Drink氣鍋

营业中

休息中

疫情下好似全香港都死古古！飯聚只好找最好的朋友出来。其他人免得都免了。Drink氣鍋幾年前嚟過！難得出嚟！當然食放D，飲Hi D啦！朋友带來25年咸亨花鵰+超靚香檳，cheers.今次我們特别要自訂餐單。先試他們醉乳鴿，超入味。其他蒸海鮮一樣每道菜上，非常新鮮臘味蒸雞更可帶出鮮雞味道。最後上的比較精彩，芝士燒龍蝦！將龍蝦蒸完再用火槍燒，真係食蒸氣火鍋末試過。另一隻蒸了1隻批芭蝦，好厚肉，好鮮甜，又係第一次食。蒸氣鍋我是喜歡的

收工想食海鮮蒸氣鍋，係火炭返工嘅朋友就介紹咗我去呢間Drink 氣鍋！我地叫了每人一個Menu B ($498) ，一共九道菜。基本上成程我地都坐住等食，店員係上每道菜之後都會幫手因應嗰道菜嘅蒸煮時間而set返時間，務求蒸出食材最鮮味嘅口感！唔洗擔心自己動手會整得過生或太熟！每食完一道菜，店員就會開始上第二道菜再幫手蒸～-▪️蒸海老虎班件 蔬菜擺得好有心思，蓮藕條好少地方有得食。老虎班魚味濃，膠質豐厚，而且肉質嫩滑。▪️蒸XO瑤柱北海道扇貝 扇貝size幾大，肉質鮮嫩肥美，而且蒸完有滿滿扇貝汁鮮味，再加咗露荀以及XO醬吊味，令整體口感更豐富。▪️蒸紐西蘭托托貝拼蕃薯貝 非常鮮甜爽口，有淡淡海水味再加上貝類鮮味，唔需要點醬已經好好味！▪️堂灼安格斯牛肩胛拼露荀 安格斯牛味濃，牛醃得好入味，露荀都好爽口，唔會過硬或太軟。▪️鮮拆蟹肉海膽粉卷 呢個有驚喜！外皮薄得黎煙韌，咬落去啖啖新鮮蟹肉！而且每口蟹肉充滿蟹油，口感滿足！▪️櫻花蝦手工玫瑰花生豆腐 蒸過的硬豆腐，豆香味濃，加埋櫻花蝦，口感更提升！-▪️紫蔥栗子蒸本地新鮮雞 ： 雞肉蒸得嫩滑，肉質鮮嫩，而且用栗子黎蒸雞肉都幾夾。▪️蒸青花龍蝦·半隻 龍蝦就咁

都有一點長時間沒有吃火鍋，突然之間受到朋友邀請品嚐這間蒸氣鍋，看到材料十分吸引，於是決定一試。食店位置較偏僻，由火炭港鐵站沿路走過去也需要15分鐘左右。店內的位置不算大，不過卻裝修得非常精緻，什有party room的感覺。來到Drink 氣鍋晚餐，點了$498的set ，一共有數道主菜及粥底。特別欣賞店員全程熱心的幫助，因為如果海鮮的烹煮時間如果掌握不好就會出事。每當接近食完一味菜，員主就會主動上第二道菜並幫助計時，務求吃到新鮮爽口的食物。前菜有手工皮蛋，皮蛋味濃，加上有少少酸辣汁點綴吃得過癮又醒胃。第一道菜是清蒸XO瑤柱北海道扇貝，每個扇貝都大大隻，鮮味十足沒有雪味，配上XO瑤柱吊味，把食物的味道帶至另一個層次。第二道菜是蒸海老虎斑件，魚塊充滿膠質，有咬口。因為有店員掌管時間所以肉質十分滑溜，沒有煮過頭。魚塊底部另外配上翠玉瓜，紫椰菜花及西蘭花，食得健康。第三道菜是蒸蟶子與番薯苗，番薯苗食落跟豆苗沒異，沒有太濃的青草味。蟶子跟花蛤跟剛才的扇貝一樣十分新鮮，食落有咬口，點上醬汁更加惹味。第四道菜是蟹肉海膽粉卷，十分推介，粉卷內啖啖蟹肉，好爽口好足料，充滿着蟹油，絕不欺場。同場還有櫻花

