Coti the Bistro (五芳街)

营业中

休息中

已經食過好多次。難得一間餐廳在新浦崗坐位空間足夠，唔洗迫住坐。食物一向都幾好。西餐80元唔貴包湯包飲品。可惜冷氣長期不足。如果冷氣足夠會更加好。服務ok. 都盡量配合。只是欠缺笑容。好像黑面但其實只是沒表情。

呢排要發掘一下新蒲崗有咩好食今日行遠咗少少 嚟咗呢間cafe鋪頭入口喺彩虹道嗰邊 對住大馬路 唔太起眼 有少少隱蔽不過原來入面都幾大.1) 奶醬啡睇餐牌俾佢個名吸引咗花生奶醬加咖啡呢個組合都幾得意原來都幾夾味道唔錯 甜甜地 可以遮咁啲咖啡嘅苦味杯邊仲整咗啲朱古力碎碎 望落好似好grand咁🤣注意只有熱飲 .2) 明太子三文魚籽貓耳朵粉睇落好似好細碟咁 但其實份量都好多上面仲有兩粒帶子.食物唔錯 味道都幾創新環境都算闊落

上年12月嚟過，當時食下午茶，對餐廳印象麻麻，記憶點係（1）冷氣弱；（2）咖啡細杯。有得揀就唔會再嚟，但不如人意，朋友傳出呢間餐廳的連結，話想食。事隔大半年，試多次~~假日late lunch時段到達，餐廳的午市套餐除包含午膳時段外，仲去到2030。特別的係，入座時，侍應仲提供埋晚市2人餐的餐牌。可能餐廳所有套餐都貫穿午、晚市！？午餐價格大致可接受，但要加一。餐飲的咖啡除美式、鮮奶咖啡外，其他要補錢。計埋加一，人均消費$90-100。而朋友點全日早餐，$148，加一後就>$160。餐湯/沙律：朋友點餐湯，只飲咗1-2啖；個湯杰身，似芡。全日早餐：英文叫Coti breakfast，用番餐廳個名，少費，係咪物有所值？我覺得如果散叫~$70都可以，但$148就絕對over-priced！雖然食材唔少，但煙三文魚顏色慘白；麵包/多士朋友好難先切得開；蛋得1隻，係太陽蛋，煎穿咗。最後，朋友食淨1/3碟，煙肉同茄汁豆冇掂過。日式胡麻波蛋香草豬肉腸藜麥沙律：個名好長，材料簡單。由於餐廳冇乜素食選擇，所以我點餐後就外帶香腸俾狗狗爸爸（相片冇影到啲腸）。沙律菜幾新鮮，水波蛋係中、大型蛋，熟咗啲

這家西餐廳位於新蒲崗的工廠區，門口非常低調，經過時八卦一看內裡才知道原來是一家餐廳，之前在九龍灣嚐過他們的店食物味道不俗，所以決定即興一嚐這家分店。明太子三文魚籽貓耳朵粉上方有兩顆香煎帶子，三文魚籽量多，以忌廉汁調味，貓耳朵口感煙韌，整體味道滿意。烤美國西冷10安士配燒汁牛扒份量充足，浴室軟嫩多汁，粗薯條香脆，十分惹味。還有點沙律菜作伴碟，口感爽脆，減輕油膩感。棉花糖朱古力 / 鮮忌廉朱古力怕晚上攝取太多咖啡因失眠，所以我們沒有點到咖啡，選擇了兩杯朱古力。棉花糖微微燒過，帶焦糖香味。忌廉打發過後像瀑布一樣倒在上方，兩杯朱古力都非常濃郁美味。

