Contrast

营业中

休息中

【竹炭糯米窩夫】💰$118雜莓🍓乾燥紅莓🍓手工紅莓醬🍓希臘乳酪忌廉🥛自家製牛奶雪條🥛純粹打卡📸咁依個甜品個外貌係吸引嘅，好多顏色，又有好多食材。但如果講到味道，就普通到唔普通，首先所有材料加埋唔值得俾$118，全部都係一啲平價嘅食材，講唔上特別好食。‼️最重要係有限時，如果你假日係想同朋友好chill咁樣傾吓偈，咁你預咗食90分鐘就要走，傾到一半，平日去會好啲，會少人好多，但係我試過平日去可以冇晒熱食，所以去唔去就自己考慮啦

第一次黎叫佐竹碳糯米窩夫，賣相好靚，4大件窩夫好厚身，外脆內軟，配搭都好豐富，有牛奶雪條，希臘乳酪，草莓醬，酸酸甜甜唔會好漏。飲品叫佐杯creamy black，泡沫豐富，好飲😋

💛.【長沙灣撐港隊寵物友善餐廳 — Contrast】.由2020年開張開始，就成為長沙灣必去嘅打卡餐廳，經過荔枝角、長沙灣，都要去Contrast到食返一餐，加上佢哋不定時會出新食品🍮.🦑 墨魚汁闊條麵伴蟹籽 $88由2020開業以嚟第一次試佢哋嘅墨魚汁麵，真係好好食😋 入面相信仲加咗啲洋蔥，食緊麵同時有啲爽口嘅嘢食咬🤣.🍑 水蜜桃慕絲蛋糕 $52呢件cake係佢哋最近嘅新品，好鍾意佢嘅餅底，成件慕絲蛋糕唔會太甜太creamy，好適合我呢啲唔鍾意食太油膩嘅蛋糕嘅人士🤣.🍸 Peach Perfect Soda $50平時都係飲開咖啡多，見呢杯叫到自己“Perfect”嘅peach soda，就嗌一杯試下，點知出嚟嘅味好特別，鹹鹹地，又有梳打嘅泡泡🫧 係夏天有種消暑解渴嘅感覺😌.☕️ Latte $40簡單一杯latte，如果要轉oat milk要加+$5，所以窮L嘅我都係飲返original，不過鍾意佢哋拉花🥰.Contrast 係一間petfriendly 又撐香港嘅cafe，嘢食嘢飲好味之餘，佢哋嘅員工仲好好人添🫶🏻 睇佢哋IG，仲會不時有唔同嘅簡介會💝

星期六又唔知想去邊經過長沙灣嘅Contrast見到好多人排隊，於是入去試吓。我同老婆啱啱食完lunch飽飽地，但係又想食佢嘅甜品見到Menu有個竹炭糯米窩夫同雞蛋布甸配Espresso好吸引於是試下。竹炭糯米窩夫配有牛奶雪條及士多啤梨陣間十足波褲我右手入邊係用糯米入口煙靭，雞蛋布甸翼蛋香味十足配上Nespresso咖啡你有一番風味。雖然咖啡店位置唔近地鐵站行過去大約五至8分鐘，但係驚喜到十足非常推薦大家試吓。

呢間cafe 已經出咗名好耐，一直都係排隊cafe, 所以我book mark咗好耐一直都未試到🥺嗰日咁啱落雨，我哋大概下晝四點左右到就唔使等位🙌🏻我哋叫咗佢最出名嘅竹炭糯米窩夫 $112份量方面，佢真係好大份，有四舊窩夫，又有一條雪條，乳酪cream同埋好多berries🍒價錢又唔係特別貴，所以真係算幾抵食！味道方面，佢嘅窩夫真係幾好食！外脆內軟，又唔算好甜，配埋佢嘅乳酪cream真係好好食👍推介俾大家！如果佢冇咁多人嘅話，大家真係可以一試！

態度十分差態度非常不友善如果個位男員工係負責人咁我真係覺得好可悲食物水平OK受歡迎咁又點呀？態度差到爆做生意做到咁好難會有下次西口西面 唔明白，點解要咁樣嘅態度？不過我相信呢啲一次性消費都唔會改善，或者有交代大家唔好期待呢間舖頭嘅員工態度會友善諗住支持吓啲小Cafe少啲幫襯大集團食嘢但係咁樣嘅服務質素真係覺得貼錢買難受叫咗兩個意粉1杯咖啡$2xx左右絕對唔會係坐得好舒服或者你會覺得喺可以用一個舒服嘅心情喺度享受食物不過如果你淨係打卡可能啱你嘅

位於角落嘅cafe，落地玻璃，設計開揚，引入左自然光，天氣好嘅日子，坐得特別舒服。蒜香奶油大蝦闊條麵奶油味好香，而且好滑。闊條麵煮得有咬口，係我喜歡嘅質地，每條麵都有掛上奶油，唔錯。大蝦算係爽口。竹炭糯米窩夫擺盤精美，緊係要相機食先啦。內容豐富，有齊乳酪忌廉，風乾紅苺，新鮮士多啤梨，仲有手工雪條。竹炭本身無咩味，但窩夫好脆，可以話係外脆內軟，加埋creamy乳酪忌廉，簡直係一流嘅搭配。整體味道很好，但價錢唔算平，如果要排長龍先食到，我未必想排隊呢。

