CRAZYPIE

营业中

休息中

人地請食嘅特別好味🥳每個撻都成隻手掌咁大，每樣口味都好有新鮮感，而且唔會太過甜～🔹芝士奶蓋奶茶 | 芋泥烏龍茶 | 伯爵茶麻糬 $33我試咗幾款本身就好鐘意嘅味，芝士奶蓋下層係奶茶凍，上層係海綿蛋糕同芝士奶蓋，咬落去口感好豐富，凍凍地嘅奶凍同埋軟綿綿嘅蛋糕好夾，仲有濃濃奶茶味同鹹香嘅芝士奶蓋，變咗食緊奶蓋奶茶咁！另外試咗兩個茶味都好出色，伯爵茶麻糬最底有Q軟麻糬，口感煙韌，伯爵茶味都超香～芋泥同烏龍茶味夾得好好，芋泥甜得黎有烏龍嘅清香，每樣試到半舊都好滿足了☺️/ @crazypie.hk/ #sa9觀塘 #sa9甜品✄──────────────────✄CRAZYPIE 觀塘開源道60號駱駝漆大廈3座8樓U室

今次應該第4/5 次食同事見到有新味出又買黎share今次係芋泥烏龍茶，面頭似係cream, 灑左d 芋頭粉？其實都食唔出有芋頭味中間夾心係烏龍茶奶凍，烏龍茶味唔算好濃，唔會太甜但真係食唔出個芋泥係邊。。。撻皮見到有搽左層白朱古力墊底，防上撻皮濕係好既但幾次食落都係覺得撐皮硬身左d, 比較難咬如果改善到，應該更加鐘意食

呢間撻真係好高質🥰唔止賣相一流味道都好正！每個月嘅款都有啲唔同😛仲間唔中會出新款真係好有心思💓每一舊都真係做得好靚‼️同埋最特別係佢每一款撻 口感都相當之豐富 有勁多層layer喺度🤤真係好想食晒全部款😭-芝士奶蓋奶茶撻💛佢個撻係用左奶茶mouss整😚奶茶味相當之濃！好香嘅茶味🍵最底會有啲啫喱🥰面頭仲有舊細細地嘅海綿蛋糕🍰跟住再撼多層芝士奶蓋喺面🤤相當之豐富😍面頭層芝士奶蓋好重芝士味 唔係偏奶味🧀 鹹鹹地嘅奶蓋再配埋舊蛋糕同埋奶茶mousse嘅甜 一鹹一甜好好味！！最底嗰層啫喱仲加多左重口感❣️😂-阿華田吉士麻糬撻🤎呢個撻中間係偏奶味嘅餡🍼面頭放左舊圓轆轆嘅阿華田吉士mousse😋口感偏實淨～最頂po多左層薄薄嘅阿華田鏡面😍最底就係精粹麻糬💓整得好q彈好煙韌🤤成個撻口感同樣係相當之豐富🥰不過我就覺得佢似係朱古力味多過阿華田味 🍫-流沙奶黃芝士🥨最鍾意就係奶黃有好濃嘅蛋黃味🧡唔太鍾意係偏奶味或者吉士味🍼呢到嘅奶黃係重蛋黃味嘅🥚好好味❣️其他嗰三款都係相對較甜嘅撻😚配番個鹹嘅撻一齊食都不錯😋-覆盆子開心果撻💚最鐘意食係呢個💓佢話係用左100%嘅開心果醬黎做🤤開心果味真係好出‼️佢最底仲加左一層覆盆

又係一間由網店食到有實體鋪既鋪頭😂😂已經回購左N次 而家鋪頭長期都有現貨賣真係超級方便😚😚！-佢本身就有好多隻味 而且個個月都會轉今次試左Nutella芝士撻 同埋 開心果覆盆子撻 個人覺得今次兩個撻都比較偏甜😢Nutella果款個芝士味比想像中淡😂不過兩樣味加埋一齊又幾襯 開心果款都唔係好食到開心果味😂😂比覆盆子搶哂-雖然今次試呢兩款失望左😂😂但佢其他味我之前食過都好正架！好似芝士奶蓋奶茶撻、阿華田吉士麻薯撻 同埋已經絕左版既 芋泥豆乳撻都好好食🥰🥰😍！同埋一定要讚佢個撻皮 雪左好耐都仲係脆既！❤️

