Cruise空中餐廳及酒吧

营业中

休息中

好少嚟北角，真係唔知有間臨海酒店，離鐵路唔遠，位於23樓，居高臨下當然有無敵海景。三個人安排坐窗邊一個L位置，好寬敞，其實可以坐五至六個人。看似酒吧嘅裝修，原來食物係東南亞風情，餐前送上一個蝦片小食，非常香非常脆👍👍，味道就似印尼蝦片，menu 選擇都唔少，午餐分別係190及280， 包括沙律同主菜，280嘅餐食材就會比較名貴少少，原則上無跟餐飲同甜品，兩樣都要另外加錢。燒粟米沙律🥗粟米🌽燒焦咗咁，好香，好好食面有啲菜同蘿白絲，炸西蘭花賣相有啲似炸雞，個粉酸酸地嘅豬肉船麵不過不失蕉葉鯛魚魚唔係原條，已經去皮，魚肉加上一啲香料，打開賣相麻麻，都幾濃椰子味，仲有啲粉絲安格斯牛牛用石鍋上，份量都幾大，香料重，玉桂，椰子味….感覺有啲heavy , 飯係另外分開上嘅。整體環境好好，食物一般, 人唔多，係一個hea 嘅好地方

朋友生日來到這裏慶祝，首先點了生蠔，配上白酒，簡直是一大享受。另外最特別的是那個生日甜品，有師傅來到你面前燒，非常特別，更加增添生日氣氛，朋友們都吃得很滿足。另外要讚一讚這裏的海景，也非常漂亮

This is a place that serves South-east Asian cuisine, my friend had the Thai boat noodles and I had the 'Mr Steak', I was a bit surprised when my 'steak' was served as from the menu, I didn't expect it was actually a beef curry and it was not steak, but beef short ribs. Well... that's was a kind of Thai curry which I am not a friend of that, but, whatever.The Cacao and coconut dessert was nicer, but in gerenal, food quality is very avaerge.

𝐏𝐮𝐛𝐥𝐢𝐜 𝐇𝐨𝐥𝐢𝐝𝐚𝐲嘅星期一黎到呢到幫襯，估你唔到居然可以享用$𝟏 𝐌𝐎𝐍𝐃𝐀𝐘餐單🤩每兩個人就可以𝐨𝐫𝐝𝐞𝐫一份𝐦𝐚𝐢𝐧 𝐜𝐨𝐮𝐫𝐬𝐞之後另一份可以以優惠價$享用！係無𝐛𝐨𝐨𝐤位嘅情況下都超級好彩可以獲安排坐窗口位，可以望到無敵大海景🌊野食好正，完全可以值得𝐞𝐧𝐜𝐨𝐮𝐫𝐞🤩 - ✤ 曳曳馬沙文 $𝟐𝟔𝟎 ⭕️推薦推薦⭕️ 𝐌𝐚𝐬𝐬𝐚𝐦𝐚𝐧一直係其中一款最愛嘅咖哩，味道豐富濃郁，辣度相對溫和！呢個煮法配上和牛面頰肉，切開軟稔無比，配菜嘅薯仔都好入味🥹味道比較濃郁，配飯最合適不過！另外跟有自家製烤餅𝐑𝐨𝐭𝐢，個人就唔太喜歡呢個烤餅，偏油膩少少🥹 ✤ 紅咖喱虎蝦 $𝟏 (原價$𝟐𝟑𝟎) ⭕️推薦推薦⭕️虎蝦超級大隻，蝦頭仲有唔少甘香蝦膏，肉質彈牙，相當滋味！配菜有酸甜嘅烤菠蘿🍍、椰子，味道偏甜，同樣用黎配以飯食好出色！ ✤ 豬腩肉烤生菜包 $𝟏𝟓𝟎 ⭕️推薦推薦⭕️呢度嘅烤黑毛豬腩肉整得好出色！絲毫不覺得肥膩，配合小葉生菜、芝麻葉🥬，再點少少芥末醬，口感層次豐富！ ✤ 香蒜葱花蛋炒飯 $𝟕𝟎 炒飯雖然望落簡單，但係需要炒到夠乾身真係好考功夫，炒飯份量十足、配以簡單雞蛋🍳、蒜以及蔥調味，非常推薦

