Da Filippo Trattoria (已結業)

尖沙嘴海港城港威中心地區唔少好餐廳大家都知，今次比我發現左呢間主打pasta pizza既好店！秘製吞拿魚牛油果他他配醃洋蔥 198勁多牛油果，入口有微微清香嘅檸檬汁。吞拿魚同牛油果口感超撘！酸酸鹹鹹非常開胃。經典法式洋蔥湯 78略略覺得芝士唔夠多。但絕對係法式洋蔥湯嘅味道。味道有啲偏鹹，但食埋洋蔥同面包就岩岩好。波士頓龍蝦燉飯 288cp值高。飯嘅質地控制得啱啱好，少少硬有啲咬口，但亦都索哂龍蝦汁既濃香。面頭鋪上差不多成條龍蝦味，絕對對得住個價錢巴馬火腿芝士佛卡夏 178其實個Pizza有三樣嘢我都唔鍾意食，火箭菜巴馬火腿我平時好麻麻。但係呢個Pizza反而係我最讚不絕口嘅一道菜。因為巴馬火腿嘅鹹啱啱好lead得住個調味，火箭菜嘅苦又令到個Pizza唔會太咸。自此應該會鍾意咗Pizza會有巴馬火腿

因為上次去cafe marco買多左張海港城coupon咁就見到dining b個list入面仲有間新開又落幾多廣告既意粉店叫做da filippo trattoria話係由星級意大利廚師壓場主打手工意粉同薄餅見佢價錢同之前食過既小店involtini同dough kitchen都係差唔多又可以用到coupon就再係拍賣網買多幾張黎食餐廳係海港城行到去差唔多港威盡頭星期日大約夜晚七點黎到可能因為可以用coupon係好多人排隊排到頭位果陣有問我地坐唔坐bar檯最後都係決定等耐d要張普通檯總共大約等左半個鐘左右要同格離share既四人檯都真係好細張無湯匙而且餐廳排到d檯密密麻麻都幾迫夾試過見到有小二行過撞到食客即係小店無得講但係商場大舖都咁樣就真係想賺到盡廚房係開放式見佢地都幾忙手工意粉同pizza選擇都幾多仲有頁係chef推介pizza係十吋薄批甜品最後無叫到問先有既海港城口罩套不過餐廳人多侍應都幾忙好難搵到人一入到去水都無反而格離檯一坐低就有人斟水先黎既係一人份量既龍蝦湯落單無幾耐就上無係席前倒只係係廚房筆出黎不過份量唔少夠兩個人飲口感都可以不過餐廳其實今年先開張但隻碟已經崩左咁去親食

DA FILIPPO TRATTORIA，名都未識讀，就FEEL到嗰份高級同優雅啦！唔洗講咁多即刻帶我BB去！BEEF TARTAR作為一個好少食生牛肉嘅人，呢份他他簡直係震撼咗我，生蛋王加生牛肉勁滑嫩軟熟，小小腥都冇，如果唔講真係唔知係生牛肉！LOBSTER BISQUE龍蝦湯加咗適當嘅CREAM更加CREAMY，入面仲有幾舊龍蝦，十分足料，濃湯濃到一個人無辦法飲得哂，同BB SHARE就PERFECT。CARBONARACARBONARA明顯好正宗，意粉煮到AL DENTE，好有彈性，撈咗蛋王同芝士，就係要嗰種膩先叫正宗。Tiramisu最後食埋甜品，兩個人已經好飽好滿足，Tiramisu每啖都食到香滑甜膩。每碟細細碟，已經夠哂飽肚，呢啲就係高級西餐。

🍴🍴🍴海港城入邊有間米芝蓮大廚主理嘅餐廳價錢中上 唔算好貴 不過份量唔多一入到餐廳就見到一個好大嘅廚房廚師們都好忙咁準備緊客人嘅食物 🥰最印象深刻就係有兩個好大嘅明火焗爐 專係用嚟焗Pizza嘅🤣食物都係以意式西餐為主：秘製魷魚圈 $108餐前小食 辣辣地幾香口脆粉唔會過多 份量亦都唔會食到好漏白酒蜆肉意粉 $198意粉嘅份量真係偏小 同樣都係辣辣地 意粉唔會炒到太乾身而且煮得好入味Ribs $298menu都冇寫係half / full ribs不過都係估到份量唔多🤨一碟大約六至七條肋骨而且平時食開都會有薯條做side dish冇所以感覺有啲dry🥶蘋果批 $68感覺中間嘅醬汁太多搶咗本身蘋果嘅味道🤨對於呢個甜品有少少失望提提大家如果有商場coupon嘅話呢間餐廳係可以用㗎食滿$200就-$100 即係等於半價🥰😍不過小心coupon入邊有好多都係藍嘅餐廳 真係要小心揀啦🤨

