Drink氣鍋

营业中

休息中

Happy Frida y♥️星期五下雨天，記得兒時老豆會專登揸車入去沙田食雞粥. 當然現在冇哂啦！♥️♥️早前發現火炭有海鮮食，今天我就早約定小店，2口子簡簡單單入火炭食雞粥，♥️♥️♥️今晚食左一D海鮮，飲左枝靚白酒，永遠支持香港小店，唔通放工仲同你舟車勞動北上咩，請都唔會了！我係要食得精。龍蝦+班馬瀨尿蝦$3xx聖子+大蜆$1xx蟹肉馬友+鮮蝦滑$1xx十六殼雞粥$1xx好食到不得了嘅雞粥。我肯定喺香港食啦👍👍

蒸青花龍蝦龍蝦上枱時候 , 我哋都嘩嘩聲。隻龍蝦好大隻 , 足有一隻手臂咁長。龍蝦嘅殼呈青綠色 , 睇落好鮮艷。龍蝦肉雪白嫩滑 , 仲有啲蝦膏添。我哋夾起一塊龍蝦肉 , 蘸埋啲豉油 , 就咁放入口。哇！真係不得了！龍蝦肉好鮮甜 , 啖啖肉。蝦膏嘅味道更加濃郁 , 真係好正！

美國回來成2星期都未食過好嘢!今日專登走嚟火炭食海鮮私房菜。19年已嚟過. 移民後念念不忘佢哋嘅十六穀粥底. 佢哋自己調過. 我試過整. 都係無佢咁好味!所有海鮮嘅味道落哂去粥底度，再加上佢哋調配好嘅十六觳米非常有咬口非常好味！ 如果有人好食過佢請你留言話我知🥹🥹講真海鮮只要新鮮差不了那裡. 但這店有D都有特色做法. 支持香港小店. 努力呀加上現在有免費任飲Sake和紅酒. 走之前更係豪一豪啦! 特別介紹比飲得之人🍷🍷🍷

最近大熱一個FB羣組. 香港餐廳結業執笠羣非常之熱烈，幾日就有18萬人加入! 講真真係好多店結業! So Sad😭呢間私房火鍋小店復活節最後1天嚟到居然都爆場. 學小紅書講係天花板. 當然現在只做一轉. 店主都chill住做. 佢話返正人手有限、做好D食物留住客人, 飲下酒傾下政府嘅德政好過啦!🔥🔥我哋一於少理留港飲飲食食. 最緊要地方企理, 食材(海鮮)新鮮，現在仲有50%off 一於食左先講。🎉🎉雞. 魚. 龍蝦. 貝類. 蟹. 豆苗樣樣有. 最後店家請飲左杯. 復活節開心的一個晚上. 明天返工🤣🤣我哋無飲酒, 4佰蚊走人. 仲想死咩？ 會encore 👍]]]]]

隱世火炭蒸氣火鍋店，氣氛輕鬆，海鮮新鮮。另外值得一提係飲品，香水檸檬系列清香唔會太甜，飲得出清新嘅感覺。乳鴿都好食，肉嫩，唔會太濃味搶過乳鴿鮮味，肉厚，啖啖肉。最有驚喜係馬友，好滑有魚味，切法起左骨，食起上嚟好方便。扇貝就中規中矩，但調味上除左蒜蓉外，仲加左d蝦米，味道獨特。當然亦有挑剔位，蜆既份量雖然好多，但我夾左幾隻都明顯有沙，冇得食😔整體覺得份量好足，後尾碗粥食唔落，要打包返屋企，返到屋企仲暖暖地，比家父食，佢話好鮮味😎

由極寒又到極濕暖跟住又轉凍。呢D天氣好多人都流感＋肺炎，今天到我中招，朝早起來咳得好辛苦 一於偷懶請咗兩日假 第二日起來打咗埸波出身汗， 個人舒服好多了。諗住仲有一天假即刻約閨蜜食餐飯，一於出動搵好嘢食＇今晚主角食海鮮. 🐦‍⬛🐦‍⬛訂檯時已定餐，所有食材都非常有heart，與外面的火鍋不同，北寄貝，火焰蝦，手打墨魚餅和鹽焗奄仔蟹！好好味好飽，食埋個十六殼粥底，趟平了！😍😍下次再嚟時，師父話可做黑胡椒炒肉蟹我地試！期待💯