今次黎到新蒲崗食西餐，佢位於工廈裏面地下位置比較隱蔽，停車場的反方向轉個圈就見到，裏面都好大，仲見到可以喺度搞生日party，另外中午經openrice book枱會送生日蛋糕一件，餐廳多數都係卡位， 光線柔和，適合傾計烤美國西冷10安士配燒汁西冷牛扒烤得好好，裏面還是粉紅的，肉質軟熟，肉汁keep到喺入面，西冷口感好好，根位好正，仲有沙律和薯條跟，一流腐乳蒙古羊鞍試下新嘢蒙古羊鞍，有兩大隻好多肉，西餐用腐乳整第一次食，出奇地好味好夾，啲羊唔會好騷，另外還有半個蒜頭和薯條跟，蒜頭輕輕煮過，好有蒙古風味棉花糖朱古力 & 鮮忌廉朱古力我哋兩個都點咗朱古力，棉花糖和鮮忌廉，大家都差唔多，棉花糖就有兩粒，鮮忌廉更加軟滑，甜度適中，非常好

想食呢間餐廳好耐，呢日終於約咗朋友一齊去🤗明太子三文魚籽貓耳朵粉（$138）🐈🐟貓耳朵煮得煙韌彈牙，每塊都掛滿明太子忌廉汁，仲有唔少三文魚籽，為貓耳朵增加味道😋烤美國西冷10安士配燒汁（$198）🐮🥩西冷牛扒肉質鮮嫩多汁，入口有牛味，淋喺牛扒上面嘅燒汁味道濃郁，同牛扒好夾👍，配埋新鮮薯條同沙律，食到好滿足🤤提拉米蘇咖啡（$48）☕️🤎呢杯咖啡上層係tiramisu甜品，下層係咖啡，一次過試到兩種，好有層次😍玫瑰鮮奶咖啡（$42）🌹☕️拉花好靚，仲有玫瑰花瓣做裝飾，每啖都充滿玫瑰花香氣，奶泡綿密，甜度適中🌹

最近我想帶爸爸去吃高質西餐#請爸爸吃好西 之前食一間西餐不包飲品，已經近2百元了我覺得有少許昂貴，所以就去我經常惠顧又口碑不錯的COTI BISTRO這裏坐得很寬敞，燈光柔和也提供多款健康沙律、扒類的午市套餐價格低至$78(配一杯飲品)凍特飲加20多，另收加一服務費🥬日式胡麻波蛋煙肉藜麥沙律$78(配飲品)有我最喜歡吃的溫泉蛋🥚配大量集錦沙律配上有胡麻醬汁的藜麥口感煙韌，既醒神又開胃!我們先點了這個沙律，就是怕吃得太多肉快吃點沙律來幫助消化🙊🐐腐乳蒙古羊鞍$188(配飲品)吃西餐怎少得吃烤羊鞍一上桌子，好香氣撲鼻，羊肉酥脆內嫩羊鞍烤到恰到好處，配上不太鹹腐乳香汁不會搶走了蒙古羊肉香😘🐮烤美國西冷10安士配燒汁$198(配飲品)我爸爸不吃生，所以點了七成(不會有血水)果然是高級美國牛排，牛味香濃我也蠻喜歡吃西冷，有一邊肥和筋膜夾著肉吃，肥瘦相間，好有嚼勁！飲品方面我爸爸真懂得喝他點了冰凍日本抹茶牛奶而我還在掙扎喝熱飲還是凍飲的時候因為平日我還是飲熱咖啡的就即是點了少冰冰凍朱古力咖啡

🍽️新蒲崗隱蔽西餐廳🍽️-新蒲崗呢區對於我嚟講 唔算特別就腳 只因為區內有我鍾意嘅烘焙店 同埋可以順道去Coti嘆咖啡 我耐不耐都會入區食brunch😉-🥩烤美國西冷七成熟西冷足有十安士☺️ 牛味濃郁 肉地柔軟 燒汁裏面有啲黑椒 少少辣幾惹味 薯條🍟係我鍾意嘅粗條裝 外脆內軟 配茄汁🥫幾時都咁正-🍄芝士蘑菇燉意大利飯菇片柔韌耐嚼而且充滿菇香 飯粒啖啖帶芝士香🧀 足夠嘅濕潤 食完之後 相當飽肚-🍰Tiramisu coffee手指餅酥化可口 拿鐵入口有可可粉苦澀 跟住係香滑mascarpone淡芝士味 然後咖啡味漸強 相當唔錯👍-☕️Piccolo叫咗杯短笛咖啡提神 雖然細細杯不過入口絲滑 啡味香醇-📍 Coti the Bistro新蒲崗五芳街31-33號永顯工廠大廈地下C號舖

