City’n Friends

营业中

休息中

因為屯門人嘅梗係周圍搵嘢食啦，前兩日經過Novo land, 見到開咗間新嘅漢堡包餐廳，成間橙色都幾特別，咁就入去試吓啦入到嚟梗係試一試佢嘅漢堡包啦，我點咗鵝肝牛肉漢堡，係最貴嘅一個包呢間餐廳仲好貼心咁會俾埋漢堡包紙包住食，唔會整到隻手污糟晒呢個招牌漢堡我都覺得幾推薦、鵝肝加埋牛肉簡直一流，兩樣都係我最鍾意食嘅，，但又唔會覺得好腬，仲要食到好飽餐廳仲免費升級薯條汽水另外我朋友叫做個煙三文魚滑蛋班戟，呢個就比較輕食餐，但班戟皮太腍啦，冇辦法拎住食值得一讚係佢嘅滑蛋真係好滑總括嚟講餐廳水準都唔錯，如果經過其實都可以不妨試一試

住大西北的街坊們，屯門Novoland開咗間美式裝修嘅burger店，City n Friends提供了一個放鬆的角落，行過去佢的橙色裝修已經吸引着我，店員服務有禮，讓我可以與親友共享美食與歡樂。這裡的氛圍輕鬆愉悅，無論是聚餐還是小聚，都是好好選擇喔！🥳經典漢堡$78牛肉漢堡包份量十足，配上車打芝士蕃茄青瓜沙律菜等材料，安格斯牛肉好juicy，生熟程度適中。搭配特製經典醬料，令每一口更提升了整體的風味。而家burger已經可以免費升級薯條同嘢野飲啦👍🏻黑松露野菌大蝦意粉$78呢個意粉內有新鮮厚肉的大蝦，肉質鮮美。而野菌切得厚薄剛好，配上充滿掛汁濃鬱黑松露醬汁的意粉非常配搭，味道層次分明，值得一叫👅榴槤炸彈 4粒 $20加配食物有榴槤炸彈，呢個榴槤炸彈真係好好味呀！佢熱度適中，皮薄榴槤餡多外脆內軟yummm魷魚鬚bb半份$28魷魚鬚炸得鮮嫰可口，口感彈牙，令整個餐更加豐富🩵雪糕香蕉班戟雲呢拿$48🍨餐後我哋享用了手工甜點。香蕉班戟濃郁而不膩，配上一球雲呢拿雪糕，完美的結束了這頓美好的晚餐。

收工再去屯門食好嘢，上次食過一次佢地嘅漢堡包，成日都好掛住，加上見佢地ig出左新甜品😍😍又有理由去食啦🌟煙三文魚豬柳芝士炒蛋班戟仔（$68）Pancake本身好鬆軟加上厚厚嘅炒蛋同熱到熔晒嘅芝士都幾夾，加埋煙三文魚口感更加豐富，我地加左$12蚊配左蕃薯條，我自己就幾中意，因為甜甜地加上炸得好脆👍👍🌟雞扒漢堡（$72）漢堡包依然好足份量，雞扒厚身之餘又好嫩滑。另外佢仲用咗蒜香羅勒青醬去調味，個味都幾fresh嘅👍食晒成個burger都唔會好漏，依家叫burger已經免費可以配埋薯條同埋嘢飲，都幾抵食🌟Apple crumble 🍎🍎到我最期待嘅甜品😍佢呢個份量都幾多嘅建議同埋朋友仔一齊share 。係即叫即整所以熱辣辣，上邊嘅金寶呢係手工做，好香牛油味，加埋肉桂蘋果肉同凍冰冰嘅雲呢拿雪糕，真係好有驚喜。好耐都未試過食咁好味嘅Apple Crumble😍City’n Friends (屯門)屯門欣寶路8號NOVO WALK地下8號舖

