Come Buy (已結業)

買左招牌珍珠珍奶茶做優惠.大大杯12$.價錢非常相宜店員很快就沖好，杯奶茶好有茶香味奶味岩岩好，又滑珍珠方面，彈牙，嚼勁十足好味又唔會太漏下次再試埋其他飲品一定繼續支持come buy

今日行街經過come buy~見到好多人排隊買野飲~我就諗緊係唔係真係咁好飲啦~之後我都排埋一份~買左杯招牌珍珠奶tea~1 分鐘都唔洗就有得飲~真係好快手d員工~態度又唔錯。當我飲完杯奶茶之後我都覺得咁多人係到排隊係一件好正常ge事~因為真係好好飲~果然真係『招牌』珍珠奶茶~~我諗我下次再經過果到會再買其他野飲試下~我試左朋友果杯3Q百香果都唔錯~ 員工態度好明顯係好過貢茶~野飲都好飲過大卡司~又多新野等ge時間又快~個杯ge設計好得意~特別係個杯面~~

呢間野都算唔錯~$16個葡萄可爾必思甜味剛剛好, D 蘆薈口感都好爽仲有我見到佢到真係用個有尺度的匙去盛蘆薈, 唔似其他商店, 呢個要比個gd 佢地~加油, 再接再厲^!^

服務唔得,一定唔會再COME BUY!!我同兩個朋友補習完，見佢新開於是想試試喇我地係到睇價錢排，當時有個Fd講左句.... 之後...見到買飛果到果果姐姐...明明在看電腦的....然後就用一個好睇唔起人的眼神喵左我地三個....我地真係O嘴囉 三個人買左?杯飲品／一杯焦糖奶茶＄14蚊一杯荔枝玉露＄14蚊哇！！！焦糖奶茶好普通！！荔枝玉露好少荔枝囉！！！最後我地三個一字同意飲品好貴!好唔真材實料!!!!!!!!!!!!!!!!!!!!茶唔夠大卡司平又少！！又唔夠台北站同貢茶好飲囉!!!!!最後!我地係門口傾多兩句時又見到果個姐姐好不魚快咁望住我地咁!佢又係度玩手提!梗係喇!!!!佢實驚死我地知佢玩手提都唔招呼客人又驚俾老細見到呀嗎!!!!!補習既同學我地一於一齊唔C O M E B U Y !又貴又冇禮!

家陣d茶飲真係就黎可以話「轉角左近，就有一間」元朗區已經有唔少，而家又有新的...好..一於試試！我買左杯「３Ｑ八香果」，早排我係荃灣果間就有飲過八香果，今次飲...好大分別啵....！！！！！！！！傻既都知溝晒水...完全無晒八香果特色...我鍾意飲都係因為佢夠香同甜,完全無！！！D珍珠咬落去係粉既....唔熟就唔好拎出黎賣啦...大拿拿十六蚊你比杯加左Ｄ糖同粉既水比我...我去街市自己唔識買呀？！？！頂！！我話過我唔會幫襯囉再...送比我都要考慮下...唔係講笑！！！TOO BAD!!

是日年初3去拜年拜完年夜晚成10點幾11點發現岩岩進駐既comebuy仲未關門呢立刻整返1杯飲下先而家有特價8蚊1杯中杯珍珠奶茶等既時間適中啦唔會太長店員都好nice服務態度唔錯杯珍珠奶茶有好多珍珠珍珠好有咬口奶茶既奶味同茶味平均唔會話太重奶味或者太重茶味味道很不錯但我還是愛重奶味的奶茶較多了-v-而且中杯感覺很少所以或者下次就試試大杯吧

我本來唔想俾笑臉.間店態度一般,出品都不突出.....上次去荃灣分店又見証到什麼叫做待客如仇人!!當come buy來元朗開店,我俾次機會.看一看店員態度.係黑面....不過(唔該)bye係有講....禮貎有進步.而在門口影相都無人理.......大家都係大人.....中國人有句禮多人不怪,有禮又唔駛錢,又會令其他人開心..何樂而不為?我希望班店員有一天明白呢個道理.......珍珠奶茶味道茶味好重,,直情無奶味.不過無少糖都唔甜......而珍珠好多.我飲完的水.仲有大把珍珠..的珍珠軟軟地.....好似糖.....而價錢平左......10元一杯都值得的

台茶過江龍Come Buy的版圖越擴越闊,現今開到去大西北.地點是教育路寶城餅店舊址.在正十字路口.人流不絕,選址正確.新開張珍珠奶茶同朱古力有特價,中杯裝賣$8.諗縮數之計,便要杯凍朱古力.此朱古力的濃度,不能與名牌朱古力店相比.感覺正在喝凍華田相若,八塊錢一杯,又沒有投訴的地方.記得去年在荃灣Come Buy門外,拿住相機影個招牌,被一名MK系的男店員大聲喝止,見他的樣子,擺明是一出街會比"龜"逗之類別,可能他正在被通輯,或恐怕被人尋仇.如果行得正企得正,怕咩?在元朗新店,在門口影相,當然任影不拘.