影片
见到 Facebook Wine Buff写 “Enjoy free corkage when dining at Darcy & Liz restaurant!” (有关呢个优惠，读者请看到最后)； 即刻睇吓呢间餐厅响 Openrice d comment， 11个笑， 1 个OK， 唔错㖞， 于是决定同 Gang 6响果度食花花同我嘅生日饭。餐前先送上面包盘，仍带微温，但面包无面包香， 虽然暖暖地， 但系硬到界损个咀, 牛油亦无牛油应有嘅香味，平时我地我朋友面包王，都只系食左半件就摆低。鹅肝虽然煎到外面熟，里面软嘅效果，但嫌外面太干同埋唔热。Parma ham 卷 – 可以。洋葱汤 – 要用 disaster 黎形容, 唔驶用文字形容, 睇相 (系未搅已经咁样)龙虾两食 – 有汤同意粉, 汤嫌太稀, 龙虾味淡；意粉一般，应该无用番龙虾本身D膏来炒，似系用果D即用意粉酱汁黎煮。虾意粉 – 虾应该系急冻嘅, “有创意” 地加左虾米，唔中唔西，好唔夹。Iberico Pork Rib – 唔错, 虽然有D怀疑系咪真系 Iberico Pork, 因为无应有果种肉味。Rib Eye – 由于我地有几位唔食得太生； 所以要求 MEDIUM WELL 然后切半旧再煎至 WELL DONE。我去过好多餐厅都好乐意咁做，不过个伙计好似觉得好奇咁。Anyway, 佢有照做，但因为本身块牛排质地唔好(无论肉质或肉香，又好多筋)，煎得几好都无用。最后，要提提大家， Wine Buff响 facebook写所谓 “Enjoy free corkage when dining at Darcy & Liz restaurant”，其实系要响 Wine Buff 买酒，去到餐厅出示番收据，并要带番收据上果D酒先可以免开瓶费，我就一时大意，无睇到 “terms and conditions”，亦无book 枱时问清楚店员，就好鲁莽咁带左4 支唔系响 Wine Buff 买嘅酒；要挨$200 一支开瓶费。其实我都有响 Wine Buff 买过酒，但即使我能出示收据；店员都话系公司policy，一支都唔能够免，因为我带果几支都唔系响Wine Buff 买的。
继续阅读
今日同同事补足生日，黎日街呢边揾食，本身想食𠮶间一如以往full house,唯有再去入d黎到呢间用了Jane Austen名著“傲慢与偏见”主人翁任名的餐厅。开扬的设计，特高楼底，加上恰到好处的装潢，不浮夸，更显出格调，谁说法国风一定得是甜得腻的碎花及华丽的浮雕。一个3个course的午餐只是165再加1,价钱非常吸引，而且甜品更是大size,一点都不小气。新鲜出炉的牛角包，好香牛油味，而且一人有两件，侍应会提醒我们小心热。沙律望上去非常新鲜，而且亦非用下栏菜堆砌我叫左个住家中汤，冇味精，法国菜中加入一个住家汤供选择，可见店主细心主菜意粉及鲈鱼都被清空，太好味。甜品是另一个亮点，见甜品柜上有价钱，单叫需
继续阅读
难得放平日，就约朋友食个悠闲午餐，同佢补祝生日。本想到一间意大利餐厅食下手造意粉，可太多人，就到附近睇下有冇alternative。友人话黎嘅时候见到呢间Darcy & Liz 感觉唔错，menu睇落都好对办，我就快速睇下之前d食客黎影嘅相，都觉得可以一试就坐低喇。侍者好快就奉上一盘四个迷你牛角包，斋睇卖相已经好靓，包身好松脆，内里有罂粟籽，上面就铺左芝麻同埋果仁碎，食起黎好香口呀，如果喺bakery卖应该会好受欢迎。我爱饮汤水，见到前菜有番红花鱼汤，就拣呢个啦。汤好清澈，有淡淡嘅鱼鲜，似妈妈嘅自家汤水，很适合夏天饮。主菜我同友人都拣左要加钱嘅烧伊比利亚猪扒，但店家话剩返一份，话主厨提议其中一份转猪肋嘅部份，我觉得一试无妨，就去码啦，要了七成熟嘅。哗，一将多肉同骨排嘅部份轻轻切开，d肉汁就不住咁走出黎喇！大啖食落去满口肉香，好满足呀！其实我之前好钟意Limehouse嘅猪扒，好可惜餐厅已经结业，依家终于揾到另一个好地方喇！