同朋友係觀塘食完飯 朋友介紹左一間好出名食撻嘅crazypie 入到去間舖見到啲撻賣相好靚 雖然價錢頗貴但都忍唔住買左2款撻 分別係抹茶oreo芝士麻糬撻同Earl  Grey伯爵茶麻糬撻 (加埋係$63)因為係朋友介紹同埋本身ig都好出名所以帶有好高嘅期望去試 試完之後真係有啲失望 首先earl grey tart伯爵茶味超淡 得芝士同麻糬味 所以整體味道都唔夠濃郁, 淡而無味 另外抹茶oreo tart抹茶味的確濃郁但有種苦澀嘅味道 然後感覺同芝士味唔太夾 所以整體味道我都覺得麻麻地不過曲奇餅底和餅皮就不錯 厚身得黎又夠脆 味道都不錯個人認為overall cp值唔高 所以唔會再回購

Crazypie 以前系網紅店，關左實體店之後一直無緣一試今日終於有機會去到觀塘，特登上駱駝漆鋪位到揀返兩件撻，去到個度D撻已經賣得七七八八，好彩仲有小妹鍾意的開心果味<覆盆子開心果撻$33>兩個撻小妹鍾意呢個覆盆子開心果撻多D開心果味濃厚唔膩，覆盆子醬夾系開心果同撻皮中間，酸酸地幾開胃<玫瑰果茶蜜桃撻$33>玫瑰果茶蜜桃撻系聖誕節限定，個look 好有聖誕氣氛薑餅人薑味唔重，好可愛蜜桃果凍口感清新，不過略嫌無咩味個look 幾吸晴，味道小妹就推介開心果撻喇

早幾日同女朋友去觀塘駱駝漆大廈行街女朋友就話好想試吓一間叫Crazypie嘅網紅店起初我好友懷疑因為通常啲女網上店舖開實體舖都未必會好好食但當去到鋪頭一望發現老闆都非常有心機去張鋪頭裝修得好靚而且仲整咗一啲位置去比客人堂食望到每一個批既外形 都令我好想試下而我又係一個抹茶嘅愛好者所以我就試咗依一個抹茶Oreo麻薯批首先要讚一讚佢批嘅外皮有足夠厚度咁樣可以確保左客人用手拎起批嘅時候唔會因為外皮薄而碎開裏面嘅抹茶餡抹茶味相當濃郁並冇過甜底層嘅麻薯好好味 所以我認為依間鋪頭非常值得大家一試只係地理位置未必咁容易搵到所以我認為依間鋪頭非常值得大家一試只係地理位置未必咁容易搵到

芝士奶蓋奶茶撻.呢間既撻未開實體店之前已經試過，一直印象唔錯。今次第一次光臨位於駱駝漆大廈既新店，6點去到款式已經所剩無幾，唯有揀左呢款芝士奶蓋奶茶撻。外表好靚打卡一流，但係味道稍為失望，首先放係面既牛油蛋糕偏乾，好彩淋面芝士奶蓋味道唔錯，補救番少少。撻餡其實係錫蘭紅茶忌廉，最最最大既敗筆係，撻餡雪到硬哂，水晶果凍變左冰，成個味覺體驗即刻扣左分。編按：其實之前試過幾次都唔錯，唔知係自己今次唔好彩，定真係退步左... 價錢方面，多左實體鋪加左價都明白既，但咁既性價比真係未有衝動想回頭。

好耐好耐之前食過一次crazypie ，個陣已經覺得好正所以一路都有keep 住follow 佢地Instagram ，睇下佢地有咩新產品嘛Fatbrown 住得比輕遠，雖然次次見到佢D新產品都好想試，但又無去開觀塘就無特登去買黎食喇今次終於有野做要出一出觀塘，乘機去crazypie 到度買返兩舊撻過下口癮先<苿香蘋果花茶$33>苿香蘋果花茶撻係本月精選，雖然隻色膠膠地，但係見到又苿香又蘋果好似幾Fresh 咁，都想試吓苿香味好清新，完全食唔到食素味有淡淡嘅蘋果味，而且食下食下中間就會食到蘋果粒添撻皮好鬆化，牛油味極重，總之成個撻就係高質啦<伯爵茶麻薯撻$33>想試伯爵茶好耐，佢個樣實在太靚，次次睇相都覺得一定要試麻薯超級Q，擺左成晚都無變硬，反而系伯爵茶層Icing 有點硬，伯爵味層味唔太出撻皮依舊香脆想讚下佢個包裝，個包好似櫃檯咁可以拉出黎，非常方便，三十蚊件價錢合理

