影片
餐厅位于天后Park Aura美食云集既地方,佢哋主打韩式便当,饭卷及汤品,款式非常多而且价钱合理,takeaway又方便🤤烤牛肉包饭高级便当 $85烤牛肉口感软嫩,咀嚼起来很轻松,高级便当可自选4款side,佢哋嘅辣酱鱿鱼同凉拌菠菜非常开胃,偏甜微辣又有咬口,非常推介!另外再配埋是日靓汤,一个便当超级饱肚😎牛肉紫菜饭卷 $47牛肉肉质鲜嫩,加入新鲜红萝卜,青瓜,腌萝卜等等,令口感更丰富!饭卷中加入独特既麻油,闻起上黎都吸引~洒上芝麻粒配搭紫菜既咸香,十分推介👍🏻
继续阅读
好多好评❄️❄️ 所以特登黎试一试，叫左便当同炸鸡食，点解又系食左伏😫😫我个阵去都无人排队，见到佢整紧鸡比我，同埋原来隔离热狗舖都系佢地既，用隔离厨房整饺子比我（当时已经feel到小伏）.便当.得饺子热，其他都系冻、小小小小暖明明我系叫完然系就坐系隔离食🫶🏻😵💫.年糕好水，好似用鱼糕汤加啲甜辣酱煮，唔好味，同真正韩式100%唔同.紫菜包饭，好松、包得唔够实、筷子夹都觉得好松散.炸紫菜卷，冻，又冻又硬...炸鸡. 好多酱但又㖞好味㖞. 叫甜辣鸡个款只味根本唔系个件事. 加上啲鸡唔脆、无肉汁👎🏻👎🏻👎🏻👎🏻👎🏻
继续阅读
今日经过天后见到间韩国料理劲吸引本身净系谂住买份便当但其他野愈望愈吸引🫣于是我一次过买晒午、晚餐🤤【炖排骨高级便当】好厚既牛仔骨牛肉味非常香浓质感柔软，容易骨肉分离配埋多汁白萝卜非常滋味😍【韩式猪肘+韩式猪脚】满满既骨胶原😍真空包装方便拎返屋企加𩠌店员话微波炉加热一分钟就得我哋无微波炉，蒸返热一样好食👍🏼好入味又软淋淋😋【青椒炒小鱼干】入面有青辣椒仔同虾干仔入口甜甜地香口又超好𩠌饭👍🏼【辣酱鱿鱼】【辣酱章鱼】调味同韩国食到嘅一模一样😍口感方面鱿鱼比较绵密章鱼就爽口啲两样好正！
继续阅读
又嚟享环天后揾食，之前帮衬过路口𠮶间韩式热狗店，今次就一于试下侧边𠮶间「ChumChummi」。店舖主打正宗韩国料理，餐牌选择好丰富，有便当、饭卷、炸鸡、汤品，另外亦有各式各样嘅韩式前菜，如泡菜、薯仔沙拉、辣酱鱿鱼等。点咗炖排骨高级便当 ($95)、烤牛肉包饭高级便当 ($85)、原味炸鸡、吞拿鱼紫菜饭卷，另外再加咗盒蜜糖番薯做甜品。每盒便当都附有汤同 8 款拌菜，有萝卜丝、鱼糕片、豆芽、炒小鱼干、凉拌蕨菜等，另外饭面亦铺咗 3 件蛋卷，蛋卷厚身得嚟又带少许蛋香，好有韩式风味 。炖排骨份量比预期多，大大件，肉质腍滑，而且每件都有齐肉、筋和少许肥膏，加上入味嘅红萝卜，口感甚佳。至于几款伴菜之中，最钟意就系凉拌菠菜同酱炒莲藕，菠菜嫩绿无渣，入口带阵阵麻油香、而莲藕亦非常爽脆，清爽不油腻。烤牛肉水准亦唔错，肉质肥瘦适中，入口嫩滑有肉汁，配料亦唔马虎，有红萝卜、洋葱、椰菜同葱段等，捞埋啲韩式酱汁一齐食，辣辣地，好惹味。炸鸡 ($80/中) 鸡件即点即炸，鸡皮薄而脆口，肉身柔软嫩滑，加上咬开外皮后，鸡肉不干身，外皮锁紧肉汁，就算食原味都唔会觉得 Dry，实在有惊喜！另外呢款吞拿鱼紫菜饭卷 ($45) 亦系推介之选，一客有 10 件，米饭握得够紧密，夹起不易散，加上饭卷入面塞满了萝卜、青瓜同吞拿鱼等，口感很丰富，食完好满足！蜜糖番薯 ($40) 番薯用透明胶兜盛载，面头洒咗少少芝麻，再以蜜糖浆浸泡，入口甜糯得嚟又有质感，味道挺不俗。
继续阅读
「忘不了 忘不了，忘不了秋已至 忘不了肚已饿，忘不了便当的滋味 也忘不了烤牛肉的回忆。。。」「那怎么办？？ 其实我都肚饿了 ！亅 「今次不用去到尖沙咀买了， 我上网看到这家ChumChum在天后开了一家外卖分店，一于 go go go 去买吧！亅。。。。。。。。。。。🦉。。。前菜双拼(小份)： 凉拌辣豆芽(半份)、炒鱼片(半份)爽嫩的豆芽吃起来很清新， 配上微辣的拌酱，零舍开胃！Korean fish cakes 也是我的最爱， 以七彩凉拌的方式冻食，又是另一番风味！。。。。。。。。。。。🦉。。。烤牛肉包饭高级便当 $85这个浮跨的便当真的很有仪式感， 在家开餐也可以感受到一份「丰衣足食」的幸福感！首先是四前菜我要了(从右至左) 腌鱿鱼丝、 酸萝卜丝 渍莲藕、 薯仔沙律， 每样都很好食，令人大满足。主菜烤牛肉的份量很多， 我很喜欢它以大葱和洋葱作为配料，因为这样更能把烤牛肉的鲜味带出来。 伴菜是加了甜辣酱的烚椰菜， 用菜来包著肉吃，一餐的均衡饮食都在这个便当内了！米饭也是很讲究的。。。是健康红米配白米饭，上面还放了三大片蛋饼， 就好像一个韩食版的多啦a梦百宝箱一样，应有尽有，令人目不暇给， 口福不浅！。。。。。。。。。。。🦉。。。鲜虾紫菜饭卷 Gimbap $45韩式外卖又怎能不预 Gimbap一份呢！ 我已在我的肚子内留了位置给你啊！！你看这个鲜虾紫菜饭卷的卖相多漂亮？真是未食入囗，已经令人垂涎欲滴了！。。。。。。。。。。。🦉。。。蜜糖炸蕃薯(小份) $40来到甜品：这款蕃薯的制法，特别之处是炸好后放回蜜糖浆内浸著，从而做到有糖渍的效果。番薯吃起来口感颇为结实，甚有咬口，用来作为今餐完美的句结，值得给予掌声鼓励！。。。。。。。。。。。🦉。。。。。。。。。。。。。🦉。。福福郎staycation食评系列， 有全港十八区的特色餐厅介绍 ，你今日睇晒未？！ 请按左上角的「福福郎猫头鹰头像」， 参阅我的其他文章。
继续阅读