Cossi (已結業)

琴晚黎左食dinner，黎之前預先訂左枱，好彩有訂位，黎到見佢都好full ，好多枱都擺左reserve 牌。哩間西餐廳樓高二層，柔黃既燈光幾舒服，就算多人但都唔會覺得嘈。我地被安排坐喺二樓靠邊，可以望到樓下既食客，感覺幾得意，得閒望下人地食咩😂主菜選擇多，價錢在百中之間，可以加$38轉set，有埋湯、沙律、餐飲。我地二人各選一碟主菜，兩個都加錢轉set。餐廳送左一客小食俾我地，意外既野往往係驚喜既，係炸得好脆既炸蠔黎嫁，雖然係蠔仔，但係都幾好味，開心。餐包配既醬係落左黑松露，有誠意，暖暖既餐包點落湯仲正。餐湯係南瓜湯，好好飲，南瓜打成蓉好滑個湯，好甜，中意飲。沙律落左d柚子同生果粒，甜甜地幾特別。炭燒安格斯牛肉眼扒 $198要7成熟，真係食到炭爐燒過既味，特別香，好食過出面既，肉眼新鮮，配簡單醬汁已經好食。香煎三文魚配蟹肉餅同有機粟米 $168哩碟配搭比較清新健康，三文魚煎得好香，但肉質仲係好嫩，配粟米蓉意外地夾，個蟹肉餅幾鮮，食到好多蟹肉，香口。仲有大啡菇，岩晒女士們，好食。跟餐咖啡埋單$500有找，總括食物都好好食，服務都好，keep 住收碟同feel 水，有機會再黎！

之前荃灣西番工，見證住cossi 開張，lunch time 亦食過幾次. 自從轉左工好耐無過黎. 咁岩荃灣友約到，決定再黎cossi 聚聚dinner menu 選擇好多，價錢應該比之前無太大分別. 脆香干蔥蜜糖雞翼 $48雞翼炸得香脆，炸粉厚度適中，唔算好厚. 拌上蜜糖甜蜜味道，係幾好食. 唯一係我以為干蔥會有蔥香，但又唔太食得出蔥香. 咁應該蜜糖芥末味道會更豐富吧order 左個流心芝士牛肉丸$48，煮完攞出黎先發現未落cheese 係中間. 所以最後cheese 就變左放係上面😂 味道比較濃郁，蕃茄底. 個人覺得還好.北海道帶子，脆銀魚龍蝦汁risotto $128main course 多數價錢都係一百頭，唔算好貴. risotto 黎講口感真係太腍，印象中之前唔係咁腍？可能為迎合其他人口味. 但個人都係較欣賞硬身小小risotto. 除左口感，呢度帶子同sauce 調味都唔錯，特別係個帶子，真係值得一贊. 兩大粒肥美北海道帶子，輕輕grill 過，表層仍有grill 過印紋 . 而煮時間剛剛好，仍然keep 到帶子軟嫩口感...下次黎會想encore 呢個帶子，可能會叫個帶

同朋友係荃灣廣場睇完戲之後去左附近嘅Cossi食意大利晚餐意粉同飯都有幾多選擇加38蚊轉套餐仲有埋沙律、餐湯同食品餐湯係蕃茄忌廉湯 幾濃郁又唔會話好酸餐包係硬身偏鬆脆果種 送湯都唔錯沙律 有沙律菜同青蘋果 幾refreshing 仲送左個吉列蠔炸得幾靚 金黃金黃個蠔都幾新鮮小食叫左個蜜糖芥末酥脆雞翼一份有4隻外脆內滑個蜜糖芥末醬真係不得了 好好味好吸引鮮蝦黑松露蒜香Pasta一上餐就聞到好香黑松露味食落意粉軟硬啱啱好鮮蝦都有好多粒幾彈牙同最緊要冇雪味新鮮龍蝦西班牙海鮮燴飯龍蝦有半隻 肉質幾鮮甜個飯食落有小小辣辣地幾野味海鮮有蝦、魷魚、青口整體嚟講都幾有水準甜品叫左焗玉桂蘋果金寶伴朱古力雪糕面頭嘅曲奇皮好脆好香牛油味曲奇下面鋪滿左一層層嘅蘋果片蘋果片有啲玉桂粉味道幾豐富55度朱古力班尼士蛋糕伴朱古力雪糕朱古力brownie 好有質感又唔會太甜朱古力雪糕都唔錯有啲朱古力粒係雪糕到好濃朱古力味餐飲叫左熱檸水呢餐意大利餐食得好滿足同埋性價比都幾高！