明太子三文魚子貓耳朵粉呢道粉類菜式超級誘人。明太子帶來嘅鹹鮮味配上鮭魚子嘅鮮味,同彈牙嘅貓耳朵粉相得益彰,口感層次豐富。調味得宜,唔會過於鹹,都唔會太淡,可算係一道煮功了得嘅好菜。美國西冷配燒汁燒汁醬汁濃郁,剛好襯托出牛肉嘅鮮甜,令人一口接一口。作為主菜,呢道菜肯定會令食客大飽口福。蜜桃茶清新甘甜嘅蜜桃香氣,同恰到好處嘅茶葉香味配合得好,口感十分協調。玫瑰花茶呢款玫瑰花茶香氣四溢,花香濃郁而唔會太重，餘韻悠長,可以令人心曠神怡。

人均$80起｜新蒲崗｜西餐｜Coti the Bistro日式胡麻醬溫泉蛋雞排藜麥沙律來到新蒲崗了，在這個工廈林立的社區裡面，還是有很多好吃的料理的！這家Coti the Bistro，提供好吃又相宜的西餐料理，是不少在地打工人的首選！日式烤雞排配上香口的胡麻醬和營養豐富的藜麥沙律，不僅口感豐富，亦兼具健康元素。溫泉蛋更為整道菜增添了味道。烤美國西冷10安士配燒十（7成熱）採用上等的美國西冷牛排,經過精心烹飪後保留7成熟度,搭配香濃的燒汁,呈現了牛排的最佳風味。辣茄汁蟹肉扁麵這道扁麵融合了蟹肉的鮮甜和辣茄汁的微辣。麵條Q彈可口,極具回甘。——————為食分界線——————📍 Coti the Bistro新蒲崗五芳街31-33號永顯工廠大廈地下C號舖人均消費： $80#hk #hongkong #hkfood #hkfoodie #hkblogger #hkfoodblogger #hongkonger #香港 #香港美食 #週末好去處 #香港好去處 #食好西 #美食 #探店 #香港探店 #COTI #COTITHEBISTRO #西式 #咖啡店 #九龍灣 #新蒲崗

新蒲崗餐廳推介❤️👍🏻呢度坐得舒適之餘食物質素不錯。餐廳服務態度亦都好好，感覺好舒服整潔。上菜速度亦相當理想。前菜沙律菜好新鮮爽脆。雜菜湯熱辣辣好足料ok。🤗辣茄汁蟹肉扁意粉💁🏻‍♀️😍配有好多蟹肉。啖啖肉。醬汁份量充足，意粉掛滿醬汁又彈牙🥰仲好到香噴噴。成個意粉都好美味好夾。烤美國西冷10安士配燒汁美國西冷肉質Juice幼嫩👍🏻。好香烤火味。肥瘦適中，大大塊超抵食👍🏻。伴碟蔬菜蕃茄仔好新鮮，薯條熱辣辣炸得好脆好好食。綠茶latte。& 凍檸檬茶餐飲好大杯。latte做得好好好專業。食飽之後，仲可以一路傾偈一路飲嘢。真係好適合朋友gathering 👍而且Menu仲有好多其他選擇，相信都好出色。❤️ 感受到用心製作👍🏻。好難得新蒲崗可以搵到一個咁舒服嘅聚腳地方，所以我都極之推介。會繼續嚟。

今晚於新蒲崗的網店取貨後，無意中發現在附近的工廠區內有間走親民路線的西餐廳。🐱明太子三文魚籽貓耳朵粉～明太子與忌廉混和一體的醬汁掛滿了每一口Orecchiette，三文魚籽令整道菜的味道creamy之餘更添一層鮮味。🥩烤美國西冷配燒汁～薄切西冷烤得剛剛好，肉嫰味濃，肉汁仍然保留着，即使不蘸燒汁亦很美味，伴菜是既邪惡又香口的薯條，薯條永遠是牛扒的最佳配搭。⚘☕玫瑰花茶～淡淡的玫瑰香氣，聞起來已足以讓人心情愉快。🥤Iced Long Black Coffee～少有餐廳提供Long Black Coffee，Long Black比平常的Americano更能保留咖啡油脂，令口感更順滑香濃。

