Comfy by Chef's Stage (東廣場)

营业中

休息中

Lunch time 黎食，不需要等好耐，剛好可以入座。環境舒適，2 個人座都夠舒服。位置不會太迫，適合傾偈。 食物整體上很不錯，味道份量剛好，每人叫一個主食，再配一杯飲品。很滿足😍

每次約朋友去觀塘聚會，我都會首選東廣場呢間西餐廳，除左環境坐得舒適，座位闊落之外，仲係因為食物質素好同性價比高。首先一坐低點左小食先，明太子薯條，薯條炸到香脆可口，上面仲有木魚絲，特別要講佢個明太子醬非常惹味，點薯條食好夾！虎蝦蕃茄醬會意粉：虎蝦都幾大隻同多，蕃茄好鮮味，食到有蕃茄蓉，唔會話好酸，意粉掛汁。香煎三文魚柳：三文魚柳好大法，而且佢火喉控制得剛剛好，外表脆，入面魚肉滑嫩，自己煎都未必甘易做到，令人一試愛上了，十分推介！飲品方面選擇都幾豐富，我地試左呢度比較特色既冰磚抹茶紅豆鮮奶，用抹茶做成冰塊，加入latte入邊，就算溶左都只會係抹茶，唔會變稀，非常貼心！

做完運動搵地方食午餐🍽️，就到觀塘東廣場地下的Comfy by Chef's Stage ， 餐廳食物種類都幾多， 我們四人點了芒果蟹肉牛油果沙律$156、 烤南瓜藜麥沙律配蜜糖黑醋汁$122、 紐西蘭肉眼扒$199、 香煎美國雞胸$166、 熱美式咖啡$18、 凍美式咖啡$20、瑪奇朵咖啡$18， dirty$21。 ▫️芒果蟹肉牛油果沙律🥗 ～ 賣相美美的，本身好喜歡吃牛油果🥑， 再加上芒果和蟹肉令到整體味到提升又好fresh。▫️烤南瓜藜麥沙律配蜜糖黑醋汁🥗 ～ 烤南瓜味道甜美，藜麥健康，蜜糖黑醋汁淋在食物上， 甜甜酸酸，開胃又好吃。 ▫️紐西蘭肉眼扒🥩 ～ 牛扒味道普通。 ▫️香煎美國雞胸🍖 ～ 雞胸唔會硬，正常發揮。 ▫️dirty☕ ～ 我的Dirty，味道偏淡。 ▫️熱美式咖啡 、凍美式咖啡 、瑪奇朵咖啡☕ ～ 三款都是朋友飲的，所以味道不太清楚。 整體感覺沙律做得幾出色，不過性價比不算高。 🏷️溫馨提示～ 整個用餐體驗均屬個人分享意見， 只作參考😊。

今日難得早收工，就約朋友去觀塘行下街食個飯💕今次揀嘅係Chef’s stage 旗下嘅cafe👍🏻之前將軍澳食過佢嘅西餐覺得不錯，今次亦冇失望餐廳裝修風格同其他食店好唔同，整體感覺比人好寬闊，空間感十足，而且有植物🌳襯托，令人感覺煥然一新🙌🏻由於唔算太肚餓，我地就只係叫咗4樣嘢，包括沙律🥗、意粉、薯條、飲品❤️Parma Ham無花果黑醋沙律❤️顏色好繽紛，擺盤好有心機，見到都特別開胃😆無花果、羽衣甘藍、番茄仔🍅，組合好fresh～ 再淋上黑醋汁，即刻feel到個人還健康❤️配合埋個火腿，我覺得都係接受的鹹度。🍅虎蝦番茄汁意粉整體可以😌番茄汁唔算好酸，每一條意粉都掛有茄汁🥫虎蝦🦐大大隻，咬落好彈牙👍🏻不錯薯條🍟大大蝶薯條好正呀！配有明太子醬同蕃茄醬，可以根據自己嘅口味選擇沾喜歡嘅醬👍🏻我就鍾情於番茄醬嘅🤣薯條都好新鮮，都算大條，食落都好滿足！飲品方面，我哋揀咗🥑牛油果香蕉奶昔 同埋薑茶🫶🏻牛油果香蕉奶昔🍌好fresh，雖然上面有少少cream，但整體飲落唔會覺得好膩❤️想健康少少🤏🏻可以揀呢個❤️想再健康d，可以選擇茶類😌飲熱嘅仲可以暖下身，驅驅寒氣❤️整體來講，作為light dinner係不錯