Drink氣鍋 (火炭).位置較為偏僻，我們由火炭港鐵站行上去大概都需時15分鐘，而且單看店舖出面完全唔覺得佢似蒸氣火鍋！裝修非常之精緻！呢度嘅海鮮同本身set入邊可能會有少少出入，相信係視乎返佢哋海鮮供應嘅情況.粟米黑豚魚肚栗子16穀粥.粥底永遠係最鮮味最後食嘅，見到佢喺我哋食之前落咗啲16穀粟米同魚肚落去，另外更加有黑豚肉，同出面嘅蒸氣火鍋有少少唔同，呢度嘅粥比我嘅感覺更加健康！而且粟米微甜，個人覺得落少少鹽更加提升到味道！.有機花生芽蒸海老虎斑件.龍躉魚塊充滿着膠質，有咬口，肉質滑溜到不得了！.蒸蟶子與番薯蜆.食第一粒番薯蜆有少少鹹，但係聖子反而有少少失望因為食落比較韌.鮮拆蟹肉海膽份卷.我咁啱食嗰件充滿着蟹油，非常非常之香讚不絕口，入邊着更加着充滿大量嘅蟹肉！.紫葱栗子蒸本地新鮮雞.蒸雞相信都一定要用新鮮雞，因為咁樣肉質先會嫩，而且蒸真係好食到本身食材嘅鮮味，呢度嘅雞真係超級滑！.蒸青花龍蝦.龍蝦係呢度嘅重頭戲之一，可以成舊肉拆出嚟勁厚實，佢嘅膏唔算非常之多但係都好香！ .Drink氣鍋 (火炭)火炭坳背灣街38-40號華衛工業中心地下4號G舖—————————————————

Drink氣鍋 (火炭).位於工廈區，假日人煙稀少，但依家疫情下又想出去食反而係好選擇。地方細細，而且仲好別緻嘅裝修，就咁睇以為去食西餐！我地四個叫左$498 set🥰.⚜️蒸XO瑤柱北海道扇貝⚜️.扇貝大大隻，配上少少XO瑤柱吊味，仲有原汁原味嘅汁係個殼上面可以飲埋！.⚜️有機花生芽蒸海老虎斑件⚜️.龍躉魚塊底部再配上翠玉瓜，另外更加有顏色鮮艷嘅紫椰菜花及西蘭花，龍躉魚塊充滿着膠原蛋白，咬落微黏，魚肉嫩滑！.⚜️蒸蟶子與番薯蜆⚜️.略嫌蟶子有點overcook，可能係因為番薯蜆需要蒸嘅時間比較耐，所以蟶子放埋一齊搞到有啲韌.⚜️安格斯牛肩胛配蘆筍⚜️.蘆筍非常之嫩，安格斯牛肉都好香，所以牛肉卷煮蘆筍非常好食！.⚜️紫葱栗子蒸本地新鮮雞⚜️.呢個係需時比較耐好似要12分鐘，因為雞件要全熟，但係蒸完食雞肉非常非常之嫩，另外配菜仲有菇，栗子等.⚜️蒸青花龍蝦🦞⚜️.龍蝦肉質非常厚實，證明佢新鮮，而且每半邊都有膏，再點少少豉油已經非常鮮味！—————————————————-味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️環境：⭐️⭐️⭐️⭐️.📍 Drink氣鍋 (火炭)火炭坳背灣街38-40號華衛工業中心地下4號G舖————

