Comma Cafe

营业中

休息中

呢間cafe係旺角一幢隱世嘅大廈，一開lift就見到好靚嘅花牆，入面係小品經營，雖然唔係好多位，但個晚唔算多人都坐得闊落～本身唔知呢間係女僕餐廳，一入到去都幾驚喜～而且服務好好，個晚有兩個套餐可以嗌，叫左一個白汁蜆肉長通粉同甜品套餐白汁蜆肉長通粉 - 個人黎講都幾鍾意，食落係Al dente嘅質感，而且醬汁味道夠濃郁，掛到哂係個麵到，蜆肉都好飽滿，唔係霉個隻罐頭蜆，加埋蘑菇片層次更加豐富，整體都幾高質前菜蕃茄仔 - 個樣超可愛，少女實鍾意，食落好新鮮好甜，做開胃菜十分好甜品 - 係厚多士！焗到好香脆金黃，加埋朱古力雪糕一冷一熱，都幾好食白桃紅茶 - 覺得飲品簡直係呢到嘅亮點，見D女僕好有心機整，真係沖左一壺熱茶再mix，唔係開粉個種，飲落唔會太甜 蘋果紅茶 - 好香果味，清新之選～

第一次去呢一間女僕cafe， 間嘢個格局有幾隻貓， 不過衛生環境都麻麻地特別係個冷氣機超級污糟， 食物質素亦都係非常之差，落咗單等成一個鐘先有得食， 叫咗個意大利飯，都唔知自己食咗啲乜嘢， 好似成碗粥甘。。。。 簡直搭咗直升機， 都唔明點解咁多人話呢度好食， 不過正所謂蘑菇有蘑菇味， 蕃茄有蕃茄味，芝士有芝士味， 夠膽死睇到一個超搞笑嘅評價話菠菜有菠菜味添 ，真係實冇死嘅，大家要小心睇評價啦， 辨別邊一啲係真嘅評價！！！

Comma Cafe 肯定是旺角區最讓人 流連忘返的cafe 吧， 簡單樸素純白的裝修卻又帶點少女的純真，最重要係主子Comma and Cafe 的加持，同埋護士姐姐親切又溫柔的服務，肯定是一眾讓人不捨得離開的因素。是晚叫了海鮮蕃茄蛋包飯，無錯係好簡單，但是就是家的味度暖入心。海鮮蕃茄飯酸酸甜甜夠開胃 :-)，蛋包外皮蛋味重夠營養，色調又吸引人。仲有沙律作點綴tim加埋護士姐姐沖的特飲，簡直無可挑剔啊😍

俾佢個comma 吸引左去搵佢出來！細細間cafe, 內藏點點溫情。有玩貓拍貓的，有跟女僕傾計的，有表演結他俾女僕聽，有三五知己食住野吹住水，而我，帶著餓鬼心情點左一份黑松露大啡菇意大利飯，獨食成碟！講真！對cafe 食物一向不抱大期望的我，都要俾個讚個飯ge! 佢香濃得來，個舊大菇juicy 到呢！加埋煙肉碎同d 芝士，係richy ge! 飯粒算硬個種，但依然有口感。係平凡中顯出一點不平凡！ 可惜得自己唱獨腳戲，亦唔係d 會主動傾計ge 人！再去ge 時候，會想叫埋d fd 去交流吓，亦想試試睇女僕表演！

無語極了我同2個朋友仔去呢間cafe叫左3杯野飲 我叫咗雲呢拿朱古力咖啡另一個叫咗特濃可可朱古力，同埋花茶1️⃣咁嚟到嗰陣我杯咖啡同嗰杯朱古力，係連個侍應都分唔到邊杯係邊杯😂😂結果我哋一飲我個杯冇咗雲呢拿我朋友嘅朱古力有咖啡味，但係我地算啦都飲左再者，我地叫左個薯條都叫正常既2️⃣之後我哋叫咗個焗菠菜🌝呢個真心不得了過咗差唔多20-25分鐘，我哋問佢個菠菜呢 其中一個女僕妹妹 同我哋講個菠菜焗緊 再過多左大約10分鐘 另一個女僕妹妹過嚟同我哋講唔好意思你哋個菠菜送錯咗菜心上嚟🤩 下 ！！！ 嗰下已經諗點解會送錯又話焗緊既，呃我感情咁又算啦 3️⃣咁我地可以很度逗留嘅時間就因應你嗌嘅食物而去計算既，但發生就啱啱件事之後佢都仲係要同我哋講唔好意思呀你哋嘅時間差唔多🌝 OK OK咁我哋又再試吓叫嘢食同野飲 叫咗六隻雞翼 同個花茶 🐥 時間過得好快又過咗半個鐘 我哋再叫個女僕妹妹嗰陣 佢啜埋佢杯嘢飲 先彩我地 態度100分 我哋又問雞翼呢 佢話唔好意思你哋叫咗幾多隻 🥳🥳好野 連雞翼都冇得食🥲4️⃣我哋話我哋都唔要啦買單啦，唔該想要反張單 佢好懵懂 再嚟一個側頭殺 ，講咗個字。單？！ 我以為我地講左啲咩泰文

