cookedDeli by city'super (已結業)

今日下午黎到尖沙咀海港城cookedDeli食野，其實佢係屬citysuper 的，入面有好多唔同類型既美食，有日本野，韓國野，燒味、粉麵、仲有糖水添，好多元化，大家仲可以係citysuper 買完野，即刻過黎坐低食都得👍🏻值得一讚就係呢到都有無敵大海景😎就算唔食飯，入黎睇下個景都有賺😎而我今日揀左韓國野，叫左個韓式炒粉絲配牛肉！味道同我係韓國食過既，真係都有9成似👍🏻唯獨係粉絲碎左少少，當然價錢都會貴啲啦😪不過唔緊要，有個靚景補返數都算係咁😎

今日為左快，所以黎左food court搵野食。諗住city super嘅food court應該唔會太差，不過都係令人好失望。我點左日式嘅咖哩牛肉烏冬定食，佢除左有一個牛肉烏冬之外，另外仲有三粒八爪魚丸，蘿蔔同一杯野飲，$76喺city super黎講算係咁。我就另外$10加左杯豆漿。個咖哩烏冬味道還好，係稀左少少，烏冬雖然唔係彈牙，不過都ok，牛肉都好入味。不過個八爪魚丸真係好唔掂，好淋又無乜八爪魚喺入面。個豆漿亦都好唔得，無咩味又無豆味，所以加呢$10真係勁唔抵。雖然份量好多，$76都好抵，但係講真份量太大份，跟本食唔哂，所以$76我寧願出去食返正正經經嘅拉麵。

一諗起韓國野最愛食拌飯😋揀咗依個韓式牛肉雜綿拌飯 ($70)包飲品 (多數汽水)哇 好大份又好豐富!有紫菜碎 一隻煎蛋 牛肉 芽菜 菠菜 紅蘿蔔絲 泡菜 冬菇 同飯隻蛋就唔太好食 煎得太熟變咗好乾 如果蛋黃流心一定更好味芽菜同紅蘿蔔絲算淡味啲 冬菇同牛肉較鹹 菠菜酸酸地因為全部醃製 同預你撈黎食 所以好入味最後唔好分開食🙈鹹死你加上冬菇較油泡菜就更加唔好 因為都幾辣 (可能只係我受唔到辣)牛肉少少乾同份量少 但係都少肥膏同易咬既-所以又唔可以話超好食 但係夠大份 食完好飽而且除牛肉較少外 料足身處food court黎講唔錯嘅👍🏻

Craving for Japanese food? Korean food? AND Chinese food? TST's cookedeli food court can satisfy all those desires. Today we went to the Korean section and ordered a Pork Belly with bean sprout fried rice and a beef ramen rice cake bowl. With complimentary side dishes kimchi, beansprout and a choice of soft drink or traditional seaweed soup for a meal set, it cost around $65-80. For people who is not good with spicy food, I would advise you to not order the beef ramen rice cake bowl as the spicy

今日又去左海港城食韓國野，中午時間真係超多人，周圍都冇位、等左成半個鐘先有位，今次叫左個韓國海鮮年糕麵，海鮮有青口，蝦，蜆肉，魷魚仔，仲有少量菜。公仔麵今次煮得岩岩好，唔太熟仲有少少爽口，仲有海帶湯同泡菜跟埋，成個餐盛惠$72大元。食完就飽飽返工啦！

今日晏過左海港城food court 食！見到有人食紫菜卷包飯，十分吸引，所以就去叫左份來食，1人份量都幾多下，有10件紫菜包飯，一份炒絲，仲有2件炸雞件，仲有碗海帶湯，我覺得量多左少少，但我同事就食晒成個餐！但紫菜包飯少左個汁，如果另外有汁點就會好好多！冇汁點食落有少少乾。

同朋友每次經過海港城都一定會入去City Super度食即開生蠔😍鍾意佢品種選擇多，而且價錢亦都大眾化，由$35至$88不等（有啲大隻可能再貴啲）隨時蠔癮發作，想食就食係爽既！左上：法國精選蠔右上：日本精選蠔下：納米比亞蠔三款裏面最鍾意納米比亞！金屬味重口感，肉質爽脆，海水味適中！重點價錢好抵只係$38@隻😍下次再嚟會淨係叫呢隻！