趁開工數🤪就嚟試吓呢間喺公司隔離開咗一段時間嘅意大利菜lunch set 包沙律+主菜(pasta/risotto/steak)+飲品 全部都$130 Up北海道海膽及三文魚子配松葉蟹肉意粉Hokkaido Sea Uni and Salmon Roe Pasta with crab meatpasta一上枱賣相吸引，食落都幾夠牛油同蒜香☺️汁唔多但至少夠濕潤唔會食到乾噎。海膽幾先甜😛但配呢個汁有啲浪費蟹肉其實唔係好食到蟹味，其他重口味嘅嘢蓋過晒，不過佢更令個pasta加有層次有口感最驚喜係加上三文魚子‼️由於個汁偏淡所以當咬到三文魚子嗰下，一爆開就令成個意粉味道更加突出，再昇華一級 🌟（個意粉唔包喺午餐所以一定要喺A la Carte到嗌）叫咗個黑松露薯條薯條，唔脆又冇調味但放咗啲鹽喺碟邊自己點🧐完全食唔出黑松露味，中間又有個類似薯蓉咁嘅醬🙃奇奇怪怪咁$328 lunch一碟意粉都算貴但會再嚟試埋其他意粉😇因為樣樣睇落都好似好好食咁😗

星期日夜晚大概6:30到餐廳門口等位，排隊等左大約20-25分鐘就入得。三個人點左一個pasta，一個千層面加一個pizza。味道係好味ge！不過主食黎講其實份量唔算多，食完有少少空虛ge感覺。呢個龍蝦唔記得咩意粉，我第一次見呢種形狀ge意粉，開頭唔明點解要用呢個形狀，但一路食發覺意粉皺褶之間可以好好咁載住d汁，令你每一啖都食到面同sauce～個龍蝦好新鮮好彈牙，唯一就係份量細😂跟住又係我最鍾意ge千層面～～～佢都係好食ge，不過感覺中間個面有d太溶，冇乜存在感好似食肉醬咁，我自己比較鍾意個面質地硬返少少🤏然後pizza我覺得好好食～個辣肉腸個辣味剛剛好，中和左芝士有少少膩的感覺～由於唔係好飽，我地每人又再揀左一樣甜品，分別係意大利咖啡冰糕，tiramisu同蘋果批，冰糕同蘋果批都好有驚喜～個冰糕食落係好香咖啡味，而且兩大磚食落都幾飽，但又食得好開心😂個蘋果批我會形容係一個拆開左ge蘋果批，當咁多個layer一齊食，你會食到第一層ge脆脆係餅皮味，再繼續就食到酸甜ge蘋果肉，加埋一齊就係平時食到ge蘋果批味，雖然冇深究點解要咁設計，但體驗上好得意～而且個蘋果批夠酸好開胃～最後係tira

之前睇過好多食評都話呢間野麻麻地，搞到我未食之前都有d擔心中伏。但係我覺得凡事要靠自己親身試過先知好唔好。唔想多人又迫，揀左星期一夜晚同屋企人去食。好肚餓既情況下叫左好多野食。有海鮮pizza、蜆肉意粉、龍蝦、青口。海鮮pizza都幾多料啊，有蝦、青口、魷魚，好豐富，餅底都幾好。蜆肉意粉好惹味，又多蜆肉。青口煲就啖啖肉，最好味係個汁，可以點麵包食。龍蝦都好新鮮，面層仲有d醬汁好惹味，肉質好彈牙！不過頭先太心急一次過點菜，d野食全部差唔多時間黎到搞到食得意粉就搞到pizza凍左，如果店員有提可以邊樣後上就好啦最後仲食左好出名既tiramisu，唔太甜又大杯，好抵食

