Cocolo Tokyo Cake Factory (朗豪坊) (已結業)

假日行行吓街攰攰地就會想搵個地方食甜品。朗豪坊呢間日本蛋糕小店，店舖雖小，但係亦都有少量座位可供堂食。呢度最受歡迎嘅係日本青森蘋果批，除咗蘋果批佢仲有多款蛋糕。我哋揀咗一個青森蘋果批$33以及一件榛子摩卡蛋糕$25。青森蘋果批日本直送，全人手製造，外皮夠酥脆，入邊充滿青森蘋果粒粒果肉，爽口、酸酸甜甜，無添加。榛子摩卡蛋糕細細件，面上有摩卡粉，蛋糕一層層幾靚 。蛋糕口感軟綿綿，味道都幾甜。呢個價錢幾抵食！

餐廳主打蘋果批，仲有多款甜品，賣相靚之餘，味道亦唔錯。店內有數個座位可以堂食，而外賣既話個盒好cute添。叫左青森蘋果批($33)，焦糖堅果奶油蛋糕($25)。蘋果批新鮮出爐，拎上手熱辣辣。而且好‘聚’手，重量有番咁上下。用上日本青森蘋果，蘋果餡甜而不膩，有蓉有粒，吉士幼滑，一咬d吉士就向外湧出。而酥皮層略脆，個個批都脹卜卜，好得意。蛋糕既焦糖味濃郁，好清楚見到層層蛋糕及cream。面頭鋪有滿滿既堅果粒，增加口感。蛋糕唔會過甜，入口鬆軟，凍食一流。整體，蘋果批飽肚，而蛋糕輕食當tea唔錯，價錢亦親民。拎番屋企食可以熱烘，而堂食就唔驚，因為已經夠熱。

聽日適逢假期 所以決定同屋企人一齊食下甜品開心下☺️ 之前行開朗豪坊見到新開了間賣日本蛋榚既店😚就豪不猶豫咁過嚟呢到外賣啲甜點番屋企開心share😘呢到有唔同既批&蛋榚&慕絲杯 種類都唔少 而且都是日本直送🇯🇵既 ～ 疫情去唔到日本 呢間cocolo Tokyo cake factory 果然提供到很好選擇比掛住日本蛋榚既人士🙋🏻‍♀️最後 我揀了1. 榛子摩卡蛋榚🌰（$25）見到個蛋榚有我最愛既榛子 又豈能錯過呢🙈首先要讚下個海錦蛋榚非常鬆軟 加埋香濃既mocha 咖啡忌廉☕️ 忌廉輕盈又不會太甜 榛子🌰mocha 呢個組合又真是挺不錯的👍🏻呢個價錢有呢個質素真是物超所值🤗2. 青森蘋果批🍏呢個青森蘋果批大概係Cocolo Tokyo cake factory 既signature product 了🤗我覺得熱食既話會把味道更上一層樓 於是放在焗爐翻熱了😋 果然係超好味呀！它非常酥脆 多層既酥皮配上美味餡醬！內餡夾帶著蘋果醬蓉同吉士醬🤩甜度真的岩岩好 ～酸酸甜甜咁 十分難忘😝見到店內仲有其他吸引既蛋榚 下次要介紹埋朋友仔試埋其他甜點呀🙊

終於一試蘋果批😻 結果真的沒令我失望‼️👏🏻▫️ ❥$𝟯𝟯 青森蘋果批🍏🥨 吉士醬好滑好綿😙 青森蘋果清新味道又帶點酸酸的口感😚 外層又酥又香😘 好。好。味‼️🤤▫️❥$𝟯𝟱 日本甜薯批🥔🥨 甜薯相對地較甜，不過味道突出，也不錯喔‼️😋

終於可以一試嚟自日本蘋果批專門店嘅青森蘋果批啦!!因為趕時間我就外帶左返屋企同屋企人share, 返到屋企用焗爐輕輕番熱返,熱辣辣咁好香啊!佢外層嘅酥皮好蓬鬆、升得好高! 咬落去好香脆鬆化。入面有custard cream配搭奶蘋果餡，而蘋果餡有一粒粒仲有d果蓉，，口感好豐富啊!又香又甜, 鍾意apple pie嘅朋友相信一定會非常滿足！另外我仲揀左個杏仁朱古力批, 批皮唔會好厚,入面包住香甜嘅朱古力醬, 同酥脆嘅批皮好夾。如果你係朱古力愛好者就一定鐘意呢個