水牛芝士無花果巴馬火腿沙律🥗賣相非常吸引😋，沙律菜醬汁濃淡適中。水牛芝士軟身不濃澀、巴馬火腿亦非很鹹的那種，整體配搭清新、易入口。炸意大利燒烤菇配松露蛋黃醬🍄松露蛋黃醬為燒烤菇大大加分，絕對不會不好吃😛 惟菇本身不夠juicy，有點可惜。韓式雞肉菠蘿漢堡🍔麵包鬆軟好吃，韓式的味道（即漢堡有淡淡的辣味）挺合個人口味，雞肉菠蘿這配搭不會出錯😋 好味！雜莓乳酪沙冰🍧莓味很濃，在炎熱的夏天下必點

之前完全無留意過東廣場有間環境咁好既餐廳咁岩去果頭傾裝修既野，就試下😊當時都夜夜地啦，差唔多8點。睇過OpenRice見到呢間咖啡好吸引，但由於夜晚+我病病地，都係下次先試佢嘅咖啡☕️咁我就叫左一杯好健康嘅✨BANANA & AVOCADO MIKESHAKE 牛油果香蕉奶昔✨好fresh同好健康嘅感覺，仲可以少cream，好細心❤️老公就點左比我仲健康嘅✨ FRESHMADE DETOX JUICE是日鮮榨健康果汁🍹✨佢寫明無添加糖，問咗好似是日係西柚菠蘿汁，老公話好味🤤主食我地叫左1人1個✨冬陰功軟殼蟹意大利飯✨我本身都幾鍾意食泰國嘢，所以見到呢啲咁fusion嘅嘢都好吸引到我，本身我就麻麻哋食軟殼蟹，但係為咗個冬陰功意大利飯我都叫咗黎試下😂軟殼蟹好脆卜卜，讚👍冬陰功酸酸辣辣咁好開胃，估唔到同意大利飯都幾match🤤✨ 香煎三文魚柳✨三文魚柳個皮都煎得好脆🥰大菇都keep到juicy😋總括嚟講，環境不錯，係一個可以黎chill下飲杯咖啡嘅好地方Bookmark定下次要嚟試佢嘅咖啡😍

今日去觀塘搵男朋友食飯，東廣場搵嘢食，想食西餐所以就揀咗呢一間cafe。餐廳裝修得好簡潔，都幾闊落，好好生意 。我哋兩個唔係好肚餓所以一人叫咗一個主食同一杯嘢飲。All day breakfast 擺盤幾靚，好豐富，有煙肉，德國腸，酸種麵包。大大份炒蛋超滿，仲有粟米同埋細杯乳酪，食曬好滿足飽肚 虎蝦蕃茄汁焗意粉 顏色好靚，超濃茄味，愛茄嘅人必食呀，意粉係扁意粉，煮得啱啱好，蝦好大隻好新鮮，好味！牛油果香蕉奶昔超重香蕉味，好creamy，幾解渴雜莓乳酪沙冰沙冰打得夠細，雜莓味好出，乳酪微微酸，好開胃

本人之前有一次買Comfy 的素食全日早餐，回到家中發現其中的乳酪漏給了，於是上星期五買素食全日早餐時特意詢問確定是有乳酪才買，但很失望地，他們仍然漏給，要立即追回。這個素食全日早餐味道是可以的，但由於一店員不止一次漏給乳酪，令印象分大減。

今日收工後，去左Apm行左一陣，就過左黎東廣場搵野食，見到有間餐廳叫 comfy by chef's stage 入面都好多人食，環境都好靚，好岩打卡🤩🤩餐廳裡面牆身有可愛🐶圖案，所以我地就入左去試下。佢地的野食同野飲都好特別，今日我地叫左日式既豚肉蘭王蛋生姜丼飯，同埋泰式既冬陰公軟殼蟹意大利飯，再配上明太子薯條。丼飯前菜有泡菜蘿蔔，又有爽脆既牛蒡漬，同埋解膩既麵豉湯，配上蛋味香濃既蘭王蛋同日本豚肉非常豐盛。薯條配上紫菜和木魚絲加上明太子醬，出奇地好味😋😋。另外冬陰公軟殼蟹意大利飯亦非常特別，東南亞風味配上大大隻炸得香酥的軟殼蟹，非常清新可口，喜歡泰式的朋友可以一試。飲品方面，我們叫了冰磚抹茶紅豆鮮奶和雜莓乳酪沙冰，冰磚抹茶非常特別，和紅豆鮮奶很匹配又不會太甜，兩杯賣相一流，😝😝岩哂打卡，而且又好飲。抹茶果杯仲可以扮拉花😎😎雜莓沙冰亦很適合今日悶熱既天氣，消暑又好味。整體環境和氣氛也很舒適，值得一試。

