Club Havana (已結業)

尋晚去食buffet 可能星期一唔係太多人，只係座大露台，座裡面都係飲野既人，反而覺得幾好，無咁大煙味，同埋唔使食二手煙，食物選擇唔太多但質素唔錯，侍應服務好好，收碟好快，只係無主動抖水，可能想人叫野飲啦，值得再去！

之前睇咗咁多食家對Club Havana既評分，整體上都唔錯，所以尋晚同朋友膽粗粗去試下．打電話去預訂，佢地要成五點幾先有人聽電話，不過你地可以留言．可能多人掛，佢地只剩兩張比去我揀．一係就ｂａｎｄ前面好嘈，一係就ｖｉｐ房．但因為之前見食家一粒雪話ｖｉｐ房既枱好婑，食野唔方便，所以揀咗ｂａｎｄ前張枱．（當然，如果我唔問佢地真係唔會話比我知ｖｉｐ房既枱係婑ｄ．）一入到去，坐正係ｂａｎｄ前面，真係好嘈，傾唔到計．但係張ｓｏｆａ好靚，好舒服，當然，張枱都係婑既，但我覺得尚算ｏｋ．之後露台有位，我地都寧願坐ｓｏｆａ，唔轉枱．因為ｓｏｆａ靚ｄ，而且我地怕露台會好熱．食物方面，＄９９好低，但千其唔好ｅｘｐｅｃｔ有好多野食，但味道唔錯！有忌廉南瓜湯，青口，田螺，蝦，ｓａｌａｄ，ｈａｍ，沙爹串燒，ｐａｓｔａ，甜品．．．食飽飽後，我地去咗第二度飲野，因為真係好嘈，傾唔到計．但係如果你地唔需要特別傾計，坐ｓｏｆａ係一個唔錯既選擇．

環境幾好，有個大露台看景，配合和一班朋友傾計。我食pasta buffet（$99）食物有湯、有生蠔、刺身、沙爹、沙律吧等，我覺得最好食係即煮意粉，自己選配料，然後俾廚師煮，好好食，我鍾意海鮮配白汁和長通粉。

26號上左去試下..........又真係唔差喎~~~款式唔算多....又唔算好特別~不過樣樣都幾啱食~pasta...當然係最正~~同埋d沙律都好有水準....果日$120/per有埋杯cocktail飲.......我覺得好過去一間普通餐廳食set囉~~環境都算唔差....不過燈光多返少少會好d囉~

上次同幾個fd去,我地walk-in食buffet,咁岩冇哂位,個waiter安排間房比我地,裏面有sofa,有cushion,十分舒服,裝修唔錯,估唔到有電視,我地睇黎獎門人先走,,(雖然同出面既氣氛唔係好夾,但我地都睇得食得好開心).雖然間房睇唔到live band,但冇出面咁多人咁嘈,好適合傾計.食方面,雖然不算太多選擇,但幾好味. 聽朋友講,原來平日要book房,每間房好似要最低消費$1500,間房大約容納到五個人到.

第一次去club havana，就俾佢既環境所吸引, 暗暗地, 好浪漫, 又有個大露台, 又唔太嘈, 不過個地板幾滑。我同朋友去試pasta buffet, $99, 唔包飲品, 不過飲品唔貴…其實都算多野食, 有生蠔, 刺身, 串燒, 沙律, pancake, 好好味既忌廉湯, 甜品, 生果….真係食到你唔食…最特別就梗係意粉啦, 自己鍾意食咩就夾咩, 然後俾廚師煮, 煮好就有專人遞去你張(木台), 味道都好正, 尤其係白汁…(一定要試!!!)就算唔去食飯, 淨係約埋三五知己飲o下o野都好o架!!!現場又有歌聽, 又有殷勤既服務…掂!!!!

