Coti the Bistro (企業廣場)

营业中

休息中

企業廣場有間西餐廳間唔中都會去食吓，見天氣凍凍地，就去食佢哋個新Menu腐乳蒙古羊鞍配薯條。羊架應該好多人食過，但係配腐乳西式食法又幾新奇。味道似食羊腩煲，但係鋸緊扒，仲有薯條點汁食。其實都幾夾。另外佢哋個洋蔥圈係好好食，外皮好鬆脆，入面洋蔥好甜，間唔中都會叫嚟食下。飲品就就咗杯Tiramisu Coffee，面頭係mascarpone cheese下面係咖啡，好似食緊一個液體Tiramisu咁。鍾意食Tiramisu嘅朋友一定鍾意。

平時經開呢間cafe見到人頭湧湧已經心思思想試，難得今日中午早左少少有位，就同同事試吓啦。腐乳蒙古羊鞍配薯條 $178羊鞍好夠肉，肥瘦均勻，唔會過肥又唔會鞋口，夠哂入味。薯條新鮮炸起好脆口，同沙律一齊食唔會覺得膩。明太子三文魚籽貓耳朵粉 $108貓耳朵粉口感煙韌，夠哂掛汁，咸甜岩岩好，2大粒帶子漲卜卜，輕輕一煎已夠爽口彈牙，仲有三文魚子令整個層次更加豐富。雞扒藜麥沙律 $88沙律超級大碟，同朋友分享岩哂。沙律菜新鮮爽脆，大量藜麥令到口感更豐富，玩埋芝麻醬好清新，健康滿滿。提拉米蘇咖啡 $48凍檸茶 $36咖啡真係岩哂打卡，超精緻，可以當咖啡，亦可以當係甜品。甜厚的cheese cream同苦澀americano一同入口，咖啡味香濃，超級細滑。📌Coti the Bistro (企業廣場）地址：九龍灣常悅道9號企業廣場一期1樓4號鋪🐵推介🍌🍌🍌🍌🍌（5🍌為滿分）

🔺𝗕𝗲𝗲𝗳 𝗖𝘂𝗿𝗿𝘆 𝗣𝗲𝗮𝗿𝗹 𝗥𝗶𝗰𝗲 咖喱牛肋腩珍珠飯 ($𝟵𝟴)睇個名以為好中式，黎到原來係西式煮法牛肋腩煮得好淋，一咬就爛，仲有少少筋位連住珍珠米就夠飽滿，咖喱調味都好好! 非常下飯🥰🔺𝗥𝗼𝗮𝘀𝘁𝗲𝗱 𝗨𝗦 𝗣𝗼𝗿𝗸 𝗖𝗵𝗼𝗽 𝘄𝗶𝘁𝗵 𝗠𝘂𝘀𝘁𝗮𝗿𝗱 𝗚𝗿𝗮𝘃𝘆 烤美國豬鞍配芥末汁 ($𝟭𝟲𝟴)豬鞍唔係厚身果款，煮得啱啱好食落有少少筋，加埋個汁好惹味配菜係薯菜，好鐘意仲有少少薯皮既薯條沙律份量都唔少，同埋有幾種菜嫁🔺𝗢𝗻𝗶𝗼𝗻 𝗥𝗶𝗻𝗴𝘀 𝘄𝗶𝘁𝗵 𝗧𝗮𝗿𝘁𝗮𝗿 𝗦𝗮𝘂𝗰𝗲 洋蔥圈配他他汁 ($𝟲𝟮)洋蔥圈既份量有𝘥 巨一上枱勁吸精配既他他汁減低左洋蔥圈既邪惡感🔺𝗠𝗼𝗰𝗵𝗮 朱古力咖啡 ($𝟯𝟴)𝘔𝘰𝘤𝘩𝘢有靚靚拉花，唔會太甜🔺𝗠𝗮𝘁𝗰𝗵𝗮 𝗟𝗮𝘁𝘁𝗲 抹茶鮮奶 ($𝟰𝟮)都係唔會太甜，又飲到抹茶既甘味📍𝐂𝐨𝐭𝐢 𝐭𝐡𝐞 𝐁𝐢𝐬𝐭𝐫𝐨九龍灣常悅道𝟗號企業廣場𝟏期𝟏樓𝟒號舖

