Deli and Wine (已結業)

見到呢度咁多食評都話好食, 所以同朋友去試下, 晚上6:00去到, 竟然唔駛等位, 就入座先, 跟住到Cashier買野食, 朋友揀左個鮮露笋芝士煙肉意粉, 一杯焦糖咖啡, 自己就揀左芝士石班焗飯同Cappucino, 比完錢, Cashier比左一個有號碼的牌我, 放在枱頭上, 等侍應送餐來, 我同友人坐在有沙發的餐枱度, 有點家的感覺, 等了大約15分鐘, 餐送到了,鮮露笋芝士煙肉意粉的露笋好像韮菜花的莖咁幼, 唔似露笋, 但食落D意粉軟硬適中, 有不太濃烈的芝士及煙肉味, 至於芝士焗石班焗飯, 鮮甜, 由於厚切, 很有口感, 份旺亦很足, 焦糖咖啡好滑及有焦糖的淡淡香味, Cappucino沒有甚特別, 環境總括來講都很舒適, 老實講, 這個價錢就可以在尖沙咀的中心地帶用晚餐, 抵!