🏠喵主子 x 女僕cafe🏠推介指數 ❤️❤️❤️🤍🤍同朋友响旺角行街行到攰攰哋，想搵地方休息一下，搵下附近有無cafe。出𨋢就見到花花牆打卡位，由女僕開門接待，坐位約12個。店舖名由喵星人Comma 同Cafe 組成，Comma樣子成隻公仔好可愛、主動喵人搵奴材玩，而Cafe就嘆冷氣、美容覺午睡中。🌹 花茶：粉紅玫瑰花 HKD68✨打開茶隔都有唔少玫瑰花粒，難怪飲落玫瑰花濃郁，加上蜜糖，更提升味道層次。🍓士多啤梨乳酸 HKD48✨外觀少女粉紅色，士多啤梨味乳酸飲品，味道偏甜。🍦Parfait 女僕特製芭菲 HKD48✨面層有Oreo、朱古力百力滋、朱古力脆脆、雲呢拿雪糕同朱古力醬，下層有cream 同脆脆，外觀頗豐富。總結：-食物 ❤️❤️❤️🤍🤍環境 ❤️❤️❤️❣️🤍服務 ❤️❤️❤️❤️❤️ (Comma親民+女僕反應超快)

🙂旺角隱蔽樓上café呢間café嘅位置非常隱蔽，有啲難搵，鋪位唔大，門口有粉紅打卡花牆，入面裝潢簡單，有一部大電視播歌，有一兩隻貓。最意外嘅係原來佢係一間女僕café！▫️🔸北海道帶子奶油菠菜燉飯 $125 🌟5/10🔹蒜香奶醬蜆肉大蝦意粉 $125 🌟5/10有粟米做前菜，菠菜燉飯夠creamy，帶子口感ok，大蝦算大隻同新鮮。▫️🔸小食拼盤 $88 🌟5/10有德國香腸、炸魚柳、炸雞塊同薯條，份量多，好飽。

2021年5月22日 星期六今日又同老婆漫無目的去左旺角行街，不知不覺行到5點幾左右開始見肚餓，所以上網睇吓有咩餐廳喺附近，見到恆威工業中心好似有間唔錯既cafe，就即刻衝左上去一出lift打開門就見到呢幅花牆，都整得幾靚，用嚟打卡都唔錯入到去見到位置唔算太多，而店員會著住特色服裝熱情咁歡迎我哋，感覺都幾特別餐牌仲寫上一啲關於女僕嘅守則，希望客人遵從，上面仲清楚寫上同女僕合照或者表演嘅收費添食物方面主要提供小食、甜品同飲品，如果想要主食都有幾款，價錢都比較大路，所以我哋叫左兩款小食同一個甜品share食首先到嘅係炸薯條配黑松露醬，炸得幾香脆，唔會太腍，而黑松露醬都幾惹味，味道岩岩好，食完都唔會覺得口渴之後有檸檬黑椒烤雞翼，店員話唔好俾個外表嚇親，以為係烤窿左，其實只不過係老抽黎，果然烤得幾香，裡面既雞肉仍然好嫩滑，有輕微黑椒味然後再有雙重黑朱古力，上面有好大舊忌廉，再加上朱古力醬，夠晒邪惡，飲落去朱古力味幾香濃，而且夠晒冰凍最後仲有女僕特製芭菲，雪糕上面插滿左各樣小食，分別有威化餅、朱古力條、Oreo等等，都幾特別

