Dreamland Cafe (已結業)

咖啡可以，環境都可以，但cake 水準好低。叫左兩件，如圖，opera 那件好甜，係死甜，用d 吾太高價既朱古力，都賣45一件。另一件，cappuccino cake ，呢件同凍肉舖，759買40幾蚊一大盒既pie and cake 完全無分別應該話差過，餅底一粒粒，懶係有質感，其實食得出係d 餅碎，有一層cream 係無乜味的總結：東海堂好食過佢幾倍。下次只叫咖啡算，諗住支持下小店，又一中伏。我想講，舖租真係唔係你賣得貴，而又唔好味既藉口，賣得45-55一件cake，起碼都正常質素吧，如果唔係，花d 本，直接東海堂入貨算。熱食無試！咖啡還可以！！

之前經過戲院附近，見到多左間幾靚的cafe，外賣自取又有優惠，咁就比個機會佢啦😎日式咖哩吉烈豬扒飯，套餐包了餐湯及茶，店務員很細心地用筆寫明邊杯係湯，個人喜歡多汁，略嫌咖哩汁比較少，吉烈有點硬，飯只是暖的程度❎。相反日式咖哩雞扒飯，雞扒相當嫩滑，好過豬扒好多，有折既話可以再食✅。

哩間cafe 環境唔錯，都幾舒服 但啲野食就麻麻地唔知係咪成日轉菜式嘅原因叫左個全日早餐 但嗰煙肉煎到燶咗😿😿雞排又燶 要煮嗰嘢全部唔掂 之後都有同職員反應希望下次會好啲

近排公司附近開左間新cafe，見到個裝修都好靚，成日經過都想試下，但lunch成日都爆場，又限聚唔可以一齊坐，唯有外賣，今日就同啲同事試下啦，我order左個下午茶（黑松露炒蛋牛角包配藍莓奶酪），啲料已經好多，但都俾個巨型牛角包遮晒😂😂藍莓奶酪我就好鍾意，因為飲落好清新同埋唔甜，同事就叫左個下午茶（牛油果沙律配Americano ），沙律望落個樣已經好吸精好新鮮（啱晒生酮中既同事），絕對可以再有下次**窩心小店幫我地寫埋名分好晒**

本來都唔想寫食評我唔係一個對食好挑剔既人見呢間cafe新開幾靚就試下午餐外賣叫左個蒜香雞肉意粉一打開舊雞得10cm都無望落超級乾超細舊完全無其他香料同埋配菜已經感覺望落好頹我本來諗住由得佢個蒜味好食就無問題點知一食落口吓？點解係薑味原來個廚將蒜蓉同薑蓉掉轉咗連我同事嗰盒都係我唔明點解可以撈亂薑同蒜....意粉勁乾，雞肉難食食完個薑意粉難食到我真係唔比負評唔得...淨雞同個薑意粉收我58蚊新開張既餐廳裝修到幾靚都無用啦