CHOO CHOO (已結業)

又係放工在附近搵嘢食，今次選址左這一間長沙灣頭幾位！不過今次真係失望而回一到去店舖細細大概有10張枱左右，當然最特別嘅就是兩邊牆身的電視螢幕，這個店舖名為Choo choo, 就係佈置得好似行動中的火車，螢幕上顯示就是火車望出去的街景，初頭覺得聽落有啲得意，但是來到其實十分之普通，一啲感覺都冇一睇Menu冇嘢好食，選擇極少，在不願意的情況下是但叫咗四樣嘢，價錢仲好貴添除咗炸魚薯條比較好味之外，講真真係麻麻哋好食！就算諗住食氣氛，都唔掂地方位置有偏遠，好在我在附近返工，如果唔係都唔會專登過嚟.以長沙灣區來說，價錢又貴又唔好食本身好有特色的餐廳變得不吸引，如果改善一下應該會更好

最喜愛幫襯小店, 在朋友的強力推介下, 到了長沙灣幫襯這間 Choo Choo, 總共分上、下兩層, 我們被安排在地下那層入座, 由於牆壁兩旁的 LCD Mon 不斷播放如火車移動時的窗外景物的景象, 讓你彷彿身處方車車廂中晚飯一樣, 很有特色!  不只佈置特別, 食物也明顯非常有心思, 當天我們一行三人叫了以下幾款餸菜: 西班牙伊比利亞黑毛豬梅扒 (全橡果級別): 黑毛豬肉質鮮嫩, 我們 order 了全熟, 依然無損肉的質地 阿根廷紅蝦 🦐 意大利麵配風乾番茄龍蝦醬，巴馬臣芝士: 真的是蝦有蝦味, 蝦肉爽口, 而風乾番茄龍蝦醬則是酸酸甜甜的, 很是開胃西班牙辣肉腸火箭菜薄餅 🍕: 熱辣辣上桌, 西班牙辣肉腸的豐富口感, 加上火箭菜的微甘，使我一口氣幹掉了4片薄批 pizza血橙 🍊蟹肉 🦀 沙律:    生津醒胃之作, 蟹肉肉質鮮美進食時望向 LCD 螢幕, 真的有像在火車上晚飯的感覺呢!

上一次到訪已經是年多前的事﹐覺得唔錯。食物有誠意、環境別緻、服務不錯。只是略貴。今次帶同事來試試午餐。午餐價位比晚餐低﹐感覺划算得多。我點了 烤雞牛油果沙律配溏心蛋；另加了餐湯。是日餐湯是菠菜酸乳。酸乳聽起來怪怪的﹐不過菠菜是我大愛﹐當然照叫無誤！另一位同事都加了湯﹐我們嘗後都嘆這+$8餐湯真的超值！菠菜味濃﹐配上少少酸乳挺開胃。沙律也不錯。雞肉烤得很香﹐有肉汁。配上芥末籽醬和洋蔥﹐很香口。另外同事們點了牛扒三文治配黑松露薯條及墨魚筒西班牙海鮮飯黑松露薯條沒有黑松露味﹐可能忘記了吧… 不過幼幼的﹐很脆！怕油膩的朋友未必會喜歡。其他的我就沒有試﹐可是同事們邊吃邊讚﹐應該不俗吧！另提提﹐廚房出菜需時﹐要快的話可能要考慮一下。

每次同朋友約食飯都係一個世紀難題，要諗食咩真係R爆頭。好彩今次有個會願意負責諗嘅朋友，咁就唔駛我傷腦筋～佢提議呢間嘅時候我望望地址，發現原來間餐廳就係我教會附近！點解我完全冇察覺過呢度有間咁嘅Cafe兩個人Book左7點食，一入去嘅時候得我地一枱，心感不妙，好驚中伏。但原來後尾越黎越多人，餐廳枱數都唔算少，平日夜晚都坐滿晒成間餐廳。餐廳環境好舒服，燈光美氣氛佳，難怪我見唔少都係一對對情侶咁黎～即使多人但大家傾起計黎都唔會好嘈，令人可以好放鬆～我地坐係一個mon 隔離，諗左好耐點解會有個mon 係度播緊D綠草如茵嘅景，後來先figure out 到原來間餐廳係模仿緊一架行駛緊嘅火車設計都幾有創意～去到Cafe點可以唔叫野飲～佢呢度適合我嘅野飲唔算太多，因為我唔飲酒，夜晚又唔飲得咖啡。不過幾款Energizer 都幾吸引，係糾結左勁耐之後終於叫左杯mango banana，有齊2樣我都幾鐘意嘅味道，不過一開始都有D擔心呢種配搭會唔會好奇怪。但飲落味道都幾有驚喜，佢一飲落口個下嘅芒果味比較重，但慢慢就會試到淡淡嘅香蕉味～口感好滑，賣相都好好，用燈膽杯，岩晒呢D相機先食嘅我不過可惜佢唔係滿嘅，