閒時都鍾意去吓Cafe，今日就意外發現一間隱世cafe，隱世原因在於上去前第一個景點就係要尋找佢嘅秘密通道。穿過黑暗世界，你就會發現呢度係一個後花園，感覺猶如置身愛麗絲夢遊仙境一般，充滿迷離感覺！粉紅色花花牆就係呢度嘅signature，打卡位就在你面前。入面仲有提供board game，三五知己玩又得，邀請女僕同你玩亦得。要呼喚女僕，就要透過呢個搖鈴，佢哋聽到呼喚嘅鈴聲之後好快就會出現喺你眼前。呢度食物選擇都唔少，我就揀咗菠蘿梳打，清清甜甜幾好味。除咗飲品，我仲揀咗牛肉漢堡薯條配黑松露醬。薯條份量相當多，佔左大半隻碟，炸得外脆內軟，配埋黑松露醬真係食到停唔到口。牛肉漢堡入面混入咗香草，更加能帶出牛肉嘅味道。呢個迷離花園果然係帶俾我耳目一新嘅新體驗！

一心只為睇貓貓，知道原來旺角都有貓cafe,就上去望下～ 同老公一上到去，嚇左一嚇…原來係貓cafe之餘，仲係一間女僕cafe..當日仲要係做緊護士主題～真係咁大個女第一次去女僕cafe………我同老公都覺得自己唔屬於嗰個地方，有d尷尬……我哋叫咗做黑松露薯條同檸檬黑椒烤雞翼，仲有一杯特濃朱古力同埋女僕芭菲雞翼雖然有啲燶，但係表面有一層檸檬蜜糖味係好香嘅，反而黑椒味不太突出，但個人覺得個味道幾好～雞翼新鮮即烤，所以好熱，咬開岀哂煙，入面唔會太乾，雞肉仍然好濕潤～黑松露薯條炸得唔算好脆，但幾香，個黑松露沙律醬調味調得好好，黑松露味夠突出之餘，沙律醬的酸度唔會搶左味覺特濃朱古力賣相好靚，亦都好夠大杯好夠凍，夏天飲真係一流！女僕芭菲以朱古力味為主，最上面有雪糕，下面有好多唔同咁樣嘅餅乾同埋粟米片、可可脆片等，多層一齊食口感豐富～Cafe裝修以白色為主調，簡單之餘不失高雅，仲有兩隻好可愛嘅貓咪走來走去，貓咪好活潑，會周圍行來行圡，又會跳上櫈親近客人，好friendly!不枉我地專登上黎～

呢間CAFÉ認真難搵當搵到個入口嘅時候有D“縮沙”最終都同家姐鼓起勇氣沖左入去，當架LIFT去到CAFÉ所在嘅14樓，打開門個一刻即刻放鬆落黎CAFE嘅門口放左一D花花裝飾，觀感望落都幾OK間CAFE好細，只有幾張台，但環境係乾淨舒服嘅個日間CAFÉ主題係護士，只有2款主食、3款甜品同埋主食嘅價錢都幾貴，一個蛋包飯成二百蚊，雖然有杯野飲，但都係唔值呢個價而飲品亦都比出面普遍嘅CAFÉ貴，百香果乳酸冇百香果，似係用百香果味果汁溝出黎，48蚊一杯果汁而又唔係現搾果汁，認真唔抵個芭菲甜品上面嘅雪糕都OK嘅，下面嘅CREAM就認真好膩個多士盒，多士完全冇烤過或者其他加工，多士超級韌刀都切唔斷，跟住上面嘅雪糕融左之後多士‘索'曬，個口感又膩又嘔心呢次體驗唯一正嘅係有兩隻布偶貓，貓貓好乖任摸呢間CAFÉ只適合作爲同朋友傾計嘅場地，食野就唔推薦啦

第一次嘗試女僕cafe,表示好害羞😊雖然地址係登打士街，但係比較難找 ，佢大廈係橫街巷子裡面上，我哋搵左好耐先搵到😅不過上到去嘅環境同外面完全兩個世界，cafe 環境滿滿嘅少女打卡feel🥰立體花牆與胡桃夾子內地佈局都非常適合影相打卡我哋今次嘅重點係擼貓🐱🤭🤭Comma 貓仔真係好乖呀，佢哋都係不偶貓，好純而且鍾意親近人，任摸唔會嬲，佢真係好鍾意踢登，全程俾佢哋吸引左我哋唔算特別餓就點左兩個甜品同埋兩杯嘢飲土司非常之厚，食完真係好飽 好滿足兩個人share先顯得唔邪惡蜜桃🍑乳酸 酸度係我喜歡的 好好飲 百香果乳酸屬於不過不失

