Deli and Wine (已結業)

5點幾已經肚餓,仲有下午茶可以試~叫左煙鴨胸肉醬意粉+凍朱古力 (下午茶)同埋牛肉BURGER + LATTLE (正常餐單)肉醬意粉幾好~唔會琳~牛肉BURGER一貫咁好食~!JUICY, 個包有燕麥係面感覺幾好~ 炸薯夠粗夠香口~!而我最愛的凍朱古力今次無令我失望啦 之前第一次黎就係俾佢IMPRESS到,但有一次又無咁CREAMY同RICH...水準不太穩定...好彩今日好好~!成杯都好有好濃厚的口感~!LATTLE都好~唔洗加糖都已經OK~

見到呢度咁多食評都話好食, 所以同朋友去試下, 晚上6:00去到, 竟然唔駛等位, 就入座先, 跟住到Cashier買野食, 朋友揀左個鮮露笋芝士煙肉意粉, 一杯焦糖咖啡, 自己就揀左芝士石班焗飯同Cappucino, 比完錢, Cashier比左一個有號碼的牌我, 放在枱頭上, 等侍應送餐來, 我同友人坐在有沙發的餐枱度, 有點家的感覺, 等了大約15分鐘, 餐送到了,鮮露笋芝士煙肉意粉的露笋好像韮菜花的莖咁幼, 唔似露笋, 但食落D意粉軟硬適中, 有不太濃烈的芝士及煙肉味, 至於芝士焗石班焗飯, 鮮甜, 由於厚切, 很有口感, 份旺亦很足, 焦糖咖啡好滑及有焦糖的淡淡香味, Cappucino沒有甚特別, 環境總括來講都很舒適, 老實講, 這個價錢就可以在尖沙咀的中心地帶用晚餐, 抵!

第一次来，亦都是最后一次。点的杂菇意粉，汁好少，好干，好似炒面甘。同埋味道好酸，蘑菇好干，好韧，好老兼且有沙。非常失望，居然甘都可以是主打意粉。但是同伴的薯条OK。

我地想揾個可以坐耐d ge 地方，同埋唔太嘈，朋友問有無試過lee 間，我未試過，好la 就試lee 間。大概夜晚七點幾去到，都ok 多人不過容易揾到位。我點左腸肉醬意粉，面頭有好多芝士粉，不過唔會好膩，因為有茄汁中和有酸甜味道。朋友點左扒磨菇雜菌意粉，望落清新，而且唔磨菇唔會被煮得過淋。再配合坐位舒適，相當唔錯

星期四, 晚上8:00pm, 人流很多, 但也剛好找到位, 過了9:00pm就冇咩客人.冷氣太大, 但空間感都大, 所以算坐得舒服, 環境裝飾都很吸引.好岩女仔朋友傾計食tea , 都岩情侶享受美食.自助式下單付款, 拎號碼牌找座位, 店員會好快送上食物. - 蕃茄忌廉汁蝦扁意粉 ($66) :黎到香噴噴好吸引, 意粉煮得岩岩好, 有咬口, 而且醬汁都很令人滿意, 剛好掛在意粉上.蕃茄汁加左忌廉, 易入口, 唔會太重酸甜蕃茄味, 有d creamy 口感, 令意粉更香更滑.d蝦好爽口, 而且有蝦味, 分量仲好多, 有5-6粒, 大大隻.

朋友每次行過文化中心都提起deli and wine 既野食唔錯, 但每次都因為佢係連鎖集團而唔敢去試, 今次因為諗唔到食乜, 於是就黎試下佢好唔好食。諗住閒日夜晚應該冇乜人會黎呢度食飯, 點知七點半黎到都坐無虛席, 用左十五分鐘先搵到一個二人位坐低呢間野同一般美心主要區別在賣既食物比較似西餐廳, 食既野主要係意粉, 常餐, 漢堡同馬來湯粉麵, 不過都會有港式燒味, 今次就叫左2個意粉黎試下鮮蝦蕃茄忌廉汁意粉- 蕃茄汁唔係茶餐廳ketchup味, 加入忌廉變得好滑, 唔會好似平時肉醬意粉既茄膏味咁濃咁刺激- 意粉唔會煮過龍, 平時去開同集團既美X 煮到爛哂, 呢隻食落仲有咬口!不錯- 蝦既份量都唔好, 雖然係雪蝦, 但食落唔會霉鮮蘆筍煙肉忌廉汁扁意粉- 忌廉汁好CREAM 好滑, 唔係一般開意粉醬既味道- 意粉同樣爽口!總結: 平價西式快餐, 比同類既EURO GOGO 更有質素!

