Comfy by Chef's Stage (東廣場)

营业中

休息中

Cafe我最注重係咖啡，我嗌嘅好似係意大利泡沫咖啡，唔錯👍～朋友嗌嘅桂花烏龍茶，佢話好正～聽朋友講提拉米蘇係鎮店之寶，合格～幾好食～餐廳係自助落單，整體都幾好，問佢有冇火機職員都會幫手點蠟燭～Very good～美中不足係用餐時間90分鐘，趕到食都食得唔安落，準時提醒要離開，如果想坐得耐少少就要考慮第二間。

Comfy已經係黎第二次，因為上一次覺得好食又近。今次點左3樣野，樣樣都覺得好好味~呢個烤南瓜藜麥沙律配蜜糖黑醋汁感覺好豐盛，賣相首先已經好好，好多顏色，特別想講下個南瓜同藜麥，個南瓜好好食，唔太腍又唔太硬，個沙律汁酸酸地，而個藜麥係會食上癮，可能係咬口既原因，我清埋碟一粒都唔放過~之後到燒烤菇新牛肉漢堡, 其實係第一次試新牛肉，個口感似硬身啲既漢堡扒咁，但真係有肉味，塊菇好厚，成個飽一齊食好好味~ 個飽仲有巨多薯條，仲要係好有厚度既薯條，加埋個酸酸地既沙律中和番，正~香烤美國雞翼配蜂蜜柚子醬~ 叫既時候唔知跟咁多薯條lol, 但個雞翼好好味，好香柚子味，而且外脆內嫰，正!!我地另外仲嗌左楓糖肉桂泡沫咖啡同蘋果花茶，個咖啡勁香肉桂味，離遠已經聞到。個花茶顏色好靚，酸酸地，無糖同好有茶味~

星期六2023-08-05去左哩間comfy食晚餐之前朋友介紹時試過已經覺得好味大半年後再去份量同味道都係一樣牛油果蟹肉炒蛋白酸種麵包🫶🏻每次都必點🤤份量勁夠，平時其他cafe得一件，食親都唔夠飽，但佢有兩件！而且兩件係大大份，啲料又足，蟹肉好夠，酸種麵包唔錯，CP值好高之後試左新菜式燒美國安格斯牛腹柳.日本蘭王溫泉蛋飯🫶🏻今次哩個飯中規中矩，味道幾好但無驚艷既感覺，CP值唔高，下次會再試其他菜式

We need an early dinner tonight. No waiting at this restaurant, just walk in and sit down.Smoked Salmon Ceasar Salad - meet basic criteriaMenkaito & Hokkaido Scallop Linguine Served with garlic bread. This dish is scrumptious with a creamy sauce. Highly recommend this.Banana & Aavocad MilkshakeMixed Berries Yogurt SmoothieFresh but average

今日放假到觀塘接友人放工，一起共進晚餐，友人在區內打滾多時，推薦一間新開的質素cafe。熱帶風情環境輕鬆舒適，讓人有自在的感覺。座位寬闊，坐得舒適，都適合與友伴相聚，傾下計。餐廳生意好好，坐低無耐就已座無虛席。見各人枱面無論食物或飲品都賣相別緻，餐廳有QR code落單，圖字清晰，方面快捷選到自己的喜愛。特式咖啡系列-凍黑糖伯爵鮮奶咖啡($46)，coffee bean/coffe size/milk choice/Ice選擇, 客人可就自己口味心作決擇，濃濃的黑糖伯爵味道，調配得濃郁具層次，好飲!雜苺乳略芭菲（$46）同樣出色!水牛芝士無花果巴馬火火腿沙律($128)健康清新之選,羽衣甘藍, 火箭菜, 無花果非常新鮮可口! 份量適中。 (辣)冬陰功軟殼蟹意大利飯($128)好有驚喜，愛濃味的人士必試, 心心這個意大利飯，濃濃的冬陰功味道，香脆軟殼蟹，非常成功的cross over, 呢個組合我超鍾意!香煎三文魚柳($148)三文魚煎得香脆可口, 白色忌廉汁黑色大啡菇，又配合一小片檸檬提鮮解膩，細心，讚!Comfy 的在這個廣場的小清新，坐得舒適、食物出色。今日食嘅每一樣我地都好滿意，

