Crazytail (已結業)

聽朋友提及，心血來潮便岀發到店內看可否walk-in ，可能是平日的關係，人流不是很多，稍等一下就已經可以入座。這裡暫時只有兩段時間收費：1. 下午茶時段 $88 (包一份下午茶餐、一小時任玩賽車)，只適用於星期一至五 2：30pm - 5:30pm。2. $238任飲任食任玩2小時，可任點餐牌上的食物，適用於每日2：30pm - 9:30pm。另外， 淨玩賽車 $59/5分鐘；堂食及玩車 $49/5分鐘，每人最低消費$40。 講完玩，輪到食的部分：這店主打係台式的，我們去的時段是下午茶，分別揀了牛肉麵配冬瓜茶和麵線配珍珠奶茶。

自從「深水埗」區裡面，出現了不少新的商場跟戲院之後，連帶新的娛樂場所跟食店都紛紛出現。除了位於「長沙灣」港鐵站旁邊的「麗新商業中心」之外，「荔枝角」都出現了「D2 Place」這間新商場。荔枝角「D2 Place」分別有兩棟建築物，其中一棟建築物裡面也配備了一所新落成的電影院。「D2 Place」新電影院的旁邊，就有一間新的休閒餐廳，餐廳的名稱叫做「Crazytail」。光顧「Crazytail」之後，我曾經在「開飯喇」裡面翻查「Crazytail」資料，發現原來「Crazytail」食店場所舖位的前身，已結業的餐廳「Crazy Car Cafe」，恰巧也是一個跟小型賽車有關的台式料理主題餐廳。其實我本來也很想試試玩「Crazytail」小型賽車，感受一下在電影跟漫畫世界裡面，所謂的「頭搖又尾擺，飄移境界」極速飄移爽快感覺。可惜我自知自己本身的體重，絕對不勝任擔當小型賽車手，所以我最後只能遙望小型賽車場，自己就只能享用「Crazytail」的小食跟飲品。我一進入「Crazytail」餐廳裡面，發現光顧「Crazytail」的客人非常之多。當然，光顧「Crazytail」的客人不單止有家

今日同朋友行D2place，佢話帶我去個好地方，哦！原來係玩小型賽車，仲有台灣菜吃。剛入門口見到一般小朋友係入面玩緊賽車，開始仲擔心大人唔玩得，原來大人小朋友都啱玩，好刺激!晚餐都有唔少選擇，而且假期好實惠。首先坐低叫嘢吃先，餐廳問我地會唔會玩賽車，如果玩就會安排。肉燥飯味道唔錯，好大碗，夠兩個人吃。鹽酥雞係必吃推介，唔會太鹹，夠酥脆。炒米粉入面配料好多，有蘑菇同椰菜，好味道！XO醬炒高麗菜，夠野味，如果喜歡淡口可以落單時講明要減鹽。賽車真係好值得玩!

之前很喜歡到此店，食物環境不錯，價錢合理，員工態度很友善，親切，所以今天帶了朋友和小朋友到此店相聚，可能今天比之前多了生意，人流較多，店內玩車的政策改動， 員工應付不了，態度面色亦比之前差了很多，今天小朋友在等玩車時，見內裏的人凖備出來，由於小朋友心急，很想快些進塲，把一條排隊索帶打開了，那個員工很兇惡很大聲駡小朋友邊個比你打開條帶？閂返去！)但系其實那員工己凖備帶內裏的人出來！我小朋友只系比他早(1-2秒)打開排隊那條帶，那員工亦和我對駡了幾句！為何之前沒有生意時員工是很親切，今天生意比之前好，態度就比之前差?重点此店是親子餐廳，員工不應該用呼喝兇惡態度對小朋友！今天的經歷真的令人失望！

今日放工約左朋友去荔枝角行街，朋友話帶我去一間新奇餐廳，有得玩賽車，我一聽到非常激動，難得有地方可以又食又玩，而且仲好近，係荔枝角地鐵站D1出口，D2 Place 2期2樓入到裏面已經見到好多小朋友，係到玩賽車，十分適合一家大細黎玩，連一大班朋友黎聚會，都會開心除了有賽車場，仲有一個3d插畫，可以俾大家影相，我覺得有這類遊戲項目，好有趣，在等位期間都唔會悶，我同朋友一起玩，都超級興奮，賽道有轉彎位，可以加速直行，但就要小心安全香炸花枝丸(4粒)$32花枝丸好彈牙，炸得香好Crazy雞中翼拼盤$45有唔同種類雞中翼，有炸，有滷水，肉質嫩滑惹味柯仔煎$58好多大大隻柯仔，而且鮮甜，配料有菜，一d都唔單調珍珠奶茶$24奶茶唔會太甜，味道香濃，珍珠有嚼口熱情果紅茶$20味道清新，有濃濃茶香