朋友卜左呢間餐廳同我慶生，預先request左window seat，職員都比到window seat我地，間餐廳望出去你係維港景，唔會太黑又唔會太嘈；一坐低職員問飲Sparkling or still water，咁我地就揀still water，同時擺低左免費蝦片小食連3款醬：我地叫左好多野食，碟碟都擺盤好靚，唔算好大份，但靚食材：1. 北海道帶子剌身帶子好新鮮，個青檸香草汁好清新，醒胃！係一個好好ga前菜2. 脆豬手熱辣辣，外皮卜卜脆，豬肉夠肥又嫩，配埋佢自家製ga醬汁，勁好食3. M5肉眼（5成熟）480g 肉眼好大份，約2-3人份量！西式做法ga燒肉眼配日本燒肉汁，原來好好食好夾！4. 素咖喱連茉莉飯及自家製薄餅咖喱好香，但唔夠辣，個自家製薄餅比較厚身，騷但多油，配飯更好食5. 朱古力薄餅配nutella醬同咖喱薄餅個薄餅一樣，比較厚及多油，不過味就唔算差。6. Grapefruit Mocktail比較淡味，無咩特別最後，餐廳都好好幫我地影左即影即有，放左張生日卡入面，仲寫埋我個名，真係好有心 唯一要挑剔係服務上，好多時ｄ野未食曬，職員就成日想收走個碟，有時連問都唔問

去staycation，順便去酒店餐廳食飯。其實都算好彩，因為嗰日打8號風球，足不出戶嘅我哋就選擇咗去Cruise 呢間多國菜食飯。.叫咗一個印度咖喱，飛天通菜，同埋Roti 印度薄餅。餐廳就送蝦餅俾我哋.蝦餅有三種唔同嘅辣醬，分別大辣中辣小辣，幾好食.印度咖喱配印度薄餅真係一流，個人感覺好食過配飯。咖喱唔算好辣，比較容易入口，唔會辣到冇味覺.通菜同喺九龍城食嘅泰國菜差唔多，都係咁好味。整體來講呢度嘅食物質素有水準，價錢又唔太貴，配上氣氛同環境真係冇得頂！

難得有一個下午放假，與好友到北角Cruise Chill一Chill。對住無敵海景飲杯cocktail，停下繁忙的腳步，閒談生活瑣事，實在是愜意自在。推薦這一杯Sangria，很適合夏天午後飲用。

環境很好，食物水準亦不錯，但餐廳只提供手工啤酒而且選擇怎少，可惜我跟朋友們還是喜歡傳統的啤酒，餐廳並沒有其他選擇，令整晚氣氛失色不少，趕緊把晚飯吃完後便換場離開…遺憾。

5月尾一班朋友去呢間餐廳食晚飯，我哋分開兩枱座，叫咗好多菜。呢到主打偏西式泰菜，每檯放有一碟蝦片，可以refill, 適合配搭作為飯前飲下野嘅小食。前菜，泰式海鮮沙律，真係幾辣，好惹味，食唔停口。沙嗲雞肉串，肉質鮮嫩同燒得剛好。油甘魚刺身，我唔太好刺身，感覺麻麻。泡菜炒飯同蛋炒飯，每碟分量一人份，冇特別。可惜呢度冇其他泰式炒粉麵飯，冇其他可選。主食有曳曳馬沙文，呢個其實係沙嗲牛面頰肉，肉質鮮嫩，沙嗲重花生味惹味。自由鳥其實係燒雞胸，不推介，好乾同埋鞋。炒鱸魚，正，有中式糖醋魚感覺，炸得脆脆，甜品冇乜特別，我也沒有吃，朋友說普普通通，不推薦。有戶外地方可以坐，望到海景同酒店房景。

環境好. 價錢合理.服務異常地超好.  因為"戴特別金絲眼鏡的男侍應" 超級親切與細心, 令用餐體驗升華. GOOD GOOD GOOD!食物方面, 凍海鮮質素優良. 熱食有待改善.