對上一次黎係放工後嘅時段，人流多到嚇死人……由於要自己搵位，起碼等左半個鐘以上先有，排隊買野食嘅人龍亦排到出門口今次下午同友人係附近睇完戲想搵個舒服嘅地方食個下午茶傾下計，所以就揀左呢到喇四點半左右黎到，都已經幾full下，不過好彩都搵到兩個位本想試下個炸魚柳漢堡，不過原來有下午茶餐，仲有跟餐飲品所以就揀左豬軟骨撈麵喇，再加多杯熱拖肥咖啡拎左個牌就可以返位坐，店員會安排送餐，明明我係叫熱嘅點解會黎左杯凍嘅咖啡？不過算啦無所謂咖啡面上加上奶泡，有用心，不過味道就一般了。拖肥味唔夠濃，味道似普通latte而已食物方面：豬軟骨睇落有啲乾身，不過食落又唔係噃！豬軟骨夠哂入味而且肉質仲好林添，再加上少少油脂，正麵質方面係夠彈牙，不過雖然落左蠔油作為撈麵嘅醬汁，但味道都略為淡不過呢到環境的確幾舒服，係閒聊嘅好地方或者下次黎都係試下食家推介嘅魚柳漢堡好了

今日同老公去聽講座，仲去左Deli & Wine醫肚，其實想去食好耐，因為老公實在太掛住D美國食物，所以間唔時就發作要我同佢去食一D美式既野。我一向都知呢度好多人，就算今日係閒日，都係勁多人，當然，呢度係尖咀，又多左D強國人既關係，就算我太住個肚黎搵位，D人係咁relax既環境想坐耐D黎食野而唔讓座都係易理解既。大概等左15分鐘，終於有位啦，雖然坐位係窄左少少，而且行人通道都未見闊落，但總好過無得座既。老公係我搵位時就已經排隊等買野，佢既餐唔太多，我地都其實已經aim for佢既burger，我地實行一個叫魚柳包餐一個叫漢堡包餐。外面睇真係唔太似身處香港架漢堡包餐配我地都咁喜愛既粗薯條，薯條薯味濃，份量算不錯，唔點茄汁都已好食。而Cheese burger就不過不失，牛味一般，無咩根位，其實份量不大，老公好快就幾口已KO左個包，但勝在新鮮，以這個價錢用說，算好不錯！而我既魚柳包竟然有驚喜，魚肉夠滑，而且熱烘烘，醬汁亦剛好的夠，不太多，不會蓋過魚柳味，魚柳食得出是新鮮貨，好滿足！

一到星期六, 最怕就是睡到日上三竿, 然後施施然步出房時見到................父親大人'黑'著臉在等你, 沒錯, 是「等你」起身飲茶啊女。結果, 早茶時間過去了, 下午茶又未到, 好啦女兒不孝, 所以今次轉個新場地同父親大人及大小姐到尖沙咀享受一個平民化的西餐。廢話少講, 因為剛起身實在相當肚餓, 叫了三款不同的菜色。一上桌便聞到那濃烈的喇沙香味, 急不及待先下手為強, 配料豐富, 有粒粒都大的蝦球﹑ 吸盡湯汁的豆卜和半通透的玻璃麵。很喜歡麵身的質感, 像薯粉一樣滑不溜口又有彈性, 而蝦球也相當爽口具口感, 唯一美中不足的是湯底真正的味道其實比起聞的味道淡。我為蝦狂, 所以又有海鮮意粉。這意粉較普通, 濃厚番茄味及足料海鮮能補其味道的平淡。識得'食', 一定會選漢堡。記得買時要把薯條轉為'香辣', 味道真的香濃很多^^粗薯條厚身吃得特別滋味。有圖有真相。漢堡的味道不錯, 有牛堡﹑ 蕃茄﹑ 芝士﹑ 生菜及醬料, 略嫌牛堡有點乾身, 但整體不錯。對平民來說, 價錢相當友善下次再來!!

星期六晚上8點, 正在煩搵邊度食飯, 尖沙咀區, 一般都難搵位行下行下經過文化中心見到呢間好有歐陸風味嘅餐廳同埋入面有一定數量嘅食客, 但係都有一兩張吉枱本來坐低咗響長枱, 最後見到角落有張圓枱當然唔客氣轉位呢度主要嚟講係供應快餐式西餐, 也有中式供應, 如湯麵, 撈麵, 亦有沙律, 三文治, 咖啡, 總之有一款啱口味今晚叫咗兩個餐1. 磨菇雞扒飯評語: 賣相吸引, 能夠引起食欲!!!半個蕃茄: 唔係一個普通洗完就切開, 仲要煎過, 帶出蕃茄的甜味磨菇: 新鮮雞扒: 煎得好香, 皮脆肉滑, 沒有太亁, 叫雞扒真係驚會亁, 呢度唔會醬汁: 濃厚的蕃茄醬飯: 份量適中2. 咖哩蝦飯評語: 驚喜之作!!! 值得take 2咖哩汁: 我試過九龍灣food2嘅咖哩, food2嘅以煲仔上, 內有青紅椒, 偏辣; deli and wine 嘅, 香, 唔以日本咖哩咁甜, 亦唔辣, 適合所有人試蝦: wow!!! 真係好食到難以形容, 平時食蝦, 一係有殼, 一係冇味, 呢度真係俾都我驚喜! 蝦首先去殼, 起雙飛, 去腸, 然後以olive oil+ garlic 炒香, 之後先加入咖哩, 咁樣做

