影片
屋企人带我嚟呢间喺工厂区嘅餐厅食酸菜鱼。佢哋嚟过几次，都系食晏昼，晏昼啲套餐好抵食，只系几十蚊。今次我就跟埋佢哋过嚟食晚饭。都食咗好多样嘢，酸菜鱼，水煮牛肉，松子鱼等等。每样都好有质素，味道唔错。餐厅嘅装修比较大众化，得光猛的白色灯，圆枱多。都几阔落。松子鱼好大条酸菜鱼，虽然唔系好够辣，不过份量都几多，亦都有好多薯粉。水煮牛肉就好惹味。竟然仲有酱茶鸭，呢啲系我心目中系比较花心机嘅手工菜，估唔到工厂区餐厅都有，不过呢碟就细啲啲。餐牌嘅选择真系好多，晚市人均都唔洗$100，值得推介。
继续阅读
黎过好多次，终于系OpenRice page 见到呢间店了。一向喜欢辣野的我，觉得佢d辣野非常之正。第一赞首先系有芫荽！要求佢哋加多荽又肯加🫶🏻🫶🏻♥️♥️「上图一」系酸菜牛米线。系普通餐牌上，价钱很相宜，五十元已经大大碗了！可以米线转薯粉，两款都系好味嘅！d牛亦都多，又滑！「上图二」系我另一次去食嘅水煮鱼。也是可选择面种，饭也可以。水煮七十几蚊，虽然贵啲，但点都推荐要试一试。d辣正！非常入味！d鱼十分之滑。
继续阅读
天气咁热返到屋企真系唔想煮.所以就叫咗外卖.今晚同女朋友2个人食！-川味水煮鱼例牌配饭-沙嗲牛肉粉丝煲-柠檬茶送到上嚟个汤系冇分开.好彩冇倒泻.打开见到好多辣油.辣椒🌶️花椒浮喺面.鱼肉好少.就连芽菜金菇都好少.但系薯粉就好足够都吸到味嘅.味道正常都够辣够惹味.但系冇得拣辣度.个牛肉粉丝煲都香唔会好油.略嫌牛肉太少连料头都好少😣总结：讲真呢个例牌水煮鱼$161性价比真系唔高.呢间餐厅喺工业大厦要专登行过去如果堂食都几麻烦.而且价钱唔系特别平.又唔系特别好食.而且个沙嗲牛肉粉丝煲都几过分.要$92入边应该得6旧牛肉全部都系粉丝.无芽菜.料头果d真系少之有少.洋葱都系得几粒.但系要卖差唔多$100系过分既.我今次嗌外卖.未计速递费张单已经$253绝对有其他更加好食嘅选择.份量真系唔多送都好少.绝对唔使专登去食😩我一定唔会再食
继续阅读
阿老表羊肉米线搬左，变左这间食店，朋友话好抵食。就过来试下啦！睇餐牌应该是主打上海小菜，但在工厂区，都是套餐来得实际。午晚市连热饮50元，2点至6点下午茶时段40元。鱼餐贵些少，跟汤饭或米线，都是68或58蚊碗。叫左个酸菜鱼米线，够晒料，辣度亦够，鱼肉不过不失。我就嫌咸了些。肉丝煎脆面，面够晒脆，肉丝汁稍嫌杰些。见人家叫星州洲炒米，卖相都几好。厨房传来炒镬声，应是即炒。楼面小哥服务唔错架。食物质素同价钱，比不少连锁食肆好。
继续阅读
有次我放假，lunch time去观塘揾个朋友食饭，他带我去了工业大厦楼下的一间唔起眼的新开既茶餐厅，本来以为普普通通食下，叫了lunch set叉烧滑蛋虾仁饭，都几大碟，又好足料，叉烧都唔少，虾大大只，有三只，虽然系雪藏虾，味道都唔错，配上甜豉油。朋友食肉丝脆炸面，卖相靓靓仔仔，又够脆。朋友话再试吓个太二酸菜鱼+薯粉，微酸，小小辣，鱼身好滑，薯粉吸晒啲汤，入味👏🏻👏🏻。价钱平，又抵食，真系无得输😂。见到对面枱order宫保鸡丁，好似几正，下次再黎试试🥰。
继续阅读