City’n Friends

营业中

休息中

Novoland一間主打Handmade burger嘅店, 比其他餐廳有特色 ♡啡菇牛肉漢堡好juice~軟殼蟹漢堡有黑松露醬配襯都好正~D店員都好Nice~ 只可惜佢地今日係香芋雪榚👉🏻👈🏻(唔食香芋 Sad...

第一次食，嘗試心態😃😃今次叫了經典漢堡和鵝肝漢堡即叫即做，不過又唔使等好耐漢堡扒多汁，鵝肝配漢堡有驚喜😋😋現在堂食/外食order 漢堡都會送薯條及汽水👍🏻👍🏻會再光顧

Novoland 商場雖然唔大，但開餐廳好有質素，終於有時間樓下試下 My favorite Burgers, 門口裝修好 Special, 好舒服，橙色為主，餐牌好多種類，入到嚟當然一定試 Burgers, 一嚟到，burgers 好大份，賣相好靚，有套餐，牛好有牛味道，薯條真心有薯味，不是空心，Snacks 好多選擇，唔錯，員工好有禮貌，Nice, 食Burgers 有埋BURGERS 袋，有埋 wet tissue, 住戶仲有優惠，真心超讚，食完就唔想食 M記 Burgers...🥰👍

住左novoland一段時間，終於試到呢間漢堡。估唔到都幾有驚喜，店員服務態度非常好，漢堡足料又有牛味，仲送薯條同汽水，我地就揀左黑牛同薄荷朱古力奶昔👍🏻👍🏻咖哩漢堡好重味，唔錯👍🏻

好好味的意粉和漢堡一試難忘。很難想像全間店以橙色為主調有自家製的青醬。很合我口味漢堡亦是很夾的鵝肝加牛肉漢堡以洋蔥中和了當中的油膩，一絕。我們一家也很喜歡這裡的氣氛，以及親切友善的員工。

話說今日有事入屯門處理，去到寶田果頭，發現咗呢間叫 City'n Friends 嘅burgers店，一問之下原來係之前新墟果間 The City Corner 嘅延續， 二話不說就沖咗入去試，我哋點咗個鵝肝漢堡，上枱超邪惡，見到塊鵝肝同塊7成熟手打牛肉漢堡嘅執流緊出嚟，超正，食落唔會好漏，勁香，仲有好耐無食過嘅薯寶，正呀！炸啡菇漢堡，超juicy，一咬入個菇， 裏面嗰浸流心芝勁抽到可以拉絲，配埋個黑松露醬，簡直超級絕配！ 香橙提子沙冰，唔會太甜， 橙同提子嘅配合非常清新，可以消除咗食漢堡嘅油膩感！ 成餐晏就整體滿意程度爆燈， 絕代會再入嚟食！

Today visited a hamburger shop City’n Friends in Tuen Men that truly stands out for its authentic American-style burgers. The moment I took my first bite, I was blown away by the juicy patty and perfectly toasted bun. The flavors were rich and satisfying, evoking classic diner vibes. The menu offered a variety of Burgers and snacks. The staff was friendly and attentive, adding to the overall enjoyable atmosphere. I can confidently say this is the best American-style burger I've had in Hong Kong!

嚟到屯門新嘅Shopping Mall Novowalk，遇到呢間隱世burger 小店，從店外見到eye catching 嘅橙色裝潢，入到店內有打卡元素之餘，亦都有充足空間，讓大家坐得舒舒服服咁進餐。🍔經典漢堡接到訂單後即叫即做，採用5oz美國安格斯牛肉，食到濃濃牛味又juicy 🤤Burger 餡料十分豐富，有車打芝士、蕃茄、酸甜青瓜、洋蔥、沙律菜、經典醬，足料又好味。配菜薯條香脆可口，份量十足🍟🥤Weekday Lunch Menu +$38 轉奶昔/果昔晴媽就揀咗香蕉雲尼拿奶昔🍌 香蕉天然的甜度，雲尼拿雪糕半溶的狀態，令呢杯特飲口感軟棉綿之餘，香蕉迷必定喜愛☺️另外，留意到餐廳menu 有呢排大熱嘅豬柳蛋Pancake Burger，下次一定要返嚟再試～

門外擺放左兩張帆布椅，感覺好chill。店舖設計以橙色為主調，店內坐位唔算多，感覺乾淨舒服。食物味道有驚喜，無論係漢堡、小食定飲品，味道都相當不錯。軟殼蟹漢堡$88 原隻軟殼蟹，勁大隻，勁厚肉，隻蟹仲大過個包，淨係睇賣相已經相當吸引。軟殼蟹外脆內軟，黑松露醬再配搭紫洋蔥，蕃茄同沙律菜，令人一試難忘。黑松露醬勁香，一上菜已經聞到勁香黑松露味。蕃薯條金黃色，熱辣辣，外脆內軟，勁香甜，唔使點醬都好好食，可以選擇茄汁或蛋黃醬。試左杯果昔，香橙紅提沙冰，出奇地好飲，超香橙味，但一D都唔酸，好清新，相當解渴漢堡可加錢轉套餐，配薯條及汽水。亦可補錢轉粒粒薯寶、蕃薯條、奶昔或果昔，可以隨意自由配搭。