一直好鍾意食茶類甜品，對呢間野既伯爵茶pie一直好想嘗試。今次來開觀塘就試下食！果然名不虛傳。試到店面買左阿華田麻薯 同伯爵茶味，店員話要等15分鐘先可以食，於是就乖乖等🤣食落口果下覺得有d硬，可能雪入櫃太耐。撻底好好食，好鍾意佢個芝士底加麻薯底，煙煙韌韌

試左兩個經典款 阿華田味同伯爵茶味 兩個tart嘅餅底應該係一樣嘅 兩個都係餅乾底都頗為脆 兩個tart嘅底老係麻糬 好煙銀 阿華田好有朱古力味 外皮都好脆 而伯爵茶就好有濃烈嘅茶香味

又又又係駱駝漆觀塘係不少IG shop嘅集中地好多都發展到有舖店其中駱駝漆有兩三間甜品店小編都去過幾次講真Crazypie係小編去得最多嘅撻底雖未能做到軟硬兼備 比較像曲奇底但軟糥麻糬配硬身脆撻底很搭性價比高 撻大大一個 價錢合理 每兩個減三蚊有預訂服務 可以經網路落單好方便 回覆不算快但保持24小時內確認訂單有每月限定款式 絕對戳中小編死穴 會吸引不斷回購款式價錢又清楚列明喺社交媒體上 節省時間又免去好多疑惑今回三個撻都是十一月限定 哈哈Nutella Mascarpone Cheese Tart ($33)三個入面呢個最好食芝士香滑濃郁但不膩 底層蛋糕增添口感煉奶花生麻糬撻 ($30)提提大家吃時要小心因為真係會有煉奶流出來花生味有待加強 麻糬一如往常軟糥 大滿足呢個撻適合嚐甜的朋友 煉奶較膩焙茶黑芝麻仙草撻 ($33)呢個組合好有創意焙茶忌廉奶味比茶味重且滑仙草配芝麻餡沒有違和同樣地希芝麻味可以更濃

之前有個舊同事係呢度買過啲撻返黎做散水餅，一直都念念不忘好想試埋佢其他味奈何佢收7點咁早，我自己本身又收7點，所以要試既話唯有揀LUNCH HOUR或者放假黎買剛好今日放假約左朋友係官塘食飯，食完飯之後終於有機會上黎啦呢楝大廈既日頭無論咩鐘數都咁多人排隊等電梯...不過係呢頭熟哂既我梗係唔會呆等啦....行前少少去坐貨用電梯快好多!黎之前上網睇哂食評,我既目標口味係大白兔糖味同阿華田麻糬可能我太遲上黎...呢兩個目標都已經無哂不過佢地有一款個造型都幾搶眼...就係呢個開心果覆盆子啦....單睇外表會以為佢係抺茶味....上層既開心果味餡食落好香開心果味!! 微甜，但個Nuts味真係好濃郁，好好味，質感似偏硬既mousse然後下一層就係海綿蛋糕--> 覆盆子果醬果醬唔會過甜，帶少少酸味好醒胃!

上面左至右係重抹茶慕絲，草莓紅豆麻糬，芝麻麻糬。下面左至右係奶蓋奶茶，阿華田麻糬，檸檬撻。我覺得最好食既係芝麻麻糬，其次係草莓紅豆麻糬同阿華田麻糬。其他既都唔錯架。撻皮好脆，我唔鐘意變軟左既，全部甜度都岩岩好，又多層次，多重口感，加左麻糬特別好味！

行過見到舖頭有唔少人排隊，入去睇到d撻款幾靚，咪買左個伯爵茶撻兩個人share，但非常失望，淨係得cream同芝士，無乜茶味。個樣係整得幾靚，不過味道要再改善下。