Club 35 (已結業)

終於執左....諗番幾個月前....原本一心諗住請同事食好D...之前睇廣告知道有大量三文魚生供應....即訂檯黎食...點知去到先發現三文魚暫停供應...(而家好似有番)....咁都算啦....跟住出去拎野食時先發覺D食品全部都係下價貨色...如魚蛋...紅腸....菜....款式仲少過車仔麵檔....連炒飯都冇(只得白飯)....逼住自制車仔飯....仲要唔好食....我知俾得咁既價錢唔可以有太高要求....但誓估唔到衰都咁囉.....怪只怪自己做唔足資料搜集.....

好耐之前，Club 35 係我地公認的一間專食平價三文魚刺身的餐廳，$5x 一位己經可以有自助餐食，最主要係有一個一個"山"咁高既三文魚刺身俾人食，refill又快。之後佢話成本問題，停止左三文魚供應，咁對我地來講當然失去了吸引力了。最近，原來因為個個人都提出如果無三文魚就唔去，所以佢再度推出三文魚。但係，已經再見唔到以前既"山"咁高既三文魚刺身，取而代之既係，由waiter一小件一小件咁，放係一個小碟上，由客人自便。當然，waiter會好醒目地係「合時」既時間失蹤，令三文魚的供應量得已控制。唉，我可以接受佢加價，但用咁小家既手法，sorry，我唔會再去了，除非佢改啦。

氣憤!時間: 06年五月在飲食xx上看見廣告,因為貪平所以想試.結果係....抵...................死,貪平丫!上到去,環境勁劣,好似工廠區飯堂!客人有好多,睇見食物都唔開胃,例如火煱用氣爐熱住,湯底好似漿糊咁,火煱料有變左色嘅肥牛,牛柏葉,cheap到痺.湯汁比客人滴到四圍都係,但冇人清理!有三文魚,想是全場最岑貴嘅菜式. 但我地冇食.熱燻中有一條魚骨,當然我地都冇食.白飯一大盤,炒飯都冇天下奇聞!唔講其它嘅騎呢菜,最後講我地一行五人如何收場,結果: 我地五人食左四粒咖哩魚蛋,一口白飯,一個餐包,一球雪糕,頂唔住,埋單要走,盛謂六佰幾!各位,千祈唔好信廣告,唔好貪平!p.s. 點解評分冇得0分?我一分都唔想比佢!

本人係星期一食自助晚餐既本人其實係睇樓下評家講既野先去試下club 35. but講真, 除左三文魚同生蠔不斷refill有睇頭外, 都冇咩值得驚喜. 食物款式粗略看約40多.三文魚不過不失, 麻麻地,冇樓下所講既咁鮮味,被人騙!!! 部份因豉油唔好味生蠔感覺腥腥地, 有沙既, 食第2個已想作嘔. 但都見到隔離枱都食幾多個下.anyway, 有可能係本人唔啱食生蠔.唯有專攻三文魚, 不過又不太正.環境同服務就正係唔錯, 又靜又寬. 服務生又收得快.109蚊, 總結, 唔抵食. 可以一去既. 唔好抱太大希望就係啦.

昨晚我地7個人係間海景房度食buffet，環境清靜；好舒服，麵包布典唔係太甜(好味)，三文鮮(鮮味)生蠔(新鮮) 綠豆沙(多豆)

朋友食過話抵數月前見雜誌做promotion又黎試下講真食物款式唔多但有三文魚同生蠔食係幾好食完係覺得開心呀但至衰係第二日即刻腸胃炎結果害到大時大節要戒口真係得不償失睇醫生既錢多過食飯錢大一節值唔值奉勸大家要諗清楚先

本人光顧此餐廳已多年，幾個月就去一次，主要係鍾意佢地既三文魚不停供應，但今晚就真係怕怕！三文魚refill慢之餘，三文魚色水已經唔多好，食落仲冇乜味添；其他熱食選擇少左，竟然連菜都冇條，只有蘿蔔；電視機聲太大了，我去到係想食野，唔係想電視撈飯。就算我幫襯開都係噉話，除非在此睇到有多幾個好的食評，否則不會再光顧。