來到Drink 氣鍋晚餐，叫了一個Menu B ($498) ，一共八道主菜一味粥。整個過程基本上店員會全程協助，當接近食完一味菜，員主就會開始蒸第二味菜並Set 好時間，務求所有菜都能即蒸即食。1) 蒸海老虎班件 ： 斑有魚味，外皮煙韌，蒸得剛剛好，紫色的菜花第一次見，味道與白色的無甚分別。2)蒸XO瑤柱北海道扇貝 ： 扇貝汁鮮味十足。扇貝帶有淡淡的XO 醬味但又不會搶了扇貝的鮮味。3)蒸紐西蘭托托貝拼蕃薯貝 ： 肉質爽口鮮甜。4)鮮拆蟹肉海膽粉卷 ： 推介！啖啖蟹肉，鮮味十足。外皮煙韌。5)櫻花蝦手工玫瑰花生豆腐 ： 豆腐用上硬豆腐，豆味十足，惟櫻花蝦的蝦味不足夠。6)堂灼安格斯牛肩胛拼露荀 ： 安格斯牛用醬油醃過，牛味夠，露荀沒有很重草腥味。7)紫蔥粟子蒸本地新鮮雞 ： 推介！雞肉事先醃過，而且肉質嫩滑，亦有雞肉鮮味。粟子與雞肉十分夾，更味道更有層次。8)蒸青花龍蝦·半隻 ： 很多時候，蝦膏的味道都會帶苦，而Drink 氣鍋的則沒有這種苦味。粟米很甜。9)粟米魚肚粟子黑豚十六穀粥 ： 吃完所有蒸物後，便吃集所有精華於一身的十六穀粥。與其說是粥，其實質感更似泡飯。十六穀粥味道鮮甜，

之前同仔仔講過只要你乖完成媽咪比你的任務就帶你食蒸氣鍋，點知仔仔真係好快完成，講得出做得到的我立刻上網 search 睇下邊到好食， 就比我發現呢到 Drink 氣鍋環境有free ,打卡一流，就打電話預約留位，原來呢到仲可以搞生日party 的。訂座時已經預約定Menu B 九道菜首先在鍋底放入粟米魚肚栗子黑豚十六穀粥之後再蒸其他食物讓精華都滴落粥底做成超美味粥。第一味，有機花生芽蒸台灣花尾躉～蒸得剛好的時間，魚肉才能做到滑和有質感，點小小辣椒鼓油仲加提鮮。第二味，蒸XO瑤柱北海道扇貝～好大隻夠肥美有XO醬配一流。第三味，蒸紐西蘭托托貝拼番薯貝～新鮮的貝類真係好甜 而配菜都好味。第四味，紫蔥栗子蒸本地新鮮雞～蒸好即食就知新鮮雞味濃，而且好滑絕非大陸貨式。第五味，蒸青花龍蝦～亦係我和仔仔最喜歡的，個龍蝦膏夠鮮，大大隻龍蝦剛熟一口咬落去超甜，肉質夠彈牙。第六至八味，一次過蒸，櫻花蝦手工玫瑰花生豆腐，堂灼安格斯牛肩胛拼露筍和鮮拆蟹肉海膽粉卷， 配搭一流，果然出式。最後亦係最鮮味的總結，以上所有食物的精華都滴哂入去煮的十六穀粥，每一口都咁鮮甜，真心正，下次一定會再來食。

早排朋友喺度打過卡，見食物賣相精緻，一問之下原來係一間需要訂座留位嘅蒸氣鍋私房菜，一星期前打電話留位，今日終於可以同先生嚟撐枱腳。餐廳唔算大，但店內明顯用心佈置過，感覺溫馨舒服。訂座時有三個套餐選擇，價錢由平到貴，我哋揀咗中等價錢嘅Menu B，共有九道菜。入座後侍應先為我哋加入十六穀粥同配料喺鍋底，有粟米、魚肚、粟子同黑豚肉，非常豐富，一般嘅蒸氣鍋粥底都係白粥，有啲比較有心思嘅餐廳會加入豬肉，所以呢度嘅十六穀粥底實在令人期待。放入粥底後第一道菜係XO瑤柱北海道扇貝，扇貝係珍寶尺寸，肉質鮮嫩肥美，伴上XO醬、蘆筍同辣椒，唔單止冇掩蓋扇貝嘅味道，反而令鮮味更突出！海老虎班鮮嫩彈牙，簡單沾上少許辣椒豉油已經非常完美。紐西蘭托托貝超大隻，肉質肥美，口感彈牙，帶有好濃嘅海水味，蕃薯貝味道同樣鮮甜，配搭紅莧菜除咗賣相美觀，蒸完後紅莧菜吸收左托托貝嘅味道，亦份外清甜。鮮雞件配上紫蔥同粟子，蒸完後散發住淡淡嘅栗子清香，雞件非常嫩滑，帶有酒香。蟹肉海膽粉卷、安格斯牛拼露筍同櫻花蝦豆腐係一齊蒸，賣相精美，中間以豆苗分隔開，防止味道混雜。蟹肉海膽粉卷入口有絲絲新鮮蟹肉，味道鮮美。牛肉同蘆筍一向係最佳拍檔，