黎開荃灣廣場，行完街我每次都會同老婆黎大霸街搵食，今日我地黎Cossi 食。我地7點半黎到，已冇晒位，得返吧椅枱位，最後我地坐吧枱，餐廳有兩層，裝潢昏暗燈光，感覺好舒服，餐廳亦有做包場，下次可以約埋朋友黎以到包場吹下水，玩下，食下飯。餐廳送了兩份芝士薯餅-芝士味香濃，而且炸得金黃香脆意大利流心芝士牛肉丸-牛肉丸沒有流心，只是芝士灑上牛肉丸上，有點失望，因為我以為有流心，但牛肉丸口感唔錯水牛雞翼-唔算好辣，唔食辣既人都食到，帶小小甜及酸，雞肉亦好嫩滑活大蜆蒜香辣椒-蜆份量好多，鋪滿了整個意粉上，蜆處理得好，沒有沙，整個意粉好香好香蒜香辣椒烤南瓜，野菌意大利飯-原來烤南瓜就係用南瓜做汁，南瓜夠甜，成碗食落甜甜地，估唔到南瓜味道其實都幾香濃凍朱古力

近排肥妹時不時放咗工都會嚟荃灣呢邊搵嘢食，因為荃灣實在太多好食嘅餐廳啦!今次行行下經過見到呢一間西餐廳，望落去個menu都幾吸引，所以就決定入去試下。蜜糖芥末酥脆雞翼  $48小食方面我哋叫咗呢一個蜜糖芥末酥脆雞翼，佢嘅雞翼炸到脆卜卜，粉漿唔會太厚，淋上蜜糖芥末醬，食落去非常惹味。香煎法國鵝肝配美國安格斯牛柳五成熟  $188肥妹仔我就叫咗呢一個安格斯牛柳配鵝肝，先講佢嘅鵝肝，真係好香好濃鵝油脂香味，食落去非常粉嫩，大滿足。而佢嘅美國安格斯牛柳亦都煮得非常好，肉質唔會柴，再加上伴碟嘅有好creamy嘅薯蓉，好好食。活大蜆蒜香辣椒意粉  $118另外再叫咗一個蒜香辣椒意粉，先講佢嘅蜆係非常大隻，食落去粒粒蜆肉都好飽滿。另外佢個意粉醬汁非常好食，勁香蒜味同辣椒味。晚餐湯及沙律  $76呢度嘅沙律菜比較特別，因為佢嘅沙律除咗有好新鮮嘅沙律菜之外，仲加上一啲中華沙律同埋芝麻醬，食落去好好食。轉龍蝦湯  $40龍蝦湯飲落去除咗好濃嘅龍蝦肉味之外 ，仲好鮮甜，不錯。凍檸茶