泥到海港城行行下街，見有啲餓，行過CitySuper呢個food court，就試下搵下野食啦。老實講，佢個food court並未有比到我有好整潔既感覺，呢方面我覺得可以改變下。另外，佢選擇唔多，可能同佢面積唔大有關，只有4至5間食物既選擇。我最後揀左試佢過拉麵套餐。估唔到，有啲驚喜。首先，呢個$78蚊既套餐，包一確叉燒拉麵，5隻餃子同一杯綠茶。價錢泥講，算係相當合理。再講味道。先講碗拉麵，豚骨湯算幾濃，味道唔錯。叉燒真係幾有驚喜，雖然只係薄薄既兩片，但肥瘦適中，而且真係好好味，可以既話，下次會加多兩塊叉燒。講到麵，就比較削左少少。佢係用粗麵，頭果一兩啖仲食到少少鹼水味。如果個麵可以好啲，咁成確麵都幾perfect。再泥餃子，佢外皮都仲脆，大少亦適中，剛剛好係『一口』既size，唔錯！

今日尖沙咀，中間有少少時間可以坐低食下野，幫我諗唔到去邊食嘅時候行行吓街見到有food court ，下午茶時間人唔多所以我就走左入去睇吓有咩好食，見到好耐都冇食過嘅章魚丸子，就跟咗個套餐嚟食有滑蛋雞扒飯，章魚丸子，同麵豉湯，喺尖沙咀來講$68食到一個餐，都算係幾抵食，章魚丸保持一貫水準，加上滑蛋雞扒係我最愛，只係相對來講個麵豉湯鹹咗少少，但同其他店飲到嘅麵豉湯味道差唔多，之後喺food court呢度仲可以係下午茶時間食到午餐份量嘅食物，因為多數呢個時間其他地方都係得返下午茶選擇，但對於未食午餐嘅我但係講份量又少咗啲，宜家呢個份量剛剛好。

2人行行完街當然係去citysuper food court食下嘢啦大份八爪魚球有10個～雖然唔係即叫即整～八爪魚球咬落麵粉唔會太乾有八爪魚粒～再配以上面嘅沙律醬、照燒醬、木魚碎、紫菜碎～正啊細份蜜糖芥末味炸雞～炸雞咬落冇乜雞味加上個芥末醬確實難食～又甜又唔知點泡菜拉麵份量適中～有紫菜、泡菜、木耳絲、芽菜、蔥花、叉燒、流心蛋～湯底食落好有豬骨味～ 每個拉麵都配以一杯日本綠茶味玉拉麵有紫菜、蔥花、芽菜、筍片、叉燒、流心蛋～湯底食落同泡菜拉麵個湯有D唔同偏淡尖沙咀來講食到四樣嘢先$200算好平

每次來Citisuper掃貨補貨都一定要來生蠔吧這裡吃上幾口生蠔一樣超多種類從日本、南非、到澳洲、法國蠔的種類都有citisuper吃生蠔有個好處就是 種類繁多尖沙咀citisuper這裡有個年輕美眉跟她已經混很熟了因為幾乎每次都會來買個一打兩打的真的只有她非常細心教你如何吃生蠔該選擇哪一款生蠔適合自己還會細心挑選最新鮮的生蠔再秀出專業知識告知每一款生蠔的產地及甜鹹度專業的開蠔及清理過多的海沙我和TerrGor選了4款生蠔每一款各4隻從右往左數第一款是Namibian Pacific Oyster $38/隻x4圖 右一（打直）來自南非納米比亞的石蠔專業的美眉説如果初食蠔者一定要選擇南非蠔因為納米比亞石蠔味道溫和比較容易入口蠔非常creamy 又顯特別鮮甜海水味不會過重也不會過鹹還能嚐到少許的礦物質味道金屬味會徘徊在喉嚨久久不散她還說這一季是南非蠔的產季所以非常飽滿甜美—————第二款是Japan Hokkaido Akkeshi Oyster圖 右二來自來自日本北海道的厚岸蠔 $68/隻x4每年十月上旬是厚岸蠔節生蠔在冬季最美味尤其是年底這段時期厚岸蠔所含營養相當於哺乳類動物的乳汁因