六時有50% off 折扣，就訂枱試下有冇伏。長沙灣港鐵出仲要行十幾分鐘，真係好唔就腳，餐廳位置望上去就係蘇屋邨，從未到過此地。準時到達，餐廳内有一客人，佢坐係門口張四人枱，我倆就俾安排坐係同枱。感覺巳經唔好，餐廳得一枱客，點解要我地迫埋一張枱，仲要係門口位，職員又要多次確認我是否真的有訂枱。用餐時間有1.5小時，折扣只限於餐牌內單點食品，不包括套餐、甜品同飲品。所謂火車做主題，就係兩邊牆上嘅電視屏幕不斷播啲風景片。落完 Order，同枱另一位客人到了，當她們點完餐之後，就要求換過另一張枱坐，一來對住電視屏幕好眼花，二來枱太細怕食物放唔哂，職員即時係拒絕她們，因為所有枱已有 booking，她們再三要求及應承七點還枱，職員亦無奈將另一邊門口枱給她們。十五分鐘就上菜，泰式軟殼蟹羅勒葉墨魚麵$158，麵份量不算太多但有質感，煙韌彈牙，呢度墨魚麵唔會食到滿咀墨魚汁，配上勁多蒜片，食落似蒜蓉味意大利粉，軟殼蟹唔脆偏淋，味道還可以。牛肩胛配露荀黑松露波特菇$228，職員講明牛肩胛中間帶有一條筋，上菜時，牛肩肉上面有刨碎咗牛油，熱力慢慢將牛油溶化滲入牛肩肉度，牛肩胛肉質比較實淨但肉味濃郁，底下有幾

接2連3的紅日假期,令我不期然想夜晚食好d。前兩日朋友推介了這餐廳。今晚決定一試。晚上8:45。店內坐滿了食客。有1家大細。有3 5知己咁。本以為要等位。有個似係店長?既男士禮貌地告知我們9點last order,可以食到10點。我當然無問題。我食野出名"快"。😂然後店員帶我們上樓上。噢！原來有個小閣樓?樓上有枱大枱,剛好正在等待結賬。店員禮貌地簡介左餐牌就走開了。我同老公快速地看了一遍。餐牌款式不多。有一版是日推介。有1版平日的餐牌?1版飲品:手工啤酒,果汁,咖啡。老公想食燒魚,我想食乳豬。另加一客血橙蟹肉沙律。一客白酒蜆扁意粉。老公話要飲奶茶?我話好似無?佢話咁要可樂?我話眼見餐牌都無。後尾幫佢點左杯mix berry果汁。我要1664啤酒。等左約15分鐘。有d擔心會食唔切。好彩跟住就有野食。先係血橙蟹肉沙律。老公話係罐頭蟹肉,大佬,正常呀～$148一個沙律俾新鮮蟹肉你咩?一口咬落去,嘩?有薑味既??感覺怪怪的,好少食西餐沙律落薑??火箭菜加左d梨片蟹肉同4片血橙都算清新既。再黎就係白酒蜆扁意粉。好多蜆肉,加上乾辣椒粉, 羅勒葉。好香啊。老公話有d辣。唔辣點好食??再黎我的乳豬黎啦

這日我與女友和教會的一名前輩晩飯，前輩選了這間店，我們也未食過。前輩推介加上食評不錯，未食已先期待一坐低就被店的環境吸引，是模仿歐洲長途列車的車廂呢，螢幕上播着模擬穿洲過省的樹林景致，讓人賞心悅目。經過討論，我們order了：西班牙伊比利亞黑毛豬梅扒(全橡果級別) $1781855極黑安格斯肉眼扒 $2981855極黑安格斯肉眼扒 $298三舊水對我們這些打工仔而言價錢都貴，當然都有所期待食落肉質好軟腍可口，肉汁豐富，好味又有層次感不過肥肉略多，要扣下分西班牙辣肉腸火箭菜薄餅 $128這個是我大力提議Order的，食落果然無令我失望，肉腸少少辣好若味，薄餅本身的鹹鹹味道好match餅地都厚薄適中又脆口西班牙伊比利亞黑毛豬梅扒(全橡果級別) $178竟然忘記拍照了，但其實同樣高質，而且不輸蝕比個肉眼扒，性價比高豬肉味幾香口愉快的一餐，而且我們談了許多深入話題，也多謝前輩的建議和祝福。

