影片
早排同食友happy hour之后，又来吃潮州私房菜。其实吃了这么多年，每次来吃都听见佢话退休，但吃来吃去都仲食紧。是晚与公司的几个重要人物来吃，一行九人，等我一个，真系唔好意思。呢度照旧的无招牌、无装修、无排场、无招呼，来吃的都预左。吃什么不用伤神，因为来来去去都系果几味，我唯一的要求是要上汤先。胡椒猪肚汤已吩咐落重胡椒，是鲜香够味。同煲的猪肚亦软腍好味，也不可以错过；这里的煎蚝饼是偏湿一点的，并非新派的炸蚝饼，几香蛋味亦多蚝在内，算有水准；卤水鹅仍然大堆头，当时鹅肉当然比现在的好好多，肉质嫩而不韧。由鹅片到鹅件到鹅什仲有鹅掌翼，加埋猪耳及堆底的炸豆腐，可以一次过满足好多个愿望。卤水味足，如果这一味都失手的话，也找不到很多理由再摸来吃；川椒鸡球几时都系炸川椒叶好吃过鸡块，微苦带甜的味道，又够香口，用来下啤酒最适合，又是给我清了碟；油泡虾球是另一味上佳下酒菜，虾球偏向味道多过脆脆的口感，都不错；沙爹牛肉炒芥兰是一味考师傅的菜色，要知间舖头对不对路，吃过这一味可知一二。这里炒得几香，芥兰够酒味，牛肉没有经化学品「招呼」过，不错，略嫌是炒得过熟了一点，不算嫩滑，这里的沙爹牛肉炒芥兰，是不错；没有仓鱼，来了条蒸乌头，不过在香港已没有多大兴趣吃这一味菜；吃过菜后最后来了个炒饭，是旧式炒法，不算干身但够味道；甜品是十年如一日的反沙芋，吃的时候正是芋头开始当做，炸得热辣辣又脆口，芋头软腍又香甜，几时都是饱都要食几旧的。埋单又要「俾咁易」争下，唔使讲要争输，好似系千四蚊，不过食左咁多年，都唔知佢用咩准则收钱的，总之食得满意就算。题外话：上面幅卤水鹅拍得好「灵异feel」，其实无野，唔记得左set番个白平衡而已。
继续阅读
朋友介绍，即本上去试试。一试之下发觉好普通。蚝饼：蚝仔好细粒，又少。卥水鸭：须然几大堆头，但卥水味淡，豉油味浓，似豉油鹅多过卥水鹅。川椒虾：ＯＫ，虾算几爽，几大只。油泡鲜鱿：一般柠檬乌头：一般咸鱼芥蓝：芥蓝好嫩，好味。反沙芋：炸芋头块再沾上沙糖，唔错。 须然唔算太贵，不过地方简陋，以咁既价钱，可以有其他更好选择，况且以私房菜自称，有Ｄ过誉。个人就推介厚福街既正仁利潮州菜馆，价钱唔贵，真才实料又好味。
继续阅读
上个星期有日老板神神秘秘咁话带我地去兰桂芳食潮州私房菜...跟住就带左我地黎到和安里o既一楝旧楼里面. 同一般私房菜格局唔同, 呢间无豪装无表演, 只系一般旧楼装修, 台櫈似大排档, 咁样反而令我地觉得系真材实料.老板一早就订左几碟𩠌, 坐左无几耐就有得食啦...1) 白饭鱼煎蛋-- 简简单单o既家常菜, 但系反而系我地一众女同事全餐最激赏o既一碟菜!!!煎蛋脆口, 一d都唔油腻, 调味刚刚好! 酒楼蒸鱼碟咁大o既煎蛋系5分钟内就清碟!2) 卥水鸭-- 卥水做得好, 鸭够份量, 啖啖肉. 呢个就得到男士o既青睐! 当各男士o系度争夺鸭片时, 老板同一位女同事就抢猪耳! 怕肥o既女同事就食垫底o既豆腐.3) 炸中虾-- 海鲜啦㖞, 就当然系较受女同事欢迎啦! 虾唔算大只, 但系有鲜味! 4) 炆猪蹄-- 再一次系较受男士欢迎o既一碟菜. 女同事都怕左厚厚o既猪皮, 只敢浅尝, 大多数时间都系夹垫底o既菜心. 猪蹄调味调得唔错, 送酒一流, 可惜下昼仲要返工, 各男同事只能轻叹!5) 炒白菜-- 老板惊我地女仔投诉无菜食, 所以特登加呢碟. 呢个无乜特别, 只系白菜一碟.6) 炸芋头-- 炸芋头铺满砂糖, 其中一位好甜o既女同事直头系食唔停口. 但系芋头有d好淋有d就较实, 大家好似抽奖咁睇自己好唔好彩.虽然食完有少少口渇, 但系都系食得好开心o既一餐!
继续阅读