🇭🇰屯門特色漢堡包店📳行過就比佢勁橙嘅裝修吸引住🧡超級打卡able~🍔 韓式豬腩肉漢堡 $72
入面有香煎豬腩肉、車打芝士、太陽蛋、沙律菜、香辣蛋黃醬。漢堡包的豬腩肉外脆內嫩，搭配香辣蛋黃醬，味道層次分明，真係一口咬落去令人陶醉！🍟 配薯寶及汽水 +$40
薯寶炸得金黃酥脆，與漢堡的搭配絕對完美，讓人一口接一口，根本停不下來！Special Menu🍔 黑松露軟殼蟹漢堡 配薯條 $98
軟殼蟹外脆內嫩，黑松露的香氣令整個漢堡更加高級，特別推薦給喜愛海鮮的朋友，讓你感受不一樣的美味！升級至其他特飲正價-$20
🥛 香蕉雲呢拿奶昔
奶昔香濃滑順，完美解膩，搭配漢堡更是絕佳選擇～加配小食
🦑魷魚鬚 $28/半份
鮮嫩的魷魚鬚，口感彈牙，絕對值得一試，作為配菜也非常合適，讓整餐更加豐富。📍City’n Friends (屯門)
屯門欣寶路8號NOVO WALK地下8號舖

朋友新居入伙，explore新地方，有青少年，有老人家一齊食，屋主介紹呢間burger店，話意粉好好食，屋企啲老人家好西化，不嬲都係意粉食家。入去餐廳前都有幾分懷疑，不過屋主講到咁好，就不防一試。叫嘢食時後生店員忻勤態度，已經係近年少見，即時信心大咗。第一份少食嚟到,炸魷魚鬚（$48）…諗住可能好鬼炸，點知嚟到係薄脆，感覺已經非常滿意。主菜係三盤意粉，蝦/軟殼蟹/漢堡扒（老人 同中年食），一個漢堡飽（青少年食）。價錢全部（$99以下，包嘢飲）。可能嗰區已經係貴嘢，但係我哋市區入去，覺得超值。意粉佢哋揀咗中幼身意粉，出色之處在於軟硬適中，有彈牙感，更高質係醬汁，均勻落在每條意粉先係我決定要寫食comment嘅原因。大家都覺得餐廳太少人知道，太少人幫襯，應該值得梗多人欣賞。burger 加配薯寶，係薯寶，真係好多年冇食過，（$8）我冇聽錯嘛，係8蚊！好乾身，完全冇油膩。向來我都好少comment,但係有咁有心嘅香港年青人打理嘅一間小店，就真係想share吓。最可惜冇影相，大家可以參考其他人啲相。最後，店主介紹Apple Crumble, ($68) 配雪糕，四個人分享都夠，好味，甜度剛剛好

位於novo walk新開左一間美式店舖，主打漢堡及意粉，雖然空間不大，但美式的橙色設計風格，相當吸眼球，所以今次就試吓呢間新店舖。需注意一點，餐點製作需時，需耐心等候。鵝肝漢堡配薯條漢堡配料，包含牛肉漢堡、匈牙利鵝肝、車打芝士、焦糖洋蔥、沙律菜及黑醋蛋黃醬。鵝肝味道濃郁，與焦糖洋蔥嘅甜味同黑醋蛋黃醬的酸完美結合，每一口都非常濃厚。薯條汁香口，但口感偏柔軟明太子野菌手打牛肉漢堡意粉手打牛肉漢堡肉質結實，牛味濃厚，與明太子醬汁味道非常配合，意粉非常掛汁，配搭充足份量嘅野菌同意粉，非常飽肚香蕉朱古力MilkshakeMilkshake飲落香甜順滑，有好香既香蕉味並帶有朱古力碎，很有咬口，香蕉朱古力味道不錯

今次來到這間店舖，食了一款經典漢堡，發現味道極之美味，因主打手打安格斯牛肉，使用新鮮的牛肉餡，搭配生菜、番茄、洋蔥和自製醬汁，所以美道和鮮味極之出色， 同時，佢哋星期一至五中午有優惠餐連飲品，美道一流！

🧡環境餐廳橙色設計為主，十分搶眼，超級生存嘅設計設計令我諗起Loki中既miss minutes🕐🍔韓式豬腩肉漢堡SetSet 除咗漢堡外，仲有薯條同飲品漢堡超級超級巨型！一個人食唔哂！漢堡內有香煎豬腩肉、車打芝士、太陽蛋、沙律菜、香辣蛋黄醬，超級豐富-香煎豬腩肉煎得外脆內嫩，油脂適中，搭配香辣蛋黃調味，少少辣，好有風味加上車打芝士同太陽蛋，味道和口感更有層次沙律菜平衡了油膩感，可以一直食都無問題餐廳仲要超細心，有張紙可以包住嚟食，唔使整污糟隻手CP值高，無論是午餐還是晚餐，都是一個理想的選擇！