日頭喺旺角買完嘢，又未夠鐘同朋友食晚飯，於是我就搵下附近有乜Cafe可以坐低歇下腳🦶。我上網見到「逗號咖啡廳Comma Cafe」有貓貓坐鎮喎，咁就去呢度啦。一出𨋢，店員就前來迎接我，我先發現原來呢度係女僕Cafe嚟‼️。女僕好可愛啊，又好好人😍，佢仲同客人一齊玩貓貓同傾偈。由於我唔肚餓，所以只係叫咗輕食同飲品。價錢嚟講有少少貴🤔，全部項目只可以單點，如果有套餐就會好啲。經典法式瑪德蓮Madeleine ($48)，🧁呢隻貝殼蛋糕我見就見得多，但都係今日先知佢叫乜名，哈哈。蛋糕仔一客兩件，唔好睇佢個樣平平無奇，其實都幾好味㗎😋。蛋糕外皮烘至微脆，內裡就頗為鬆軟，而味道則富有蛋香，係最經典嘅蛋糕滋味，當中更帶點檸檬香🍋。只係得兩件真係唔多夠喉啊！雲尼拿蘋果粒茶($68/壺)，🌸花茶有多款口味，我揀選嘅呢款幾香，蘋果味突出，顏色仲好靚添。🍯蜜糖分開奉上，等客人可自行調節甜度。可能由於貓貓四圍走嘅關係，為免發生意外🫖，所以茶壺唔會就咁放喺枱面，斟完後交返比店員擺放，想飲時再請佢哋幫手。Cafe環境細細，但都已經夠貓貓滿場飛🐱，佢成日都會搵客人玩，仲會同我哋一齊睇餐牌，好搞笑。不過佢都算乖㗎喇，

今日去左一間有貓貓既樓上Cafe, 點解間Cafe叫「Comma Cafe」，就係因為佢地一隻貓貓叫Comma 一隻貓貓叫Cafe..佢地一啲都唔怕陌生人。係未好可愛呢？？我地兩個人叫左d野食...都覺得幾好食！🍝芝士奶醬蘑菇培根意粉$112 #芝士味好夠🥬芝士奶油白汁焗菠菜$58 #呢個我最喜愛🍹白桃紅茶$48🍹特濃可可朱古力$58呢到除左玩貓，仲有桌上遊戲玩嫁！叫埋三五知己一齊去，真係一個幾好既地方。係旺角行到悶悶地，又有小動物，又有野玩既地方真係唔多，呢間cafe係一個唔錯既選擇！坐返兩個鐘，唞一唞再行過！

🍽𝐶𝑜𝑚𝑚𝑎 𝐶𝑎𝑓𝑒▫️之前睇相見到食物幾吸引同埋花茶好靚，上到去先知原來係女僕𝙲𝚊𝚏𝚎😳因為揾路嘅時候遇到啲困難，所以打咗電話上去餐廳問路，餐廳職員都好熱心咁教返我行啱嘅路(係🥲我係路痴🥲)一上到去就見到一個花海，打卡一流～另外𝙲𝚊𝚏𝚎有兩隻貓店長🐱🐱兩隻都好可愛(˶‾᷄ ⁻̫ ‾᷅˵)因為一直都覺得女僕𝙲𝚊𝚏𝚎淨係得施咗魔法嘅蛋包飯同甜品，所以呢度嘅食物加埋水準真係幾令我改觀😝▫️▪️北海道帶子奶油菠菜燉飯($𝟷𝟸𝟾, 𝚂𝚌𝚘𝚛𝚒𝚗𝚐: 𝟾/𝟷𝟶)份量很足，菠菜燉飯非常𝚌𝚛𝚎𝚊𝚖𝚢，帶子都煎得好香呈軟心效果，一邊食一邊有好滿足嘅感覺💕▪️蒜香奶醬蜆肉大蝦意粉($𝟷𝟸𝟻, 𝚂𝚌𝚘𝚛𝚒𝚗𝚐: 𝟽.𝟻/𝟷𝟶)相對於燉飯，意粉份量較為少一啲，不過味道依然唔錯，蜆肉份量亦都算多～意粉唔會煮得太惗𝙾𝚟𝚎𝚛𝚊𝚕𝚕來說很不錯！▪️洋甘菊花茶🫖($𝟼𝟾, 𝚂𝚌𝚘𝚛𝚒𝚗𝚐: 𝟿/𝟷𝟶)一上枱已經覺得個茶壺好靚😍洋甘菊花茶好清新，如果夏天想養生但又想要較為清新舒爽嘅飲品，呢個係唔錯嘅選擇😚▪️白桃紅茶🍹($𝟺𝟾, 𝚂𝚌𝚘𝚛𝚒𝚗𝚐: 𝟾.𝟻/𝟷𝟶)又係夏天涼浸浸飲品好選擇，叫咗少甜之後甜度啱啱好，唔會太甜而且好𝚏𝚛𝚎𝚜𝚑