晚餐 • 2 人之前黎過呢間餐廳兩次都walk-in 唔到，每次都full 晒，今次乖乖哋book 枱就試到喇~點解咁想試？因為門口好eye catching餐廳唔係大，但裝飾得幾靚，仲有個小舞台~入正題喇~ 我哋兩個人各自叫左唔同嘅套餐，分別係9道菜嘅Menu B ($ 498) 同埋 10道菜嘅 Menu C ($ 588) 。兩個套餐主要有海鮮例如扇貝、老虎班、龍蝦；肉類有安格斯牛肩胛、栗子雞、五花腩；另外菜類有豆苗、蘆筍等等，最後仲有個湯底 十六穀粥。醒胃前菜，酸酸甜甜嘅皮蛋，好食蒸鍋出場喇～最底放粥底材料~食物配搭得幾好，唔會千篇一律，而且海鮮好新鮮，所以係好食嘅! 唯一美中不足係套餐唔包野飲，所以要另外揀。總括嚟講，係可以試完再試嘅氣鍋～～

趁着元宵又係呀媽生日，想搵間餐廳同佢慶祝下。有朋友介紹不如食氣鍋，海鮮完汁完味蒸，老人家食又唔會油膩，又好食又健康。因為我自己都好鍾意食海鮮，所就近近地book 左火炭。我預先book位，簡左planB套餐。一黎到就食即刻開鍋，有餐廳員工好細心咁幫我地一道菜接一道菜蒸。材料都非常新鮮，除左有蒸完即食，而且有好多特別本地蔬菜食，我呀媽都話夠新鮮！我最鍾意北海道扇貝同蒸龍躉，超鮮甜，蒸嘅時間會有人幫你較好，唔會蒸得太耐，所以好彈牙！

今日再黎食呢間Drink氣煱，上次食完覺得都幾好 今次同第二位朋友再黎食過店內裝修係幾特別，好似啲小屋咁，又播放我年代嘅歌，特別有情懷。隻飽魚依然好新鮮，鮮甜美好夠。再來一碟蕃薯蜆，蒸氣海鮮真係可以帶出海鮮嘅鮮味，好正👍呢個雞都好好味，份量我諗都有半隻，可能係蒸，特別滑。黎呎度食飯，仲有個好處，就係有人幫我蒸埋，完全唔洗驚蒸過龍，又或者要搵個表，邊樣要蒸幾耐等等。有人服侍埋都真係好正。蹺埋雙手等食，又可以同朋友傾計，唔洗掛住搞個蒸氣煱。仲有仲有佢個粥底都好正，又夠飽肚。一流😋

今晚同屋企人去食海鮮蒸氣鍋，除了海鮮還有雞及牛等，$498/位另收加一，價錢屬中等。先上的龍蝦劏了手腳都生猛地亂動，正宗即叫即劏，味道鮮甜爽口。扇貝表面舖了些XO醬調味，湯汁鮮甜又嫩腍。粟子蒸雞本身都醃過，雞肉嫩滑不需要另加調料。龍躉魚皮充滿骨膠原，肉質爽口。托托貝及蜆肉鮮甜無沙。安格斯牛肉嫩腍，包著爽脆的露筍；豆腐吸收了櫻花蝦的鮮味，令整體味道提升；蟹肉海膽卷只能用鮮來形容，簡單的粉皮包著兩者，讓其二合為一。最後是精華所在的粥底，用了十六款穀類、魚肚、菌及豚肉等材料，煲至粥底很綿很鮮甜，食落去又有些穀物咬口。