等睇戲既時候係附近搵食，意外地發現好東西！___________________🔹龍蝦沙律法包 免費應該係每枱都送既小食法包烘得超脆上面啲龍蝦蝦肉好爽口，而且幾濃味味道有少少似爭鮮既龍蝦沙律(爭鮮必點!)超中意食！.🔹白酒忌廉煮青口 $68唔算好多隻，但隻隻都好肥好大隻青口唔係好甜但都幾好食.🔹蜜糖芥茉酥脆雞翼 $48呢個其實係聞到隔離枱上台好香油炸既香氣，所以跟住叫既炸完都仲係好多肉汁，不過唔算好脆蜜糖味係有既，不過唔係食得到芥末.🔹新鮮龍蝦西班牙海鮮燴飯 $138好多海鮮，有不少蝦，魷魚圈，西班牙腸等，當然有主角龍蝦。龍蝦都大隻，質感都唔錯.飯口感幾有嚼勁，做得幾好，而且食落辣辣地，幾惹味.🔹炭燒黑毛豬扒伴脆香蕃薯條蘋果蓉 $168豬扒勁厚身勁大塊，火候一控制不好就會外焦內生，佢呢個做到唔錯，軟硬適中，配蘋果醬幾好味。可惜豬扒無乜烤味，似係普通煎，少了點風味.一份豬扒但佢有好多配菜，有溫泉蛋大啡菇，炸洋蔥圈同炸蕃薯條。蕃薯條炸得幾脆，無加調味，原汁原味，不錯.‼️星期一至五，19:00前埋單仲有全單85折

好耐冇黎cossi食野喇，今日帶埋男朋友過嚟食晚飯 呢度嘅裝修都重係咁華麗，價錢又夠平民化頭盤: 香煎北海道帶子 黑松露忌廉沙律好大粒帶子，而且非常鮮甜，廚師只係將帶子表面輕輕煎過，裏面非常嫩， 旁邊嘅沙律亦都非常新鮮乾蔥蜜糖雞翼 & 香煎法國鵝肝配蘋果醬就咁睇以為雞翼炸得好犀利，不過咬落原來入面啲雞肉仲好鮮嫩，而且上面加咗薑蔥同蜜糖，香口得來又甜甜地，食多少少都唔會感覺好熱氣另外我哋重叫咗煎法國鵝肝，不過比較似詐法國鵝肝多啲，外面有層薄薄嘅炸粉，包住入面既鵝肝，食多一兩嚿會有啲漏，不過可以點一點旁邊既蘋果醬最後我哋點咗七成熟嘅法式羊架，賣相唔錯旁邊嘅薯蓉整得好好味，好creamy 羊架味道唔騷， 肉質唔會好乾，整體味道幾好

踏入11月，又是慶祝生日的月份，當然除了我之外，還有眾多親朋好友亦是壽星女，之後應該都是忙著跟大家慶祝。為了不冷落媽媽，今晚特意和媽媽「撐枱腳」，聊聊家常事。我們想喝湯和吃沙律，故加了38元配沙律，餐湯及飲品。是晚沙律是巴馬火腿黑醋沙律，雖然簡單，沙律卻清新爽脆，酸酸的黑醋汁令人食慾大開。至於餐湯則是南瓜湯，這湯令媽媽驚喜萬分，裡頭除嚐到南瓜的香甜滋味，也有絲絲蕃茄鮮味，加入忌廉後的南瓜湯綿密細緻，入口溫順。餐包相信是餐廳自家製，烤至外脆來鬆軟，且有陣陣黑椒香味。塗抹餐包的酸忌廉混搭香草，酸香滋味跟餐包配合得天衣無縫。小小的炸忌廉蟹餅細滑極緻，濃郁可口，作為餐前小吃頗不賴。我們都被意大利流心芝士牛肉丸迷倒了，牛肉丸三兩下已吃光光。牛肉丸香噴噴的，流心芝士的鹹香豐富了鮮嫩的牛肉丸味道，揉合濃濃的蕃茄風味後更為精彩。熱呼呼的白酒忌廉青口每一顆都非常肥美，彈牙無比，白酒忌廉汁濃郁的香氣奔放著，咀嚼起來滿滿的鮮美，讓人一口接一口吃過不停。想來點新穎口味，星馬參巴醬椰香海鮮意粉可是不錯的選擇。參巴醬惹味香辣，在椰汁的襯托下味道更顯現，軟硬適中的意粉吸飽參巴醬汁，獨具風味。海鮮用料不手軟，蝦仁，青