屯門開左個新商場novo walk ，同小朋友一齊去食左個餐，同小朋友兩個人一個餐岩岩好！因為覺得都算足料大份！燈籠椒漢堡5oz安格斯牛肉漢堡🍔、車打芝士、燈籠椒、沙津菜、經典醫即叫即整，送到黎已經聞到好香，熱辣辣，要睇熱，安格斯牛肉超級多汁，多到漏出嚟，個包好足料，我地個口都唔夠大要分開幾層食😂個經典醬加沙律菜，好開胃好岩夏天食，最愛😍芝士🧀車打芝士！燈籠椒🫑配料平時都比較小有（入面有兩塊一塊係紅椒、一塊係青椒！）但真係好特別同夾！粒粒薯寶好好味熱辣辣，要攤凍先好食，小朋友最愛，同漢堡包一齊食，一定係最好嘅配搭！香蕉雲呢拿奶昔小朋友好鍾意（話好似飲緊雪糕咁），飲落都唔會太甜，味道啱啱好，而且有咬口有香蕉肉係入面。今餐好滿意👍可以一試！

今日去屯門Novo land試新漢堡店🍔🍟橙色店面好搶眼，入到去都好乾淨舒服！今次試左最近大熱班戟仔，口感唔太痴口，同埋無咁甜！我中意🤭😍套餐跟埋薯寶，加分😚👍🏻另外，仲叫左個韓式豬腩肉漢堡🍔勁大塊豬腩肉好正🙌成個配搭好正，口感唔會好乾，少少辣但有生菜平衡返，Nice!!!仲要提提佢個包係類似脆豬仔，好大個！今次未試其他小食，下轉再報告🫡

初來乍到呢個新商場，比呢個翻版McGriddles既聲明吸引而來～叫左兩個餐，一個係豬柳蛋pancake仔配粒粒薯波+Double Cheeseburger 配粗薯條餐，額外加多左個黑芝麻Shake😌第一下觀感間餐廳好新好光猛，亦都冇油膩食物味，坐得幾舒服。同埋只要啲職員一見到有客坐低就會好熱心講解餐牌內容～係非常友善個種，我就會覺得同餐牌設計有關（因為Pancake仔系列係一定會跟薯波波，所以每枱客都要重覆講解🤔但如果餐牌寫得清晰應該唔洗個個客都要解釋）講返正題，如果為左Mc Griddles而黎一定會好失望，$68一個餐，價錢進取，但熱辣辣上到枱係好食，但食到尾有啲滯🤔薯波波薯條全部都即炸，脆卜卜的。最估唔到係我地嗌既雙層芝士漢堡（$78+$28加一片牛），個牛係勁Juicy一啲都唔柴，中間半熟狀態！個包食到一半啲汁滴到我成件衫濕哂😅😅唔係誇張，食到好論盡。呢個地段，市區價錢，但呢種質素，我覺得我收貨，尤其個Burger食過返尋味😆

Novo Walk開幕後最有興趣想食的便是雲川及這間City’n Friends 相信大部份人都是給他的（類似）McGriddle吸引而來😆當天我們早上開門不久便來到 因為早上不想吃burger那麼Heavy 所以全部都是選擇班戟仔.🌟豬柳蛋芝士班戟仔 配粒粒薯寶 $68坦白說現在香港已經有不少類似McGriddle的選擇 這一間的性價比應該算最低 佢硬性規定一定要配埋粒粒薯寶 但是沒有包飲品都要$68 飲品需散嗌選擇比較少 同埋價錢唔吸引 所以我們一行人都沒有點飲品味道方面是不錯的 pancake厚薄質感適中 而且有楓糖味道 連埋豬柳蛋 鹹鹹甜甜一齊食 層次豐富 如果撇除價錢問題 是會想再回頭吃的另外朋友選了煙三文魚芝士炒蛋班戟仔 以及黑松露炒蛋班戟仔 水準都是中上有機會下次可能試吓他的burger

餐廳以橙色為主色調的空間,充滿快餐店的感覺。不過,這裡的漢堡卻出乎意料地驚喜。經典牛肉漢堡包採用了新鮮多汁的牛肉餡料,搭配生菜,洋蔥和芝士,整體口感頗為不錯，是一份令人滿意的漢堡。而牛肉鵝肝漢堡包則是在經典漢堡的基礎上,加入了鵝肝,為整體增添了奢華氣息。餐廳提供的是handmade burger, 應該是即叫即做, 所以等候時間就有點久。今次等候時間大約是半個小時。總的來說,餐廳的裝潢雖然較為簡單,但其漢堡產品卻出乎意料地不錯。在平凡的外表下,藏著一些驚喜,值得一試。

行行吓Novowalk 新商場發現左呢間漢堡店出面商場好似未見過, 一於試下新野生!City’n Friends裝修以鮮橙為主調, 配合埋光管, 燈箱打造出美式風格, 又可以打卡了至於食物方面, 最特別應該是雙層豬柳芝蛋班戟仔配粒粒薯寶因為佢嘅豬柳蛋包皮是用Pancake做的，令人回想起日本麥當勞必食嘅McGriddle , 估唔到香港都可以有呢類包! 可能因為新開業, 暫時都不用排隊! 味道方面,我覺得真心不錯還原度很高, 可以一試啊!  Pancake包甜甜哋很好味! 但係食呢個包規定要配上粒粒薯寶的, 沒有散叫, 薯寶質感好似薯餅, 外表是脆身的, 入面是用上新鮮薯粒, 一定飽肚, 大食朋友都會好滿足餐廳還有不同款式漢堡供食客選擇, 好似經典漢堡, 韓式豬腩肉漢堡等, 看上去好似好吸引, 下次約埋朋友再試下其他款式!