朗豪坊成日都會有唔同嘅cake shop進駐, 岩哂我呢d貪新鮮嘅朋友呢間 Cocolo Tokyo Cake Factory原來係來自日本的蘋果批專門店, 但因為我就唔太好pie所以就揀左兩件cake試試啦! 佢主打百分百made in Japan，而且店員仲話所有蛋糕都係由日本當地製作，然後空運到港，對於無得去日本兩年嘅我嚟講簡直心心眼。先點左個榛子摩卡蛋糕，榛子奶油好同濃郁嘅摩卡咖啡非常夾, 而且蛋糕體好綿, 好好味。另外揀左個柚子mousse Cake柚子好清新,酸酸甜甜相對無咁甜膩,面頭嘅柚子片又帶點橘香, like!

今日比呢間店嘅香味吸引，嗌左個青森蘋果批同 焦糖堅果奶油蛋糕！2件都好好味丫！我是外賣拎走的，但店內其實都有位置可以坐底慢慢食，不過佢嘅外賣包裝同紙袋都好靚，拎走食都好方便！先講 焦糖堅果奶油蛋糕， 堅果味濃，而且蛋糕面上有堅果碎，所以口感好好，焦糖嚟講都唔算太甜，對我嚟講佢超級好食，可以再encore！青森蘋果批， 好足料， 入面好多蘋果，而且佢嘅外皮好鬆脆，係店嘅出名作品嚟！我買時係即整好的，熱辣辣，但我拎到公司食已凍了，有點後悔冇即買即食，不過都好好味！

蘋果批果然名不虛傳記得第一次係西貢總店食過就念念不忘好彩依家市區都食到青森蘋果批 $33勁多果肉 不過又唔會酸甜度適中 酥皮又脆 超級正仲試左其他甜品同飲品但都一般般 可以唔洗試

舖頭嘅位置非常方便,喺朗豪坊行完街行到攰就可以走入嚟食返件細細地嘅cake, 又可以休息又唔會太飽肚😚🍏青森蘋果批 Apple Pie啱啱出爐嘅青森蘋果批梗係要試吓,熱辣辣嘅蘋果批咬落好鬆化，有多層酥皮但唔會厚，一路食就一路聞到清甜嘅蘋果香味，蘋果蓉嘅味道香濃又唔會好似平時食嗰啲會太過甜，仲食到一粒粒嘅蘋果肉👍🍰 榛子摩卡蛋糕Hazelnuts & Mocha cake蛋糕細細件賣相都幾精緻，三層綿密鬆軟嘅海綿蛋糕中間夾住幼滑嘅cream，有香濃嘅榛子咖啡同埋朱古力嘅香味,整體甜而不膩😋下次要來試吓店長推薦嘅特濃雙層朱古力蛋糕，留意到呢度有波子汽水，味道仲好特別添，係楓葉豆沙饅頭味，想試新嘢嘅朋友一定要嚟🤣🤣

今天到朗豪坊，掃完貨後，已經七點多，經過這間Cocolo tokyo cake factory, 深深被橱窗內的精美蛋糕吸引著。價錢又不貴，我點了兩件甜品回家享用！！香橙鮮芝士蛋糕芝士蛋糕是我最愛的蛋糕之一，芝士忌廉味道突出，香濃，口感又幼滑，不膩。配上面頭的香橙，份外fresh, 跟芝士的味道很夾。青森蘋果批蘋果批內滿滿青森蘋果蓉和吉士醬，甜甜的，很清新，又很足料。配上香脆的千層酥皮，超鬆化，令人一試難忘，難怪是招牌甜品。包裝也很精緻可愛，買來請朋友享用一流，下次可以再來！