自從去了荃灣西附近工作便不停發掘一些新的食店，食店雖然都開了一段時間，但是我卻是第一次遷來所以感覺很新鮮，而這間位於荃灣大壩街的「Cossi」實在有驚喜。黑松露蘑菇湯香濃的蘑菇湯配上香氣誘人的黑松露，兩者配合近乎完美。龍蝦湯充滿龍蝦的鮮甜味道，入口感覺幼滑湯裏還放了一隻鮮蝦。沙律菜沙律菜上放上中華沙律，感覺新鮮加上香滑的麻醬，立時令人食慾大增。慢烤鐵板脆皮德國鹹豬手 $148這個慢烤鐵板脆皮德國鹹豬手，外皮鬆脆內裏肉質非常嫩滑肥瘦適中，肉味香濃。炭燒美國牛肩扒 $148炭燒美國牛肩扒，七成熟的美國牛肩扒切開一小塊完全沒有流出血水，入口香嫩有嚼勁之如卻一點也不韌，還在口中傳來一陣陣的炭燒香味，實在食得過癮。55度朱古力班尼士蛋糕伴雪糕 $4855度朱古力班尼士蛋糕，朱古力味香濃伴着香滑的雪糕一齊食，又暖又凍實在令人滿足。

一路以來，在荃灣吃飯都會集中千色匯附近，不過有探子回報，大壩街現已發展成一條食街，而其中一間意大利餐廳比較出色，自然吸引我來到。這裡分地下和樓上，我們坐在樓下，有點似酒吧，聽著悠揚音樂，吃意大利菜，實在是賞心樂意。意大利流心芝士牛肉丸$48，濃濃的蕃茄味，加上厚厚的芝士碎，和大大粒的牛肉丸，令人胃口大開。這個是其中一個我最愛的意大利菜。吉列炸蠔是贈品，不過沒有因為是免費而影響質素，外脆內軟，蠔味特出。Stella Artois$64，冰凍的啤酒🍻配上美味的意大利菜是一種慢活的享受。活大蜆蒜香辣椒意粉$118，大蜆味道鮮甜，而辣度不高，配上煙煙靱靱的意粉，非常滋味。炭燒黑毛豬肩柳伴脆香番薯條蘋果醬$148，外表燒得焦香帶著炭燒味，不過仍然肉汁豐富，配上伴碟的蘋果醬，不會覺得油膩。

今晚約咗一個好耐冇見嘅新手媽媽食飯，佢選擇左一間喺荃灣廣場附近嘅西餐廳，好耐冇嚟過呢邊，原來附近已經開咗唔少食肆，呢間餐廳裝修得好型格，樓高兩層，下層係可以坐吧枱嘅地方，樓上都係餐廳我哋選擇咗一個主菜再加$38 upgrade做套餐，沙律菜感覺好新鮮，而且加咗醬汁好開胃另外我再加左$20變做龍蝦湯，分量好多，而且龍蝦味好濃郁主菜方面我選擇左牛肩扒，廚師煮到啱啱好係我要求嘅五成熟，而且好淋身，正朋友就選擇咗北海道帶子，脆銀魚龍蝦汁意大利飯，份量好大碟，而且帶子好大隻，呢個意大利飯唔會煮到好乾，好入味好驚訝荃灣越嚟越多高水準嘅餐廳進駐，以後搵食可以多一個選擇