‼️隱世高質西餐 #ysafood長沙灣 ‼️ Choo Choo離長沙灣/荔枝角站至少十分鐘路程 匿藏喺一堆車房中間 如果唔係朋友帶都唔會搵到呢間咁神秘既西餐廳🙄 呢度lunch 由$78起跳 同區黎講算貴 但黎到就試下佢啦😋Garlic Shrimp Spaghetti ($88) Lemon Butter Chicken ($78)食物質素可以話係意想不到地好 難怪咁吊腳都吸引到一眾上班族放lunch黎食 而更值得一提係呢度既裝潢 整體模仿一架火車既設計 牆上仲有熒幕播放大草原景色 搞到好似真係搭緊Eurostar咁🚂 係幾有心思既Taste:👅👅👅Value for Money: 💰💰Decor: 👏🏻👏🏻👏🏻👏🏻Location: 🙄(on a scale of 0-5 emojis)just one more photo:

初時見呢間餐廳有d 特別，以火車為主題，就膽粗粗去試下，位置唔太顯眼，餐廳裡不太大，座位不太多，西餐廳嘅格局，兩邊有幾個火車窗口， 模擬在火車上用餐。 比較適合情侶或三五知己聚會。餐牌食物選擇不算多，我地一行8人，一人一個餐基本都已叫晒佢Manu嘅野，仲要星期六晚8點已經冇咗pizza，個人認為食物太小選擇了。之後講食物質素，不過不失，唔算太好食，食物賣相還可以，但份量太少，以一個女仔來講都算少，男仔基本要叫兩個餐先基本k。價錢中高價，但價錢同份量同質素不符合，失望!中伏嘅感覺!

前幾日，因為朋友生日食飯，搵到呢間餐廳位於長沙灣 近明愛醫院，店位置比較難搵&隱祕用google map 都有d難搵，來回走左幾次先發現入口。CHOO CHOO 係火車主題餐廳，入到去好有行駛中的火車餐卡的氣氛。座位空間夠大同乾淨，服務生的態度5錯，但食物的選擇不多，份量偏少。我地揀左幾個菜 share 食，落單後只係等左5-10分鐘就有得食。第一道上的是火雞煙肉沙律，蔬菜清爽調味都好。之後開始上濃味的軟殼蟹墨汁蒜蓉意粉同芝士辣肉腸pizza 。西式的墨汁意粉彈牙配上中式蒜蓉，2者沒有搶味之餘仲配合得好好食。pizza 是廚師人手做，皮焗得香口又5會太硬，芝士不會太膩。我地食完仲覺得唔喉，追加左非常邪惡的啤酒炸魚薯格食，新鮮炸起脆卜卜幾個人食到停5到口。因為有人生所以預先book 左個特別的甜品（他們的蠟燭是仙女棒）勁有氣氛，而且店員超專業幫我地影相同介紹呢個，冇嫌棄我地阻住佢地收工。超讚！

找回旅行的感覺今日去長沙灣探完病同朋友揾下有咩好食,行過CHOOCHOO見裹面好靚,所以就左去試下入到去發現餐廳係用火車內部的設計既火車主題餐廳,好有旅行既感覺我地2個人叫左 shoulder of beef, 脆皮豚肉配胡椒番茄汁, 1664可倫堡啤炸魚&有皮薯條野飲叫左Pineapp coconut 同 Carrot apple juiceD餐好快就送到黎,好快就有得食了shoulder of beef的牛肉是牛肉白裹透紅,咬落去啖啖肉都係肉汁真係好爽口1664可倫堡啤炸魚&有皮薯條的魚是石斑,係真材實材,一切開魚的香味就出曬黎.脆皮豚肉配胡椒番茄汁的豚肉的外皮十分爽脆,好滋味2杯野食的用電燈泡的設計做杯,味道好濃郁的蔬菜味,好健康