烤美國西冷10安士配燒汁 ($198)明太子三文魚籽貓耳朵粉($108)酥炸單骨雞翼($78)抹茶鮮奶($42)提拉米蘇咖啡 ($48)今日嚟到九龍灣就決定食下cafe，入到去覺得環境幾舒服，好適合大家嚟傾下偈，做返個Chill Guy🤣首先想介紹下烤美國西冷🥩order左五成熟，出到嚟肉質都好淋，而且都幾有肉味。而薯仔就係粗薯嚟嘅，食落覺得好足料同埋係一貫好食🤤🤤另外，就係想介紹下提拉米蘇咖啡☕️。一上枱嘅反應就係嘩成個甜品咁款喎🤭🤭面頭個浸真係有好香濃嘅提拉米蘇，加上有咖啡嘅香味令成杯飲品都真係好好飲，建議飲嘅時候都可以先食下面頭個浸cream先，呢樣絕對值得一試👍🏻評分：9/10九龍灣常悅道9號企業廣場1期1樓4號舖

今日嚟食呢間位於九龍灣企業廣場一樓嘅西餐廳，餐廳座位闊落，燈光灰暗，環境幾寧靜，適合一個人想靜靜地食個飯或者情侶拍拖好去處。🥩烤美國西冷配燒汁 $198 牛排🥩入口解嫩，雖然係薄切，不過都夠晒飽，配菜有大量即炸薯條同沙律菜。🐄咖喱牛肋腩珍珠飯$98牛腩好新鮮，略嫌煮得唔夠腍，咖喱方面味道好濃郁，食落幾開胃，配菜仲有紅蘿蔔同薯仔。🥗煙三文魚藜麥沙律$86煙三文魚份量都幾多，配埋沙律菜、大量藜麥同胡麻醬。

喺MegaBox隔離嘅企業廣場，估唔到原來都有好多餐廳，今次發掘到呢間Cafe。lunch Time時間去到已經full晒要等位，等咗一陣最後入咗去坐低，叫咗一個明太子貓耳朵粉，份量啱啱好，意粉煙靭有咬口，味道適中唔會過鹹或者太淡。煙三文魚藜麥沙律份量都好大碟，上班族食一個已經夠飽肚，而且醬汁好足夠，唔會食到底就冇晒醬汁，上面仲有一個流心蛋配黑松露醬，呢個沙律一定要試。最後仲嗌咗一個Tiramisu嘅咖啡，睇得出餐廳好有心機，上面食完甜品下邊仲可以飲咖啡。

先唔好講食物質素，我2:30pm坐低，成間鋪只有兩台客人，就我睇，至少有四個服務員，但我坐底足足15分鐘，都冇人過嚟落單，即使我舉手開口示意落單，佢哋就應一句好既，之後就冇咗一回事，明明佢哋就冇野做，唔怪得有評論話，呢間舖對一個人去食飯既極之不友好，我就真係唔明白邊個比佢哋嘅底氣可以咁樣Hea住做嘢，就以佢哋咁嘅待客態度，我連食都冇興趣食佢哋嘅嘢，即使到我走，佢哋嘅服務員都只係企住喺度得個望，完全唔會走黎問我點解要離開，可能呢個就係佢哋嘅目的？

去左食lunch，見多數人都係嗌雞扒蛋包飯同埋燴牛肉飯，咁我就揀咗雞扒蛋包飯。Lunch set有湯/沙律，湯個日忌廉湯唔錯，好夠夠熱，又唔係一pat粉開嗰啲忌廉湯，都有誠意，所以都對之後嗰份有啲期望。可惜個湯已經係接近最好既item。。。雞扒蛋包飯其實賣相唔錯，份量都多，但我食到一半先記得影相。有兩塊雞扒都幾大塊，煎得香脆熱辣辣，應該好多人叫keep住煮就好新鮮，旁邊半碟有沙律菜。可惜個蛋包飯就唔得了，啲蛋煎到薄到片紙咁，但好神奇咬落好乾好硬好似煮到勁熟咁，但係佢表面上又有啲生嘅蛋汁望落似Juicy。同埋成個飯，只有蛋下便有微微一pat汁，啲飯質素好差，冇飯味，食落好乾。朋友叫咗雞扒迪迪蛋熱香餅，當日冇熱香餅轉咗muffin，即係豬柳蛋漢堡嗰包。個包凍既勁硬，切開都好費氣力，雞扒就同我個飯一樣都係新鮮熱辣，個蛋好似唔錯係溏心我中意既生熟度，但就唔係平時網上睇開見到嘅流心流到瀑布咁嘅egg Benedict。份量偏細。另一個朋友叫咗辣味蟹肉意粉，佢話就係好普通嘅蕃茄蟹肉意粉，蟹肉好少撈撈下唔見晒。我特登加$24叫凍matcha latte，但唔係幾好飲，唔係飲開熟悉鍾意嘅小山園抹茶味道