D2Place呢個商場有好多新型餐廳，最近就同朋友嚟咗呢間台式餐廳，除咗有得食之外旁邊仲有賽車玩，喺香港真係好難搵倒😋賽車🏎️食客可以$49玩1次，每次5分鐘非食客每次$59同朋友覺得好好挽，有小朋友同大人車，車速能夠自行調校，開得快嘅時候真係有種漂移嘅感覺，就算係大人玩都覺得好有刺激感 無論係大人細路都啱挽😆_呢間餐廳主要提供左好多台式小食同飲品，首先我哋叫咗蚵仔煎，蚵仔超級多，食落去非常滿足鹽酥雞唔會炸得好油膩，份量亦都好足夠同朋友share食啱晒❤️Crazy雞中翼拼盤鍾意食雞翼嘅朋友就一定要叫黎試吓，各款嘅雞翼包括有炸雞翼、滷水雞翼、蘑菇釀雞翼味道都唔錯值得一試😋花枝丸好彈牙😋食完想再encore😋_飲品方面我哋叫咗芒果紅茶同珍珠奶茶☺️味道都唔會話太甜做得唔錯🔮

今次又黎到D2啦！不過今次係黎睇戲行行下發現左呢間台灣餐廳而且價錢唔貴喎$50內有個飯仲唔拿拿聲去！餐廳環境都幾大原來呢到有得玩車唔怪之得有咁多小朋友係到啦我地最後叫左台式鹽水雞絲飯份量比想像中細但係對得住呢個價錢始終$40都唔使雞絲同飯嘅比例都好合適朋友叫左三菇炒米粉表現不過不失芝士香菇雞翼啲芝士味好重超正啊飲品方面就點左香芋珍珠奶茶同埋薑母茶香芋味都好重而且珍珠都好多薑母茶都好夠熱 味道好夠啲車大人同小朋友都玩得㗎而且又準備頭盔俾小朋友安全意識好高家長可以放心比小朋友玩推薦大家星期六日來玩

聖誕節就到今日就揀左呢間做聖誕交換禮物的地點，地方舒服又大，仲有特色賽車場！適合一家大細一齊黎聚一聚！我揀左佢地台灣香腸和芝士雞翅，呢間台灣腸和其他店舖台灣腸分別就係有好juicy 嘅汁，外脆內嫩！好有心機去整，同埋呢個芝士雞翅都係，芝士好香濃，雞翅好滑口唔會好硬，食過返尋味！野飲我叫左呢個薑母茶和柚子蜜茶，兩款都出色！薑母茶薑味非常特出，係我的最愛我發現呢間店舖所有食物都係即叫即整！新鮮出爐熱辣辣的，仲要好抵食！服務態度好好！我下次都會再黎

聖誕節就到啦~~因為搵partyroom 嘅關係見到而間野發現呢間比partyroom 更加正 又有得玩又有得食啊！hahaha大家千祈唔好主題餐廳啲嘢就一定難食！！ 呢間係真正真正真正超級好味~~而且選擇多！主打台灣小食同埋嘢飲滷水雞髀🍗 滷得超級入味肉質嫩滑~~好好味啊！！ 大大隻雞比小朋友最鍾意食架啦 哈哈芝士磨菇雞翼 wow 一啖咬落去真係啖啖肉 濃濃嘅芝士再加埋蘑菇 不得了！ 不得了！ 呢個一定要encore~食台灣野又點可以少得炸花枝同炸蝦扒 真係新鮮即炸熱辣辣架~~ 炸蝦扒真係見到有一粒粒既蝦 真心比起出面好多舖頭更加好味更加高質架食飽飽之後仲可以玩返場賽車🏎️🏁 呢個小朋友大人都玩得架呢場賽車仲可以玩漂移㗎 hahaha 超級刺激好玩真係啱晒聖誕節一大班朋友喺度一齊玩最最最重要係呢度啲打staff態度真係超級好！！超級有善✅✅👍🏻

是日因為朋友要帶埋小朋友一齊食飯，朋友介紹左D2 PLACE二期的CRAZYTAIL，又可以給佢小朋友放電，又可以給我地同朋友食飯談下天，之前同朋友的小朋友去過好多室內遊樂場cafe，食物質素真的馬馬地，但哩間CRAZYTAIL主打系台灣菜，看下MENU，食物同飲品又唔系太貴，所以同朋友點左大腸花枝丸麵線，台式肉燥飯，台式肉燥麵，大腸包小腸，蚵仔煎，珍珠奶茶，荔枝同埋朱古力沙冰，鹽酥雞，同埋老細介紹的甜品紅豆燒餅。珍珠奶茶荔枝沙冰 / 朱古力沙冰三杯飲品都唔錯，又其系朱古力沙冰，真的朱古力味濃，珍珠奶茶也唔錯，鹽酥雞，大腸包小腸，蚵仔煎鹽酥雞-炸得香脆，雞肉JUICY，同朋友真的不停食，大腸包小腸-大腸包小腸真的好特別，台灣腸加上少少酸菜，花生碎，下面系燸米飯，夾埋一齊食真的好好食蚵仔煎-新鮮的蚵仔真的唔錯，如果有埋個汁會更完美大腸花枝丸麵線，台式肉燥飯，台式肉燥麵真的估唔到，一上來真的好大碟，感覺真的好超值，由其台式肉燥麵，真的好好食，闊身的麵加上滿滿的肉燥，一撈起真的好好食，大腸花枝丸麵線真的唔錯，同在台灣食的差唔多，紅豆燒餅紅豆燒餅系老細推介俾我地，食到飽都要食埋甜品HAHA，紅

