DOO KKI

呢間野櫃面係請印巴藉，落單唔識講英文，我指埋圖畫佢唔睇，講N5餐又聽錯L5餐，出錯我去指正佢哋，仲要再唔理解“N”我要MNO個N先聽到，救命！仲要話係我應該要去睇清楚張單冇得換，搞到果晚我只係想食麵，結果格硬食左個飯，又貴！…查看更多

隔左一日再去買個辣烤豬肉飯盒,以為肯定係細細盒好似香港某日式超市既便當咁既份量,結果係令我有驚喜，睇落係比較貼近南韓人烤豬肉食店既格局,每樣餐前小菜都有一樣,烤豬肉唔少野,如果係我呢個男仔20歲果陣一定食得晒,但宜家33歲腸胃唔多好就未必食得晒，個份量多到要同我媽媽share。烤豬肉:唔算辣,果種味道叫泡菜掩既香辣,有些少類似花生油/麻油,加上豬肉既油脂。跟少少紅蘿蔔絲,洋蔥配菜:泡菜,黑豆,芽菜,菠菜,薯粉絲,兩塊玉子煎蛋…查看更多

燒牛肉紫菜包飯最近食太多濃味食物搞到想食返少少清新或蔬菜,最後揀左開業幾年但係一次都冇幫襯過既樂富街市韓式紫菜包飯,佢係好似壽司手捲做法咁捲埋一條紫菜捲,然後切開十件,長度約20CM,起初以為唔夠飽,但食到幾件之後完全冇呢個問題,用料係豆泡腐皮,生菜,酸黃瓜.煎蛋黃類似玉子壽司,紅蘿蔔絲,燒牛肉,青瓜,少少中華沙律,蟹柳。食落你會覺得勁似小朋友教煮野食整手捲壽司果種感覺，唔會話有咩味,最多就係靠牛肉既汁味,黃瓜既醋酸味,總之就係俾人一種清淡既感覺。…查看更多

每日入街市買送都會經過嘅韓食店，今日心血來潮想食紫菜包飯， 佢嘅真材實料以及每樣材料都唔會搶咗 其他材料嘅味道， 都係 難得我會寫食評嘅食物 聽住韓文電台嘅叔叔講住好地道嘅廣東話都有另一番風味， 值得再次幫襯嘅一間小店。作為午餐嚟講佢嘅份量都好足夠 有蛋有肉有瓜有醃蘿蔔， 其實都幾豐富， 希望下次 唔使心血來潮都會去買嚟食啦。佢嘅菜單上面仲有其他嘅嘢食， 下次要再試下先得喇， 希望佢嘅質素同今次嘅辣豬肉紫菜包飯都一樣咁好啦！…查看更多

成日幫襯樂富街市間韓國食店嘅kimbap一拎個飯捲上手feel到好重身，打開見到裏面塞滿晒餸，好豐富同足料！餸多到見唔到飯咁濟好好食Total有九種材料：牛肉、魚片、牛蒡、蛋絲、青瓜、酸蘿蔔、紅蘿蔔、醃紅菜頭同生菜一條飯捲切開咗12份，食落牛味出，餡有幾種蔬菜感覺清爽同fresh個人覺得好食過出面啲韓式飯捲好多 (真係好足料👅)！價錢貴少少但係對得住個價錢！適合買去picnic食、dinner買返去加餸、或者lunch買一條食都夠晒飽…查看更多

樂富街市偶而會進駐小店某日經過發現開左間幾地道既韓國菜老闆好似係韓國人員工好認真地準備食材好有韓國風範買左一卷牛肉紫菜包飯$50返去食好香既麻油香味超好食一卷己經好飽覺得調味料應該都係用韓國貨如果唔係個味唔會咁地道好有韓國食紫菜包飯既水準第2日買左豬肉試下但覺得都係牛肉好食d但牛肉經常好快賣哂但唔可以擺太耐會有少少變味證明d料其實好新鮮樂富太多大集團街市d舖頭執得好快，有小店一定要支持下下次有機會會想試埋其他小食…查看更多