Délifrance (希爾頓中心)

营业中

休息中

星期日早左起身，經過delifrance 見到仲有早餐供應，所以入去試下。佢都有好多款選擇，唔知揀咩好，見到最後有個全日早餐，入面有粟米，煙三文魚，炒蛋，煙肉，腸，火箭菜，菇，牛角包，仲有野飲，個餐咩都有，於是就叫呢個餐。😋個餐黎到後，我覺得唔係想像中咁好，每樣少少，炒蛋炒得太老，煙肉，煙三文魚，腸都比較咸，唯一覺得好食係個牛角包，但呢個餐要成$79，加埋凍飲要$83，感覺唔太抵食，對佢有少少失望，如果大家想試，都係叫返普通既早餐，性價比會高好多😊

過開嚟做嘢,攪掂已差不多11點,原本打算去韓式包店,但佢周圍都裝修,唯有轉場. 行吓行吓過咗天橋,有2間餐廳,1間已出午餐餐牌,另1間竟然仲有早餐喎,2間食物都啱食,但又好耐未試過外出食早餐,入去問吓係咪仲有供應,收銀員答係. 於是叫咗份 – (迷你)火雞片.蘑菇.粉+牛角包+蛋+蘋果茶.原來包,蛋同飲品都有得揀,好好喎,好彩無選擇困難症!喺等出餐時,自取餐具,唔洗好耐,食物已放咗喺托盤. 其實火雞片.蘑菇.粉都唔係好迷你,幾款食物加埋,對我嚟講早(午)餐份量恰到好處.

無意發現屋企人有張Delifrance $50現金卷就快到期 又咁岩要去沙田買野所以就決定用左佢!因為限桌令生效無耐 連平日唔洗等既Delifrance都滿座 要喺店外排隊期間有岩岩食完既客人拎住張$50現金卷問排緊隊既每家人要唔要 但係咁岩個個都有🤣 所以我就覺得大家都係為左用左張優惠卷而去~~講講食物啦💁🏽‍♀️ 烤雞野菌炒長通粉 ($76)烤雞用左雞脾肉 所以唔鞋口!sauce有菇味 味道ok~~ 烤比目魚柳有機豆乳味噌長通粉 ($89) 應該係期間限定?烤比目魚柳比較細件 魚皮微微煎香脆卜卜雜菜份量幾多 有豆腐、粟米🌽、蕃茄、西蘭花~~湯底味道ok 味噌味道唔會搶左豆味 好似飲緊鹹豆漿咁!整體感覺健康 清淡之選🌟 價錢同食物質素比 覺得少貴 無優惠卷既話應該唔會考慮😛我地兩個 都係揀左主菜配餐湯💁🏽‍♀️當日餐湯係🍅蕃茄濃湯 茄味濃 味道酸酸甜甜 幾開胃! 如果大家手頭上有$50現金卷 2-3個人去既話 我會建議嗌2人套餐 有頭盤、主菜、餐飲、甜品 $172-$50(現金卷)= $125/ 2 =$62.5 咁樣食會抵d🤭

黑椒雞槌焗薯餐$49，本來以為黑椒頗辣，點知令雞槌帶出香味，芝士焗薯有原粒薯仔🥔，口感不錯👍另+$4飲凍檸檬茶，唔太甜，味道較淡但飲到鮮檸檬味，有3大片檸檬是日送上：可樂味之葡萄適，好窩心🥰迷你火雞片有機鮮蘑菇湯長通粉三文魚炒蛋及法國牛角酥牛角酥香脆，唔理增肥都要食三文魚炒蛋超夾，蛋又滑+三文魚有小小香草🌿外賣之膠盒真係好實用，原諒我唔環保🤫由於外帶去醫院唔方便用我自携之玻璃兜😔外賣之長通粉及凍檸茶放得好穩陣，唔怕倒瀉入店鋪前，好貼心為客戶量體溫，令客人食得安心店內設有酒精搓手液，先清潔雙手再進餐

焗薯黑椒雞槌餐$46，雖然有3件雞槌有黑椒，不過食落又唔覺太辣，不過我覺得件頭唔大，咬兩啖就食晒，芝士焗薯d芝士唔算太濃，非芝士愛好者應該可以接受，我仍然覺得份量太小；食完個餐好似無乜飽肚感，俾$46另+$9轉飲cappuccino 另外+$26買左枝mango & orange juice, 可惜攞左返公司俾人偷飲左跟餐+$26 可以買件Tiramisu⋯⋯味道唔錯講真我攞住張買$100減$50之coupon先會食，唔算平又唔係話好好食，一般般😔總共$110-$50=$60

突然之間我好想食焗薯，我只諗到沙田delifrance，可能是長假期關係，店舖比較平時公眾假期小人，不需要等位已經有座位即時坐下。我們分別點了Tea Set 6及一客三文魚焗薯set。Tea set 6是迷你蘑菇汁湯長通粉，三文魚炒蛋配牛角包🥐牛角包保持鬆水準，一定要趁熱吃；另外湯長通粉，真係好迷你，幾囗就已經食完，幸好三文魚炒蛋正常分量，剛剛好！至於三文魚焗薯，可能是沙律醬太小，所以比較乾身，今次有點失望。