又入長沙灣喇，朋友話想食西餐，一search就搵到呢間CHOO CHOO，見到原來係火車主題西餐廳，一於試試佢！店內裝修好stylish,牆上仲有monitor播緊風景既片，令到客人真係好似係火車入面食緊飯咁呀👍🏻👍🏻👍🏻餐湯 黑松露磨菇忌廉湯。本身個人唔太好黑松露，但飲落味道唔會太濃，好多磨菇小粒，幾鍾意😋Main dish叫左牛肩胛配露荀黑松露波特菇～事前店員都同我地提過會帶有少少筋，食落又唔算太韌。底層仲有塊波特菇，好juicy好入味，配埋啲蒜片一齊食，正👍🏻😋微辣白酒蜆意大利麵。呢道真係有驚喜，啲蜆好鮮甜！秒速清左我地飲品叫左手工啤，赤米。好得意既樽身，味道偏甜，岩哂女仔飲。iced mocha埋單個盒仔都好有特色添，總括黎講呢間小店環境都好舒適，食物質素中上，價錢公道。如果唔想食太貴而又想食特色既西餐，我推介呢間👍🏻

全間餐廳裝修到好似架火車咁 舖面好細 只係兩排座位 車窗一路播住瑞士既風景 好有feel🤗#牛肩胛配露筍黑松露波特菇 $228 見到枱枱都有叫 落單既時候店員推介食medium就聽佢講啦 平時ribeye/sirloin就食得多 呢度用牛肩胛真係唔錯喎 塊扒上面舖滿pesto butter刨到好似公仔麵咁幾得意 不過影相要快啦一陣就融哂架喇 牛肩胛係筋比較多既部位 比起riveye有口感 仲好有肉味 真係唔錯 不過份量少左啲 下面仲有大大塊#portobello 舖滿大量蒜片同黑松露 好滋味丫#微辣白酒蜆意大利麵 $148 都好大碟下 蜆大大隻又飽滿 dor食完數過有20隻蜆 意粉煮到岩岩好al dente 辣辣地好開胃總結環境好 服務好 食物好 不過呢個地段黎講都偏貴同埋選擇唔多 比較適合情侶/三五知己chill下 大夥兒聚餐就唔適合喇

是晚生日。友人訂左位咁就齊齊去。2人入到去開頭感覺細左d原來佢有2樓今次我地坐樓下（好似坐係火車入面有幾部大電視播片🤣😂）叫左杯甘旬特飲都幾特別同個燈泡飲😏蜆意粉。有辣味.蜆都好甜新鮮.不過個偏意粉好似唔太夾.旦都好味.唯獨我鍾意汁多過湯（因有少少湯汁）Pizza都唔錯.比得其他店既味道.如果多點醬汁（肉碎）會更更更好到左主打尼個我真係好欣賞---海鮮拼盤.佢煮得好滑.魚唔會鞋肉.魷魚岩岩肉有咬口唔係霉肉👍🏻.仲有帶子青口都足味👍🏻中蝦都新鮮彈牙👍🏻到個生日甜品..凍芝士爆芯草莓肉.我唔太食都食左一半😝服務員都有禮貌...開頭感覺一般..到中段覺轉好左😁😄😃甘旬特飲海鮮拼盤.真心推介蜆肉好甜.唯獨我鐘意汁多過湯好食..如果多料會更更更好

由長沙灣走到CHOO CHOO其實不太遠，大概十分鐘內已可到達。但大家可能需要多一點眼力才會注意到這間較隱蔽的小店，不過店外的鮮橙色裝潢應該都足以吸引大家的注意😜一走進店內，就好像踏上了列車一樣！並沒有誇張，因為室內設了半空李行架裝飾，兩旁皆有「大窗戶」，播放着路途景色，整個裝修又給人舒服放鬆的感覺，真的令我想起外國乘坐火車的情景。親切的員工給我們推介了週未才有的all day breakfast，不過見menu上有更特色的菜式，便選了其他。因為我們到達的時候大概兩點，還有lunch set 可選擇，貪吃的兩個女孩決定點三道菜嘗嘗😋先來的是「芥末籽燒雞牛油果沙律配溏心蛋」，整個賣相就是很誘人呀！沙律整體感覺很新鮮，配上酸酸的醬汁非常搭和開胃；燒雞切成細塊很易入口，內質鮮嫩又香口；很喜愛溏心蛋的我表示很幸福，蛋香充足又滑。不過個人認為牛油果份量略嫌少，牛油果愛好者可能會未夠喉😝然後是「微辣白酒蜆意大利麵」，這是一道清新的麵食！平時食意大利麵可能會喜歡大量醬汁，但這道菜的淡淡白酒香更突出小店對麵和蜆的注重！麵非常彈牙，配着清甜的白酒蜆，一點點的辣令人一口接一口又不覺膩。最後就是「慢煮三文魚