本打算去上一層的餐廳，結果因為時間太晚了，誤打誤撞的去了Club Havana，自此就成了我的最愛！服務生的安排是先給你帶位，若覺得不合心意的自然是自行選位，他們會幫你盡量安排，而且非常有禮貌。食物方面就有Pasta Buffet，食物種類不少，而且很有特色，主菜的pasta已能讓食量一般的人七成飽。之後只要再來一點飲品就已經夠飽了。飲品方面，多種非酒精與酒精飲品都有，由Fruity Fruity到Kabukashi都有，至於紅酒嘛，若想品嚐較為質素好的，就別太在意荷包的威嚇了唷～嘻！場地方面，特設大露台一個，夏天略嫌有點熱，冬天相信會很凍吧，不過夏天的晚上也不失為一個不錯的地方，讓三兩知己靜靜談天。餐廳亦有包房，佈置沒什麼特色，不過十分舒適。若不喜歡大伙兒，也可在bar檯高椅坐坐，bar tender自然會給你最好的服務。最後到現場音樂，每晚均有live band，多以菲律賓人為主，多是jazz與pop的歌類，可惜寫明「不準客人上台表演」之類的告示。不過客人可遞上點歌字，當然啦，並非首首也識唱，不過若有朋友生日來慶祝，＜生日歌＞當然不成問題！而且，偶爾也會聽到＜月亮代表我的心＞呢！整

上星期六同朋友去試左佢個pasta buffet，真係幾正。首先價錢合理，百二蚊加一包一杯野飲。食物質素唔差，款色都夠。個南瓜湯好香濃，連本身唔係好"好"南瓜既我都覺得正。即席拌製沙律新鮮好味，自選意粉比較平凡，但有多款配料以供選擇。熱葷方面有雞翼、串燒、粟米等等，但冇試到（太飽，食唔落）；冷盤有生毫、魚生、燒雞等，都ｏｋ。甜品都幾好味，有藍莓芝士餅，忌廉蛋糕等，味道不錯，ｗａｉｔｅｒ推介白酒ｊｅｌｌｙ都幾特別。服務都唔錯，侍應生有禮貌，亦有適當地介紹酒類及食物。唯環境略嫌遜色，地板較滑及不劃分吸煙區。至於live band show 就不及對面食東南亞野果對男女唱得好，但係都算ｏｋ啦。

星期一至四嘅pasta buffet只係$99(另加一),雖然唔包飲品,不過諾士佛臺咁嘅價錢算係咁。而且野飲都係30左右一杯,唔算好貴。有live band,氣氛好好,如果有朋友生日,佢地會同你唱生日歌慶祝!環境都好靚,雖然外面好暗,但每張桌同周圍有燭光,幾浪漫!食物有沙律,又有廚師即場做凱撒沙律同pasta,自己配料,冷盤,魚生同熱盤都唔多,不過甜品就好多款!質素就一般.....服務好好,如果去飲beer,傾計同聽歌都係好選擇!

話說佢o地有個spagetti buffet, 我同一眾十多個同事就Friday Nite去試啦. 訂位o既時候佢已經話俾我o地聽當晚好full, 提議我o地坐佢o既VIP room,唔收我o地minimum charge,不過條件係只可以用個半鐘. 好似好清楚呀呵. 不過佢冇話我o地知佢間vip room 都係主要for 飲o野, d枱係矮,d椅係用正常for晚餐枱高度o既椅子. 坐得仲慘過係karaoke. 唉, 大佬呀, 訂位果陣你都明知我o地係食spagetti buffet gar 啦, 有咩理由咁o既setting 都唔出聲呀! 我負責訂位o既, 攪到d同事食得咁唔舒服, 我好唔意思law! 至於o野食.. 百幾蚊o既自助餐唔可以有咩要求gae. 即煮o既意粉係幾好咁law. 不過我唔會再幫襯!

最近多左上黎呢度飲野,因為貪有band,燈光暗暗地,傾計就最好;飲品方面除左酒類之外,仲有特飲都唔錯,反而食方面就未試過!結論:我個人喜歡這裡多過樓下地鋪,係拍拖談情的不錯地方!

依間都幾好,意粉即場著,自已加配料,味道很好