專程帶幾個大陸同胞九龍出北角去食Cheap Buffet﹐因為佢地晌雜誌見到Club35買恒廣告話三文魚任食﹐又話有海景去。但我之前已經有心理準備~講真一舊水想點﹖去到款式少三文魚﹑生蠔唔新鮮﹐服務水準好差﹐個日爆哂棚﹐做到個侍應黑起個面。咖啡奶茶係自助﹐甜品ＯＫ。我食左個面包﹐就冇食。反而幾個大陸同胞食七咁食﹐仲一路食一邊讚﹐一時話生蠔同三文魚好食﹐一時話朱古力火鍋夠卓頭﹐食到佢地唔知幾開心（我就麻麻地）﹐話上面咁既級數自助餐唔只呢個價錢﹐佢地臨走仲去Counter欏Card 片﹐話遲下再黎食不過。

20/8/2005,在一個風大雨大的晚上去Club35吃自助餐,好抵食,而且有8個讚1)有5種不同味道的Dryes雪糕2)麵包布甸有驚喜3)全店no smoking,食煙的人要出去lift口位食4)三文魚魚生及生豪源源不絕5)朱古力火鍋夠特色6)熱盆有魚/雞/牛/羊….7)熱咖啡/奶茶自助任飲8)有海景/有電視看

拍拖幾年，男友帶我出去見人，同佢D同學食buffet。生蠔OK大隻，但唔算新鮮，賣相都可以。三文魚好大件又肥美，男友食得勁開心；熱盤一般，有點「家常便飯」的感覺。甜品就真係得雪糕掂，蛋糕以$98價錢來講，味道一般啦，不過甜品種類較少，嗜甜的女生會失望。總括來講，一分錢一分貨，$98算係咁啦，唔好有咁大期望，有生蠔已經算係咁。

先評環境，35樓的境色真的不錯。餐廳座位設計很懂得善用窗戶照明。若是夜晚的話某些座位應該還可以看到維港夜景。餐廳的座位闊落，奉著兩碟食物進出也無問題。食物的味道方面，選擇少是致命傷，味道也僅屬一般。除了酥炸三文魚外，其餘的冷盤、熱盤、魚生、甜品，不提也罷。服務方面，不見得有很多侍應忙著進出，也不見有侍應空閒地站著。但是侍應的服務卻出奇地高：每次離開座位拿食物時，用過的枱碟必定被拿走。效率之高，值得一讚。

講真~ 去個時已經有心理準備~因為都係56十蚊既一個lunch~但係真係無乜選擇~見到d三文魚黑左都唔想食~而且我去到食左一個椰撻同飲左一個白湯食左個面包就走人~見到d人都食到唔知點呀~

1月1日睡了十六個小時之後,終於都再出動了,約了一班老死來個新年聚餐,對於港島區不熟悉的我,找這裡真有點困難,幸好早半個月前,精神領袖就在不遠處之地點出現,那次路經此處才懂路,不然一定要致電求救!到達時,已差不多是八時,坐下前先來瘦身,之後已急不及待去拿吃的,放眼望去,冷盤好像只有三文魚加生蠔,兩款湯,熱葷約有六款,甜點全是大路貨色,約十餘款選擇,任飲之選就只有咖啡,奶茶等.先吃了幾件三文魚刺身,都夠凍,同埋都算鮮甜.生蠔一向也不是杯中物,因此不能評論,忌廉湯沒喝,又是不能下評之一.羅宋湯較為酸,料都幾足,如果有少少辣就更好,熱食中,魚沒有吃,其他吃過的,沒難吃的,很一般就是了.甜點有好像是慕絲蛋糕之貨色,實了一點,椰撻,雞批等,也與坊間餅店沒分別,沒多大驚喜,奶茶咖啡沒什麼味道可言......總之要專程去吃就不必了,只是今晚與友人吃得開懷,好吃與否,在這夜已不是重點之一,友人之間的友誼更進一步,才是在下心目中之關鍵呢!!

今日同同事黎食晚自助餐,佢都話唔多野食的,最好係有生蠔同三文魚,咁我又冇所謂的,是但啦!我都係想話同事一齊食下野傾下計,點知去到又真係冇乜野食,都算了!傾下計開心下啦!點知8:30有人埋黎話食野最後15分鐘,乜咁早關門?我唔知喎!早知又冇野食又冇得傾下計的話,咁不如去唱k好過啦!價錢都差唔多咋!

我上星期五(即10月22日) 同成班FD 一行六人去左食DINNER BUFFET , 一去度發覺完全乜都冇得食既, 最多既只係三文魚同生蠔, 而且D三文魚又唔太好食, 其它熟食得果5款, 仲要又係唔好食既D魚又霉既, D甜品更不再話下喇, D服務態度就更加唔得, 總之就差啦