De Luna Tapas Bar & Restaurant

营业中

休息中

我地見到網上推介，見到網上呢間嘢幾多人推，就去咗試吓，我哋3個人叫咗3杯酒，佢地個到有每小時每人一杯酒嘅低銷，不過好似無好認真實行，我哋叫唔夠低銷都無講啲咩。叫咗一杯班蘭酒，好重嘅班蘭味，有啲cream甜甜地幾好飲係妹妹酒嘅感覺。另一杯係芒果白蘭樹下，完全無酒味，好似果汁咁，睇你追求好飲定想醉。最後個杯係菊花酒，好重嘅菊花味，酒味都好重，飲半酒就ring ring地，但唔就唔太好飲。環境有啲迫，都多人，坐得唔係話舒服，但可以試一次。

諗住喺附近食完晚飯，求其入一間酒吧同朋友飲吓嘢咁，入到去一坐低就話有Minimum charge，每人一個鐘至少嗌一杯，好啦，叫佢過嚟，完全唔忙，但係等咗勁耐都唔過嚟落單！好啦嘢飲終於上枱啦，一飲落去，成杯糖水，冇酒精！仲要唔係一杯係咁，我哋一行四人，四杯都係咁，咁樣做生意法，係咪當香港人Lulu？埋單人均消費加埋$120，咁我不如加多幾廿蚊去酒店飲？又唔限時！服務又好！質素又高！仲要無限refill nuts！

同朋友諗住happy hour飲杯野，問佢除左啤酒布無其他有happy hour,佢話cocktail都係，點知埋單見到張單跟本無做到happy hour價錢，仲要一坐低就話無酒牌所以一定要叫一款食物，叫兩杯margarita好似比人飲過咁，得半杯，兩杯無happy hour仲要一杯當兩杯咁賣，埋單比卡佢碌，碌左勁耐又唔係忙，手腳慢到我望住個員工係度吹水，一路睇張單再同佢d同事吹下水先拎過黎，大佬呢間野成版酒樽放曬係barten個位仲講得出無酒牌老奉焗你叫，係門口未入去都唔講，真係祝你生意興隆，咁做生意法🤔

收工之後，約埋一班好朋友一齊去旺角飲野🥰 7點鐘前就到左，岩岩好仲係happy hour時段🫰🏻🫰🏻🫰🏻仲可以叫Happy Hour Combo Set🥰 於是我就叫咗一個小食拼盤同一杯啤酒Sapporo，小食有香茅雞中翼、琵琶蝦、甜蕃薯條，同埋煙燻豬肉腸🤭都係一啲送酒常見嘅小食，特別甜番薯條，增加左成個小食拼盤嘅健康度同飽肚感🤤而且份量都唔少㗎，兩個人食啱啱好，仲有一杯啤酒🍺👍🏻 而我嘅朋友就嗌左一個極級和牛漢堡🍔，厚厚一層嘅和牛扒😍 配上竹炭麵包，提升左成個漢堡包嘅Level👍🏻🫰🏻 ⭐️ Happy Hour Combo Set小食拼盤 and one beer💰$138⭐️極級和牛漢堡 💰$138

The things annoyed me in this bar still make my night fantastic with my buddy. No.1, “rejected” our request to sit outside, saying that the table is for 4. It’s ok but at end that table was empty for the whole night. No.2, setting the rule to order drink at least 1 per hour. I don’t have concern to order more if we are chilled and want to stay with the bar. No. 3, asked us to get the bill almost immediately we finished the glass and not going to order another. Actually we planned to go but not

疫情放寬下，同朋友二人經過坐低 Happy Hour ，叫兩杯生啤，點個小食「西班牙火腿橄欖無花果」因朋友唔喜歡無花果，落單前已經講明唔要無花果，服務員話ok，點知送到嚟有五片無花果，問返服務員，回應話：因火腿要包無花果食先得 (我回想返落單前吩咐咗話唔要，你又話ok，再者你咁有性格，點解又唔跟曬所有火腿都一片無花果呢)，都算我撥開無花果照食，因我從來都唔會爭拗呢啲問題怕影響心情，但重點問題之後先出現，我先食一片，食後感覺有點油益味，但我冇開聲，因我唔太肯定，繼續同朋友傾計，直到朋友食埋，佢就話 Ng… 啲火腿益咗，咁我就肯定我冇食錯，再叫服務員埋嚟，佢態度好散漫完全唔想處理，完全冇講話點安排就走開咗，碟嘢就繼續放喺枱面，咁我就輕輕放喺隔離枱唔想對住，繼續傾計，過咗五分鐘再問第二次先至安排個人過黎話試味係正常，如果你唔鍾意就換另一樣野俾你。總括嚟講：食物、服務態度、處理問題，各方面都唔合格，以後都唔會再幫襯。完！

下午茶時段又未可以食晚飯，咁就係旺角見到一間睇落靜靜地環境都唔錯既餐廳食野，㨂左黑松露炒蛋多士配唐生菜沙律，首先係個麵包唔係一啲普通麵包，而係一啲果仁麵包，值得讚賞黑松露炒蛋個蛋係好香個忌廉味，但係個黑松露相對黎講就我覺得可以重啲味道啦沙律個汁就一啲好清新既醋？黎MIX 埋一齊，非常好開胃，再叫左杯凍咖啡，好特別佢係用一個類似香檳杯上，咖啡就帶小小酸味，後勁有甘，下午茶有時間去品嚐享受慢活生活係非常值得。