今日約咗frd去工廠大廈玩，咁未上去之前係附近見到有間cafe 喎，食住野等埋啲朋友仔先，佢門口係大馬路嗰邊都幾易見到#西冷牛扒配燒汁 （$198）- 一人餐包咗仲餐湯同野飲牛扒都幾有牛味仲食牛既質地👍🏻👍🏻上到碟都keep 到5-6成熟幾抵讚。另一出色位係薯條，做到外脆內軟勁好食🤤🤤#辣茄汁蟹肉扁意粉 （$98） - 依碟意粉有驚喜喎，好多蟹肉鋪係個面到，撈完都食到每一啖都有😋😋個茄汁少少辣得嚟幾好味，意粉好掛汁

呢間隱世cafe位於新蒲崗一座工廠大廈嘅地下😆主打性格比高嘅西餐😋2人dinner set都只係$368！有齊前菜🥗、主食🥩、甜品🍮同飲品☕️餐廳以大地色為主調，環境舒適，座位寬敞🛋️不過今次就選擇咗單點😋單點都配餐湯同飲品㗎！⭐️16小時慢煮羊架 $98肉質嫩滑，唔算多脂肪，可以啖啖肉😋！帶有點點羊肉香，亦唔會太羶！配埋醬汁就更滋味，加埋意粉都好夠飽🍝！⭐️明太子三文魚籽貓耳朵粉 $138明太子忌廉醬好香濃，亦幾厚身，做到掛汁效果🤩！帶子大大粒，口感彈牙，貓耳朵粉質感煙韌，形狀特別，可以載住滿滿嘅明太子醬，同粒粒爽脆嘅明太子，令味道更惹味🤤，出面唔係成日都食到㗎😉⭐南瓜湯味道香濃，質感順滑，飲完之後暖笠笠☺️

𓉮𝘾𝙤𝙩𝙞 𝙩𝙝𝙚 𝘽𝙞𝙨𝙩𝙧𝙤 ✦有汽檸檬咖啡可自行將𝙚𝙨𝙥𝙧𝙚𝙨𝙨𝙤 倒入檸檬梳打，調配濃淡度，試左一小啖淨𝙚𝙨𝙥𝙧𝙚𝙨𝙨𝙤，咖啡味道香醇，檸檬梳打酸度唔高，無搶左𝙚𝙨𝙥𝙧𝙚𝙨𝙨𝙤嘅味道，夏天清爽提神之選✦提拉米蘇咖啡香濃嘅𝙚𝙨𝙥𝙧𝙚𝙨𝙨𝙤上面，蓋上𝙩𝙞𝙧𝙖𝙢𝙞𝙨𝙪 𝙘𝙧𝙚𝙖𝙢同𝙡𝙖𝙙𝙮 𝙛𝙞𝙣𝙜𝙚𝙧，完成正餐後，一啖綿滑嘅𝙩𝙞𝙧𝙖𝙢𝙞𝙨𝙪 𝙘𝙧𝙚𝙖𝙢 接一啖𝙚𝙨𝙥𝙧𝙚𝙨𝙨𝙤，好似食左一個甜品咁！如果層𝙘𝙧𝙚𝙖𝙢嘅芝士味道再出啲就會更加滿足！✦明太子三文魚籽貓耳朵粉帶子鮮甜，唔會煎得過熟，醬汁味道唔錯，明太子同三文魚籽係好夾，但如果醬汁調得再濃稠少少，就可以善用貓耳朵粉掛汁✦烤美國西冷配燒汁𝟭𝟬 𝙤𝙯.西冷叫左五成熟，肉質好柔軟，薯條幾有驚喜，香脆得黎調得好惹味