Comfy by Chef’s Stage平時經過觀塘東廣場都冇為意入面有特色嘅餐廳，今次選擇左呢間西餐主打嘅餐廳同老公撐枱腳。入座時間比較早所以立即已經有位，值得一提嘅係餐廳入面有唔同風格嘅打卡景點，適合情侶或者閨蜜SELFIE影相。前菜order咗芒果蟹肉牛油果沙律，本身唔算好鍾意牛油嗰陣味，不過結合埋蟹肉同芒果，比多一種驚喜嘅感覺。Main dish揀咗煙肉及意大利豬肉腸花椒忌廉汁扁意粉，煮法加入咗中式香辣嘅元素但又唔會掩蓋左意粉本身嘅味道，都算幾特別。另外仲order左香煎美國雞胸，煮法上佢保留左本身雞肉嘅肉汁唔會有諧霎霎嘅感覺，而醬汁亦都幾配合。飲品方面order左一杯冰磚抹茶紅豆鮮奶同埋雜莓乳酪沙冰，兩杯飲品都好靚，其中綠茶紅豆特飲，入面既冰磚係用濃厚嘅抹茶粉整，所以成杯野飲都keep住咁好飲。整體而言呢間餐廳性價比唔錯，而且坐得舒服，可以再encore。

今晚朋友話想食西餐💕平日既晚上我地6點鬆d就到左位於觀塘東廣場既comfy by chef’s stage果時時間未算好多人唔洗點等位就可以入座啦環境都尚算非常舒適✨之後我地就點餐，叫左3樣野食Pizza, 薯條小食 同埋牛扒🥩份量都尚算適中 Pizza好足料味道都唔錯👍🏻要讚一讚個牛 有肉味🫶🏻幾香口配埋旁邊晚配菜都有85分💖如果兩個人叫餐黎講份量唔算好多 所以都只係岩岩好夠飽而價錢就中上但我都欣賞依間店鋪 食物健康 伴碟都靚賣相一流

約咗朋友係觀塘下午茶，朋友推介先知東廣場最入面，有間又大坐得又舒服嘅Cafe，好適一邊Chill 住傾計，一邊慢慢食野 😆  📌冬陰功軟殼蟹意大利飯  🦀 本身都鍾意食泰國菜，見到呢個fusion意大利飯好似好吸引，所以就叫黎試下。果然無令人失望，首先一上枱賣相已經好吸引 🤩軟殼蟹炸皮唔會好厚，脆卜卜好香口，冬陰功意大利飯有驚喜，酸酸地帶少少辣，好match好開胃!☕️ 咖啡方面，叫左一杯Ice Americano 同一杯Latte，咖啡豆係我鍾意嘅偏nutty，飯後一杯啡解膩一流! 😍

Comfy以簡約的灰白色和木系裝潢，營造出一個舒適的空間。餐廳走文青風路線，牆上有非常大福的貓狗壁畫，打卡一流！🐱⭐️香煎三文魚柳三文魚煎得香脆，肉質滑嫩多汁，白葡萄酒奶油醬香濃惹味。⭐️軟殼蟹牛油果漢堡軟殼蟹大大份，香脆惹味，配搭牛油果好有口感。薯條的都查得很香脆。漢堡包配上沙津，味道清新，解去油膩感。⭐️煙三文魚凱撒沙律煙三文魚卷成玫瑰花形狀，三文魚份量非常慷慨，味道肥美，沙律菜亦都好新鮮。

觀塘的一個商場裡面的咖啡室 這一個自助的水櫃，真的令我驚訝 竟然有普通水和氣泡水可以免費提供 （正常香港一支氣泡水都要60元）店家非常豪氣 另外吃了他的午餐 份量十足 味道也是可以 咖啡的拉花也是很有心機 午市時間非常滿座 如果想吃還是提早一點比較好

以前喺kt番工都成日去東廣場lunch，宜家竟然開左間靚靚餐廳！所以約左個媽媽去帶b gathering!Tea set❤️煙三文魚begal配薯條 $99Bagel唔硬，煙三文魚份量適中，裏邊仲有cream cheese! 火腿芝士牛角包配薯條 $101有2個牛角包，鬆化，好食！Tea set包部份飲品，其他特色飲品要額外加錢。柚子蘋果梳打 略甜 +$21玫瑰西柚烏龍茶 清，好飲👍🏻 +$23水牛芝士無花果巴馬火腿沙律 $128水牛芝士配Parma ham根本冇得輸，而且佢份量都多！用嘅黑醋唔錯，襯嘅！Tiramisu $58自問tiramisu愛好者，去餐唔同餐廳都會嗌嚟食🤣呢間係少數餐廳，我覺得tiramisu 係做得好食嘅，可以一試👍🏻地方夠大，2架bb車都放得落。waitress超級nice，絕對係baby friendly👍🏻