做完野，要等到夜晚食飯，得一丁友就走去黑布街hea 飲💆🏻‍♂️本身想去隔離間手工啤，但勁多人好迫，而呢刻想靜靜地又坐得舒服d，咁啱見呢間無乜人，就行左入去德國啤🍺推廣優惠+小食套餐🌯（$88）加一後埋單$97-德國啤有三款揀（黑、啡、白色）我揀左白色，唔錯👍-小食墨西哥卷就普通，不過有一兜原粒茄醬🍅加持，又加返d分。小食仲有另外幾樣例牌可選（e.g.炸薯條)下次經旺角，又想坐得舒服少少，又無咁嘈的話，仲可以幾開揚咁望住出面街，呢間係唔錯選擇👌

諗住同老婆去一齊慶祝 食下好野咁 首先睇左菜單 餸菜都係一般西餐有既野 價錢又唔係特別平 環境都黑黑地 但枱櫈明顯好污糟 周圍都係油 又有啲黑色食物殘渣 叫個男侍應定老闆幫手清一清 又俾曬面色 😰 心諗 尼啲野 好基本姐 對住啲垃圾點食呀 😔本身你限聚都小人啦 服務總要咁差 本身啲野好食都話算啦 又唔係好食 總要受你氣 啲野又遲又剩 真係俾錢買難受 自問我地對你態度好好啦 唔該前 唔該後 如果唔想做生意咪直接講 唔洗係度趕客 勸大家唔想受氣🤧 就唔好去啦 真係掃興😌

Worst experience ever in Hong Kong. Service is a extremely terrible. Attitude is fxxking miserable. Food is bad.

🍸🍸環境不錯！小食同野飲都上得好快，價錢合理😂 呢到啲Staff會耐心介紹啱我口味嘅酒（加分位）👍👍但冷氣略嫌有點凍🥶怕凍的sis要帶多件外套！又，一排無嚟但cocktail 都仲保持到水準～～很不錯！更重要的是這裡的員工很友善！推薦～～👏👏👏

呢間酒吧與餐廳其實都去咗好多年嘅時間啦，次次都好鍾意嚟呢度同朋友敘舊，因為嘢食同嘢飲好味又特別資源成日都好清靜嘅感覺，幾正不過就有啲人喺附近食水煙，睇吓自己接唔接受到啦雖然價錢有啲貴啦但係我就覺得幾好食啦，今次要咗呢一個主菜就係帶子意大利飯，仲有牛扒，個牛扒真係煮得啱啱好仲要好林，幾隻雖然份量不太多有少少貴，跟住就嗌咗少少signature cocktail magatira and cosmopolitan❤️最後好似跟餐仲加埋fruit cocktail💛💛💛💛

旺角飲cocktail 首選Luna。佢地有啲好有特色既cocktail ，充滿藝術性，但我都係鍾意飲番classic cocktail。今日趕住走，只係叫左幾杯 Long island⋯⋯Cocktail好睇bartender。同一杯酒，同一個recipe，味道可以好大分別。建議大家認住自己鍾意既 bartender去叫你想飲既cocktail。野食方面我好少叫，最多都只係小食，正常野，有機會食晚飯再介紹俾大家。

入場前侍應有同我哋講min charge係一個鐘頭每人一杯野/4人一枝紅酒，我哋都明白。但經驗不足既我哋唔記得左問1個鐘係幾時開始計......我哋一行6人，入左去叫左2杯cocktail同1枝紅酒。點知杯cocktail 因為多人order，所以要等耐D。等左20分鐘終於到啦！以為可以慢慢enjoy既時候，隔咗唔夠半個鐘，侍應就已經走埋嚟問夠鐘再叫另一round先可以再坐。我地就問待應杯cocktail半個鐘前先到，都未夠一個鐘就要叫？侍應話係呀，我哋係計落單果一刻架！唔明白點解你餐廳多人，上野上等慢，就要discount我地？經過極力爭取，侍應先至比多15分鐘我哋，真係多謝晒！我哋果刻終於明白，四周既酒吧都full晒，而呢間仲有空枱，唔需要得位就可以坐如果大家飲野以茶餐廳既速度同鐘意澳牛服務（姐係希望有人串下你、刺激你腎上腺素），又願意比酒吧既價錢，大家可以黎坐下！講完服務呢架野，野飲質素都同大家講下。我個人而言就覺得麻麻地啦。佢cocktail都唔平，150-200/杯。但味度同其他差不多價錢既cocktail bar 差咁D。紅酒400幾蚊都唔expect D咩，都算中規中矩。

‘’𝐟𝐨𝐫 𝐚𝐥𝐥 𝐭𝐡𝐞 𝐬𝐭𝐞𝐚𝐤 𝐥𝐨𝐯𝐞𝐫𝐬’’《𝐃𝐞 𝐋𝐮𝐧𝐚 𝐓𝐚𝐩𝐚𝐬 𝐁𝐚𝐫 & 𝐑𝐞𝐬𝐭𝐚𝐮𝐫𝐚𝐧𝐭 》๏ buffalo wings with sour cream ($78)๏ truffle fries ($68)๏ nachos with salsa, guacamole and sour cream($88)๏ grilled U.S. Prime rid eyes steak ($248)๏ Truffle scallop risotto ($128)#japjapjap旺角______________________________score:8/10address:旺角黑布街17號地下