今次泥到屯門NOVO WALK呢個新地方發掘下D 正野，聽朋友講嗰度開左間高質burger店，裝修以醒神嘅橙色🧡🟧🟠作主調，裝修帶有時代感，非常新潮，而且環境舒適，同朋友坐低食下嘢、飲下嘢、傾下偈，甘又渡過輕鬆嘅一日🥂📌黑松露軟殼蟹漢堡配薯條🦀🍔🍟原隻炸到脆卜卜嘅軟殼蟹🦀成為漢堡🍔嘅主角，蟹肉冇被炸乾，仲可以食到啖啖肉配料有蕃茄🍅、沙律菜🥗同黑松露醬漢堡塊包🍞輕輕搽左D牛油🧈之後烘到又香又鬆軟伴碟係大量濃郁薯仔味嘅粗薯條🍟😍📌全日早餐煙三文魚🐟焗大啡菇蕃茄🍅黑松露炒蛋🍳沙律菜🥗薯寶🥔竹炭吐司⚫🍞最特別係黑色嘅竹炭吐司，有型之餘仲有潤腸通便嘅功效，提高抵抗力💪🏻📌自家製蝦多士🦐🍞諗起以前喺家政堂試過整蝦膠嘅難度係萬分，淨係要搣蝦殼、挑蝦腸、打成蝦膠已經好考功夫👀餐廳自家製嘅蝦多士爽滑得泥，仍然保留彈牙蝦肉係面以蝦為餡料嘅炸多士非常酥脆可口，好滋味😋📌紅肉火龍果乳酪果昔🥤用營養價值好高嘅新鮮紅肉火龍果即時打製既水果乳酪飲品口感綿滑細密、層次感非常豐富！味道唔會太甜，好好飲！真心推介🩷🩷🩷呢隻天然嘅桃紅色靚到扣人心弦，打卡一流😍😍😍📌熱玄米茶🍵玄米茶香味清新，營養價值高，仲含有穀物纖維， 利

職員有禮貌 薯條熱辣辣漢堡漲卜卜意粉香噴噴薯條又厚又脆 唔會食到口乾 漢堡包內既料好豐富 啲生菜新鮮 牛肉又厚又夠味 唔會好咸卡邦尼意粉多汁唔會好勁奶味 意粉口感剛剛好 好彈牙職員耐心介紹餐牌及講解優惠 近期做優惠免費升級薯條同汽水 價錢小貴 但真係好好味 值得一試

店員同我介紹話有隱藏menu，聽左佢推介就食左以下既野食黑松露軟殼蟹意粉佢個黑松露汁幾厚身，非常掛汁！最尾食曬個意粉都唔會有汁墊底！好濃郁好好味！軟殻蟹好大隻，有成隻碟咁闊！炸完香脆唔會好heavy！小編好中意食！陳皮話梅梳打話梅梳打就飲得多，但係有陳皮嘅話梅梳打都係第一次飲，估唔到味道咁夾，酸酸甜甜好解膩藤椒牛肉漢堡配 蕃薯條 小編另一重點推介！餐廳咁岩有個新口味！小編就一於做勇者啦！小編未食過藤椒味嘅醬汁！但夾埋個burger又比想像中夾！醬汁香味超級突出，但唔會有辣味！又有效將漢堡肉味道帶出黎，又唔會搶味！所以小編勁中意食呢個，超級超級推薦！！！❤️❤️❤️紅肉火龍果乳酪果昔$38呢部飲品係店員介紹，質地好滑味道唔會好甜，幾清新 重點係紅肉火龍果營養價值好高