同友人到達時大約12:45 剛好遇上上班族lunch hour同遊客lunch time買食物條隊排到出門口，坐位都full晒，我地決定等到位再買野食10min後終於有位,我叫左雞扒飯同凍拖肥鮮奶咖啡，友人叫左all day breakfast+熱咖啡雞扒飯($47):多飯多肉，雞扒煎得幾香，有兩大塊蕃茄汁有茄蓉，不過蕃茄味5算濃，仲有配上半個蕃茄，最後都食5晒d飯拖肥鮮奶咖啡:冇乜拖肥味，咖啡甜度適中，跟飯+$17可以一試all day breakfast($48):賣相不錯，份量亦算多，友人説味道ok

黎過呢度食過lunch幾次，同同事都幾鍾意呢度，一來係尖沙咀叫做平...$4X左右都搞掂，二來環境唔錯，但因為係自助形式，要早少少12:45去搵位，唔係一定好多人。叫左個什菇意粉(lunch set)，同事叫左mini burger，都係四十幾五十幾就搞掂，自從係海港城返工之後，lunch四十幾已經係好平! 因為多數要$70以上...以前係天后觀塘食開三十幾架嘛..嗚..我鍾意呢個意粉唔會好「漏」，又夠多菇，因為我鍾意食菇。有少少香草已經好夠味，正! 試食左同事的fries...好好味呀..但又熱氣..又停唔到喎..呢D食品真係好evil!我地都會keep住再黎，因為環境好好，工作好忙時，當黎呢度break一break

已經食過deli and wine好幾次, 尖沙咀呢間3次, 每次都係一個獨特既回憶...第1次知道佢係由一位朋友介紹, 去到已經好中意個style, 環境舒服悠閒, 食物亦多元化, 唯一唔好就係要自己等位, 又唔可以坐得耐... (除非你夠厚面皮)今次再光臨係同幾個好友聚會! 7點幾到係人山人海, 周圍企滿人!  但比我留意到sofa枱有機會, 等左20+分鐘終於2邊既情侶都走了, 可以霸晒成張坐sofa既枱!!! 坐得最舒服都係今次喇~4個人叫左4個main加左個薯條side dish! 喇沙好食唔洗講, 係有d辣~ 但蝦球好大粒! 意粉同焗飯都係普通正常啦~  個咖哩撈生麵都幾特別, 不過好似都係唔多夾xp 最吸引都係炸魚薯條! 塊魚好香口! 如果係叫個漢堡夾住黎食應該好正!  都成8點幾先開始食到, 結果我地坐到差不多關門! 傾計傾得好開心! 仍然係好中意黎deli and wine食野, 希望下次再同重要的人黎!

由於同老婆到文化中心聽演奏會，所以，順利成章到Deli and Wine搵食，除了之前已食過，信得過佢啲質素外，主要貪其晌度食完好預時間過去文化中心。果然一如以往，依然座無虛席，所以兵分兩路，老婆搵位，小弟排隊買嘢食。最鍾意留意佢個開放式廚房，睇到一眾年青廚師嘅拼搏。「黑板」餐牌一眼睇晒，湯麵、意粉、漢堡、咖喱、飯等等，以及出名嘅常餐，同埋其他輕食。海鮮喇沙玻璃麵 $62老婆都超鍾意食喇沙，所以二話不說就揀個海鮮喇沙玻璃麵。個喇沙湯底都幾辣下，但入口有椰香，惹味鮮濃。而海鮮料無欺場，有魷魚、帶子粒、青口、鮮蝦，份量足，同埋食材不賴，尤其啲魷魚同鮮蝦，前者柔軟鮮甜，後者非常彈牙，配菜仲有豆卜、四季豆，而個玻璃麵有少少似食紅薯粉，外表晶瑩透明，麵條質感富有韌勁。扒鮮雜菌油醋汁扁意粉 $47小弟就西化啲，又喜歡食意大利嘢，所以揀咗個扁意粉。雖然個扁意粉簡簡單單，但味道實在不俗，意粉煙韌有咬口，因以油醋汁拌過，味道帶少少酸，唔似忌廉汁一類，食落好輕怡、清爽；而扒鮮雜菌又唔喺單一種菇菌，有3幾種，仲有好多添，菌香馥郁，真喺幾得！焦糖鮮奶咖啡 $13（跟餐價）正價要$24一杯，凡點任何主食都可以用

尖沙咀大多數地方食個午餐都要70蚊或以上十分不化算。我上次黎到食野好期待，我早於一星期前已經睇openrice既食評同招牌菜。於是我決定叫咗個牛肉漢堡同肉醬意粉 碟肉醬意粉醬汁酸度剛剛好，相信大家應該唔酸唔食餐廳環境也不錯，多處地方可影相