經過觀塘東廣場，見到有一間別樹一格嘅西餐廳🍴裝修簡潔，走文青風路線。環境舒適，有種令人恬靜淡然嘅感覺🌿 我係晚餐時段去食飯，人流吾多，坐得較為舒服。我地叫點咗一份明太子甜蝦扁意粉+黑松露雜菌賓尼迪蛋酸種麵包。明太子甜蝦扁意粉🍝汁醬好多，幾乎每條意粉都沾有明太子醬；而且餐廳選用扁意粉，能夠充分掛汁係意粉上。個人口味偏淡，略微覺得意粉有啲鹹，意粉質地偏軟腍。甜蝦一般，食得出吾係新鮮嘅🫢黑松露雜菌賓尼迪蛋酸種麵包一份有兩件，有沙律菜🥗伴碟，酸酸甜甜，幾開胃。黑松露味道香濃，雜菌份量多，但偏油。雞蛋🥚餐廳標明係選用蘭王蛋，切開係金黃色流心嘅。個人認為荷蘭醬麻麻地，吾太香，奶味吾重。酸種麵包🥖係偏硬身，比較普通。飲品方面，特飲巨峰提子檸檬梳打味道吾錯，賣相滿分👍🏻 但略厭檸檬味淡，梳打氣泡少。整體嚟講，味道質素中規中矩，環境舒服，適合想要寧靜享受時光嘅朋友仔。

上星期去觀塘試完姊妹裙之後同朋友去左東廣場覓食，見到呢間Chef's Stage 旗下既café裝修得幾文青，野食又好吸引，就決定食呢間餐廳啦~🤩1️⃣ 🥗 烤南瓜,藜麥沙律沙律配蜜糖黑醋汁 ($ 98)有朋友想食light d，所以就叫左呢個沙律食下😝沙律菜份量都好足而且又夠新鮮，仲有纖維量好高既羽衣甘藍，而醬汁酸甜好開胃，但美中不足既係有一兩舊烤南瓜比較硬，可能未夠熟🥲2️⃣ 🍝 新豬肉芫茜羅勒青醬長通粉(素) ($ 98)呢度既青醬意粉我地都覺得好好食🥳🥳青醬加埋芫茜係面比較清新唔會漏。長通粉硬度煮得剛剛好，仲有加入左粟米芯，口感更加豐富，但新豬肉我地就唔太食得出了。3️⃣ 🍔 安格斯牛肉漢堡 ($ 128)牛肉漢堡同樣做得幾出色。牛肉漢堡夠厚身，而且煎完後都係juicy的👍🏻👍🏻餡料仲有份量唔少既沙律菜，所以整體都唔會覺得好heavy。而伴碟既粗薯條炸得香脆可口，搞到我食唔停🤭!除左薯條，仲有由椰菜、紅蘿蔔同洋蔥等等撈成既沙律伴碟，即刻減低左食薯條既罪惡感🤭🤭✨另外想講既係餐廳既水係自助形式，除左普通既水之外，仲可以選擇飲梳打水呢

📍Comfy by Chefs Stage...位於觀塘東廣場嘅隱世cafe，木系簡約風格空間感充足！🥰.我哋order咗幾款食物：❣️軟殼蟹蕃茄忌廉汁扁意粉🍝❣️燒烤菇未來漢堡🍔漢堡分量十足，仲有大量薯條，而且燒烤菇好Juicy ，啱晒素食人士！✨✨✨❣️甜薯條🍟❣️牛油果香蕉奶昔🍌❣️雜苺乳酪沙冰🍧奶昔同沙冰都係打卡必點，雜苺乳酪沙冰顏色鮮艷，非常吸睛，味道怡人，酸酸甜甜👍🏻👍🏻

收工行東廣場嘅時候無意中見到呢間清新簡約風cafe - Comfy by chef’s stage, 見到咁多人食就試下😆餐廳水泥風牆身同埋用唔少綠色植物點綴令到環境好和諧舒適🌟餐廳係用手機落單，落完單無耐已經上左大部分嘢食，上菜速度都幾快👍🏻明太子薯條 $68份量好多，上面有木魚同紫菜絲😍薯條大大條又炸得酥脆，配埋明太子醬都好夾，味道香濃又不會鹹🤤韓式雞肉菠蘿漢堡 $118韓式辣醬加雞肉同搭配埋又甜又多汁菠蘿，食落甜甜辣辣幾開胃🤤加上烘過嘅麵包，咬落有唔同層次，口感幾豐富👍🏻配埋薯條同椰菜沙律又可以消除油膩感🥗豬肉芫荽羅勒青醬長通粉 $98羅勒青醬再夾埋芫荽食落好清新🤩而長通粉軟硬適中好掛汁，食完覺得好healthy😝芫荽控要order~雜莓乳酪沙冰 $50雜莓的味道好濃郁，配埋乳酪沙冰酸酸甜甜好開胃😍好飲必叫！玫瑰西柚台灣阿里山金宣烏龍茶 $46玫瑰西柚加埋清香嘅金宣烏龍茶飲落好fresh，而且都好適合養生人士😌👍🏻整體係餐廳坐得幾舒服，食物質素正常，幾啱收工後同朋友一齊食吹下水👧🏻