進化論除咗適用於生物，其實亦適用於漢堡包。因為以前嘅漢堡包主要係由牛肉漢堡，加上簡單醬汁同配料而成；但依家嘅漢堡包，款式層出不窮，極具創意同充滿話題性。今次山長水遠嚟到屯門區，就係尋找City’n Friends嘅特色漢堡。素魷魚圈素食人士同樣適合嘅素魷魚圈，係City’n Friends必叫嘅餐前小食。素魷魚圈同普通魷魚圈分別不大，同樣充滿口感，而魷魚圈嘅粉漿夠薄身，所以非常香脆。韓式豬腩肉漢堡講到City’n Friends嘅特色漢堡，首推嘅就係韓式豬腩肉漢堡。用上豬腩肉嘅漢堡，油香非常豐盛，但亦令漢堡夠晒juicy。醬汁以滕椒醬為主調，可以balance番油脂含量較高嘅豬腩肉之餘，仲充滿韓式風味。墨魚汁魷魚鬚意粉烏黑色嘅墨魚汁沾滿每一條意粉，帶有啖啖嘅墨魚味。意粉配上香脆嘅魷魚鬚，尤如有百隻墨魚同魷魚喺口腔入面奔騰啊！黑芝麻奶昔、紅肉火龍果乳酪果昔除咗漢堡包之外，City’n Friends嘅特飲同樣係一個記憶點！餐廳嘅特飲選擇非常多，其中推介充滿濃濃芝麻味嘅黑芝麻奶昔，飲落似黑芝麻糊之外，仲多咗一份綿滑奶香感；而紅肉火龍果乳酪果昔就用上新鮮紅肉火龍果打成，加上乳酪，夠晒健康之餘

一路都想試吓City‘n Friends ，今日終於抽到時間去探店了🫶🏻🫶🏻［食後感］📝1. 鵝肝漢堡配薯條✔️薯條外脆內軟✔️味道豐富又唔會過於油膩✔️鵝肝漢堡麵包鬆軟而且微微烤香✔️牛肉餡厚實多汁✔️鵝肝的香滑和餘韻伴隨著一些鹹味，真係回味無窮✔️芝士融化得剛剛好✔️新鮮生菜，食落去口感層次好豐富，能夠平衡鵝肝的油膩感2. 紅肉火龍果乳酪果昔✔️質地柔滑，搭配乳酪的濃郁，使每一口都十分順口✔️火龍果帶來的天然清新感，真係清爽✔️紅肉火龍果的鮮豔色彩，單用眼睛已享受這道美食✨跟套餐價錢$38就有一杯，性價比高💕！🫶🏻🈵總結來講，City‘n Friends 真係一間值得推介嘅地方，附近嘅街坊可以試吓。

喺屯門附近諗住搵間餐廳食飯行行吓見到呢間餐廳做緊推廣即刻入去試吓 上餐後第一感覺 份量適中揀咗經典漢堡餐 味道不錯 食材豐富另外再叫咗個軟殼蟹漢堡有驚喜！！！軟殼蟹依然保留酥脆口感性價不錯 值得一試

餐廳用上鮮艷嘅橙色為主題，遠處已經見到餐廳同可愛嘅麵包logo😆 呢度除咗有漢堡包外，仲有班戟包、意粉、全日早餐、小食同甜品。果昔係用新鮮生果打製而成，跟套餐價錢$38就有一杯，性價比高💕！🍔鵝肝漢堡 轉套餐配薯寶同奶昔 $108+$74匈牙利鵝肝厚肉肥美，每一啖都係滿滿嘅幸福感😍！5oz美國安格斯牛肉🐮用紐西蘭草飼牛油煎過🧈，配搭融化嘅車打芝士🪤、香甜嘅焦糖洋蔥🧅同清爽嘅沙律菜🥗，令漢堡更加香口。黑醋蛋黃醬清新開胃，平衡番鵝肝同牛肉嘅油膩感。🥤冷卒咖啡奶昔 $58奶昔用上冷卒咖啡☕️加入雲尼拿雪糕🍨打成，係affogato嘅飲品版本✨ ，可以當做埋飯後甜品😚。🍝黑松露軟殼蟹意粉 $88原隻軟殼蟹炸至外脆內軟🦀，好少見軟殼蟹多肉同有蟹膏，味道鮮甜好好味🤩！黑松露醬俾得好大方，沾滿每一條意粉，仲有唔少炒過嘅菇片🍄‍🟫，啖啖都係濃郁嘅黑松露味🖤。🥤藍莓香蕉乳酪果昔 $38（Special Menu升級至其他特飲正價減$20）乳酪加入新鮮藍莓🫐同香蕉🍌打製而成，應該要用好多藍莓先咁有味道！性價比好高！味道清新香甜，健康又可以解渴。📍City’n Friends (屯門)屯門欣寶路8號NOVO