估唔到東廣場新開左間靚靚cafe，一於同朋友試吓佢🤭Parma Ham無花果黑醋沙律✨擺盤超靚，用左無花果同羽衣甘藍，幾無花果好甜好好味，Parma Ham有成6塊，配埋黑醋汁好惹味😝上面仲加左啲花生碎，幾特別既配搭。虎蝦蕃茄汁扁意粉🍝虎蝦超大隻，肉質又彈牙，加埋蕃茄汁酸酸甜甜，仲有少少洋蔥🧅薯條🍟食得出係新鮮炸起，有茄汁同明太子醬，上面仲加左啲木魚片同紫菜，多個層次。野飲叫左檸檬薑茶，好暖胃👍

上一個星期朋友約我喺呢一間餐廳一齊食飯，先發現原來觀塘廣場有呢間西餐廳❤️餐廳嘅環境坐得好舒服好啱同朋友喺度傾偈😙叫咗一個意粉同埋Pizza🍕 意粉係明太子意粉🍝 成碟意粉都係有滿滿的明太子❣️另外， Pizza還好沒有太大的印象~

個日同朋友係觀塘行街，見到呢間餐廳好似唔錯，就入咗去食。韓式雞肉菠蘿漢堡薯條炸得金黃香脆，份量比想像中多，配合椰菜沙律食好開胃。漢堡嘅麵包有烘底，菠蘿配埋雞肉生菜以及洋蔥食好夾。韓式辣醬微微帶辣好惹味。日本豚腩肉蘭王溫泉蛋飯配菜有泡菜蘿蔔，牛蒡漬以及麵豉湯。重點嘅日本雞蛋煮得恰到好處，用蛋汁黎送飯，珍珠米粒粒分明，配埋肥瘦均勻嘅豬肉食好正。熱紫薯鮮奶飲品拉花好靚，紫薯味好濃，仲可以揀脫脂奶以及少糖，非常貼心。雜莓乳酪沙冰沙冰唔會太甜，飲落去好透心涼，有粒粒雜莓，乳酪味好重。總括而言，餐廳食物質素高，而且環境舒適，好適合大家去chill下。

之前已經食過一次，有lunch set 覺得唔錯今次心思思想返去再試，可惜今日嚟得太晏冇lunch set 定還是係星期六所以冇，所以單點餐牌，咖啡都要另外單點今次試左奶幾樣野 因為太餓了冬陰功軟殼蟹意大利粉菠蘿雞肉薄餅韓式雞肉漢堡同一杯flat white (L size)意大利飯味道很不錯同埋原隻軟殼蟹上！而韓式菠蘿雞肉漢堡都好好食，不過薄餅就好失望 ，因為餅底唔好食純粹係乾咗嘅麵包一樣同埋好欣賞呢度嘅咖啡，好好飲不過唯一有野覺得唔係太好嘅嘢，就係其實呢度冇服務可言，所有點餐酙水都係自助的，但卻要收+1服務費

今天去了觀塘行街，行完後見到這間cafe裝修非常精緻，被吸引下便走進了這間cafe.放了很多植物，都幾靚，環境幾好。水牛芝士無花果巴馬火腿沙律🥗$128:望到個貌相真係好靚，仲有花花，打卡一流。然後巴馬火腿又幾香，咸咸地咁。另外水牛芝士果芝士味真係好重，又好香，其他的菜，車厘茄，都非常新鮮，很好吃。虎蝦番茄汁意粉🍝（$128）：番茄汁好香濃，酸酸甜甜，然後虎蝦的份量都算多，啖啖肉幾好食，又好彈牙。然後仲有個餅乾脆脆伴碟，可以用來點番茄醬來吃。另外入面有車厘茄都好新鮮好好食，幾正咁。香烤美國雞翼配青檸蜂蜜柚子醬配薯條🍟（$68）：柚子醬好夠味，食落甜甜的好惹味，薯條夠香脆，非常好食。薑王檸檬🍋薑茶（$38）：好夠薑味，飲完個人好暖身，幾正。Espresso tonic ($42): Espresso 黑啡獨有的香味，再加上tonic那特別的味道，混合在一起非常特別，又有少少似係酒精飲品只是佢係無酒精。

Comfy Cafe in Kwun Tong is a hidden gem that is definitely worth a visit. The spacious interior is a rarity in Hong Kong, making it a great spot to relax and unwind. The cafe offers a variety of delicious food and drinks that will satisfy any craving.One standout is the Pui-Cha latte, which is a unique and flavorful twist on a classic latte. The cold tea is also a refreshing option for those looking for a lighter drink.The chicken wings are a must-try, as they are sweet and crispy, making them e