網上見到介紹公司附近新開左間賽車主題餐廳所以放工約埋細佬黎試餐廳佔地逾萬呎而且近半面積改為迷你賽車場；賽道設有多個彎位以及急彎可以盡情拉桿甩尾飈車場內分開成人以及小童兩款賽車；兩款賽車均設飄移桿以及軚盤油門而且成人賽車時速最高可達二十五公里場外設有電視播放教學片段以及安全須知同時亦有職員從旁協助講解滷水雞腿雞脾肉質柔軟細嫩而且油脂豐腴配搭多種香草滷煮鹹鮮濃醇鹽酥雞鹽酥雞粒金黃香脆而且肉質保持嫩滑同時漿粉輕薄配搭九層塔葉感覺輕盈台灣香腸台灣香腸質感飽滿結實而且相對較甜配搭蒜片香濃惹味台式肉燥飯五花腩肉肥瘦比例恰宜而且油潤甘香配搭滷蛋以及油菜食材豐富肉燥拌麵刀削麵條中厚邊薄而且質感柔韌滑溜簡單配搭肉燥已經好正大腸花枝丸麵線大腸處理得當而且花枝丸質感爽彈；麵線幼細而且軟硬適中配搭芫茜濃芡烹煮地道正宗芒果沙冰/蜜桃沙冰芒果以及蜜桃香甜而且沙冰質感濃稠冰涼清爽

自從侄仔上次俾佢媽咪帶黎玩過之後，我屋企個侄仔成日叫我帶佢黎玩多次見呢幾日放緊年假，今日又無咩野做，就帶佢出街玩下啦呢度場地都幾大，唔會有種好逼既感覺原來除左小朋友之外大人都可以落場玩車不過今日得我一個帶住呢隻馬騮，我真係唔敢放低佢一個人自己玩車，睇少一眼都驚佢係人地個場搗亂呀望落侄仔玩得幾開心，終於有個場可以俾佢大叫盡情發洩，呢隻馬騮放哂電既話我都容易啲湊佢玩完一輪就叫佢埋黎食野啦呢度既食物係台式為主台灣腸、鹽酥雞、肉燥飯、牛肉麵乜都有野飲有珍珠奶茶系列、梳打、沙冰、汽水等等我就叫左鹽酥雞、蝦仁蛋炒飯同埋芝士磨菇雞翼，另外仲有珍珠奶茶同芒果梳打食物都幾唔錯，仲諗住會好hea估唔到個鹽酥雞都幾好食，同我係台灣食過既一樣咁正熱辣辣之餘又多汁蝦仁蛋炒飯都唔錯，啱哂侄仔食，佢最鐘意食蛋炒飯芝士磨菇雞翼雖然知道係來貨，但其實我都好鐘意食呢個雞翼，因為出面好少搵到有得食，加上我唔知邊度有得買返去自己整入口啖啖豐富芝士，勁好味!侄仔都話好食!估唔到人仔細細就鐘意食芝士味既野玩多兩round隻馬騮都無電啦，同佢坐車返屋企個時佢話將來大個要帶我去台灣玩請我食鹽酥雞~哈哈好啦~我就耐心等呢一日既來臨啦~

這是一家室內賽車場，也是台式餐廳。午餐時段來到。點了牛肉麵和滷水拼盤。地道台式美食。麵條頗有特色像刀削麵。湯底好喝，牛𦟌也入味。滷水拼盤則稍鹹。整體及格。一試無妨。

大少係車迷，專登帶佢黎玩下。原本想揀任玩任食兩個鐘，但店員叫大少試左玩唔玩到先，玩到先再考慮，唔硬sell，抵讚！之前去過好多室內遊樂場cafe，食物質素普遍好一般，而且性價比極低。但呢度價錢非常貼地，比好多台式食店都要經濟，叫左個大腸花枝丸麵線同台式肉燥飯，份量十足，味道唔錯，性價比算高！車場入口有部電視播開車注意事項，基本上店員都無點講解；最後同大少玩左一輪心滿意足去埋單。店長話今日假期太多人安排不周所以free左我地玩車錢，雖然不是很多錢，但店長做法很有心，抵讚！推介下次閒日抽時間黎玩下午茶時段，88一位一小時任玩任食，超抵！

黎哩度食嘢之外，又有得玩賽車意想不到咁大嘅環境，食物又正我地嗌左牛肉麵，湯底夠晒味，麵底仲好煙韌！牛肉薄切，好鮮味又不失口感另外肉燥刀削麵都好味，一啲都唔乾身，肉燥又夠晒小食嘅台式香腸，脆皮得黎，加埋蒜粒食，真係正！另外嗌左鹽酥雞，炸得好香，又唔會過火，雞肉又夠晒鮮嫩，又嫩滑飲品就嗌左冬瓜茶，一啲都唔會太甜，正呀對了，哩度只要消費滿一定金額，就可以連玩幾節賽車，就算無食夠指定嘅金額，都可以俾$49就可以玩，真係好抵㗎！