Lunch hour長期都排長龍嘅cafe欣賞佢唔只係一間打卡cafe 食物都幾出色第一次去已經係好耐之前嘅事當時呢間cafe仲未咁多人知，所以一定有位同好靜好chill但今次黎已經排隊排到轉晒灣，好似都排咗半個鐘左右先入到去鴨胸黑椒蒜香扁意粉好難得一碟意粉煙鴨胸真係做到主角 佢唔係平時有好厚皮但得小小肉嘅果種，呢隻鴨胸肉嘅部份好多，大大塊又煎得香口唔乾🦆肉桂糯米窩夫配紅酒煮蘋果(季節限定)麻糬窩夫一上枱已經好香，就咁配中間嘅cream cheese食已經好正🧇大大舊窩夫之餘仲要加支雪條，真係fat fat🍦Charcoal lattePeak hour 過後環境十分chill加埋外面射入黎嘅陽光好適合坐係bar枱/半開放位置嘆啡傾計

黑色主題好多黑色竹炭菜式飲品🖤而且仲係pet-friendly添必食推介竹炭糯米窩夫配自家製牛奶雪條窩夫烘到外脆咬落煙韌，口感好正😋牛奶雪條半溶後再夾埋酸酸嘅紅莓醬連窩夫食感覺好balance😌竹炭咖啡黑白構圖嘅拉花好靚拉咗條龍出來🐉雞蛋布甸配House espresso🍮質感滑嘟嘟好彈，濃郁蛋香布甸嘅焦糖會平衡返特濃咖啡嘅苦呢款人氣甜品非常好食🤩黑松露蟹肉炒蛋竹炭多士炒蛋滑捋捋，黑松露仲好香添

今日做完瑜伽，就去做左荔枝角的Contrast咖啡店買外賣Creamy BlackCreamy Black是一款適合喜歡凍齋啡，但可能你又想飲都有Cuppaccino嘅口感嘅話 咖啡愛好者嘅另一選擇。Creamy Black ($42)喝下第一口Creamy Black，我立刻感受到它帶來的濃郁咖啡香氣。口感絲滑，咖啡泡好正，它的酸度適中，帶有微妙的甜味，會令到你飲完一啖再一啖。下一款好啱你係夏天熱辣辣天氣下嗌嘅飲品。

餐廳係自助形式嘅cafe, 杯、水同餐具全部自助😎 ▫️竹炭糯米窩夫配自家製牛奶雪條黑白色嘅竹炭糯米窩夫配自家製牛奶雪條係Contrast嘅招牌，個樣岩哂打卡📸自家製嘅牛奶雪條同平時食開啲雪糕好唔同，甜度唔高，有淡淡嘅奶香，唔知點解唔係好溶😂 將雪條切開一舊舊抹開，再夾啲雜莓同啲cream擺係窩夫上面一齊食，味道幾好唔會太甜，又暖又凍口感豐富🤪但係個糯米窩夫就同普通窩夫差唔多，外面都烤得少少脆，但個冇覺得個質地同口感特別煙韌同好咬口🧐

今日同朋友到左長沙灣搵好西食，去左一間文青風嘅Cafe到試新野，我點咗我點咗個冬陰功海鮮意粉，好食到呢，成個意粉都好惹味個醬汁同海鮮，仲有意粉都整得好好，超級推薦到呢間cafe 點呢個意粉。如果你不嬲對墨汁有鍾情既朋友們，可以試吓呢個墨魚汁海鮮配蟹籽意粉， 意粉彈牙而墨汁係骨子裏溶入個意粉度配埋蟹籽同埋魷魚筒，真係絕配。最後我哋想講嘅係呢個牛油果沙律，真係超級邪惡，大份兼抵食，仲要味道都係令到我個不嬲唔好食沙律嘅朋友們都讚不絕口，用料新鮮，完全滿足我哋嗰日食好西嘅願望。

去長沙灣有啲野整，已經搵定附近有咩食！見到依間cafe食物賣相都唔錯，決定trytry~~~竹炭糯米窩夫($112)Must叫item~~~首先樣子非常打able，其次窩夫質地好好呀，就咁食都正，如果配埋乳酪忌廉重好味！仲配埋自家製牛奶雪條。唯一不足，可能價錢進取左少少墨魚汁闊條麵伴蟹籽($82)成個麵好重蒜香味，除咗蟹籽其實都有啲魷魚圈係入面，食落去好惹味，但係食多兩啖就覺得有啲heavy，好彩係同朋友仔share的Cappuccino($42)

這家咖啡店在長沙灣人氣不錯，他們會定期轉換店內畫壁，可以欣賞各種藝術。位置離地鐵站有點距離，但也很容易找到，座位挺寬闊，就是桌子有點小。咖啡拉花很漂亮，食物賣相也不錯。值得介紹是他們的甜品，平時一般的窩夫太硬或太軟，這家外脆內軟，竹炭也很有噱頭。配上自家的牛奶雪糕，一熱一冷，就是爽。再來加上乳酪忌廉很搭窩夫，旁邊的紅莓草莓，酸酸甜甜在夏天吃很清新開胃。

小店好有心，入面好多支持本地運動員嘅圖文，有別於一般文青打卡cafe嘅格局，欣賞！《竹炭糯米窩夫》大推，好好食，waffle個質地做到外脆內軟，仲有自製牛奶雪條，擺埋一齊就正正係黑白contrast，又睇得又食得《墨魚汁扁意粉配蟹籽》同《冬陰公意粉》兩款意粉🍝都做得好好，兩款醬汁都好惹味《流心蛋牛油果Superfood沙律》係健康選擇，食材新鮮，相對普通但都好難要求一個🥗salad bowl有幾特別😂