Cruise 空中餐廳及酒吧位於香港維港凱悅尚萃酒店頂層，位置非常好找，就在北角站A1出口對面，非常方便。餐廳戶外設有如綠洲的露天陽台，可俯瞰香港的維多利亞港。隆重推薦：最近超級優惠，逢星期一港幣$1享用第二道主菜(大碟)。‼️‼️等於買一送一了我們點了🔥 🔥曳曳馬沙文240 咖喱燴和牛面頰肉、薯仔、乾蒽、烤花生、白飯、自家制烤餅這個味道超級棒，咖喱太好吃了，用烤餅配上咖喱實在太好吃了，牛肉也非常儒軟，滿分！🔥青芒羅望子醬炒鱸魚(600克)青芒果、炸乾蒽、泰國羅勒、羅望子290這個真的是必點必點超級無敵大的一條魚🐟，每桌幾乎都點，酸酸甜甜，很有泰式🇹🇭風味。也就是我點的兩個主菜，240的免費，只給290的，也就是290就可以點兩個主菜我們另外點了雞尾酒，最開心的是原來紀念日免費有個小蛋糕，送的🍰甜品太好吃了，反正我說整個都吃完了。服務員溫馨地過來拍照幫我們留下了美好的紀念買單400左右兩個人真的划算到偷笑，這個位置環境景色加吃的喝的，這個價格我都感動了！所以一定星期一來哦😑

見到網上推介星期六free flow champagne brunch，即刻book黎試下。$788 每人，任飲Mumm 香檳。先來5款前菜同埋蝦片：哈片好趣，有三隻味，兩隻辣，一隻唔辣。成餐我覺得最好味係北海道帶子，好新鮮，配白蘿蔔。另外仲有四款熟食，包括和牛，雞肉，龍蝦，同埋炒飯。餐廳整體氣氛好好，環境好靚，音樂開到好大聲，令到人好有party嘅氣氛，另外有一兩道菜，係會有職員喺你側邊準備，好多位可以打卡。Brunch限時三個鐘，基本上飲到第二個鐘已經飲醉了，整體成餐飯都好高質素，餐廳有誠意，真心覺得正

難得又見好天，當然要出街振興下經濟.. 1- 服務，零星有經驗，有啲好唔得，我唔介意你直接話你唔識，搵個識的過來解答，但偏偏佢哋又鍾意亂up, 絕對唔OK咯.. 2- 食物，除了豬腩肉好味，其他都肉質過老..咁靚嘅景 舒適的環境，提升下食物同服務啦..

生日男朋友帶左我去呢間空中餐廳食飯，一入去已經見到海景，好靚好chill。服務員全部都好nice好有禮貌~入座時會先送份蝦片，之後唔夠可以再叫佢fill。Menu有set可以叫，不過身為食肉獸嘅我地就緊係散叫份牛排試下啦～我地叫左五成熟，一黎到已經覺得超香～牛好有光澤，熟度岩岩好！而且竟然比想像中大份！切落去好腍仲一啲筋同肥肉都冇！入口即溶，牛味好重！三文魚他他都好好食！有好多三文魚籽，好新鮮嘅感覺！會推介比朋友！

呢間餐廳喺維港凱悦尚萃酒店入面，對住個大海景食飯，環境真係加晒分，又坐得舒服。兩個人食咗四樣嘢，全部都令人有驚喜！而且價錢都唔算貴，有景有情調，值嘅！牛肉炒腸粉 $180有驚喜！朋友話牛肉好入味又好林，用咗安格斯西冷係唔同啲，而腸粉每一條都沾滿汁，好惹味，好啱鐘意食辣同重口味嘅朋友。沙嗲雞肉 $110兩個人食六串都幾飽，雞肉嫩滑，其實唔洗再點佢個沙嗲醬已經好夠味。韓味包 $90呢個包有驚喜！首先聽個名以為會係漢堡包咁嘅樣，點知原來係好軟熟嘅蒸饅頭，配上韓式炸雞好有創意！醃青瓜剛剛好中和到個炸雞，唔會好膩。芒果糯米飯 $90雖然已經好飽，但都叫咗佢個必食嘅芒果糯米飯，一定唔會後悔，非常足料！微酸嘅芒果配上香濃椰味嘅糯米飯，加上雲呢拿雪糕同花生，成個口感好豐富。成餐飯好完滿！