影片
午餐又系屯门觅食中午唔算多人， 环境都唔错，干净企理，亦多款午餐set供选择。我叫左香煎鸭胸配蜜糖芥末籽汁配薯菜 $59份量唔多。薯菜几特别嘅，本身以为系薯条， 但系佢系用细细个嘅薯仔，再用牛油同香草焗，淡淡地嘅咁。鸭胸唔咸， 亦唔油腻，好适合补充蛋白质，做完gym啱晒。 酱汁甜甜地同鸭胸几夹。午餐包埋杯杯热饮，整体不过不失。
继续阅读
山长水远去到屯门食咩好呢呢度新开左有间平靓正的西餐厅威灵顿牛🐮上枱热辣辣，牛油香气浓烈酥皮外层好松化，切开酥皮内肉质系鲜嫩粉红色而且仲有用薄薄的火腿片包住牛肉食落口感丰富又有层次配菜系健康嘅紫薯片同薯仔、蘑菇等火炙石斑鱼柳拼瑶柱金菇卷配实利士汁第一次食石斑鱼柳仲有咁多配料啊😍😍石斑鱼柳煎得刚刚好，皮脆肉嫩仲有好多瑶柱同蟹籽系鱼上面配上独制的酱汁同薯菜，味道清新又健康无谂过鱼下面仲有只煎蛋🍳绝对系一道吸收蛋白质的菜式前菜都包晒沙律同餐汤所有野都系自家制作大份夹抵食沙律🥗好足料大碗又新鲜餐汤系用新鲜杂菜煲的，好清甜饮得出唔系味精汤👍🏻👍🏻最好仲有甜品🍮系自家制布甸价钱方面人均消费都系百零二百蚊不算贵而且环境都坐得舒服😬
继续阅读
上个礼拜约咗朋友行街，佢介绍屯门有间隐细西餐厅，里面嘅质素好高之余价钱亦都唔贵，人均消费百几蚊就有一个有齐沙律餐汤主菜同埋甜品嘅套餐，听到都觉得好心动所以就去试吓！呢间餐厅系我食之前试过上网揾，我发觉对佢嘅comment都唔多，喺Google Map上面仲要揾唔到佢嘅资料，不过入到去餐厅嘅装修都几靓，而且佢都摆咗好多蝙蝠侠同埋英雄系列嘅模型同埋poster都几得意㗎。佢套餐嘅选择都好多，我同朋友都睇到眼花撩乱，最后我哋叫咗焗德国猪手配蜜糖芥末汁，纽西兰西冷牛扒拼大虾配红酒汁，火炙石斑鱼柳拼瑶柱金菇配宾利士汁，同埋炭烧安格斯肉眼扒配黑椒汁。 咁多样之中我最钟意就系佢嘅德国猪手，Size劲大，外皮超级香脆但系入口一啲都唔会好硬好干，而且佢亦都唔会有猪嘅腥味，配合返佢哋自家制嘅蜜糖芥茉酱真系不得之了！佢嘅火炙石斑鱼柳我都极度推介，一睇相就知佢用了极度奢华同埋丰富，石斑入口结实冇雪藏味，配合返炒香左嘅瑶柱同埋金菇卷，再加上加入左蛋黄，白酒同埋柠檬嘅嘅宾利士酱汁真系CP值极高之选。牛扒方面我哋今次叫咗两款，分别系西冷牛扒同埋另外加钱嘅肉眼扒。两种牛肉师傅都烹调得恰到好处，西冷入口比较结实但肉味浓，佢嘅大虾亦都啖啖肉，烧烤过香味十足。肉眼扒入口松软，但油花味香，食得出师傅功架十足。真心估唔到原来喺屯门嘅小区会有呢种质素咁高嘅西餐。温馨提示一下，佢哋嘅特大冻柠茶真心超大杯，系倒满成个特大啤酒杯，大家如果去开屯门真心推荐大家去试吓啦！
继续阅读
Set dinner 烩牛尾刀也切不入，呢啲需要炆，需要时间，应为换咗比你，就一定有信心，又唔见我去食旺角名宝石餐厅，我会说他们唔好食，又冇得签卡，又冇冷气，老细著拖鞋招呼你！咩餐厅，又要做「上菜」又做唔到水平，又冇质素！如果你哋去试！我觉得你自己决定！但系真心讲「差！」
继续阅读
复活节假期第三天，今日Lunch突然想食西餐，谂起屋企附近有一间新开的餐厅，叫「Delish King」，一于去试吓，支持一下小店，去到餐厅见到午餐有多达10款选择，比想像中多1️⃣ 红酒杂菜烩牛尾 $65(配意粉🍝、罗宋汤、热柠檬水)2️⃣ 厚切纽西兰西冷牛扒 $62(配蒜蓉汁、意粉🍝、罗宋汤、热柠檬水)整体来讲：这间小店嘅食物，味道都OK价格💰：$129 ($65 + $62 + 外卖盒 $2)味道😋：OK
继续阅读