Crostini Bakery & Cafe (已結業)

這間cafe有蛋糕，咖啡，牛角包，之前食過牛角包，好好味的，今日買了生日蛋糕回公司慶祝同事生日，這店在愉景新城通往中國染廠的天橋上面，因為唔夠時間預訂，只可能買了成的，有好幾款選擇，最後也是買了朱古力馬沙，之前同事買過回來，覺得好好味，賣相好吸引好靚，蛋糕用了64%比利時朱古力，朱古力脆球，朱古力慕絲，仲有朱古力淋面，感覺自己溶了在朱古力裏面，蛋糕不算大，賣相好靚好精緻，面有朱古力片，旁有朱古力沙，似金鉑，朱古力生日牌，全個也是朱古力。食一件已經漏，如果鍾意食朱古力一定好開心

逛街逛到腳仔軟, 反正百無聊賴, 不如坐低 飲杯啡吃件 cake, 當作下午茶也不錯 ~點了一杯 Cappuccino & 一件 Chocolate Truffle Crispy with Blood Orange ~Cappuccino $ 28 : 泡沫打得堅挺, 口感細緻綿密, 奶與咖啡能夠融為一體, 不錯喝的 ~Chocolate Truffle Crispy with Blood Orange $ 36 : 中文名是 紅橙特濃朱古力脆脆, 其賣相精緻吸引, 頂層有一個脆脆的朱古力球, 蛋糕外層有如珠寶般亮晶晶的啫喱皮, 包裹著的是濃郁軟綿的朱古力蛋糕, 中間還有微酸帶甜的紅橙餡料, 味道層次感豐富, 一切都配合得天衣無縫, 實在好吃 ~本篇完 ~

返工前的小早餐, 一杯caramel latte . beacon chesses bread.服務很不錯, 可替你焗熱麵包, 焗後麵包香脆味美, 芝士味香濃, 煙肉味重。咖啡的奶打得很滑, 不會太甜而咖啡味香。

上一篇「好友狂嚐曲（41）」分享過「第一麵包」嘅唧花牛油曲奇，估唔到隔無耐，又試到另一間店嘅唧花牛油曲奇，就喺晌觀塘紮根，已擴展至全港有十多間分店嘅「Crostini」 。食友好有心，因為唔喺咁經常見面，早兩個月就送上生日禮物俾小弟 ，就喺佢嘅「罐裝曲奇禮盒」。寶藍色包裝盒，簡單嘅金線屋仔圖案，貫徹一向嘅歐陸風！其實，Crostini嘅產品唔喺第一次試，晌「好友狂嚐曲（16）」就介紹過佢嘅伯爵茶杏仁曲奇，然而，今次嘅禮盒裝又豈止得一款曲奇。打開包裝罐，內有三大包曲奇產品：雜錦曲奇、蝴碟酥、牛油曲奇，而且，每一包份量都幾多。 雜錦曲奇 叫得雜錦，起碼都有幾款曲奇，包括：松子南瓜籽曲奇、朱古力榛子曲奇、咖啡合桃曲奇、綠茶紅莓曲奇和伯爵茶杏仁曲奇。Crostini嘅曲奇牛油味唔會太重，所以，各款曲奇本身嘅味道都食得出，雖然唔算話好濃好突出；此外，佢啲曲奇好鍾意配堅果類食材，如榛子、合桃、杏仁，口感蠻脆，以求口感搭夠 。 蝴碟酥 外形絕對輸蝕晒，因為唔單止粒大粒細，而且，大部份蝴碟形欠奉、酥皮欠層次；入口鬆脆度唔輸蝕，只喺牛油香味好弱，好聽啲就較健康，難聽啲就毫無風味。 牛油

諗住落街食個下午茶，行下街，點知經過此店被門外既蛋糕吸引，買左一個甜品回家慢慢品嚐，咁多款甜品我揀了檸檬撻，撻面有d蛋白打起既泡沫，撻皮好鬆軟，用叉切就切開，餡料應該係檸檬芝士，好清新，好味，不過帶點酸

走到餅櫃跟前，看見款款蛋糕都好吸引，不知從何入手，隨意揀了三件，睇下自己有冇眼光了。回到家，本來打算放入雪櫃，晚上再慢慢吃。不過屋企人比我更心急，即場打開盒子，要把幾款蛋糕殲滅。第一件品嚐的，係芒果熱情果慕絲蛋糕，賣相肯定唔輸蝕，吃起來感覺很清新，又不會過酸，慕絲細滑，有水準。其次，是咖啡芝士蛋糕，嚐一口，咖啡味幾濃郁，帶有mascarpone cheese的香滑，味道有少許像提拉米蘇，同樣吃得滿意。最後一件，係焦糖拿破崙。層次感沒有預期中的豐富，那酥皮亦未算十分清脆，雖然味道不差，但我覺得還可以要求高小小。

愉景新城開始大裝修後好少去，因為實在太亂，轉黎轉去咁。今日終於重回舊地，裝修仲未完，但就有好多新店已經開左。行過見到有間新麵包舖，藍色小店裝修美美的，好有歐洲感覺。見價錢ok便買了幾個麵包返去試試。「朱古力牛角包」（$16）除面層朱古力包中還有兩片薄薄的朱古力，朱古力味濃但牛角包沒甚牛油香。「黑椒煙肉芝士軟法包」（$16）包外層夠脆，內裏有大大舊芝士和煙肉，足料蠻好吃。「黑豆合桃包」（$9）包鬆軟但合桃不多，包面滿佈黑白芝麻，咬落啖啖芝麻香，幾好。