影片
相关文章
$17买杯野饮都唔止既时候，竟然买到盒双𩠌饭，真心抵，系好抵。款式唔算好多，几个𩠌比你拣，不过都有肉有菜。味道方面我觉得好正常，无话好难食。不过唔好要求d𩠌有好多，d饭好满。但至少肯定够饱。$17盒饭，还有何要求？
继续阅读
全港最平两𩠌饭应该系呢度，两𩠌饭只系卖$17蚊，去边度揾？小菜款式每日唔同，每天提供指定10款家庭式小菜供顾客选择，本店不设堂食，只供外卖，店主更会定时派饭比老人家，温暖万心。$17蚊两𩠌饭，除咗可以任选两款小菜之外，更加可以要求多饭，非常抵食！至于食物质量方面，整体嚟讲算OK，白饭软硬适中，我拣咗椒盐猪扒同卤水鸡中翼饭盒，椒盐猪扒味道非常香浓惹味，卤水鸡中翼都ok，颜色就淡咗少少，但唔会过咸，我一次过买咗两盒，而两盒都系一式一样，都系椒盐猪扒拼卤水鸡中翼配白饭，当日去到，仲睇到有其他小菜，例如鲜茄牛肉、鱼香茄子、粟米蒸肉饼及几款炒菜，值得一嚟再嚟。备注：各式两𩠌饭$17蚊，净两𩠌小菜$25蚊。
继续阅读
长沙湾全港最平$17两𩠌饭 呢间良心饭店系长沙湾站a出口行过去 大概4分钟 应该系新开 OpenRice评价唔多 见到咁平点都要去试下.呢日放工8点去到 仲有开 但净低𩠌菜唔多（如果中午 平时大概有10款𩠌左右）我点左 蕃茄炒蛋 凉瓜斑腩 两𩠌饭老实讲 卖$17双𩠌饭 真系唔会有咩期望😱点知 👍🏻都几足料 👌🏻味道都ok（可睇图）⭐️蕃茄炒蛋 全部都系蛋块 小量蕃茄 甜甜地 好食⭐️凉瓜斑腩 落左豆豉 苦瓜唔苦 炸斑腩有4-5旧𩠌菜算系好多 满满一盒男仔食完 大概7-8成饱 差包饮品就完美👌🏻饭粒都正常 唔会过硬过软 ok啦.睇番新闻 佢地有自己 厂房煮饭 好似每月都蚀紧钱$17黎讲 绝对抵食 全港最平无误听到店员话 平时会去派饭 有人捐钱派多d或者赚到钱都会派下饭我听到心谂 😇佢身上好似发紧光咁😇大家路过都要多多支持下佢啦.#D30 (长沙湾)地址：长沙湾东沙岛街167号地下B1号舖.⭐️评分：味道：3.5/5环境：-/5 外卖服务：-/5抵食：5/5
继续阅读
深水埗街坊的福音，$17两𩠌饭日日供应，每日唔同款，新鲜炮制，只系平时两𩠌饭嘅一半价钱😱成日听人讲话平嘢冇好嘢，但呢间绝对唔差！屋企人食过2-3次觉得正常。佢个榄菜肉碎四季豆炒得几香，肉比例同份量好够食，另外一𩠌系豆卜梅子排骨，仲有薯仔炆鸡，都唔错，而且舖头一啲都唔悭皮，感觉同$35两𩠌没两样，有十款提供，只系款唔会太多有得拣，稍为奄尖嘅朋友建议唔好要求太高，当一般家常便饭就得。值得赞吓嘅系卫生几好。
继续阅读
两𩠌饭😎$17的确系全港最平🥸问过店员，只有八款菜式选择😉款式唔算多，亦无堂食🤓店舖装修简陋😁不过呢个价钱确实帮到唔少人😇结果拣咗炸猪扒同土鱿蒸肉饼😌味道都唔错，另外仲可以多饭同加汁👌D30 (长沙湾)长沙湾东沙岛街167号B1铺 (位于龙宝酒家对面)
继续阅读