因OpenRice食評特地過去嘗試，但因一人入座被歧視，被要求安排坐餐廳另一邊，環境、格調、氣氛完全不同😨本想輕鬆愉快渡過一頓午膳的時間，但興致全毁，簡直荒謬！難道一人用膳，價錢不同嗎？為何同樣價錢，需接受差別待遇？😡😡😡

今日想同朋友去有氣氛嘅西餐廳，偶然發現呢間西餐廳～人均大約$150，食物質素高，挺滿意的！😋😋.🤎明太子三文魚籽貓耳朵粉 $108最推薦的招牌菜色！好好味嘅西日菜式，貓耳朵造型的意大利麵，賣相十分吸引，貓耳朵粉上大大粒帶子，配上鮮味三文魚籽以及芳香四溢的明太子醬汁，口感層次既豐富又好惹味！💌.朋友點的鰻魚蛋包飯也挺不錯的！😚😚

由於朋友遲左少少放飯, 約莫15分鐘後先到, 前台侍應就係我坐低7分鐘之後, 開始比說話我聽, 問朋友幾時到, 出面好多人等緊.我再三交待係openrice booking, 叫佢幫手確認, 當下唔理我之餘, 到依家呢一刻都唔確認返黎.

今日lunch去左企業廣場嘅Coti the Bristro3個人叫左3個set一齊shareLunch set 有包湯/沙律 + 飲品我地要左湯 湯係羅宋湯味道都夠濃幾好飲 另外要咗杯少甜走冰嘅蜜桃茶對於唔鍾意飲甜嘢嘅我覺得好好 真係唔甜講返野食辣茄汁蟹肉扁麵呢個辣辣地幾開胃 同埋冇咁膩 如果蟹肉多少少就好啦芝士蘑菇燉意大利飯呢個芝士有dd帶酸 味道都唔錯 一個人食哂就太 heavy share食岩岩好鮮茄牛肋腩珍珠飯呢個鮮茄味唔錯 牛肋腩都夠腍 不過不失食完先見到周圍嘅人食嗌滑蛋雞扒飯 個樣好靚下次可以試下

見訂枱有七折，睇到師兄啲相今年二月份仲賣緊二人餐368，覺得好似好抵，所以同女友放一嚟試下。點之嚟到見到個二人餐變做480, 仲要啲菜式選擇仲少過二月份嗰張menu，已經知中哂伏，但都嚟咗就照食啦。叫咗個羊架配薯條（$178）同鰻魚蛋包飯（$125），羊鞍係正常水準，OK的；但蛋包飯就麻麻，條鰻魚有少少腥🤨。定價同食物質素唔多match，但個侍應妹妹由入去同叫餐都好有禮貌同笑容，所以呢餐飯都叫無咁嬲，當俾面個咁敬業嘅員工😌。環境因為放工關係全場得兩枱人，好靜，都幾好坐，可以傾下計。但應該無下次🤭

廚師推介係滑蛋雞扒飯賣相喺唔錯的個滑蛋唔係全熟嗰種，少少蛋汁但蛋味係一般。雞扒調味咸度適中，香口，但唔好幻想個皮會脆。Lunch有得揀沙律菜/湯，我就揀咗磨菇湯，揀沙律嘅話會得到菜x2，因為本身伴碟都有菜的。跟餐有嘢飲冷熱同價，叫涷飲個杯比正常餐廳少1/3左右。環境唔錯，侍應都有禮。總結係整體ok, 但加埋10% service charge就真係不能說抵食了。

牛扒over cooked,又唔問幾成熟, 無牛肉味，牛肉韌又多筋，雪藏牛肉都好食過佢，沙律汁勁怪味，全部食物過鹹，連杯咖啡都好難飲，紅湯又酸又鹹。未落單前上紅湯係咩玩法，之後又問要沙律定要湯，又想收回碗湯，薯條差過m記，得嗰幾枱都忘記下單，等了很久詢問下才知，侍應黑口黑面，成餐得包裝番茄醬同杯水ok 其餘比狗都唔食，個酥餅又難食，係超巿買塊酥餅自己煮都冇咁嬲，都唔知個廚師有冇學過煮野食。從來未吃過咁難食既西餐。總之一個字：伏！好評全部刷出嚟