就老公從內地回港約左係荃灣食晚飯，老公帶左我去荃灣廣場近戲院過條馬路一個西餐廳，內裡裝修好有fine dinning feel, 中間水吧，播著悅耳情歌，淡黃柔和燈光，出奇讓人感覺relax, 又多個新地方揀啦！ 超滿意，食物高水準，滿足又浪漫嘅兩人撐枱腳，一對對情侶享受食物之餘還坐得舒服感覺良好！我地每人先選主菜跟餐湯，salad同咖啡或茶 只需另加$38 除個人喜愛不過都抵的 我還改了餐湯添 $20 轉龍蝦湯 因為是日餐湯係甘筍我一般。salad要撈均食，青瓜萍果粒沙律菜，酸酸甜甜好開胃！ 升級龍蝦湯 我覺得未夠濃 還有改善空間！還送上小食 鮮炸生蠔 炭燒美國極黑安格斯牛肉眼扒 $198賣相正常簡簡單單伴菜，睇到都知係炭燒，試第一口又點驚喜，啖啖炭燒香帶點肉汁極濃味配搭嘅燒汁亦好和諧，鐘意肉眼牛味濃偏淋身。慢烤鐵板脆皮得德國鹹豬手 $148份量也不笑，熱辣辣豬手香味四溢，雖然豬皮不像我預期地脆，但膠質重食到漿嘴，肉質竟然滑兼帶鹹香，好味。而配菜嘅薯蓉同芝士焗啡菇都非常出色。

又來到荃灣覓食 行行下見到呢間十分有格調的西餐廳 Cossi價錢十分相宜 黎談談心最好不過兩個人先叫左兩個小食開開胃水牛城雞翼同意大利流心芝士牛肉丸 ($48/1)水牛城雞翼味道啱啱好 但略嫌唔夠辣至於芝士牛肉丸都幾大粒 Tips係一定要點醬汁至主食我地要左24個月巴馬臣芝士黑松露煙三文魚Pasta ($98)無論係芝士味定係黑松露味都十分突出配上有少少鹹味嘅煙三文魚味道十分好👍🏻另外仲有炭燒美國安格斯牛肉眼扒 ($198)陣陣炭香味由牛扒裏面滲出黎肉質都頗鮮嫩 值得一試😆_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

這間位於荃灣大壩街的＂Cossi＂入到去暗暗柔和的燈光，播放着輕柔的音樂，感覺輕輕鬆鬆和朋友享受這頓晚飯晚餐湯及沙律轉黑松露蘑菇湯+$20蘑菇打碎，還有微微的碎粒增添口感，黑松露獨特的香味是我最愛😋晚餐湯及沙律轉龍蝦湯+$20龍蝦湯鮮味十足，湯裡面不是龍蝦肉是鮮蝦肉😆沙律菜加了中華沙律在一起，滑潺潺又有爽脆口感幾特別😛贈送精選小食（龍蝦多士）坐低不久還贈送這個龍蝦多士，多士入口鬆化還配上小龍蝦沙律醬，一脆一軟好香口👏🏻新鮮龍蝦香濃龍蝦汁意粉$128龍蝦半隻開邊，肉質鮮嫩彈牙，配上味道調得剛好的意粉，轉眼間已全在我肚子裏了😆😆炭烤美國牛肩扒七成熟$148牛肩部位原來有少許筋位，入口煙韌不嚡，牛味濃郁，七成熟也控制得非常好不會過熟又冇標血水，細細的西餐廳有如此的水準，很驚喜👍🏻焗玉桂蘋果金寶伴雲糕呢拿雪糕$52肉桂的清香襯托在酸味味的蘋果肉，是最佳拍檔，甜味適中一點都不感到膩,滿足有愉快的一餐

今日同呀媽去食晚飯佢話想食西餐所以就係屋企附近搵左間西餐廳食呢間餐廳係有兩層架媽媽要左安格斯牛配鵝肝鵝肝煎得金黃好肥美呀安格斯牛叫左7成熟牛味好濃郁而且好稔唔會韌配菜仲有薯仔 唔洗驚唔夠飽加左$38轉餐就可以有埋湯同飽同沙津同埋野似沙津係柚子沙津 酸酸甜甜咁幾好食湯就係南瓜湯 好濃郁另外仲送左個龍蝦沙津多士tim我就要左黑松露鵝肝意粉呢個意粉食到有d南乳味咁好特別意粉軟硬適中 鵝肝同樣係好肥英 煎得金黃野飲要左咖啡好滿足既晚餐性價比幾高