星期六的早上我和我的先生來到沙田 Delifrance 吃早餐，店內已坐滿九成客人。找到了座位後，我便到點餐處選了兩個自選特級早餐，然後每個餐再加了$12加配迷你火雞片有機鮮磨菇湯長通粉，所以這早餐是超豐富，恰似是一頓午餐了。～1: 自選特級早餐 ($44)炒蛋香滑，煙肉肥瘦分明，吃起來也不肥膩，烤雞味道適中。法包揸上牛油來吃非常美味，外脆內軟，是必食之選。鮮青瓜和蕃茄片是個好配搭，中和了肉的膩。～2: 自選特級早餐 （$44）煎熟蛋加胡椒和鹽來吃味道更佳，珍寶腸皮脆肉爽又不會過咸，煙肉一點也不會韌，再配個大陸法式牛角包，真令人滿足。最後還不會放棄那清新爽的青瓜和蕃茄片。～迷你火雞片有機鮮磨菇湯長通粉火雞片和鮮磨菇配忌廉湯來吃，味道即提升。長通粉吸收了湯的精華，味美。～飲品熱咖啡只是一般，芒果橙有機茶較清新，但果味並不濃。

記得兒時成日都去旺角火車站間Delifrance到食早餐，以前覺得佢好好食， salad又夠fresh,凍朱古力又有勁多Cream，宜家味道都唔差，不過除左個薯容比較熱D之外，其餘兩個野食+湯都只係暖，雖然價錢唔係貴，但相信大部份食客都鐘意食熱野，熱既食物係一間成功餐廳既基本條件，努力吧千層麵配薯蓉，真係小D 胃口都食唔哂，食小小已經好滯，一個人都唔建議叫依個雞肉份量都算幾多，而且舊舊都大大件又唔係唔好食既，不過真係凍左D好濃沃嘅朱古力

下午茶時間因為鍾意食焗薯 🥔又喜歡吃意粉🍝Delifrance 可以滿足我的要求了牛角包鬆脆可口白汁蘑菇湯長通粉因為好有蘑菇味道因為好吃😋所以感覺太少份量😅

呢幾個月既香港，每日都發生好多事，荒謬到極點，感覺真的好無助、好氣憤、好失望，但總不能絕望，祈盼每天都有新希望，在唔開心時要讓心靈好好放空一下。今日Lunch想搵個有空間感既地方坐下，上下網食個lunch，來到沙田希爾頓呢間delifrance，店內位置算幾多，而且午餐時間不多人，正好適合今天的我，午餐分別有1+1和1+2套餐，選擇左1+1，意份配飲品，吞拿魚忌廉炒意粉跟杯凍檸茶，味道一般般，服務也好一般，而價錢就比較高，不太抵食。

今日呢，就嚟咗哩間公司餐廳度食意粉服務非常差，而且客人打尖都冇人理，另外呢啲要點嗰啲菜嗰啲誒食物呢，要嗰樣就點嗰樣都冇。個咩料呢就得嗰，兩張靚料可以揀，有幾百人係後邊排緊隊，啊，到最尾去到排到攤攤位置先睇到咁耐仲有其他係可唔可以揀。上菜時間好慢又亂曬籠啲員工又係新人又唔識配物料。總之就係非常差.水水準非常惡劣。

$49價錢有牛角包、雞肉長通粉、三文魚炒蛋，升級cappuccino 另加$9，總值$58。好豐富，對於我嚟講可以當晚餐！最正是牛角麵包，外脆內軟，鬆化！雞肉扁意粉味道清淡，唔會食完感覺口乾，蘋果茶夠香濃，小朋友都贊好😋😋😋

其實比起香港好多所謂Cafe西餐 成舊水一碟意粉Delifrance個價唔貴 質素對得住大家薯蓉千層麵 唔會好酸 熱辣辣！薯蓉夠滑呢個汁好好食呀 食完唔會口渴，好香菌味！上菜又快 仲比左$50coupon !!!

果朝好早睇完醫生後去附近搵食早餐既地方。想食得健康、有點質素又好食。行過delifrance, 就係呢間啦！呢個早餐有個蘑菇粟米長通粉，個蘑菇湯好好味，似係就咁飲既湯粟米都好多，成碗食晒。除左個粉，仲有個份夾炒蛋烘包，再配杯餐飲，飽得滿足

好耐冇食過啦！以前返工附近有呢間餐廳，所以成日都去食！假期周圍都排滿晒人，呢間仲有位就食呢間啦！而且有BB櫈提供！今次餐湯係羅宋湯，酸酸甜甜好開胃！焗野菌汁雞扒飯份量適中，焗到好香，有少少飯焦～雞肉好入味，野菌汁好香濃～伴飯食唔錯！另外加咗個芝士焗薯蓉！芝士好香喔配埋薯仔食好好食！個法包係配餐湯嘅！外脆內軟～最後叫多咗個草莓撻！草莓好酸，但係我小朋友好鍾意食，個餅底唔錯，好香脆～加埋吉士忌廉食好鬼正！