放工拖住疲累嘅身軀經過哩間剛新入駐朗豪坊嘅日系甜品店，立刻俾佢清新感所吸引住，店內裝潢以白色為主調，配以木系家具，更添森林系色彩，令人有種refreshing 嘅感覺，店內都有數張餐桌可供堂食，嘆嘆下午茶😋😋Cocolo 有不少蛋糕甜點、酥點同飲品提供，站在甜品櫃前花多眼亂，樣樣都想試，店長見我咁掙扎就主動推介咗幾款俾我啦❤️青森蘋果批 🍎 $33天天日本🇯🇵直送到港嘅青森蘋果批係店內皇牌之選，全人手手工製作，半月形嘅蘋果批脹卜卜，金黃色嘅千層酥皮再塗上少量蜜糖，返到屋企都仲係脆身嘅千層酥皮富有香濃嘅牛油香，配上內裏酸酸甜甜嘅蘋果餡及奶味香濃嘅吉士醬，平衡番甜膩感👍🏻日本甜薯批🍠 $35脹卜卜爆餡嘅外型令我不得不將佢帶回家慢慢嘆，盛讚Cocolo 嘅酥皮處理得十分唔錯，千層感及酥脆度好高質，爆餡甜薯蓉好綿密，天然甜薯嘅甜味配上蜜糖嘅香氣，好滋味亦唔會有種死甜感❤️榛子摩卡蛋糕🌰 $25摩卡咖啡海綿蛋糕體嘅咖啡味好突出亦好香濃，海綿蛋糕🍰輕身得嚟夠濕潤，忌廉層唔會過厚，面層仲鋪滿榛子朱古力粉，唔想食太甜嘅姐妹可以揀哩款

原來喺朗豪坊開左呢間人氣青森蘋果批，地點超方便，一出地鐵穿過超級市場就到，完全唔需要日曬雨淋。今次唔使過海都食到，新舖裝修好舒服好闊落，仲可以坐低食埋添，座位簡約舒適！員工親切有禮！呢度除咗有甜品蛋糕之外，仲有飲品供應，我叫左個招牌青森蘋果批，佢係日本直送架！同埋另外叫左焦糖堅果奶油蛋糕。包裝見到都開心，個盒好靚！青森蘋果批🫔-熱辣辣，絕非快餐店質素既蘋果批，酥皮香脆，咬落去見到好多層，蘋果味香濃，爽脆有咬口。焦糖堅果奶油蛋糕🍰-份量剛剛好，奶油好香夠滑，香濃焦糖味同果仁碎好夾。

今日又到旺角行逛，乘坐地鐵後直入商場內，之前試過灣仔那間旗艦店，原來在旺角朗豪坊亦開了一間分店，近Market place那樓層。裝潢以日本風情畫為主，年輕風格，眼見吸到引我很多年輕女性幫襯有新店開業優惠，青森蘋果批食物櫃內放著各式各樣批或者Tart, 可能你見圖內各款批件數不多，職員有同我講原因，其一佢哋店鋪所售賣的食物流量高，其二就是為了保持食物質素，批類食品放得太耐始終容易變”淋”, 影響囗感，聽到後覺得佢哋對食物品質有著嚴格規定。蛋糕類及各類布朗蛋糕餐廳內有數張枱椅可供即買後堂食精緻包裝外賣盒一件是青森蘋果批，另一件是檸檬忌廉芝士批，外皮非常脆口帶著微絲暖焦糖堅果奶油蛋糕、Tiramisu蛋糕，好滑身不太甜！

朗豪坊開左新嘅甜品店，先發現原來呢一間已經係佢哋嘅第三分店了。店舖都有好幾張枱，岩曬行街行到攰/肚餓嘅人去食件蛋糕抖一抖。香橙芝士蛋糕 $28夏天就特別想食一啲酸酸甜甜嘅嘢，叫左香橙芝士蛋糕，真的有大片的橙肉🍊配上軟滑的忌廉，整個感覺完全不會膩，反而帶點清新的感覺呢～青森蘋果批 $33好開心好好彩遇到蘋果批新鮮出爐！熱騰騰嘅蘋果批更加好味。酥皮十分鬆脆，層次分明。而蘋果肉餡料帶有爽甜的口感，再配上吉士醬，更加綿滑。而且枱面有充電線可以使用，更加配備唔同插頭，十分貼心呢！

今日同朋友行完街想搵地方坐下 就去左cocolo順便試下蘋果批呢間原來係日本直送，就想黎過下口癮味道清甜粒粒蘋果，裏面仲有creamy既吉士醬，配搭酥香既酥皮 ，口感好治癒，食勁唔膩。然後叫左杯抹茶鮮奶脆脆，奶味重😋但脆脆好快軟，口感一般😗～走既時侯仲叫左個香橙芝士蛋糕🤩非常軟滑 好似食乳酪甘 ，仲有陣清新橙味。食完好滿足～最難得係有甜食店有位坐下，而且當日既姨姨姐姐仲好nice😁打包仲會同我地傾計介紹，估唔到紙袋都靚 送禮用都抵！