這間位於火炭的Drink氣鍋，以海鮮蒸氣鍋為主，海鮮每日取貨，保証新鮮好味。這裏有幾款套餐，我們就揀了一個9款食物的套餐，包括了幾人款海鮮、肉及蔬菜，當然不少得粥底啦！海鮮方面，有扇貝、托托貝、老虎斑、蟹肉海膽卷及龍蝦，其中海膽卷味道鮮甜又creamy，蟹肉及海膽兩者配搭適中，鮮味突出。龍蝦剛熟，肉質爽彈雪白，非常新鮮。牛肩胛肉味濃郁，入口肉質鬆化，加上爽脆的露筍，正好平衡油膩感。粟子蒸雞用了新鮮雞肉，火喉控制剛好，雞肉剛熟透，肉嫩有雞味，粟子又腍。最後食埋個黑豚十六榖粥，有粟子香甜又集中了所以海鮮精華，粥底又綿又鮮甜。

好耐無同老公拍拖出街食飯，通常都係乜乜節先至會出街食飯。今個星期放大假食足七晚，今晚算是第四晚了。門口外都感到好有情調同聖誕氣氛牆上都有不同的裝飾亦充滿著聖誕氣氛1. 蒸紐西蘭托托貝拼蕃薯貝蕃薯蜆都幾鮮甜蕃薯葉都幾嫩收埋左隻飽魚响啲蕃薯葉裡面隻鮑魚幾爽口彈牙2. 有機花生芽蒸海老虎斑件花生芽第一次食，都幾特別幾好味老虎斑都係新鮮鮮甜嘅唔錯唔錯3. 蒸XO瑤柱北海道扇貝扇貝都幾新鮮 XO醬帶出左扇貝嘅鮮味 不錯嘅配搭中間嘅芥蘭苗都好香好嫰4. 紫葱栗子蒸本地新鮮雞唔好望落去唔係甘靚以為會唔好食呢個雞件真係好入味 佢應該有用酒醃過時間較得剛剛好食落好滑 好味道5. 鮮拆蟹肉海膽粉卷6. 櫻花蝦手工玫瑰花生豆腐7. 堂灼安格斯牛肩胛拼露筍三個餸一齊上其實想講幾樣都好食如果要揀一樣嘅話露筍好爽好嫰 牛好香食埋牛下面嘅牙菜索晒牛肉汁好好味8. 蒸青花龍蝦半隻壓軸好戲到了！龍蝦好爽好新鮮係好好味嘅9. 粟米魚肚栗子黑豚十六榖粥呢個粥個魚肚超好味再加埋各樣海鮮嘅鮮味個粥係好鮮甜總括黎講蒸氣海鮮最緊要係新鮮，呢間全做到！抵讚！又有專人幫你蒸埋，再讚！人少少可以靜靜地食餐飯，再再讚！

無意間發現火炭一間隱世粥底海鮮蒸氣鍋😍細細間，似西餐cafe 的裝修，好適合閨蜜gathering/ 拍拖去❤️9 道菜 $498 per personD 食材好新鮮每一道菜都有專人介紹係咩食材首先放咗日本16穀米、粟米魚肚同埋黑豚肉係個底度做粥底之後擺咗紅莧菜同菲律賓黃金蜆&番薯蜆啲蜆好大隻好鮮甜😍有機花生芽&老虎斑都好鬼正鮮拆蟹肉海膽粉卷 ❤️超特別同超好味紫蔥栗子蒸本地新鮮雞d 雞肉好有彈性、好有口感、蒸得啱啱好、一d 都唔老🤤🐔最後食埋正蒸青花龍蝦最最後跟住就食個粥底呢個先至係精粹所在🤤好鮮甜好好味啱晒冬天食❤️❤️❤️❤️