好耐無畫畫. 最近適逢阿仔要係火炭打baseball. 自己有D空閒就走上老師度練習下!玩完已6：30. 凍凍地就在附近揾打邊爐啦. 最後揾到呢間好似食私房菜嘅小店想試，點知6：45已坐滿. 因為無訂座要等到7：30才有位. 🥶🥶🥶我哋叫嘅Menu.A食材已定好. 唔駛我諗最好. 🤔🤔🤔小店已一早預好哂當天海鮮食材. 所以叫左最基本嘅餐. 餐已包海鮮 魚 雞 肉. 我哋再加左D當天師父推介嘅🐚🐚🐚馬刀貝，北寄貝都好新鮮大隻! 最後佢哋個十六殼粥底🥣🥣🥣做法幾特別，好蓉好好味! 幾仔乸Happy Friday. 整體用餐感覺很好，下次會帶家人再嚟, 但訂好位好D!

🀄🀄農曆年前後有很多飯局，但人大左不是每個飯局都想去！首要條件係要知同邊個食？食乜餐？咩地方咁排列！今次應約多年朋友聚會，又係食特色小店海鮮，全中，準時到。問店家原來已開7年，仲開係工業區，講真無DD料一早接埋多年，今晚人少少全店加埋13人，舒服❤️晚餐食物有乳鴿，豉油入哂味。粉絲扇貝我地蒸嘅，夠大粒。加左個北寄貝，問店員可否燒，好在我地7：45夜食，另1檯客人食完，廚師幫我地做，好掂呀👍魚食蟹粉蒸焗海鱸魚，又係驚喜之作。其他唔講咁多啦，自己去試啦！😀😀😀

🪅🪅Covid後好似少左D蒸氣火鍋,唔係放題無限時嘅好似更少, 其實有心做嘅小店近1年少左好多, 呢間開係工業區嘅蒸氣鍋係少數, 出品環境係我喜愛之一👍👍今晚我哋order左個Menu.A 再簡單加左1,2個送酒餸, 食埋個十六榖粥, 剛剛好!🥰🥰海盬蒸馬友 鮮蝦滑聖子王蒜蓉北寄貝 豉油王乳鴿辣花甲蒸豆苗 Perfect Dishes小店燈光+上靚Sake+配上特色海鮮, 係1個愉快的晚餐體驗!補償返遇上世紀大騙案嘅失落🥵🥵

🌞🌞做人做工做事, 唔進唔變就一定會退! 壞消息唔會不停一個接一個嘅, keep住目標, 要努力做好每個機會, 好事一定會再返嚟!🌞🌞🐕🐕這兩年確係艱難, 今年冬天帶唔到妳去美國🗽🗽Wyoming睇極光, 但我點辛苦都好, 點都帶你去昆明睇雪山! 🛩️🛩️我一定會補償。🔨🔨辛苦工作左1星期, 今日放假盡情D, 揾間好坐D環境好D餐廳同妳食飯。小店係工業區, 假期非常難訂, 平日不太多人我最啱。飲住生啤等嘢食!🍺🍺1技720ml大吟釀有D唔夠, 師父又飲紅酒, 請埋我地飲, yeah.🐦🐦送酒叫左豉油王乳鴿, 好好味呀, 食完已飲半枝Sake了！再嚟整左1斤火焰蝦, BeBibomLon. 好勁, 蝦有酒味!🦞🦞生熟蒜波士頓龍蝦好大隻, 🐠🐠巴丁魚生死戀你知係咩嘛? 等你自己發掘, 我第1次食, 超和味!今晚師父比我哋轉燒牛油扇貝!!真係好玩又好食,佢話下次比D串燒我哋燒💯💯好, 食好呢餐, 要準備聖誕新年大戰再努力D工作了!🌹🌹大家咬緊牙關努力呀!

