗開心果雪糕，配料加咗芒果、朱古力麻糬、蝴蝶酥、開心果醬～開心果雪糕都幾有特別，出面好少有🤩🔅黃金寶係配咗原味嘅Froyo~ 個人就都係鍾意原味，多啲酸酸甜甜嘅感覺🤤配有芒果，麻糬，杏仁片，蜂蜜🍯好好食！🔅芒香乳酪croffle/🔅雙莓乳酪croffle兩款都酸酸甜甜，配上自家製嘅croffle, 非常酥脆，配埋Froyo冷熱交融，口感好正～😋

天后嘅人氣小店drool froyo終於開到去中環，幾年前食過天后分店已經覺得好食，嚟到中環分店都一樣好正😚叫咗兩款froyo都好好食👍🏻，好creamy微甜帶乳酪嘅酸味。仲有啲配料都好出色，例如杏仁脆片同brownie都係自家製🤩。私心超愛麻糬，好chewy❤️!!仲有店員真係好不手軟，不停咁加，最後勁大杯🤣除咗froyo，仲有新鮮整嘅croffle🥐，面頭唧滿froyo同水果🫐🥭～🧾𝙞𝙩𝙚𝙢𝙨 𝙤𝙧𝙙𝙚𝙧𝙚𝙙:•滿足杯 $58 + 開心果乳酪 $5 + 開心果醬 $3•黃金寶 $58•香芒乳酪Croffle & 酸甜可口雙莓Croffle $40@1📍 Drool Froyo •中環伊利近街14號地舖•天后電氣道96號地下A1號舖

今日難得出到中環，我想試下唔同嘅野食，消消暑食平時好少見到嘅乳酪雪糕窩夫！見佢係用健康低脂嘅希臘乳酪雪糕，我就心心眼，同老公入去買黎試下，價錢都算合理呀老公叫左咖啡控，平時飲咖啡就最鍾意配LOTUS焦糖餅，工友今次呢個咖啡乳酪都配上呢塊餅！酸酸甜甜嘅乳酪配上冷粹咖啡醬，仲有咖啡奶凍，啖啖都充滿咖啡嘅香味☕️老公表示都幾滿意我鍾意食芒果，所以買左黃金寶！乳酪入面有芒果粒啖啖肉，上面在淋上蜂蜜，味道酸酸甜甜，仲有好多唔同嘅配料，有麻糬同埋杏仁脆片酸甜可口雙莓乳酪croffle賣相幾靚，Croffle 外脆內軟，上面有幼滑嘅乳酪雪糕！有甜甜嘅藍莓，配埋雙莓醬汁一齊食，酸酸甜甜香蕉乳酪croffle質地鬆脆可口，配上凍冰冰嘅酸甜乳酪，同埋香蕉餐廳舒適，我見到餐牌仲有得自選乳酪，自己揀配料同埋醬料，配搭仲有抹茶、咖啡、酒精等，下次再黎幫襯先！另外，店員仲話有免費雪糕提供比寵物呀

同朋友喺中環食完嘢，佢同我講中環上面有間新開嘅乳酪雪糕食， 仲有非常之香脆嘅窩夫， 佢知我好鍾意食乳酪， 所以佢第一時間帶我去食！ 香芒乳酪雪糕脆窩夫外層香脆，內裡軟熟，配上清新芒果和乳酪雪糕，係新鮮芒果， 新鮮芒果都幾甜！ 酸甜可口雙莓雪糕脆窩夫外層香脆，內裡軟熟，配上藍莓和草莓雪糕，酸甜清爽不膩，佢係新鮮士多啤梨同新鮮藍莓，藍莓有成十幾粒！ 抹茶園蝴蝶酥乳酪雪糕外層是酥脆蝴蝶酥，帶有濃郁抹茶香，配上清新乳酪雪糕！咖啡控蓮花焦糖餅乳酪雪糕有濃郁咖啡香，搭配蓮花焦糖餅的脆口和乳酪雪糕的柔滑！

夏天緊係要食雪糕，呢間乳酪雪糕之前喺天后已經食過一次，最近見佢喺中環新開咗分店，店舖仲有座位可以坐低慢慢食，今日食完飯就同朋友行上嚟，中環分店營業時間開到晚上12點，真係太適合我哋夜貓人士。我同朋友都叫咗滿足杯，有三個配料和一個醬汁。麻糬煙煙韌韌，杏仁片香脆可口，芒果香甜，加上紅莓醬酸酸甜甜好開胃。乳酪雪糕用咗希臘乳酪整成，口感幼滑，味道酸甜，健康低脂。朱古力麻糬香濃朱古力味道，麻糬煙靭有彈性，蓮花焦糖餅10分香脆，香蕉香甜，加上Baileys朱古力醬非常夾。

媽咪好鍾意食乳酪雪糕，今日特登帶佢食新野🤭! 呢間店整嘅雪糕都幾精緻，採用健康低脂嘅希臘乳酪雪糕，仲有好多款式呀🤩。去到仲見到其他客人攞左個小雪糕比狗狗，原來係有免費寵物雪糕提供，都幾貼心!❤️黃金寶 ($58)乳酪雪糕唔會好甜，所以加左蜂蜜反而仲香😋質地都好滑~ 見到佢整嘅時侯中間有成層芒果好吸引🤤🤤! 最頂仲有幾塊杏仁脆脆，連雪糕食又特別夾，最正係有粒粒麻糬真係我最愛，一杯雪糕有咁多配料真係夠哂豐富🥳🤩提拉米蘇 ($50)呢款睇落雖然簡單啲，但估唔到咖啡手指餅酒味都幾重😯，口感仲好鬆軟! 有啲似冰凍tiramisu咁幾特別👍🏼😚。旁邊嘅咖啡蛋白霜糖都放得好靚，睇得出配搭有心思 🥰🍨香芒乳酪Croffle ($40)本身以為係面個層係cream，尼到望真啲先知係乳酪雪糕😆! 出面都好少見呢個配搭~ 咬落窩夫好香脆，乳酪雪糕唔會搞到好甜好漏，又凍又熱口感好得意🧊🔥! 仲有好多芒果味道仲豐富左❤️