影片
营业时间
今日营业
11:00 - 22:30
星期一至四
11:00 - 22:30
星期五至六
11:00 - 02:00
星期日
11:00 - 22:30
以上资料只供参考，请与餐厅确认详情
相关文章
呢一间主打外卖嘅Pizza，有好多唔同嘅分店，今日终于可以第一次试到佢嘅味道！我同朋友就叫咗几个返屋企食！请睇到嘅味道我哋都觉得非常出色，而且每一个价钱都唔过$200。如果呢一个价钱喺湾仔嚟讲，我哋都觉得可以接受！而且佢嘅饼皮系师傅即刻叫佢即刻整，所以绝对唔会有太硬嘅情况出现！喺上边嘅toppings亦都非常新鲜令到成个Pizza嘅口感同埋味道更加好食！钟意食pizza嘅朋友真系绝对唔可以错过呢一间餐厅！佢仲有另外甜品冬甩，下次可以再试吓！🔥
继续阅读
Happy Friday🎉 今日同事们话想去草地chill住lunch我欣赏佢哋唔怕晒黑同热亲咁就一于食pizza 同 donuts4个人食 所以就叫咗个2-4人分享套餐包1个小食 2个pizza 3个donut 仲有2个饮品一开头以为呢间主打donuts 今次试过啲pizza 改变咗我嘅谂法所有食物都即叫即制 够晒新鲜等咗唔够廿分钟就有得拎 🐥香脆鸡翼有成10只咁多 咬落好脆 肉质滑同埋juicy配埋dip酱食 有第2个风味Pizza批边皮够脆而且同酸种饼底 食落有烟韧口感会另外配有dip酱for点pizza食🦐虾王手工pizza啲虾大大只 每块pizza都有2件虾 够晒足料呢个带啲辣味 🐥烤鸡pizza个bbq酱甜甜哋 面头就有🐥🧀 🐥唔会嚡口 如果有小朋友 一定钟意食呢款2款 donuts 都爆晒浆 著白衫嘅同事不幸中招 🤣donut炸得外脆内软 食完觉得好 😈🍩开心果白朱古力开心果味比较淡啲 反而白朱古力味好出🍩榛子可可酱连埋砂糖一齐食 会好甜 但有口感怕甜嘅可以拨一拨走啲糖
继续阅读
今次终于去食呢间喺全港有唔少分铺嘅人气店 Dough Bros！佢哋主打Pizza同Doughnut，当中Pizza款式创意十足，未入口已经令人好期待！The Pepperoni Supreme
用上传统嘅番茄酱打底，再配以水牛芝士、辣肉肠、意大利香肠同牛至草，味道浓郁又有层次。香肠煎得微焦，带出油香，水牛芝士有拉丝效果，蕃茄底则带少少酸香，刚好平衡咸香肉类，整体非常惹味The Truffle
呢款系纯素口味，以黑松露酱作底，铺上mozzarella芝士、杂菌、火箭菜、巴马臣芝士，最后加上橄榄油点缀。香气四溢，松露味浓郁不腻，配上菇类既咬口与火箭菜嘅清新感，口感层次丰富
继续阅读
一向都好钟意食pizza，食开Pizza Hut同PHD，想试下唔同嘅嘢，于是上网search，揾到依间好多人赞嘅手工pizza，果不其然，真系好正。喺屋企好肚饿，search完就叫咗外卖。叫咗个辣肉肠pizza，个pizza好足料，好多辣肉肠，而且芝士味又浓郁，好好味。个边好特别，唔算脆口，但系好有嚼劲，可能因为系手工pizza。仲叫咗香脆鸡翼，配埋啲dip酱，都尚算好食。令人最惊喜嘅系doughnuts！叫咗半打，六种口味，分别系焦糖、Oreo、可可酱、吉士酱、士多啤梨酱同白朱古力酱。送到过嚟仲热辣辣，估唔到咁好味。拣咗cinnamon sugar，真系好夹。一次过食咁多唔同口味，真系好过瘾。都几满意，会再次order。
继续阅读
叫Pizza佢一定系三甲之内叫咗三款唔同嘅披萨。先讲𠮶个肉肠披萨，上面嘅肉肠切到一片片，size均匀，烤到微微焦香，咬落去肉汁丰富，搭配嘅芝士都拉丝拉到好似蜘蛛网咁，不过可能芝士放得有啲多，食多几块有啲腻。同其他餐厅嘅肉肠披萨比，呢度嘅肉肠味道算系比较浓郁嘅，但就冇乜特别嘅香料去提味，唔够层次。再睇𠮶个鸡肉芝士披萨，鸡肉嫩滑，芝士嘅奶香同鸡肉嘅鲜味融合得几好，上面嘅紫洋葱增添咗少少嘅爽脆口感同清甜，但系芝士嘅量相对肉肠披萨少咗啲，感觉冇咁丰富。同街边𠮶啲平价披萨店嘅鸡肉披萨相比，呢度嘅鸡肉质量明显高好多，口感唔会柴。最后个火腿芝麻菜披萨，火腿咸香适中，芝麻菜新鲜爽脆，带住少少嘅苦味，中和咗火腿嘅咸味，几开胃。不过芝麻菜有时会有啲老，咬落去有啲韧。同之前食过嘅意大利餐厅嘅火腿披萨比，呢度嘅火腿质感稍逊一筹，但价钱就亲民好多。总体嚟讲，呢间餐厅嘅披萨都有自己嘅特色，虽然有啲小瑕疵，但系味道都算唔错，价钱方面都算合理，值得一试。
继续阅读