愛吃生蠔的人除了高級餐廳外最不陌生的應該還有city superCity super這裡是可以現買現開優先吃到最新鮮不同產地的生蠔這裡主要以法國生蠔為主Gillardeau、Ancelin、Fine de Claire、Prat Ar Coum、White Pearl 等不同質感、等級的生蠔當然也少不了來自美國紐西蘭和愛爾蘭的生蠔不用擔心即使你對生蠔一概不知這裡的生蠔服務生絕對能一一為你解答並推薦你喜愛的口味我承認我對生蠔也並非一見鍾情而是日久生情個人偏好Gillardeau一隻$68每款都各點4隻法國特級吉拉多（Gillardeau Spéciale）生蠔鹹甜味平衡肉質豐腴細膩結實又有彈性生蠔的味道不會過於濃烈不過我最喜歡的還是Le Parcs Saint Kerber 生蠔$78一隻同樣是味道平衡鹹味適中，蠔肉肥潤爽口而且還帶有回甘至於Ancelin當然也是不錯的選擇價格也稍微地平價$48一隻口感也一樣清甜爽口如果喜歡口味偏鹹的 建議可以選擇Fine de Claire吃生蠔的最佳方式是不添加任何東西這樣就可以品嚐到蠔的真正滋味其實沒有規則可言個人喜歡先聞一聞然後一啖啜入口記得要咀

下午茶時間度，行街行到攰攰地，於是行入去City Super 睇下有冇野啱食，food court有唔少選擇，但非常多人，好逼，搵個位坐都搵左好耐，因為實在太多遊客了。岩岩食完中午，又唔想食咁多野，見到呢間店有章魚小丸子。爪魚球六粒$32，8粒$40，10粒$50。買左一份10粒爪魚球。賣相幾好，爪魚球上面灑滿木魚絲，海苔粉同沙律醬。但食落覺得太鹹，因為d醬好鹹，撇除D醬，爪魚球都算合格，每粒都有小小爪魚肉。望著海景食爪魚球都幾歎，如果靜小小就更好啦。

-🦄CookedDeli by Citysuper-日式牛蒡沙律 Hkd35.4Rating🌕🌕🌕🌕🌑-前日放工既時間太肚餓經過citysuper買個沙律食下🤪其實佢款款沙律都好吸引其中有一款Tuna既我超想食🤭但最後都簡左牛蒡沙律🥗真心認為咁細盒呢個價錢有啲貴但味道真係不錯矣😋😋😋牛蒡再夾雜住蘿蔔絲洋蔥同蒟蒻仲好似食到有芹菜？個Base就係有幾塊沙律菜最重要係佢個Sauce 超惹味！係有微微既辣味 令人想一啖接一啖咁食曬堅係好好食既一個沙律 我會Encore😂而且個陣時仲要係我好肚餓係一個惡劣既環境同時間食佢真係有啲雪中送炭既Feel😭😭😭如果佢可以平返啲咁真係好完美😌👍🏻-

尖沙咀海港城cookedDeli其實係一個food court, 裏面有好多提供不同種類食物既食肆可供選擇。但我最喜愛既係Asian Food。今日同好友去shopping, 心思思又想去食。不過, 要揾到位先得, 因為真係好多人。今日好幸運, 揾到ㄧ個面向窗口既地方, 可一邊享受食物, 一邊欣賞維多利亞港點了排骨擔擔麵和醉雞湯麵, 包飲品。以前可點配冰凍咖啡、奶茶、檸檬茶, 都ok架。但現在只有罐裝飲品, 略感失望。排骨擔擔麵湯底非常濃郁, 麵上灑上葱花, 湯裏有花生粒和菇, 攪混起來即聞到陣陣香氣。排骨其實即豬扒, 份量不錯, 店員已預先切開一件件, 方便顧客進食。炸粉不厚, 一口咬落去已品嘗到鹹香, 好味。友人點既係醉雞湯麵。食物來到時已聞到陣陣花雕酒香。呢個麵既湯底較清, 我地將浸著雞既酒放入湯內, 食麵時更覺酒香, 醉雞非常入味, 有雞腿肉, 又有雞胸肉, 份量足。整體來説, 食物好味道, 麵既份量夠多。美中不足既地方係冷氣唔夠, 可能今日天氣炎熱, 人多, 加上熱食, 到最後少不免冒汗。