块肉晒左少少胡椒就咁食已经好好味，但点d伴碟嘅汁都唔错(sorry我唔记得左系咩汁，但好creamy好香嘅，我仲用左佢黎点西兰花同椰菜花）。旁边嘅红萝卜切成一粒粒，应该系用牛油煮过？好香甜，一d腥味都冇，粟米仔都新鲜爽甜。一边啖啖肉，有d蔬菜balance下，感觉良好。眼看甜品柜入面都几多选择，就埋去睇下。最后拣左平日比较少见嘅热情果焦糖炖蛋同埋姜汁奶冻。个炖蛋真系热情果味泛滥，咬落去d热情果籽卜卜脆！好香好醒胃呀！不过热情果系霸道嘅，如果你钟意蛋味浓嘅就食返传统口味啦。至于奶冻都唔野小，食落有姜汁嘅清香，但唔辣，够晒香滑，上面一小撮cream好light，我好钟意呀！呢间餐厅无论食材同味道都一流，价钱都好合理，我一定会再黎！不过座位唔多，我估book定位会好d~
继续阅读
Cringe-worthy, 中文大约可译为"令人打冷颤的"。 事源两名港女决定于darcy&liz用餐就系贪店铺名称够「特别」，应该系专登target情侣帮衬，所以决定前往一探究竟。店铺位置系有d难揾，但港女路痴加上google map协助都成功到达，应该冇人会揾唔到。到达餐厅时一度谂过放弃，转食第二间，因为星期五晚上，餐厅入面竟然只系得一台人！两名港女交换一个眼色，心谂「伏味浓」！但既然揾左咁耐路，就硬著头皮步入餐厅。店铺内环境「骨子」，灯火通明，先加一分。店员待我们坐下后指出尚未过happy hour （5-8pm), 特定饮品买一送一。港女order了sparkling wine. Tgif 㖞，少左happy hour 点成事？我地order左两个 starters, salmon salad 同warm cheese and totmato salad. Main dish就一个baked cod 同 confit duck leg.先上桌嘅系一篮子满满法包，烘得又脆又暖，又加一分。Salmon salad 上salmon 新鲜，大块，salad dressing 亦够味，再加一分。Warm cheese tomato salad 原来系将半溶嘅crottin cheese 放系番茄同一块脆口非常嘅包上面，芝士同番茄味道好夹，入口即溶，又又加分。主菜上场，baked cod 入味，鱼肉鲜嫩弹牙，完全冇雪味，水准之作。Duck leg 皮脆肉嫩，而且惹味非常，肥而不腻。甜品系blood orange chocalate cake, 味道浓郁，甘中带甜，为呢一餐画上完美句号。其实食完main course, 两名港女已经完全比darcy&liz 满满诚意同高水准美食所打动，所以决定要上openrice写港女人生第一篇食评，同大家开心share, 亦希望darcy&liz 然后每个星期五晚座无虚席。可惜港女太为食，亦冇plan到写食评，所以一张相都冇影到，惟有诚意搭救，以文字高度赞扬darcy&liz.有心有实力小店，香港买少见少，亦希望食客用行动支持，用openrice 订台亦都好方便，同另一半黎食做下Mr. Darcy 同elizabeth又得，同朋友黎食下有心有水准菜式亦得，得左。
继续阅读
某日系wine buff website 见到Darcy & Liz website 于是入去望下发觉menu 很合理价位又系日街，一条我很喜欢的街，于是决定去试一试！同事们一共六人去试试午餐！一到门口已经十分喜欢小店子因为不是太迫又可以外望街很有一种悠闲感觉！午餐是套餐但有中式汤，粉葛鲮鱼汤，同事们有order ,他们说味道真材实料✌🏻我自己order cream of mushrooms,味道ok. 我们发现原来用某信用咭消费满$500可以有一支酒，仲是Australia Margaret River, 以送赠来说我们觉得好ok他们的面包是牛角包十分松软！仲可以加添的！Main course 我们order sirloin steak and barramundi. 我个steak 就有的根所以一般，但barramundi fillet 就几好！下次一定想来试试晚餐因为环境，服务，wine 也好ok!
继续阅读