今次和朋友共三人去了這間位於海港城的意大利餐廳，人龍很長，等了約二十分鐘可以進去。點了三個菜，首先是巴馬火腿芝士pizza（$178），本人很喜歡吃火箭菜，而pizza 上除了大量火箭菜，還配上斑馬火腿、芝士、和小蕃茄，了非常之豐富， pizza餅底不算很厚但亦不算太薄，邊位是脆脆的，Pizza整體分數有90分。之後是秘醬酥炸魷魚（$108），魷魚炸得很乾身很香，秘醬是酸酸甜甜的，有點像千島醬，整體85分。最後我們點了海鮮墨魚汁燉飯（$228)，墨魚汁味道很鮮，但不會有腥味，以前試過在其他餐廳吃到的很腥，海鮮很足料， rissotto上面有煎香的蝦，帶子，青口，魷魚和細蜆，所有都煎得很香。這個燉飯也有90分。服務方面，其實客人滿座，所有侍應都很忙，但他們還可以很有效率的上菜和幫客人落單，總算不錯。

約咗朋友仔來🌊海港城🍽食晚餐，之前見👀呢間餐廳都幾多人😮排隊，所以特登提早book定位！朋友仔叫咗杯🍸 cocktail，賣相 ok 👌，不過佢話飲落麻麻哋⋯⋯炸🦑魷魚圈🤤十分唔錯，炸🔥漿夠薄👍又夠脆，魷魚🦑厚肉嫩滑😋好食，個醬就更加係錦上添花！牛油果🥑吞拿魚🐟他他雖然份量唔算大，但吞拿魚🐟幾鮮味，配埋熟透軟𣺉嘅牛油果🥑一齊食口感香滑美味，係我心水！🦞龍蝦湯🥣好濃郁好厚身，鮮味十足🤤，如果入邊嘅龍蝦🦞肉再多啲就更加好啦😋！🦆鵝肝🤤幾大件，而且🔥煎得外脆內軟，配上少少🤏水果片一齊食唔會覺得膩！🦑墨魚汁💧海鮮🦐 risotto🥄味道好濃厚👍，墨汁豐富不過味道有少少偏鹹🧂，不過如果可以多啲🐚海鮮就更加鮮味啦🤤！甜品🤤呢我哋就揀咗巴斯克芝士🧀蛋糕🍰，賣相呢就唔係咁焦🔥，而且食落去都冇嗰種獨特嘅🔥焦香味，比較似一般芝士蛋糕🍰，不過都👌好食嘅。整體來講呢度🍴食物質素😋唔錯，💰價錢合理，不過環境就比較空曠同埋嘈雜咗少少🤏。

因為有coupon就快到期，就隨意試試這間餐廳。我們大約5:30左右等位，排隊等候的時候就用OpenRice 睇餐廳的餐牌，看似很不錯，而且餐廳裡都有很多食客，外面又要排隊等位，相信餐廳食物都有質素。我們叫了一份薄餅，沙律，洋蔥湯和最後叫了一杯panna cotta。不需五分鐘，薄餅是第一樣上枱的食物，緊隨其後便是沙律和洋蔥湯。侍應遞上薄餅的時候還叮囑我們要小心個餐盤是熱的，初時我還以為真的很熱，但當我食個薄餅的時候，個薄餅只是微暖，我很懷疑個薄餅係咪一早已經整定，為何下單到上菜那麼快？難道烤薄餅只需幾分鐘？這間餐廳的上菜速度極快，還比快餐店更快！食物方面，賣相是可以的，味道一般。但panna cotta 絶對不合格，質地太實，失望！如果無coupon，不會再光顧！

有海港城 coupon，梗係要搵間貴價野試下啦!  今次就黎試呢一間米芝蓮星級餐廳!  我地由1:30 食到 3:00，見人龍一直未停過，可想而知呢間都幾受歡迎，又或者大家都係羨慕名而來。 環境: ⭐⭐⭐地方算大，四周牆壁畫係靚又好有藝術感，不過，座位冇咩特色，而且，擺位有點近，二人座位就是一張細長枱，不太舒服。服務: ⭐⭐⭐⭐埋單時，我計錯數，不能以最抵價運用 coupon，用餐時間已完，不能加單，幸好經理容許我加外賣。讚! 食物 :🥑🐟 Tuna Avocado Tartare $198 ⭐⭐⭐⭐份量少，有一點酸，可能加入咗大量檸檬汁或一點醋，幾清新醒胃，作為前菜不俗，價錢真係米芝蓮既價 😂🍕 Parma Ham Pizza $178 ⭐⭐⭐見Openrice 評語話必試，朋友話好食，我則有些失望。一個好食嘅 Pizza，除咗要夠熱，多料，最重要係個底同邊都夠脆。可能我地唔係即刻食，全個 Pizza完全無脆既感覺。🍛 Mushroom Risotto $168 ⭐⭐⭐⭐⭐好好食，飯軟硬適中，有好濃郁既磨菇味，汁份量亦剛剛好，Risotto 控一定要來試試! 👍 掛住食，唔記得影飲品