🥶🥶🥶月頭跟風上深圳食飯, 當然我唔選星期五六日同人迫啦!我星期二上, 一大個深業上城商場空蕩蕩, 👻👻👻鬼城咁, 當然食飯地方得幾枱!我深信, 現在深圳開咁多新商場新餐廳, 我好想睇下兩年後, 當香港人失去左新鮮感後, 特然無左幾十萬人盲目跟風上去排隊食飯之後會點!💤💤💤我好肯定一樣有個汰弱留強結業潮, 本地深圳人跟本消化唔到咁多餐廳商場, 一場泡沫形成中!(你睇D樓就知) 🉐🉐🉐好, 第二晚都係喺香港食廣東菜,係貴D, 地方細D, 但我同honey就係喜歡比較人性化D小餐廳, 有D海鮮唔同做法同師父講, 一早構通好又唔忙, 呢間Drink氣鍋會同你做!今日整左個石碢鹽焗花螺, 呢個焗花螺超得, 日本花咲蟹, 文昌雞好味爽彈, 刀貝, 其他跟餐基本嘢都有心做! 🧑‍🎄🧑‍🎄🧑‍🎄清清地最後食埋南瓜肉碎粥, 飲下酒, 再過幾星期新年我反而會帶大陸嚟玩嘅親戚食呢度!🥰🥰🥰

越嚟越覺得市況底迷,各方面壓力变得加大, 是否應該出去走走抖抖氣?暫時末有假放, 過左新年吧!好像有點今朝有酒今朝醉的環境, 但香港人有乜情況末見過?人末死大家努力!咁始終人都要食飯, 朋友都要見嘅! 開心傾吓計食餐好嘅嚟這火炭小店係值嘅!第1我唔鐘意嘈第2去小店出品做法有驚喜第3時間定好後唔會吹你走, 慢慢嘆第4對口吹水 飲酒天南地北夠末?😆😆一早訂好枱並定好哂Menu再加左D小菜, 豐富美味椰青海南桑拿文昌雞 夾彈好味♥️♥️♥️皮蛋蝦滑福袋👍👍花尾躉👍生煎墨魚餅👍👍豉油皇乳鴿👍👍👍蟹粉津白👍👍👍夠末?👅👅👅

原本打算預約食餐好少少為朋友慶祝生日，之前已經見餐牌知會貴少少但都想食海鮮好野。係OpenRice 提前預約第二晚食，亦都即時收到預約成功通知。點知第二日下午差唔多收工先WhatsApp 同我講佢地餐廳唔開😡😡當場企係度。咁大間餐廳仲要到出發前先同個客講唔開？仲要問我會唔會揀食乜，態度仲要差同唔耐煩。無寫明開店時間，話唔開就唔開，仲要叫個客立即決定幾時再會黎食，同食乜？

Early Dinner約左朋友9:00係沙田睇戲. 睇我baby Leonlado Decarprio 套新戲, 3個半小時, 唔食飽D先入場攪唔掂!沙田食飯人多, 所以一早訂左6：00去火炭食海鮮, 今天早去仲有7折優惠, 食好D, 返正就嚟出糧先嚟大九節蝦開始食魚, 食左半份麵醬馬來西亞巴丁魚😋😋跟住食醉大閘蟹, 另加個蟹粉菜心苗, 好好味呀!龍蝦我哋今日轉左1隻西澳龍蝦, 實肉彈牙, 選擇正確早食早走去睇戲, 唔阻人做多枱生意, 香港餐廳加油♥️♥️♥️

老細相約年尾食飯, 當然捨命陪君子啦! 今年公司cut左D人手, 雖然我哋做得比以往辛苦, 但呢段日子公司有錢賺, 我哋又有嘢做, 真係唔好太多要求了!今晚入嚟火炭食醉蟹, 食海鮮。👍普通大閘蟹食過, 花雕醉蟹真係第一次食, 蟹一早已醉哂, 繩都唔駛綁, 喂堅係好味, 真係有蟹味花雕味㗎!😪再嚟食長腳蟹, 但大閘蟹嘅味已搶哂長脚蟹D味, 下次記得要先後掉轉食先得。😪👍食完清清哋食碗蜆肉菇蒸蛋, 又係精彩嘅,👍蟹粉蒸津白, 濃濃蟹膏, 想食多D都無了, 我死更!👍魚食豆酱蒸巴丁魚+鹹魚, 好夾好油香冇骨好好食!今晚我應該超哂標! 要食返1個星期素先掂!😋😋