難得今日幾姊弟都不約而同請了假， 於是就相約一起去Tea一Tea。想不到平日的下午，商場竟然人山人海， 可能有很多人跟我們一樣想法， 請了這天的假期來個Long Weekend。我們來到這家有米芝連一星大廚坐陣的意大利餐廳，門口大排長龍， 又因為我們一行5人， 要讓餐廳安排相鄰的座位， 所以都等了差不多30分鐘。我之前其實已經來過幾次， 他家的下午茶Menu非常抵食。今次人多， 所以我們點了四款下午茶Menu， 再點一份Afternoon Tea Set。因為我沒吃午餐， 而且來這裡就必試他們的Home Made Pizza, 所以都必了一份。肉丸很多汁， 質地嫩滑，一點不鞋口， 味道也不會太濃， 淨吃也可以。雞翼一客四隻， 咦！？我不久前來吃他是有6隻的呢！雖然味道仍然超讚，香口但不油膩。炸魷魚圈，脆漿不會厚重， 魷魚圈質地柔軟， 配的醬汁帶微辣， 贊！Pizza選的是情人眼裡出肉肉😆， 他們用意大利入口Petra3 石磨麵粉，配上自家制酸種， 再以獨有的烤焗方式烘出香氣撲鼻，口感煙韌的Pizza, 很有股置身意大利的感覺。這款還用了自最喜歡的的火腿， 而且不是一兩款， 而是五款之多

趁最後一日兌換海港城啲coupon咁就去呢間試吓啦！環境可能冇地氈，所以有啲嘈！服務方面可能太多人呀，所以有少少被忽略的感覺，亦冇佢姊妹店Amelia咁有專員會同你講點樣用你嘅coupon。啲服務員亦試過攞錯人哋張卡過嚟我哋度，餐廳可能要注意啦！唔知係咪夜晚9:00嘅關係啲食物普遍來講有啲鹹，特別係龍蝦湯！反而有啲驚喜嘅係 meat ball 同tiramisu ，幾唔錯！性價比由於有coupon嘅關係都OK啦！

一到餐廳門口感覺幾大，聲稱有意大利米芝蓮星級名廚坐鎮 ，再加埋有海港城coupon所以專程老遠來試一下。龍蝦湯一入口，爆咸同乸喉嚨感覺，一啲龍蝦嘅味道都feel 唔到，失望 ><🤷🏼‍♂️👎🏼再嚟龍蝦意大利飯一樣感覺唔到有龍蝦味，食落味道只係似普通蕃茄燴飯，又失望 ><跟住再哂卡邦尼意粉，明顯溫度唔太熱，因為汁太多所以少少偏咸，但冇網上寫到神級咁正，整體唔錯。😋👍🏻至於Espresso tonic啡底本身唔得，所以感覺很奇怪唔自然👎🏼Tiramisu由於冇落咖啡酒，所以味道就係欠缺咖啡酒嘅味道，感覺太普通🤷🏼‍♂️整體嚟講哩個價錢就唔值，CP值偏低，座位唔舒服比近廚房門口位，經常畀人撞或踢椅背，非常之騷擾， 還有請太多炒散侍應生，服務非常差掉碟上枱，收碟晦氣，唔會有下次，如正價食有好多選擇。🤷🏼‍♂️🤦🏽‍♂️👎🏼👎🏼

點了意大利鴨肉雲吞，汁底是不錯，但內裡的鴨肉是暖，不熱。我以為只係呢個雲吞係咁，點知。。。（$268 得3隻）。其實都唔叫雲吞 只係兩塊皮 上下蓋住啲肉，毫無技術可言。之後龍蝦意粉，簡直是冷的，碟面係出煙呀，但意粉是凍食，龍蝦肉又癡殼，唔新鮮，投訴左之後，可能再幫我翻叮，食得出意粉大部分是有暖意，但仍然有小部份是冷的。龍蝦汁經過翻叮後，變得愈來愈結身。濃縮左。我覺得如果點一個差不多$300意粉，只係用微波爐煮既感覺，不如我去快餐店食個50蚊仲有誠意，試問即煮既意粉點會是冷盤？然後叫左個薄餅，等左勁耐先話同事唔記得。勁嬲！唔會再黎食！亦唔建議黎食。